قنـــاة كــــروان الفضـــــائية [الأرشيف]

كروان

30-11-2009, 00:12

[CENTER]بحمد الله تم افتتـــــاح قناة الكروان

الفضائية بفندق (الحاضر يكلم الغايب) علي يد الآنسة كروان مدير عام القناة

ولقد شرف الاحتفال السيد رئيس جمهورية (كاني ماني الشعبيه) ووزير وزارة (تشموها قدحة

المالية) وايضا وزيرة (انا مالي ومالن للشئون الاجتماعية) وعدد مقدر من نجوم مجتمع

(البشتنه رقدت الرياضية) (وإتحاد رجال الاعمال الفهلواني ) وبحضور عدد مقدر من سيدات

(فشخرة الاعمال والبوبار التجاريه ).

ولقد أشتمل الاحتفال علي فقرات متنوعه وشيقه ولقد اطرب الحضور الفنان العالمي

(قدح الضيفان) القادم من العاصمة الضبابيه

(كنكشتوبينا) ،كما تغنت الفنانه الجميله

حتتو قرض من ريفي مدينة

(الرقدو قش)

وفي ختام الاحتفال تم إطلاق الالعاب النارية إيذانا بإنطلاقة القناة عالميا.

وقد قامت الانسة / كروان بتكريم السيد رئيس جمهورية

(كاني ماني الشعبيه) .والوفد المرافق له وايضا قامت بتقديم بعض الهدايا

الرمزيه للضيوف الاعزاء للتشريفهم حضور حفل الافتتاح

ابوكجنكي

30-11-2009, 00:18

كل عام وكروان بخير
جينا بدري وعارفين وكنا حااضرين اطلاق القناه
يطيب لي ان اتشرف بصديقتي وقريبتي الجميله كروان
سيده الاعمال والكاتبه والشاعره وان افرح باطلاق فناتها الفضائيه ولا لانت لك قناة يا كروان
لمن لا يعرفون كروان اقول
كاتبه وشاعره وسيدة اعمال
وفوق ذلك جميله ولها الق
مبرووك افتتاح القناة
ونحن مشاركين
ادونا مذيع
ولا مقدم برامج
جاهزين لاي خدمات

ابوكجنكي

30-11-2009, 00:20

الفكره حلوه
البوست دا عاجبني

كروان

30-11-2009, 00:25

وعلي هامش الافتتاح تم عقد مؤتمر صحفي تحدث فيهو وزير الاحلام والاعلام عن الدور

الكبير الذي تقوم به القناة تجاه المجتمع من معالجة لكل القضايا العالقه في مختلف

المجالات ...

وايضا تحدثت الانسه كروان بصفتها المالك للقناة وذكرت فيما معرض حديثها ما تواجه

القنوات الاخري من .............؟؟؟؟؟؟ (والله ماعارفه من شنو دي )

وقد حضر عدد مقدر من الصحف اليومية مثل صحيفة ( الخبر المزيف ) وصحيفة

(الحقيقة الضائعة) وصحيفة (شمارات منقوله) وصحيفة (أخبار بايته) وراديو وتلفزيون

(تموت تخلي تحيا تلقي) وإذاعة (إف إم 120 نجر شديد) لتغطية حفل الافتتاح وايضا لقد

حضر مراسلو بعض القنوات الفضائية الاخري من تلفزيون (جيناكم يا حبايبنا) وتلفزيون

(ما بنمشي لي ناسا ما بجونا) وتلفزيون (ما قال بجي مالو ماجا) وغيرهم من القنوات

الفضائية الأخري .

كروان

30-11-2009, 00:48

* قناة شمارتية تهتم بقضايا الناس الكبار والشباب والشفع

* قناة تفك الزهجة

* تطرب النفس المتألمة

* تساعد في قضاء الحوائح ( خطوبة – زواج – طلاق – نفقه – استثمار عقاري –

استشارات –دراسات جدوي) والخ ...........

* تقدم خدمات طبيه (علاج بالاعشاب – رقيه – ودع – دجل شعوذه بالبياض بس )

* منوعات

* اخري متفرقه تأتي في حينها

كروان

30-11-2009, 00:52

يا ربي نبدأ بي شنو في البث التجريبي دا

خلاص نبدأ بالقرءآن الكريم

بسم الله الرحمن الرحيم

قال الله تعالي ( رب أشرح لي صدري ويسر لي أمري وأحلل عقدة من لساني يفقهوا قولي)

صدق الله العظيم

كروان

30-11-2009, 20:11

الساده مشاهدي قناة الكروان الفضائيه يمكنكم ضبط القناة علي القمر الصناعي حب النيل سات

بتردد 7549 ميجا حب استقطاب عمودي .A2/A3

Channel Karawan space love Nile Sat A2/A3 Frequency 7549

طبعا 7549 دا رقم عضويتي

:c030: :c030: :c030:

كروان

30-11-2009, 20:51

ذات صباح شممت رائحة القهوة الجميله المعتقه بالجزنبيل والقلوة

فطعم القهوة الصباحي طعم جميل كطعم الوطن وإمتداد رائع لجغرافيته الاخاذه ...

فعندما يتثاءب الصباح ويشرق باللون الأصفر المتوهج ، يتولد فينا احساس

جديد وميلاد جديد بطعم الاشياء من حولنا ،

فعلي ظلال الحياة الوارفة نجلس ونستكين لنرتشف فنجان القهوة الدافيء باللون الداكن ..

بحبات السكر المذابه كذوباننا في روعة الاشياء من حولنا ...

كروان

30-11-2009, 21:42

ياطير يا طاير لي حبيب زي اليمام

هادي طبعو زي صغير قبل الفطام

ديمة ضاحك ثغره يعلوه ابتسام

من فؤادي ليهو ليك ألفين سلام

:trrr6: :trrr6:

كروان

30-11-2009, 22:34

ســلام ســلام ســلام لي أهـلي فــي الســـودان

سـلام على الدومـــــة والطنبــور وغصن البــان

سـلام على النيـــل وقمـر الليــل وحسنــه الــكان

سـلام على الجنــوب والشــمال بـي وحدة الســودان

سـلام على البنـات والبنيــن دخـــرينا للســــودان

سـلام على الجــوامع والكنائس لي نــصرة الســودان

يــا أهلي فـي الســــودان يا أهلي فـي الســـودان

ســـلام ســـلام ســـلام

الأميرة

30-11-2009, 23:16

كروان

01-12-2009, 00:10

الفكره حلوه
البوست دا عاجبني

العزيز أبو كجنكي

سعدت بكلماتك جدا وح تكون مصدر فخر واعزاز بالنسبه لي

وكونك أول المهنئين والمشجعين والداعمين للفكره ..

وبيكم القناه ح تنطلق لي فضاءات ارحب واجمل

وكن معي كزخات المطر يارائع

:trrr6: :trrr6:

كروان

01-12-2009, 00:23

ممكن أطلب إهداء لو سمحتي يامديرة القناة
أغنية بتعرف للبلابل
وأهديها لجميع الاهل والاصدقاء البنحبهم وبنعزهم ;)

والله ياكروان بوست جميل وفي قمة الروعة
إن شاء الله تسلمي يامبدعة
مع تمنياتي القلبية بنجاح قناة كروان الفضائية
وإلى الأمام يارائعة

الأميـــــــــــــرة الأميــــــــــــــرة

لحضورك الانيق أطنان من الود والجمال والرقه

روعتي نابعه من تواجدكم بين حروفي وكلماتي

وانشاء الله طلباتكم اوامر ...

