ابو اصطيف ود الحاجه سعيدة عمل ليهو عربيه .. فرحان بيها جنس فرح تقول قطر !! اها كل يوم ابو اصطيف ده موقف العربيه جب الباب وبيغسل فيها ..من كتره غسيل العربيه دي انا كنت بتزكرها لمن اشتراها في البدايه كان لونها ( كبدي ) هسع بقي لونها ابيض ناصع .
بيفتح العربيه ويقعد يغسل فيها كل يوم العصريه بعمل كده..عندو جنز ازرق قاطعو مخصوص لحكايه دي موضوع غسيل العربيه دا عندهم من جلسة في البرلمان وكمان عندو طقوس خاصه بي بالحكايه دي كلما يغسله بيشغل المسجل بتاع العربيه باعلي صوت ..عندو شريط لي (اصالة) كره بيهو ناس الحله
لكن الناس كانت فاهمه الحاصل شنو ؟؟
وعارفه اي حاجه من السلام عليكم لي طق طق .. حركاتو دي كلها بيعملها عشان خاطر
( هندويه) هندويه دي مكسر فيهو تسعه ضلع .. وما شغاله بيهو الشغله .. هو ده ممكن يحل ليهو مشكلتو وبقرب بيناتهم الخطي ولكن ( هندويه) راسها قوي شديد .. بتجي فايته فيهو وسلام ما بتديهو ليهو .. تقول قاتل ابوها ..
هو كان من يشوفها في الشارع ..يسوق عربيتو ويمشي عليها ويقول ليها ..علي الجامعه انتي علي شارعي ممكن اوصلك لكن هي ما بتديهو اي فرصه ..بتقول ليهو ابدا .. اي حته بقولها ليها ليه تقول ليهو معليش انا ماشية حته تانيه والحكاية دي معذبه ابوصطيف عذاب شديد معقوله (العربيه) ما قادر يستفيد منها اي حاجة ..دا تعمل دا
الموضوع طول وهندوية ما شغالة بيهو الشغلة وكل يوم العربية في المنطقه الصناعية يصلحو فيها وابو اصطيف جيبو انقده وهندويه ما عاوزه تحس بالحكاية دي ..
لكن في يوم حصلت حاجة غربيه شديد في الحلة الناس اتلمت ..الحلة اجتمعت .. وهندوية كانت راجعه من الجامعة .. لاقت ليها ولد ..قالت ليهو الحاصل شنو ؟؟؟ الولد قال ليها ابو صطيف
هندويه قالت ليها ابوصطيف مالو..؟
الولد قال ليها ابوصطيف وقع من كبري امدرمان الجديد بي عربيتو ... غرق ماااات طوالي..
والناس هسع بتبكي عشان مالقو العربية !!
مسكينه العربية ذنبها شنو ... ؟؟؟