مشاهدة النسخة كاملة : العقد الفريد


الشلال باشا
19-05-2008, 01:53
احبائي احباب النيل وعشاق الكلم الاصيل دعونا نفرد هذا البوست لابداعات العقد الفريد الماسي المتالق (عقد الجلاد) وها انا ذا افتتح برائعتهم الطمباره والغناي
وفي انتظار مشاركتكم بروائع الدرر السودانية العقدية

نحن اهل الفرحة جينى
لا المدامع وقفتنا ولا الحكايات الحزينة
لما درب الرايحة جابنا في هاذي المدينة
يا ولدي الدروب شقاقه بحر التيه
ليك درب ولا دربين مساك الدروب ضهاب
ليك قلب ولا بالين سواي القلوب كضاب
ليك ضهر ولا سرجين ركاب السروج وقاع
شق يا ولدي بحر التيه بتدردر وتتودر
ولامن يوم علي بدايتنا ديك ترسي
نعزك بالقبيل داخرينو ليك
الشوق بحر ياولدي بحر التيه
قتليك العليك ادرابو لا تنقش
ولا ترضابو لاتنقش
في الزمن الزميل والكي يسوقو خلال عشان الني
عليك الدور وتصريف اليالي بدور
تشيل ماشيلنا من الهم
ولامن دمعة ترمي الدمعه فوق دربك
روح يابا وابقي قفاك لاتعاين
ولاتعاين علي موضاك
ولاتندم علي خطوا تملي مشيتو لي قدام
وابقي العاتي زي صنتطنا وزي صبرا نلوك فوق مرو زي الزاد
لاشيتا نزل في الجوف ولا برجع ولابنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود
شيل شيلتك بقيت للنص لا حلما بجيبه البر ولا حدود
انبليت اختى الرملة ماتقع المكان الهش دي الممطوره مابتبالي من الرش
النعمة بتعرف عاطيها والجمره بتحرق واطيها
دقينا عطانا وما لقينا فوق جمر خطانا ومالقينا
يوم الوعد يا حلوة فيك الدنيا ماكانت شروق
الا الارض متكشفا ومتبلما نعم انو من خير الخريف لام حالها شال
يوم الوعد الفرحة خضره فرحة دوب تتشابي لي غيم الشمش
والبت حليوة اللابسة بيضه بيضه كذالحليب
والروح مشحتفة في البلود الفيها ريحتك
للبعودمن فزعت الغربة البساسق فوقه مو راجع ولابلحيل قريب
الروح مشحتف للحبيب القلب ببق الدنيا ما شافت جديدو ولا الحزن دقالو باب
لو شوفت كيف يوم الوعد كيفنو مترامي الغمام والقمري زغرد للبلوم
والنسمة هبت مرتين ياحليوة يوم دقيت في ارضك فاس خصيب
والتانية في يوم الوعد الايد تسالم في الايدين
والام تقالد فوق جناها فوق جناها تشمو زين
حليوة صاحية حليوة ضاحية كذا النسيم
يوم الوعد الدنيا غيم وحليوة جد جد ياولد
قول للبلد قايل غناوي الحب ليش شايل مساديرك مجاور دمع ليش
ليش يا بلد والناس تريد والدنيا كل مانريد تزيد
تملي الايدين تفرح تهش تفرح تهش تملي الايدين
لو صحي غنينا بالدمعة الحبيبة
لو دموع الفرحة ما لاقت غنانا
بكره نرجع تاني للكلمة الرحيمة
عشان هنانا عشان منانا
عشان عيون اطفالنا ما تضوق الهزيمة

الأميرة
19-05-2008, 06:11
لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول

الشلال باشا
19-05-2008, 15:36
الرائعة البرنسيسة مرورك شرف واتحف
مشتاقين وما لاقين

الأميرة
19-05-2008, 15:37
الرائعة البرنسيسة مرورك شرف واتحف
مشتاقين وما لاقين

ياشلال باشا
كان لقيتو أدوني خبر
لأني برضو في نفس الحالة
مشتاقووووووووووون ياباشا

الأميرة
19-05-2008, 15:43
اشعار : احمد محمد الغالي

الحان : عثمان النو



عيناك لي سقيا وحلاوة اللقيا
إن غابت الاصحاب وتركتو مقهوراً
عاراً بلا انخاب اتلصصو السقيا من فارغ الاكواب
عيناك عيناك
قلبي عليك يمور ياقارب البلور
من لحنك المكسور ياقارب البلور
قلبي عليك يمور ياقارب البلور
الكف صار عليل عليل يا قارب البلور
قلبي عليك يمور ياقارب البلور
لايرسم اللوحات ولا يحمل الازميل
قلبي عليك يمور يا قارب البلور
ان غابت الاصحاب وتركتو مقهوراً
عار اً بلا انخاب اتلصصو السقيا من فارغ الاكواب
عيناك عيناك