أول اهديك كلمات الاغنية ومهداء لكل الاعزاء لديك

:trrr6: :trrr6: :trrr6:

بتعرف اني من أجلك مشيت مشوار سنين وسنين

مشيت في الليل الى الغربة على الكلمات ودمع العين

وعشتك لما فارقتك.. حروف تتغنى تغهنا بيها حنين

بتعرف انت ما بتعرف.. انحنا في حبكم هايمين

بتعرف

ودارت دورة الأيام ونحن مع الزمن اغراب

متين تتحقق اللقيا ومتين يتقابلوا الأحباب

شربنا دموعنا ما روينا.. حملنا الشوق ملانا عذاب

وقلنا نجرب الصحرا.. لقينا تعبنا كلو سراب

بتعرف

قليل يتحقق المشوار.. بدور في دربك امشي كمان

وتحفى رجولي وتقطر دم.. واسبح في الطريق عطشان

محبة كتيرة في قلبي.. ودعوة تمجد الإنسان

وانت نموذجي الطيب.. نموذج يلهم الفنان

بتعرف

إختيار جميل ح انزل ليك الاغنية انشاء الله

:trrr6: :trrr6: :trrr6:

ابوكجنكي

01-12-2009, 14:48

اها
القناه عملت معاي لقاء عن ايام العيد
مشيت اشتريت اربعه خرفان
واحد لي
والتاني لي ضيف جاي من ابها يعيد معانا
والتالت والرابع لي جيراني
ليه انا المشيت اشتريت
عشان ودعرب نجيض
بعرف اعزل الخرفان
المهم
جبتهن البيت وربطهن في الحوش
عندنا حوش كبير وضبحنا يوم العيد
وتاني العيد
الشربوت كان جاهز
والشيه دورت
اربعه ايم من الشيه المتواصله وشراب الشربوت البريء
والاجازه كانت حلوه وطويله وبكره اول يوم دوام
وشكرن يا كروان علي اللقاء الجميل
واشكر القناه وكل المشاهدين

ابوكجنكي

01-12-2009, 14:50

سعدت باتصالات بعض الاخوه في المنتدي
ومنتدي اخر مشارك فيهو جوني كلهن
عملنا زي منتدي مصغر في البيت
وكانت ونسه لاخر الليل

ابوكجنكي

01-12-2009, 14:52

من الاشياء التي اسعدتني في تاني يوم للعيد
نزول كميه من الامطار علي مدينه الرياض
مطره ضهريه امتدت لاخر الليل
اسما ام دالوج
الاولاد ونحنا فرحنا بيها جدن

ابوكجنكي

01-12-2009, 14:54

القناه دي ناسا في اجازه
الان نقدم ليكم اغنية
القمر في كنانه
مع الموسيقار بشير عباس
والنشره بعد قليل

ابوكجنكي

01-12-2009, 14:55

موجر الاخبار
طبقه في السودان مبتهج وكويس
طارق اخبارو مقطوعه
بنتصل عليهو ما برد
ابقي مارق يا حبيب

عثمان إدريس

01-12-2009, 16:13

القناة دي شكلها ح تلحق هارموني .. :d

عثمان إدريس

01-12-2009, 16:14

لانو من بدت سرعتها في البث كانت مهولة ودا بيدي انطباع انو نفسها قصير :d

عثمان إدريس

01-12-2009, 16:14

وكمان شكلها كدا حقت غبش عشان كدا ما أظن يقدرو علي الضرائب البقررها ديوان الضرايب :d

مجدي خالد

01-12-2009, 20:37

بي المناسبة أنا عندي فديو كِلِبْ خطيييييييييييييييييييير
أتمني تبسوهو لي في قناتكم الجديدة بس مايكون فيها ( حارس البوابة )
بتاع جماعتنا ديك

كروان

01-12-2009, 22:44

القناه دي ناسا في اجازه
الان نقدم ليكم اغنية
القمر في كنانه
مع الموسيقار بشير عباس
والنشره بعد قليل

هههههههه

أبوكجنكي

بي ايدك وشديدك داير تبقي مذيع ، ما عندك مشكله انشاء الله

بعدما يجو الناس من الاجازة ح ننزل إعلان عن وظائف شاغره

بالقناه ، وعلي الرغم من وجودك اكتر من مدير القناة زاتو شكلو

كدا ح تكون مدير البرامج قريب بدون إنترفيو .......

:rolleyes: ;)

كروان

01-12-2009, 23:00

القناة دي شكلها ح تلحق هارموني .. :d

الأخ عثمـــــــــــان ادريس

كل عام وانت بخير وربنا يحقق كل الأمنيات

طالما في ناس بالتميز والأبداع حقكم دا

أكيـــــــــد ما ح تلحق هارمـــــــــــــوني

وشكــرا لحضـــــــــورك الانيــــــــــق

كروان

01-12-2009, 23:13

لانو من بدت سرعتها في البث كانت مهولة ودا بيدي انطباع انو نفسها قصير :d

ما زلنا في مرحلة البث التجريبي وإنطباع الناس عن الفكرة

ولو ما كان البث التجريبي من الأول وقوي

دا بدي انطباع عن ضعف اداء القناة وإمكانيتها الفنية ....

كروان

01-12-2009, 23:45

اقسي انواع الشعور هو ان تحس بالفجوة

عندما لاتجد من لا تبثه اسمي ايات

العطف والحنان والمشاعر

التي تحسسك بكينونتك وقيمتك

فالفجوه تأثيرها قاسي ومؤلم علي القلب

فكل واحد منا بحاجة الي رفيق او صديق

او قريب يقتسم معه المعاناة

وحلاوة الحياة ومرارتهـــــــا

كروان

01-12-2009, 23:47

ولكن ماذا عن الباحثين عن قليل من العاطفة

او بعض من الحب او شيء

من حنان الابوة او الامومة او الصداقة

انهم يعانون الحرمان اكثر من غيرهم

داخل ما يطلق عليها المنطقة الوجدانية

او ما يعرف بالفراغ العاطفي

وهو داء وجداني لاتنفع معه الوصفات

الطبيه ولا العشبية

كروان

01-12-2009, 23:49

علي ان المعاناة تكون اكثر ايلاما

للذين لم يعشوا تجربة الحب

ولم يتذوقوا طعم تفاصيله

او ازواج وزوجات تيبست مشاعرهم

وضرب حياتهم الجفاف والتصحر العاطفي

او اناس جبرتهم ظروف الحياة للهجرة

والغربه عن الاوطان فهؤلاء

فراغهم العاطفي اكبر بكثير لانهم يعانون

الامرين مرارة العيش وفقدالاحبة ......

كروان

02-12-2009, 00:20

بي المناسبة أنا عندي فديو كِلِبْ خطيييييييييييييييييييير
أتمني تبسوهو لي في قناتكم الجديدة بس مايكون فيها ( حارس البوابة )
بتاع جماعتنا ديك

الأخ / مجــــــدي

كل عام وانت بخير

ماعندك مشكله جيب لينا الفيديو كليب بتــــــــاعك

والكنترول يقوم بي مراجعتتو وبنزلو ليك انشاء الله

شكرا لحضورك

كروان

02-12-2009, 01:27

عثمان إدريس

02-12-2009, 10:45

..سؤال هل تصرف الزوج رجالة ولاعوارة ولا رايكم شنو ؟؟؟

مش ممكن يكون نبل منو في عدم فضح الأمر من جانبه .. لأن اي تصرف آخر سوف يخرج عن محيط ثلاثتهم ..!!

ما يرجح كفة نبله هو عدم تحميل الزوجة وزر فعلتها بأن قال لها اختلقي ما شئت من أسباب طلاقك !!

ولكن هل هي فلعن حقيقة :mad:

كروان

02-12-2009, 11:28

مش ممكن يكون نبل منو في عدم فضح الأمر من جانبه .. لأن اي تصرف آخر سوف يخرج عن محيط ثلاثتهم ..!!

ما يرجح كفة نبله هو عدم تحميل الزوجة وزر فعلتها بأن قال لها اختلقي ما شئت من أسباب طلاقك !!

