المساعد الشخصي الرقمي

مشاهدة النسخة كاملة : ود النصرى - أمانه عليك

manoklm
15-09-2009, 13:15
أمانة عليك

الشاعر : خالد الباشا

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيـــــــــــوت
عثمان إدريس
16-09-2009, 10:47
منال

ياحليل الراعي الرسمي لود النصري في المنتديات السودانية .. هسة لو كان في كان بوستيك دا

اندعم بالصورة و الصوت وكمان التحلية :d
manoklm
17-09-2009, 23:43
منال

ياحليل الراعي الرسمي لود النصري في المنتديات السودانية .. هسة لو كان في كان بوستيك دا

اندعم بالصورة و الصوت وكمان التحلية :d

عثمان ازيك

المعنى يعنى التحليه ماف :trrr1::trrr1:

والحاصل شنو للراعى الرسمى

نان يباقى لى فى زول عندو الاغنية و بى ندور يدينا اياها
كدى ساعدونا يا حبان
وانت ياخ ما تنزل الغنا السمح

تعرف يا عثمان حتلت هنى
وقدر ما عافرت الرابط ما اشتغل
ويخرب ياخى ما سمعت شى
ود النصرى فنان وبمسعو وكتين المزاج يكون رايق
كل الود sss1sss1
عثمان إدريس
28-09-2009, 10:26
كدى ساعدونا يا حبان
وانت ياخ ما تنزل الغنا السمح


http://www.sudani.ws/music/mohamedalnasri/amana_aleek.html



تعرف يا عثمان حتلت هنى
وقدر ما عافرت الرابط ما اشتغل
ويخرب ياخى ما سمعت شى


انتي الرابط المعاك يوتيوبي وبتحاولي تشغليهو بي ميديابلير :eek: كدا ما حتظبط معاك :D