قطرة الندى
19-05-2008, 15:58
فاجأني النهار

فاجانى النهار

وأنا ماشى بيناتا

أتساقط باقي حنييييين

لسه عيونك ياها عيونك

تكسر باب الدم السري

وتجرى تنعس عشب القلب

وتبكّييي سماهو فراش

يا ناعس بين الخلوه وريحة الصندل

فلت الطين

النيل قصاها ضفيرتو

شرّاها رماد وفجا حنين

********

يسرى الحلم الموجوع

لابطلع وقت اللقياء

لا بهجرنى و جواي ضلوع

يا مولود مظلوم في رئتك

ميز ريحة المطره او اتخيل بيناتنا رزاز

انا حلفت بنات الشجر الماطر

مااااتنزل صفقه

تعرى صفير الرييييح

يلقى غناهو

ليل الليل الماكر

آآآآآآآآآآه

همست شجره لتانى شعاع رباني

شاااقي الحله

يدخل فرحة شافع

ويطلع ايقاع نوبه

لالالالالالالالا
لالالالالالالالا

نحنا حفايه في بلدك

اتلفتت فوق كتفينا

ود العين ندى وطار

ندى وطار عصفور

نبت فينى الريش

صفقت جريت جريت فرحان

ما تغطيني انا انا عرقان

من وهجي الفينى

لالالالالالالالالا

ابوكجنكي
19-05-2008, 18:51
انا معاك يا الشلال

مستمع جيد
شكرن يا حبيب

الشلال باشا
19-05-2008, 23:48
ياشلال باشا
كان لقيتو أدوني خبر
لأني برضو في نفس الحالة
مشتاقووووووووووون ياباشا

تفس القطارات والسكك يوم مقبلة ويوم مدبره

الشلال باشا
19-05-2008, 23:54
ابداع واحساس عالي جدا يا قطر الندي
وزوووووووووووووووووووووق

الشلال باشا
19-05-2008, 23:56
انا معاك يا الشلال

مستمع جيد
شكرن يا حبيب

مشكور علي المرور ونوعدك انو نعرض جمع ابداعات العقد قديمها وجديده وانشاء الله نصل مرحلة تنزيل القصائد اللنج

ابوالتومات
19-05-2008, 23:58
لي في المسالمة غزال
كلمات/ عبدالرحمن الريح



لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينه ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو

الشلال باشا
20-05-2008, 00:21
من قومته من بيتنا ومشيت
بطاقتي صوره مصغره
شايل معاي شنطة صفيح حزمت قروش
ولدا متين بقي للسفر والاغتراب والدردره
*************
كان الزمان لسع رضي والناس ظروفه مقدره
وانا في القطار اصغر صبي امال تفيض متفجره
لما القطار صفر وقف بهرتني صورة عطبره
دي محطة الوطن الكبيركانت تضج متحضره
ونزلت ماشي علي الرصيف اغبش هدومي مغبره
الهجره من زمننا قديم زي ساقية فينا مدوره
عايلت ابوي عبد الرحيم منحلفا جات متحدره
**************
عديلة هو ولا رفجلي الله
بنات تفوي موقيق كجلي الله الله الله
مورين مقوق كن جواب كفايه اوووه
دقيت تكجنن كورين نلجي الله الله الله
*************
نفس القطارات والسكك يوم مقبلة ويوم مدبره
كان عمري اتناشر سنة شايل التقيلة مبكره
رحال بدون زاد لا متاع كان لي كتاب ومفكره
لميت شتات بعض الحروف وقرايتي تبدو مكسره

الشلال باشا
20-05-2008, 00:32
لي في المسالمة غزال
كلمات/ عبدالرحمن الريح




سالبني في نار هواه شال قلبي يلعب بيهو


ابو التومات نورت البوست وجودك اسعدنا ومشراكة جميلة
معاني الكلمات
العقد : فرقة عقد الجلاد
sss1 sss1 sss1 sss1 sss1 sss1 sss1 sss1 sss1

mugahid ibrahim
20-05-2008, 00:41
أمونة
كلمات / محمد طه القدال
الحان / عثمان النو


ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى

وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومي
محبس النفس الرهيف

بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى

يا ديارى الوين ....نى
تور عفينة الشينة ..... نى
ما اضينة وزينة.....ني
تور عفينة الشينة....ني

سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم .......... السمسم ما كفاهم
جلبنالهم سعية

mugahid ibrahim
20-05-2008, 00:43
قالو العلم ممحوق

كتر الفهم ما بحوق

آخر الزمن يا ناس ودو الولد للسوق

إلا القرش خلاك خاوي الكرش والرأس

وين قلمك المسنون وين دفتر الكراس

قالوا العلم ممحوق قبال تشب سربوب
جزوك في الإحساس والتهمة بس في مين مسدودة في الحراس
قالوا العلم ممحوق كتر الفهو ما بيحوق
آخر الزمن يا ناس ودو الولد للسوق
ولد قوى ومقدام زيك حرام ينضام
إلا الصبر لابد يغلب قسي الأيام
عين الأمل بتشوف فجر الخلاص
قدم حظا سعيد للناس يتوارى في الأوهام
قالوا العلم ممحوق
مسجون وقيدك سيد

منك متين يتفك مبلوع في بطن الحوت مطبوق عليك الفك

شمس الحقيقة متين تطلع تزيل الشك


ترجع قرايتك يوم وانت العليك الرك
قالوا العلم ممحوق كتر الفهم ما بيحوق
آخر الزمن يا ناس ودو الولد للسوق

كليل
20-05-2008, 08:58
اشعار محجوب شريف

الحان/ شمت محمد نور


تبتبا تبتبا تبتبا تبتب

باكر تعرف تقرا وتكتب

وياما ترتب

نحنا بنحلم وكم نتمنى

هي تحقق كل ما تحب

تبني حياتا الند بالند

اي مكانة وخانة تسد

هدهدا هدهد كل الورد ينوم ويفرهد

زي عصفورة تطير وترك

تحبا وتمسك وتاني تفك

سيبا تفكفك سيبا تلكلك عايزة تنطط

بكرة حترسم وياما تخطط

بكرة حا يبنوا مدائن ضو

ما بيعكر صفو الجو صفارة حرب

تشطب من قاموس الدنيا

الضرب الشك الخوف

ينعموا كم بالشم والشوف واغاني الحب

افتح بابك آمن تب

زي ما النهر بيلقى مصب

اي حمامة بتلقى الحب

تلقى الورده الندى في الكم

تلقى حداها جناها الام

يرضع صافي حليب الحب

نقدل نحنا الجد والعم

تملا عيونا كهارب سد

باباً جاب الهم والزم والصد ينسد

نفرح لما ندمع جد

مد البصر الامل يمتد

العمل يشتد البنا ينتم الغنا يمتد

هدهدا هدهد

اكتبي اكتبي الف المد

حمام وسلام وسعادة بجد

اكتبي اكتبي ياء المد

سرير وعصير وعبير ينشم

اكتبي اكتبي واو المد

حقول وعقول تقرا المجهول كتاب الغد

اكتبي علم وسلم

لا حد يئن لاتسمع بم

لا ينزف دم

لا يعجز رد

لا يعجز طب

لا دمعه في خد

تبتبا تبتبا تبتبا تبتب

كليل
20-05-2008, 09:08
مُسْدَار أبو السُّرة لي اليانكي
الشاعر : محمد طه القَدّالْ
اللحان : عثمان النو


أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني



خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ



مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي



قولَنْ لي الأَخْلو ديارو

دمّكْ فَرْهَدْ في نارو

غَوّرْ في الأرض

طارو صَقْرين

ولاد الأرض ما طارو

لحمي غَطّى بِنْ عَمِّي

شو صار حالو يا إمِّي

منديل العِرْضْ في بيت الدِّينْ

دمِّي ما يخلِّي دمِّي

إمنّا من دير ياسينْ

صِرْنا في جِزْر التّين

عَمْ نسقى بعضْ

حُبّ الزّيتونْ بدّو يرجع للطينْ



صابرا تحت الدورية

صابرا فوق الدورية

صابرا فوق الدورية

يا حال الضِّدْ

لحم الطِّفلين نابت غُصنْ الحريّة

جِذْري مو في شاتيلا

ما قال حالي يا ويلا

حِنّا في الأرضْ

أرضِ فلسطين

يا إمِّي هيلا هيلا

يا إمِّي هيلا هيلا

يا أُمِّى هيلا هيلا

هيلا

هيلا

هيلا



هيلا وهيلا يا ابو السُّرة كُجْ العين

تخبر الشّينة من الزّينْ

تَفُرْز الطّاري من السّاري

يا ابو السُّرة كُجْ العينْ

ومدُّو صباعك السّبابي

قول لي الغَافي هويْ يا زول

هوي يا غافي يا زول هويْ

أرخي الغُردة للعَنّافي

شِدْ القمري بالحوبابي

في مسدارنا

شِلْنا نهارنا


في إيدينا من ساسو البحر عقدينْ

مَسَكْنا دَرِبْنا

عُمّال الطّمي الصّحونا

خابرين الدِّروب مرقوبنا في مُشْرع مَسَارب الضّيْ

لقينا الدُّنيا تترجّانا

قوقا القِمري

خَوّى صقيْر

وعَوّى حِدَيْ

وكُنّا جماعة

دابّات الأرض والسّايمة

عَوّامة البحر والطّيرْ

وحتى الغيمة قصّاصة الأَتَرْ

فوق راسنا شايفة الدّربْ

ضِنيب اليَانْكي

قال القمري لي الضُّليلة :

خَلِّكْ صاحية زوغ اليانكي لا يودِّرنا

قال الدّابي :

إن يغباها ما بيغباني

ولمّا الشّمْ مودِّعة غاربة

وَصّتْ جملة الصّقّار عيونهنْ كَارْبة :

أبقو أَلِفْ

بَفوت لي المِتْلَكُم ناهضينْ

وفوق ديناب عريباً غادي

قال السِّحْلي لا نغشاهم

ديل عُربانْ توابع اليانكي

قال الجمع لا نغشاهم

ديل عربان توابع اليانكي

خَلُّوها العريب الغايبة

والسّراقْ طبيقو معاهو

تيجاناً عروشها الخروعْ ..

الهَشْ ..

العَويشْ

الناّر تَعَلِّبْ فوق عُقَال العَرْشْ

ولا خَسّانا بي هادي العروش الهـُرْبة

يا ابو السُّرة .. لا عَقّالْ

مَسَكنا دربنا

والشمس البتوقد فوقنا

ولمّ لميمنا

لمّ لميمنا والشّمش البتوقد فوقنا

شدّ شديدنا لا التِّمثال مَشيّلْ روقنا

عَالَم حُرْ يدوعِلْ فوقنا

لي يوم سوقنا

نبزُق فيهو .. في ود عينو جَرْ واسوقنا

يا شمسي طِلِّي .. طِلِّي

شاوري عَ بيتي دِليِّ

كَيّال الكيل .. ختياري ماتْ

ظِلِّي عَمْ يحرس ظِلِّي

عَادِلْ عَ خَييّ ميلي

خَييّ ما يحمل شَيلي

ما خَفّ الشّيلْ

ثاني المرّات ناطِرْ رصّاصِي سيلي

عيني في الفيل ما ظِلّه

كِلْنا ندريه ما نضِلّه

يا ويل الويلْ

نرمي الجمرات عَدِّ المستشْهِدْ كِلّه

همس الشوق
20-05-2008, 14:05
WIDTH=400 HEIGHT=350

الناس ظروفها مقدره

الشلال باشا
20-05-2008, 18:23
WIDTH=400 HEIGHT=350

الناس ظروفها مقدره

همس الشوق تميز بمعن الكلمة
تحياتي وشكري

الشلال باشا
22-05-2008, 21:00
الناس في بلدي يصنعونن الحب
كلامهم انغام ولونهم بسام
وحين يتقابلون ينطقون بالسلام
عليكم السلام سلام عليكم عليكم السلام
***************
لان من زره بلدي ترقرق السلام
**************
الناس في بلدي يصنعون الحب
كلامهم انغام ولونهم بسام
وحين يتقابلون ينطقون بالسلام
عليكم السلام سلام عليكم عليكم السلام

الشلال باشا
22-05-2008, 21:27
بسم الله ابتديت متل البرق لاحت
الشين والفسل بقينا نتباحت
طال الكان قصير والعالي اتاحت
والصولات حليلن ملكتن راحت
*************
مالك يازمان شبعتنا هولا
لبست الناس تيابا حاشا مي هولا
ياك من كان يجي دماع ومبهولا
اللله راحت مين البواجهولا
***************
مالك يازمان شبعتنا وح ووحيح
صحت دون كضب كضب العوالي صحيح
ياك من كان انا جعلتو لي صليح
عقرب حظ لي ويا نفس زين ومليح
*************
في احوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفد سوق النفاق سوق السمح باير
**************
تب الشباب ان بقي كواس
تب الصبي ان قطع المروة خلاص
تب الشايب ان بقي وسواس
تب الاقربين الاتفاتتو الامغاس
************
الاهلية كملت يا حبيب راحت
ياحليل شمس المحنة الغربت طاحت

الشلال باشا
23-05-2008, 15:35
الفرصة عندكم ياشباب