ولكن هل هي فلعن حقيقة :mad:

الأخ / عثمان

صبـــــــــــاحك زين

نجد أن المجتمع السوداني رغم تماسكه الاخلاقي والتربوي به كثير من القواعد

والسلوكيات الغير سويه مثل كل المجتمعات الاخري ، فقد تكون هنالك ظروف دفعت الزوجه

لعمل ذلك وقد تكون هنالك ملابسات اخري حول القضيه نجهلها نحن القراء وقد يجهلها الكاتب

ايضا ، مع استنكاري التام لفعل الزوجه وهو فعل منافي لكل الشرائع والعادات والأعراف.

فإن لم تكن هذه الواقعه حقيقية فهنالك كثير من الوقائع المشابه لها التي يعج بها المجتمع مع

اختلاف الاحداث.

وقد يكون نبل الزوج هو أسوأ عقاب للزوجه وقد رأينا ما حدث للزوجه من تعذيب ضمير

ابوكجنكي

02-12-2009, 16:49

احي الصديقه كروان وجميل الحكي في تلفزيون الواقع
برنامجك جميل لكن اسمو شنو ؟

وبتزاع بتين عشان المداخلات وكده

بخاري يوسف

02-12-2009, 18:57

المسلسل اليومي ,. حوش الخروف فاضي

بخاري يوسف

02-12-2009, 19:00

بتزاع بعد الليل .للاعلانات الاتصال على..1525142

بخاري يوسف

02-12-2009, 19:01

سلاااااااااااااااااااااااااااااااااام

saricom

02-12-2009, 20:51

سؤال هل تصرف الزوج رجالة ولاعوارة ولا رايكم شنو ؟؟؟

:confused: :confused: :confused:

ليس القوى بالصرعة وانما القوى من يملك نفسه عند الغضب
دا التصرف القويم وما بيقدر عليه زول ايمانه قوى
والفهم الصحيح انو دا كمل الرجالة زاتو كونه صبر على الكلام دا

مرحب بيك فى حب النيل والقناة فكرة حلوة ونتمنى انها تتواصل

بى غادى
هوى نحن جينا

ابوكجنكي

02-12-2009, 23:23

المدير العام شخصيا ساري كوم
في قناة الصديقه كروان
ما بصدق
نحن مبسوطين جدن
زياره المدير العم تسعد القناه
ومدير البرامج ابوكجنكي

الأميرة

03-12-2009, 01:20

كروان الجميلة والرائعة
أسمحي لي أهدي تلك الأغنية الجميلة لهذه القناة الرائعة ولمديرتها الراقية كروان

http://www.youtube.com/watch?v=0OnOdV_16qc&feature=player_embedded

وأقول ليك ياحبيبة

http://www.asacorner.com/cards/eshtegta500_300_small.gif

:trrr6::trrr6::trrr6:

ابوكجنكي

03-12-2009, 02:03

لمعلوميه المشاهدين
القناه تعمل لمده اربعه وعشرين ساعه

هناك خبر يهم الساده الرياضيين
ترقبوهو

ابوكجنكي

03-12-2009, 02:03

ستنقل القناه يوم الجمعه
مباراه المريخ والهلال

حضروا حالكم

ابوكجنكي

03-12-2009, 02:05

هناك جايزه قيمه
لمن يتوقع النتيجه
عثمان خرماج دي ما بتقدر علي توقعا

خليك بعيد

ابوكجنكي

03-12-2009, 02:06

الاميره شنو ما تهدي لينا غنوه
ولا ورده
ولا اي شي
كروان براها؟

قرقور

03-12-2009, 02:36

عواااااااااااااااااااافي مساء الانوار

Honey

03-12-2009, 10:53

ابوكجنكي

03-12-2009, 13:05

عواااااااااااااااااااافي مساء الانوار

قر قور كل عام وانت طيب
مرحبن بك في قناة كروان

مراسلنا في دولة قطر الشقيقه

شد حيلك وجيب لينا الاخبار

ابوكجنكي

03-12-2009, 13:06

هوني مساك سعيد
كل عام وكل الخير

Honey

03-12-2009, 13:14

هوني مساك سعيد
كل عام وكل الخير

وانت بالف خير ياجميل في الذمن الصعب..

كروان

03-12-2009, 14:36

المسلسل اليومي ,. حوش الخروف فاضي

مرحب بيك عزيزي المشاهد وفي انتظار الحلقه الاولي

من المسلسل اليومي ( حوش الخروف فاضي )

أوعي تعمل فيها نايم

كروان

03-12-2009, 14:54

بى غادى

هوى نحن جينا

المدير العام شخصيا

يالهليت فرحت قلوبنا إطريتنا الليلة وجيتنا

كنا فرشنا السكة ورود لو كلمتنا كان بالجية

خطوة عزيزة ويوم موعود الخلاك تطرانا شوية

تسال فينا وتجي حارتنا ودابة الفرحة الليلة غشتنا

الحظ الجانا غشى سكتنا جانا وجابك لينا هدية

يالهليت فرحت قلوبنا إطريتنا الليلة وجيتنا

شوف شتلاتك كيف نشوانا والفل فرهد فرحان في البيت

والريحان طربان يتمايل غازل زهرة وعاين ليك

كل البيت خليتو في فرحة ضحكه قلوب وقلوب منشرحة

جيت واكتملت بيك اللوحة تسلم سيرتك

أهــــــــــــلاً بيــــــــــــــــــــك

كروان

03-12-2009, 15:02

كروان الجميلة والرائعة
أسمحي لي أهدي تلك الأغنية الجميلة لهذه القناة الرائعة ولمديرتها الراقية كروان

:trrr6::trrr6::trrr6:

أميرتنـــــــــا الرقيقه

إنشاء الله تسلمي علي الاهداء الرائع بروعتك

ويا إنت حنيني ليك حنين زولا حنين

:trrr6: :trrr6:

كروان

03-12-2009, 15:12

عواااااااااااااااااااافي مساء الانوار

أقابلك في زمن مـــــــاضي ..

وزمن جــــــــــاي وزمن لسه

أشوف الماضي فيك بــــــاكر

أريت بـــــــاكر يكون حسه..!

:trrr6:

عوافيات مسائيات كتيرات

شكر لمرورك الجميل بجمال توقيعك

كروان

03-12-2009, 15:23

ومن اخبارنا الداخليه انفجار شديد في المشاعر يؤدي الي تعطيل حركة الاحساس بالمكان نسبة
لاقتراب وداع كل من العزيز طبقه الازون والعزيز طارق صديق..

وتفيد الانباء بأن من المتوقع حدوث انفجار ثاني عند توديع العزيزة همس الشوق...

خدلك ساتر بلييييييس.....:d:d:d

نشكر المذيعة المتألقه هوني التي وافاتنا بالأخبار المحليه

ونحن في أنتظار المزيد من الأخبار والشمار

هوووووووووني يا هوووووووني

قالو الكلام كان ما زادو ما بحلي حاولي في كل

مرة تجيبي فيها اخبار تزيدها لينا شمار شمارين

عشان تحلي شويه ويكون الأخبار عندها نكهه

:trrr1: :trrr1:

بيني وبينك بس

بكلم ليك أبو كجنكي مدير البرامج ( اللسه ما عيناهو )

إتوصي بيك بعدين في التعيين

:c030: :c030:

كروان

03-12-2009, 15:37

أحياناًً قد تكفي إصبع واحدة ..

لتحول دون إنهيار السد الكبير..

وقد تأتي شمعة واحدة لتـنـير كل الظلام المخيف..

وقد تؤدي لمسة واحد ه حانية إلى تجفيف منابع الحزن..

وقد تغير ابتسامة حب صادقة الواقع المؤلم إلى أمل مشرق..

كروان

03-12-2009, 15:41

فالحياة بدون شخص نحبه باهته ...

تصفر فيها الريح لا طعم لها ولا لون لها..

كم هو مخيف ظل العصفور وهو وحده بلا أليف ..

حينما يرحل قبل أن تغيب ..

الشمس أو تجيء الريح ..

كروان

03-12-2009, 15:44

فالوحدة شديدة المرارة والغربة موجعة..

ليس في طاقة المرء أن يتحملها..

وكيف للمرء أن يتحمل ألآم الوحدة

ومعاناة الغربة وهو يدرك جيداً أن الحب

بإمكانه أن يبلل جفاف حياته وأن يمنح

لحظاته ضحكة الحلم ورقصة الربيع..

ويتسرب إلى فصول الروح، من شقوق

الجروح.. ..

كروان

03-12-2009, 15:47

فالإنسان عندما يجد شخصاً

يحبه صدقــــاً ويقيناً

فإن هذا الحب يحميه من الخوف

ومن الشعور بالوحدة ومن الحزن..

:trrr6: :trrr6:

ابوكجنكي

03-12-2009, 16:40

الاندياح الجميل
للاديبه الشاعره كروان

اديتي السودان منظر
زي طاحونة ود ازرق

ابوكجنكي

03-12-2009, 18:06

آلو آلو
آلو يا منى
ويجينى صوتك زى غنى
الحروف والضحكة تبقى
احلى ضفة
اشواقى ترسى عليها وتحضنها
والمسافة البينى البينك
تبقى بس
انتى وانا

ابوطلال

03-12-2009, 18:08

قناة كروان
هل تقبلونى مراسل من المملكة العربية السعودية من المنطقة الغربية
وعلى ضمان ابوكنجكى
انتظر الرد

ابوكجنكي

03-12-2009, 18:09

منى منك
حقو تعرفي انى انك
لما تكتبي في الغباشات الوضوح
لما تنزفي زى حنك
حقو تعرفي انى انك
لما تبكى سحابة فرقة
تضحك الواطة اليباب
لما تحزن ساقية تبكى
كل شاعر في الشجن تلقاهو داب
الغنيوات تبقى منهل
والمشاعر والصحاب
لا سكت صوت المغنى
ولا حزن بوح الرباب
منى منك
حقو تعرفي انى انك
كلما عارضني خوفك
تلقى انى بعيش حروفك
مهما كان احوال ظروفك
برضو بعرف انى انك
واني زيك برضي شوفك
منى منك
يا المشتهنك
جيتى منى مرقتى منك
ضلي ضلك
وانتى كلك
جيت أقولك
مشتهنك
النسيم كلمني عنك
العوارض لمعنك
المشاوير دردرنك
كل سكة أفوت اسيبا
برضو بترجعنى عندك
يانى انتى
وانتى منى
ويانى منك

كروان

03-12-2009, 22:21

قناة كروان
هل تقبلونى مراسل من المملكة العربية السعودية من المنطقة الغربية
وعلى ضمان ابوكنجكى
انتظر الرد

أبو طـــــــــــلول

كل سنة وانت طيب

بي جلالك جيتنا زاير أكيد مقبول

وكمان علي ضمانة الضابط العظيم دا القبول ذاااتو

:trrr1: :trrr1:

كروان

03-12-2009, 23:33

أصدقائي علي إمتداد بثنا الأثيري الاسفيري حزمنا الخطاوي

وحملناها أشواقا وتحنانا للقياكم وهنا علي ارصفة الشوق والحب

نتكيء ونستكين ونهدأ لنقضي معكم أجمل اللحظات والاوقات

في سهرة اليوم

( أشــــــــــواق في بـــريد المحبة )

:trrr6: :trrr6:

كروان

03-12-2009, 23:37

http://www.youtube.com/watch?v=PSvwipM6mts

تغني الفنان محمد ميرغني بأغنية جميله ورائعه تطرب النفس

وتهدد الوجدان وبما انا السهره عن الشوق فأجمل ما اقدمة اليكم هذه الاغنيه

كروان

03-12-2009, 23:54

جربت الشــــــــــــــــوق

مسافتو وبعـــــــــدو ويشيل فيك ويودي

الناس بتفــــــــاوت شوقها ...

نـــــــاس شوقها كتير ونـــاس شوقه حبة

في نـــــــاس شوقهم في عيونهم

ودا الشـــــــوق الفاضح

كروان

03-12-2009, 23:58

نــــــاس شوقهم في كلامهم ونـــاس

شـوقهم في ســلامهم و نــاس ونـــاس

نـاس بســـالموك بقـــالدوك وقبل اللهفه بتلاقيك البسمه

من شوقهم البلخبط احســـاسك ما بتعرف تعمل شنو؟؟؟

ممكن تضحــــك في نص القــــلــده ...

كروان

04-12-2009, 00:05

في نـــاس شوقهم متبــادل

بتشتــاق ويشتـــــاقو معــــــاك

في نــــاس شــــــــــــوقهم جــــافي

يعني انت بتـــديهم وهم ببخلــــو عليك

وفي ناس تـــانين شوقهم مدسوس

داسنو شديـــــــد خـــــايفنو يبين

ميزة الشوق دا انو بفضح ريدتك

وزي ما المطره بشايرها السحاب البشيل

برضو الريــــده بشــــايرها الشــــوق

كروان

04-12-2009, 00:09

إستراحه دافئه وصوت مفعم بالدفء

الصوت الملائكي

نبوية الملاك

كروان

04-12-2009, 00:10

http://www.youtube.com/watch?v=T_yG-6y1xSc

كروان

04-12-2009, 00:26

في شوق ما بقللو كترة البعاد

ببقي الشوق قاعد لما بلاقيك الزول

ببقي زي ما الفارقك أصلو..

كروان

04-12-2009, 00:35

في شوق بلاقيــــــك في رسايل

في شوق بلاقيـــــــك في نظــــــــــــرة

في شوق بالقيك في حكاية عن زول

انت يتعرفو والزمن منو فــــارقك

في شوق بلاقيك في حـــــــــواري

وبيوت وتواريــــــــــــــــخ وامكنه ...

كروان

04-12-2009, 00:41

انا لو اقول إشتقت ليك

ماأظن بكون قلت الجديد

لكن بقول إحتجت ليك

والحوجة افضح للبريد

والوحشه في ليل البعاد

تتنازع الأشواق شديد "

كروان

04-12-2009, 01:07

الهرم الرائع والعملاق الفذ وردي

ظل ينادي بأعلي صوته ويتغني ...

**************

يا مراسي الشوق تعالي تعالي تعالي

لا الليالي تمر بدونك هي الليالي
من ضواحي الدنيا جيت وعلى رحالي

لمدائن في عيونك يا محــــــــــالي

ريحني أستـــــــــــري حـــــــــــالي

عيوني في الدمعات وحيـــــــــــلة

أسمحيلة تشوف عيونك أسمحيلة

أنا لا الصبر قـــــــــــــــــادر علي

ولا عنــــــــــــــدي حيــــــــــلة "

قرقور

04-12-2009, 01:09

http://www.youtube.com/watch?v=UwsajWvu5XQ

في انتظار ليل الفرح !!!!!!!!!!!

كروان

04-12-2009, 01:39

أكتر طريق متعب ومشوارو طويل

طريـــــــــــــــــــق الشــــــــــــــوق

لكن مشوارو ببقي قصيــــــــــــــــر

لو انت مشيتو ومعاك رفيق بتريدو

:trrr6: :trrr6:

كروان

04-12-2009, 01:45

وأكثر ما يشجي الــــــــروح ويطرب النفس

صوت الطمبور الحنين الجميل

وخاصة عندما تغني ملك الطمبور

النعـــــــــــــــام أدم

لا شوفة تبل الشـــــــوق

ولا ردا يطمـــــــــــــــن

أريتك تبقى طيـــــــب إنت

والبي كلــــــــــــــو هين

كروان

04-12-2009, 01:50

أي شوق وأي جمال للشوق هو الذي تغني به

سلطــــــــــــان الطرب الفنان محمد الامين حينما قال

****************

مرت لحظات وكمان ساعات

طالت وحيــــــــاتك ومنتظرين

لو وشوش صوت الريــــــح

فى الباب يسبقنا الشـــــــوق

قبـــــــــــــــــــل العينيــــــن

ونعاين الشــــــــــــــــــــــارع..

نلقاه تائه فى دموع المغلوبين

كروان

04-12-2009, 01:59

ومازال ود الامين يؤرق القلب بعمق كلماته

مشتاق ونار الشــــــــــوق

كيف ليها اقدر أطـــــــــيق

كيف من همومي أفيـــــق

مدام وصــــــــالي عسير

بعيــــــــــــــد عن الجنة

الليهو ديمــــــــــــة أحن

من شوفتو طــــــــــولنا

نهــــــــــــــواه ما زلنا

نهـــــــــــواه رغم الجور

رغم البعـــــــــــــاد عنا

كروان

04-12-2009, 02:03

مواصلا ليؤجج مجامر الشوق فينا

***********

بريدك.. كلمة كان رفت يهش ثغر النجوم ويسطع

ولما ينادي همس الشوق يقيف كل الزمن ويسمع

عيونك ديل عيون أهلي حنان زي نغمة في مقطع

المقطع مهداء للاخت همس الشــــــــوق

:trrr6: :trrr6:

كروان

04-12-2009, 02:07

ونحن علي مشارف ختام حلقتنا

بقول بكلمات نديه

غيب وتعال..

تلقانا بنفس الايادى الراجفة

مشتاقة فى ساعة سلامك

غيب وتعال تلقانا

بنفس القلوب الياما

حزنت لما فقدت ابتسامك

كروان

04-12-2009, 02:14

قبــــــــــــل الختام

لوحة متألقه من الكلمات المزدانه بوهج الشوق

أزهري محمد علي

******************

ادينى احســــــــــــاس بالأمل

فى كل لحظة شوق تطــــــول

وأدي الخطاوى الراجعة ليك

فى سكتك عشم الوصـــــــــول

ما الدنيــــــــــــــــــــا كلها انتظار

والارتحال عشم الوصـــــــــــول

الموجــــــــــة تحلم بالضفاف

والغيمة تحلم بالهطـــــــــــــول

راحل معــــــــــــاي ضى الامانى

وذكـــــرى للايـــــــــــــــــــــــــام

هناك لحظات بتزخر بالمعانى

وكيف انسى تزكارات هواك

نتحمل الغربــــة ونعــــــــانى

ونتصبر عشان نكسب رضاك

ونتغنى لو زاد الحنيـــــــــن

كروان

04-12-2009, 02:19

اللذين كتبوا للشوق وتغنوا للشوق

لا يحصي لهم عدد فهذه المقتطفات

قدمتها لكم من خاطري ومن نفسي

المعبأ بالاشواق في دهاليز الزمن

أأمل أن تنال رضاكم وتحوذ علي

إعجابكم

كروان

04-12-2009, 02:22

الشــــوق شاقاي شقـــــــايا

في ناس شوقهم شقــــــا

بتشقــــــــــي بي شوقـــــــهم

تبقي الحياة ما حلوه بدونهم

ودا نوع قاسي من الشــــوق

لانو شـــــــــــــوق بدون رد

في بـــــــريد المحبــــــــــــة

والشوق الزي دا اخير تخلي

الأميرة

04-12-2009, 02:25

وجبنا كرسينا وقعدنا:trrr1:

http://www.moheet.com/image/fileimages/2007/file60367/22_121_1220_19.jpg
وتاااااااااني من هنا أنا ماااااااااطالعة :trrr6:

مع قناة كروان مش حتقدر تغمض عنيك

كروان

04-12-2009, 02:29

الشوق والريد لأسطورة الغناء الفنان أبراهيم الكاشف

أداء الرائع ياسر تمتام

http://www.youtube.com/watch?v=4BMI37W0swQ

في الختـــــــــــــام

لكم كل الشكر لحسن المتابعه

والي هنا تنهي سهرتنـــــــــــا

(أشـــــــــــواق في بريد المحبــــــــة )

والي أن ألتقيكم في سهرة أخري

دمتم ودام الشوق حبلا متصلا بيننا

والســــــــــلام ختـــــــــــــام

:trrr6: :trrr6: :trrr6:

الأميرة

04-12-2009, 02:32

الشوق و الريد

والحب البان في لمسة إيد
وأغاني نقولا
والدنيا زهور فى عينينا
تصبح كل يوم زي طفل وليد
كل الأشواق وآهه بتجرح قلب المشتاق
ليك ياهاجر ليك رسالة
لو روحك يوم تنسى دلالها
تشوفنا قريب ماتتعالى
تسألنا ونسأل عن حالا
ونعيد الكان حليل الكان
نخلي الحب يسرح بينا
يبقي جناحين ويطير بينا
نشوف الدنيا ربيع و زهور
نسكت و تتكلم عينينا
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا

saaeed

04-12-2009, 10:52

فاصل ونواصل
وما تقول امينه وقعت تاني
لانها بتبص علي الجيران

hussein

04-12-2009, 16:16

احكي ليكم القصة دي كما قرأتها بالضبط

( جريدة حكايات - الكاتب سعد الدين أبراهيم )

يقال ان هنالك رجلا يعمل في وظيفة مرموقة ومهنة سامية تصنع الاجيال احب فتاه وتزوجها

ولكنها لم تنجب منه ،وذات يوم عاد الزوج من العمل مبكرا علي غير عادته لأنه يخرج صباحا

ويعود ليلا علي حسب روتين عمله لذلك كان معه مفتاح البيت ...

دخل فسمع حركة داخل غرفة النوم فنظر داخل الغرفه ووجد الفاجعة زوجته مع رجل غريب...

هل يمكن ان تخونه بهذه الجرأة ببساطة ؟؟؟؟؟؟؟؟؟؟

ففكر في عشرات الحلول ولكنه اختار من بينها حلا مستحيلا ..... مستحيلا .... مستحيلا

احضر كرسي وجلس عليه امام باب الغرفه وبعد قليل خرج العشيق والزوجة وتفاجئا به وهما

في منظر مخل لكنه اشار اليهما بالصمت فقال للعشيق اجلس في هذا الكرسي وقال للزوجة

انستري وتعالي وجاءت شاحبة ترتجف فقال لها هوني عليك وامشي اعملي شاي وعملت

الشاي واحضرته فصب الزوج الشاي للضيف وتناوله وهو يرتجف بعد ذلك اجلس الزوجة

وقال لها احملي حاجياتك واذهبي الي بيت اهلك واختلقي لهم اي سبب لطلاقك لانهم اذا

جاءوا وسألوني سأقول لهم الحقيقة ...

والتفت للضيف وقال الم تشرب معي الشاي فهز الضيف رأسه موافقا فقال له الرجل عزمتك

علي الشاي حتي لا تحكي القصة لأحد اذهب سريعا ....

هذا ما حكوه عن الرجل .. احترت !!!هل اعجب بتصرفه ام ارثي لحاله .فيقول البعض إن هذه

القصة حكتها الزوجة فقد عانت من عذاب الضمير فتقوم بحكاية القصة لمن حولها حتي

تخفف عن نفسها عبء الحمل الثقيل وقالو مرات تنهار وتصرخ انا خائنة انا خائنة ........

ويقال انه قد حكاها العشيق قبل ان تتلبسه حالة نفسيه جعلته الآن لايفعل سوي انه يمشي

حافي القدمين اشعث اغبر وربما زفه بعض الصبية المجنون المجنون المجنون

سؤال هل تصرف الزوج رجالة ولاعوارة ولا رايكم شنو ؟؟؟

:confused: :confused: :confused:

سمعت بهذه القصة برواية مختلفة لا تخل بالمضمون . وان كانتقصة خيالية فلنأخذ بها من
باب تهذيب النفوس . و قد افتى بعض العلماء بالعمل بالحديث الضعيف من باب مكارم الاخلاق .
اما عن قصتنا فالخيانة موجودة منذ الأذل و قد تحدث القرآن عن امرأة نوح و لوط كانتا تحت عبدين من عبادنا صالحين و لم يغنيا عتهما من الله شئ .
وجاء فى الخبر ان الرسول صلى الله عليه و سلم قال لاصحابه اذا و جد احدكم فى بيته ما يكره فلا يفعل شئا و ليشهد عاى ذلك .
فقال سعد ابن معاذ يا رسول الله اجد فى بيتى ما اكره و لا افعل شئا .
فقال له الرسول و ما انت فاعل.
فال سعد و الله لاعملن فيه سيفى .
فقال الرسول : ان اخاكم غار و انا أغير منه و الله أغير منى
...................................
و جاء ايضا فى عهد سيدنا عمر ان دخل عليه رجل و سيفه يقطر دما فقال اتدخل على امير المؤمنين هكذا
قال الرجل إنى مدروك و بعد قليل جاء فى اثره رجال يحماون سيوفهم و يريدون قنله ة
قالوا انه قتل لهم رجل
فقال له سيدنا عمر ماذا انت قائل ,.
قال الرجل يا امير المؤمنين دخلت بيتى فوجدت امرأتى ممددتا فخذبها فوضعت سيفى بينهما فإن كان هنالك رجل فقد مات

كروان

04-12-2009, 20:19

في انتظار ليل الفرح !!!!!!!!!!!

قرقور مراسلنا من الدوحة

مســــــــــــــــــــاء الخير

كلنا في انتظار ليالي الفرح

واشكرك علي الاهداء الجميل

كروان

04-12-2009, 22:04

وجبنا كرسينا وقعدنا:trrr1:

مع قناة كروان مش حتقدر تغمض عنيك[/SIZE][/B][/COLOR]

أميرتنا صاحبة الطلة البهيه

أشكرك علي حضورك المميز

ابوكجنكي

05-12-2009, 18:15

أملنا الباقي يسرح بي ..
وأهاجر لي زمن تاني ..
وتبقى الدنيا في عيني ..
هدأة موجة ..
في بحر الأسى الممدود ..
هجعة خطوة ..
في سكة فرح مفقود ..
رجعة غنـوة ..
من درب الضنا المهدود ..
وأفتش ليك حناني معاي ..
أماني تصارع المكتوب ..
عشانك .. لا مسافة تطول ..
ولا بتصعب معاكي دروب ..
وقلبي عليك ..
وعلى الوعد الحزين مصلوب ..
وراجع ليك ..
أجيك فارساً يشق ..
صمت المتاهة الطال ..
مواعدِك بي حكاوي الشوق ..
وبي شمساً وراها منال ..
وبي فرحاً يغرِّد في سماك ألحان ..
ويجيب البهجة للأطفال ..

ابوكجنكي

05-12-2009, 18:17

في عينيك عشم باكر
في عينيك عشم باكر ..
ما إنتي القمر كلو ..
والشمس والوشاحة ورود ..
وزغرودة بتزف للناس ..
خبر زمنا جديد مولود ..
لقيت غيرك بضيع إسمي ..
وأكون أنا حي وزي مفقود ..

ابوكجنكي

05-12-2009, 18:19

النشره الرياضيه من القناه الفضائيه
حقق المريخ امس فوزا غالين وجميلن علي صاحب الصفر الدولي الكبير هدف للا شيء
بتوقيع كلتشي شي شي شي

مبروك لجمهور الصفوه

ابوكجنكي

05-12-2009, 18:20

تلقيت مبروووك
من شخص هلالابي جميل احبه جدن جدن

احبك يا هلالابي

طبقة الأزون

05-12-2009, 20:37

مبروك ... ابوجلنكى

اولا" بافتتاح القناه الكروانيه

وثانيا" ... بهدف كلتشى ... وشكرا" للحيطه التى اهدتكم هدف الفوز ... عشان ماتتفرقوا قبل بدء التسجيلات ... وتانى حانغلب منو بعد كدا ؟؟؟؟

الأميرة

06-12-2009, 06:54

ياكروان الرائعة و الحبيبة

http://up2.m5zn.com/photo/2009/4/22/03/wcxttdfei.gif/gif

الجنتل

06-12-2009, 13:39

كلام زي الورد
دي احسن من قناة السويس :D
وقناة فالوب زاتو

اشبه ما يكون بهارموني dd13

تصدقو بس قريت الصفحة الاولى - بجي بكره للباقي :trrr1:

الأميرة

06-12-2009, 13:45

http://farm4.static.flickr.com/3278/2454555801_8d8bb8f047.jpg

قلنا نبخرستوديو كروان وقناتنا السمحة دي
عشان العين وكدة:D:D

الأميرة

06-12-2009, 13:51

يامديرتنا العزيزة كروان
أسمحي لي أعين نفسي نائبة المديرة في غيابك
إنتي ساهري فيها بالليل
وأنا بستلم الوردية في الصباح:D
نامي وأنتي مطمئنة وقريرة العين يامديرتي العزيزة
فقناتك الجميلة ترعاها نائبة مديرة أمييييييييييييييييينة جدن:trrr6:

Honey

06-12-2009, 15:32

شنو ياشباب الجرسة دي..

الشوق... والريد... والحنين وارررووررروووك..

شفقتونا..:o:o

ابوكجنكي

06-12-2009, 17:41

عزاء واجب
ابوكجنكي وكل اصدقائه في المنتدي يتقدم بالعزاء للانسه كروان مديره القناة في وفاة زوج عمتها والتي حصلت امس
احر التعازي وللفقيد الرحمه ولاسرته الصبر والسلوان

الأميرة

06-12-2009, 18:16

عزاء واجب
ابوكجنكي وكل اصدقائه في المنتدي يتقدم بالعزاء للانسه كروان مديره القناة في وفاة زوج عمتها والتي حصلت امس
احر التعازي وللفقيد الرحمه ولاسرته الصبر والسلوان

الأخت العزيزة كروان
البركة فيكم
أحسن الله عزاءكم وجبر كسركم وألهمكم الصبر والسلوان

(إنا لله وإنا إليه راجعون)

شكرا جزيلا ياأبوكجنكي

ابوكجنكي

07-12-2009, 18:27

شكرن كتير الاميره
يا رب اخر الاحزان للجميع

تسلمي

كروان

08-12-2009, 11:15

أشكر كل اللذين مــروا في غيابي الي أن التقيكم لاحقا

كل الـــــــود والشــــــــــــوق لكــــــم

:trrr6: :trrr6:

Honey

08-12-2009, 12:27

البركة فيكم وربنا يجبر كسركم..

ابوكجنكي

08-12-2009, 17:55

أشكر كل اللذين مــروا في غيابي الي أن التقيكم لاحقا

كل الـــــــود والشــــــــــــوق لكــــــم

:trrr6: :trrr6:

حبك صروح
بعدك بزيد فيني الجروح
بستأذنك
يفضل معاي
يكتب غناي
وينتشي
وما جيت عليك عابر سبيل
انا كل شي

كروان

08-12-2009, 20:59

البركة فيكم وربنا يجبر كسركم..

هووووووني

البركه في الجميع إنشاء الله وأشكرك كتير

وينك طولت الغيبه من الاخبار

كروان

08-12-2009, 21:03

حبك صروح
بعدك بزيد فيني الجروح
بستأذنك
يفضل معاي
يكتب غناي
وينتشي
وما جيت عليك عابر سبيل
انا كل شي

شوووووووووووو ها الكلام الجمييييل ؟؟؟

دا الكلام زاااااتو البخلينا نتلفت زي سيد الرايحة

أبو كجنكي براحه علينا شويه شويه

:c030: :c030:

كروان

08-12-2009, 21:10

سمعت بهذه القصة برواية مختلفة لا تخل بالمضمون . وان كانتقصة خيالية فلنأخذ بها من
باب تهذيب النفوس . و قد افتى بعض العلماء بالعمل بالحديث الضعيف من باب مكارم الاخلاق .
اما عن قصتنا فالخيانة موجودة منذ الأذل و قد تحدث القرآن عن امرأة نوح و لوط كانتا تحت عبدين من عبادنا صالحين و لم يغنيا عتهما من الله شئ .
وجاء فى الخبر ان الرسول صلى الله عليه و سلم قال لاصحابه اذا و جد احدكم فى بيته ما يكره فلا يفعل شئا و ليشهد عاى ذلك .
فقال سعد ابن معاذ يا رسول الله اجد فى بيتى ما اكره و لا افعل شئا .
فقال له الرسول و ما انت فاعل.
فال سعد و الله لاعملن فيه سيفى .
فقال الرسول : ان اخاكم غار و انا أغير منه و الله أغير منى
...................................
و جاء ايضا فى عهد سيدنا عمر ان دخل عليه رجل و سيفه يقطر دما فقال اتدخل على امير المؤمنين هكذا
قال الرجل إنى مدروك و بعد قليل جاء فى اثره رجال يحماون سيوفهم و يريدون قنله ة
قالوا انه قتل لهم رجل
فقال له سيدنا عمر ماذا انت قائل ,.
قال الرجل يا امير المؤمنين دخلت بيتى فوجدت امرأتى ممددتا فخذبها فوضعت سيفى بينهما فإن كان هنالك رجل فقد مات

الأخ / حسين

نشكرك علي المرور وإثراء القصة برأي الدين فيها

ونأمل في التواصل وتواجدك القيم و لك الـــــــــــــــود

كروان

08-12-2009, 21:21

مبروك ... ابوجلنكى

اولا" بافتتاح القناه الكروانيه

يأبوكجنكي يعني ما شايف الاستاذ طبقة ببارك في إفتتاح القناة

معليش يا استاذ ،، كجوك اليومين ديل شكلو معزور شويه

وانا بقول ليـــــــــــــــك الله يبارك فيك انشاء الله

ونبـــــــــــارك ليك الافراح والليالي المــــــــــــــــلاح

وعقبال ما نشوفك معانا في القناة حاجة كبييييره كدا

:trrr6: :trrr6:

كروان

08-12-2009, 21:41

كلام زي الورد
دي احسن من قناة السويس :D
وقناة فالوب زاتو

اشبه ما يكون بهارموني dd13

تصدقو بس قريت الصفحة الاولى - بجي بكره للباقي :trrr1:

يا جنتل مــــــــــــــــان

شكرا لحضورك الانيق المبتسم

وفي إنتظار قراءتك لبقية الصفحات

وانشاء الله تنال اعجابك واعجاب كل القراء

:) :)

كروان

08-12-2009, 21:55

http://farm4.static.flickr.com/3278/2454555801_8d8bb8f047.jpg

قلنا نبخرستوديو كروان وقناتنا السمحة دي
عشان العين وكدة:D:D

ياعين ياعنية يا كافره يانصرانية

:mad:

عين الصبي فيهـــــــــــــــا النبي

;)

وعين الفتي تقد الــــــــــــــــــواطة

(يا أعوذ بالله من عين الفتاة)

sss1

وعين الحسود فيها عود

:trrr1:

ألأميرة كلك ذوق يا ست الذوق

كروان

08-12-2009, 23:23

سهرتنا لهذه الليله مع الفيلم الهندي العربي

الحب القـــــــــــــــــــــــــــــــــــــاتل

بطولة

قيس .................... وليلي

جميلـ ................... وبثينه

كثير..................... وعزة

قيس بن زريح ............ لبني

عروة....................... وعفراء

توبه بن الحمير..... ليلي الاخيليه

:trrr6: :trrr6: :trrr6: :trrr6:

كروان

08-12-2009, 23:27

جنس حب وشواكيش وموت

في الفيــــــــــــــــــلم دا اسكتو خلوه ســـــــــــــاكت

كان طلعت من النص وسرحت بيكم ما تقولو حاجه

ما فيلم هنــــــــــــــــــــــدي ساي :trrr1: :trrr1:

كروان

08-12-2009, 23:35

مقدمه

عندما ندقق في نهايات الكثير من من مشاهير عشاق العرب نجد انها مشابه الي حد كبير

نهاية بعض الافلام الهندية ...

فمثلا قصة حب اشهر عشاق العرب قيس ابن الملوح بدت من اول نظرة لما شاف ليلي مع

صاحبتها وبدأ يتونس معاهم وبعد شويه سأل ليلي لو عندهم أكل ولا لا ، قامت ليلي قالت

ليه ما عندنا وعلي طول قام نحرالناقه بتاعتو واثنا ما بقطع في اللحم جات ليلي عشان

تساعدو قام انبهر بي سماحته ومن غير يشعر قطع يدو بالسكين وبسرعه قامت ليلي شالت

السكين من يدو ، ولما بدو يشو في اللحمة قام قيس بدون ما يشعر يقلب في الجمر بي يدو

لما اتحرقت وهو ما منتبه لحدي ما ليلي جرت يدو من النار ومن اليوم داك بقي حب كبير بين

ليلي وقيس وبدأ قيس يكتب في الشعر والروائع في ليلي ولما جا اتقدم ليها رفضوا اهلها

يعرسوها ليهولانو كتب فيها شعر والعادات والتقاليد القبليه بتاعتهم ما بتسمح بي كدا ...

كروان

08-12-2009, 23:39

وقيس ابن الملوح لم يكن هنديا وكان عارف كويس العادات بتاعتهم وكان ممكن يحتفظ بالشعر

لحدي ما يتزوجه لكن ما قدر يصبر فحرم نفسو من ليلي وما كان السبب في ضياعه بل كان

سبب في ضياع عقله كمان ..

فبقي يحوم في الصحراء ويقول اجمل الكلام واعذب الغزل في ليلي .. ولما اهل ليلي رفضو

يعرسوها ليه قامو اهل ليلي بجبرها عشان تعرس زول تاني لما قيس سمع كلام عرس ليلي

علي طول مات من الحسره والهم لانو ما قدر يتزوج ليلي .....

كروان

08-12-2009, 23:45

ونجي لي قصة جميل بثينه

برضو قام جميل بن عبد الله حبه بثينه بنت يحي والقصة برضو بتشبه قصة قيس وليلي نفس

السبب الرفضو بيهو قيس رفضو بيهو جميل العادات والتقاليد فقام أبوها عرسها لراجل

تاني ولما جميل سمع الكلام دا بقي حايم من بلد لي بلد ويقول في الشعر لحدي ما استقر في

مصر وبعداك قام مات ولما سمعت بثينه بموت جميل قامت قالت ليها بيتين شعر ووقعت

غمرانه وماتت علي طول ......

كروان

08-12-2009, 23:50

كثير بن عبد الرحمن الخزاعي برضو كان بحب عزة حب شديد وقامت اتزوجت غيرو لكن

برضو هو مواصل يقول فيها الشعر والكلام الجميل لحدي ما جابو ليهو خبر وفاته في مصر

فحزن عليها حزن شديييييييد وقام مشي زار قبرها ولما رجع المدينه المنوره مات كمد وحزن

علي عزة

كروان

08-12-2009, 23:55

قيس بن زريح أحب لبني الشديده السمحة والسماحتة مافي وقام عرسه ولكن المصيبة انو

بقي ما بفارق الخباء بتاعه دا ولا لحظة واحده ،لحدي ابوه ما قام حن عليهو وقال ليهو

ياولدي البت دي لازم تتطلقه فرفض انو يطلقها ولكن كهول الحي السوسه جاءو لي قيس

واقنعوه بي انو يطلقه خوفا من عقوق الوالدين وقام طلقه وبعد الطلاق

أبوهو زوجو واحده تاني عشان إنسي لبني لكن ما قدر يينسي لبني فقام طلق مرتو عشان ما

يخدعه ، ولبني برضو كمان اجبرها ابوها علي الزواج برجل تاني فزادت مأساة الحبيبي وبقي

زي المجنون لحدي ما جاهو خبر موته

وعلي طول قام مات حزنان عليها شديد ...

كروان

09-12-2009, 00:01

عروة بن

الورد قام حبه بت عمو عفراء وبقي يتغزل فيها ويقول شعر فقام عمة بطرده وعرس عزة

لي زول غيرو وما قدر عروة بستحمل الصدمه وعلي طول مات ، ولما سمعت عفراء بي

موتوطلبت من راجله يوديها تزور قبرو ولما مشت المقابر قامت رمت نفسه في القبر وشهقت

شهقه واحده تاني ما زادته وماتت طوالي في المقابر

كروان

09-12-2009, 00:06

وقصتنا الاخيره مع توبه بن الحمير

قام حبه ليلي الأخيلية نفس القصة ونفس السيناريو عرسوها لي راجل تاني وقام توبه يقول

فيها الشعر لحدي ماغدروه وكتلوه ، وقامت مشت هي عشان تزورو في القبر فقامت الناقة

الكانت راكبها أخدت ليها نطة كدا فوقعت ليلي من الناقه وماتت ودفنت بجوار الحبيب ...

كروان

09-12-2009, 00:26

أها يا جماعة رايكم شنو في الفيلم الهندي دا

نهايات القصص دا كلها انتهت بي الموت

معقول نهاية سعيدة واحده مــــــــــــــافي

والله بصراحه كدا ما عارفه النهايات دي

نهايات حقيقية ولي كضب من المؤرخين

عشان يفهمونا إنو من الحب ماقتل

لكن حقيقي شكلها فيلم هندي

:confused: :confused:

كروان

09-12-2009, 00:29

أصدقـــــــــــائي

إلي هنا تنتهي سهرتنا والتي اتمني ان تنال رضاكم

ولكم خالص ودي وشكري الي ان التقيكم قريبا

:trrr6: :trrr6:

ابوكجنكي

09-12-2009, 09:43

طبقة الأزون

09-12-2009, 10:03

ابوكجنكي

09-12-2009, 18:05

في بوست نزل اسمو تعالو نهني
الناس ما فكروا ليهو
مع انو اول زواج بين عضوين في حب النيل
لا يهم ان كانو قد التقوا في المنتدي ام جوهو وهم عارفين بعض
لكن الحقيقه تبقي انو هم عضوين في المنتدي تزوجو

القناه الفضايئيه الكروانيه تجدد التهنئه لهم وبيت مال وعيال

جنى العرب

11-12-2009, 10:49

الو
يااهل القناه
ممكن اشارك
واهدى اغٍِْنيه

جنى العرب

11-12-2009, 10:51

شكله المشاركه فى القناه دى برضه دايره ليها واسطه
الو
مافى رد

يابت يانيل

11-12-2009, 11:23

كروان مبرووووووووووك عليك افتتاح القناه الكروانيه
لكن بالجد فكرت البوست لزيزه

كروان

11-12-2009, 19:50

والله راينا طالما طلبتيهو
معناها ان هناك ايادي تدخلت في هذه القصص وحورت مسارها بكثير من الاضافات التي لم تكن في القصه الحقيقيه
التاريخ دايما فيهو تزوير
حتي تاريخ السودان لم يسلم من التزوير فنجد كثير من المؤرخين مالو علي قبائلهم بالتبجيل وادعاء البطولات وهي لم تكن فيهم
شكرن كروان لفتح هذه النافذه في تزوير قصص الحب العربيه التي قطعا لم تنتهي هكذا

قريت روايات كتيرة واطلعت علي قصص مختلفه

لكن زي تشابه القصص دي ما لاقاني وحقيقي كنت عاوزة

اعرف انو النهايات دي حقيقية ولا تزوير في تزوير

أبوكجنكي همتك معانا شكلك ضليع في هكذا مواضيع

:D :D

كروان

11-12-2009, 20:00

ممكن اشارك بقصه شبيهه بالقصه دى ؟؟؟

امبارح اتفرجنا فى قناة النيل الازرق ... وسمعنا ( شريف وريماز ) ... وامبارح شريف طقه السكلى على ريماز ... لمن قالت ليهو حبيتك من نظره ... وحبيتك من بسمه ... الود ماصدق ... قعد يكورك فى استاد بورتسودان ... لاعايز انته تحن ... ولا ترحم حالى ... ليه ؟؟؟؟ الجماعه ناس فرفور وعمك السر قدور ونادر خضر وعصام محمد نور ... والله جنس تشجيع لمن صوتهم راح وهم برددوا معاهو ... لاعايز انته تحن ولا ترحم حالى ليه ؟؟؟

كروان ... انشاء الله نهايتو ماتلحق الجماعه الفوق ....

وناس تانيين معاهو ....

هههههه

كسير بي الطريقة الصاح وفي العلن كمـــــــــــــان

والله هم كتـــــــار زي نـــــــــاس شريف وريمــــــاز

وانشــــــاء الله ربنا يحقق ليهم كل أمـــــــــــــانيهم

وبعدين اوعي تكـــــــــــــــون انت من نـــــــــــــــاس

لاعايز انت تحن ... ولا ترحم حالى ... ليــــــــــــــه

غايتو السر قدور عمله وقعد ويتفرج ويولع في النار

:trrr1: :trrr1:

كروان

11-12-2009, 20:08

شكله المشاركه فى القناه دى برضه دايره ليها واسطه
الو
مافى رد

وين أنت يا جني ليك مده ما بنته

معقولة بس !!! والله انت من غير واسطه

مكانك محجوز وبعدين انت مدير مكتب وزير ..........

يا اخي انحنا دايرين لينا واسطة عشان ندخل نسلم عليكم بس

جني العرب

كل سنة وانت طيب وربنا يحقق ليك كل الامنيات

ومرحب بيك في القناة من الاستقبال لحدي اخر استديو عندنا

كروان

11-12-2009, 20:15

كروان مبرووووووووووك عليك افتتاح القناه الكروانيه
لكن بالجد فكرت البوست لزيزه

يـــــــــابت يانيـــــــل

مبروك علينا كلنا القناة وما تطولي الغيبه

ساعدينا بي المشاهده والمشاركة ممكن تجيك

وظيفه كاربه في القناة دي ......

شكرا يا جميله علي الحضور الانيق

:trrr6: :trrr6:

saaeed

11-12-2009, 20:32

ماعاوزين مراسل من هنا؟

كروان

12-12-2009, 00:39

ماعاوزين مراسل من هنا؟

عاوزين مراسلين ومراسلات

بس أهم حاجة لازم ترسل ال cv

بتاعاتك علي العنوان التـــــــــــــالي :-

شبكة ومنتديــــات حب النيـــــــــــــل

قنـــــــــــــــــــــــــاة كروان الفضائية

ص . ب 0000

الرمـــــــــــــــــــز البـــــــــــريدي 1111

لعناية /مدير إدارة شئون الأفـــــــــراد

(عشـــــــــــان تكون فردتنا وفرد مننا )

:rolleyes: :rolleyes:

كروان

12-12-2009, 00:57

إذا صادف الإنسان شيء جميــــــــــــل

مفرط في الجمال رغب في البكـــــاء..

ومصادفتك أجمل ما حلّ بي منذ عمر.

كيف أشرح لك كلّ هذا مرّة واحـــــدة..

ونحن وقوف تتقاسمنا الأعين والأسماع؟

كيف أشرح لك أنني كنت مشتاقه إليك

دون أن أدري أنني كنت انتظــــــــــــــرك

دون أن أصـــــــــــــدق ذلك؟

:trrr6: :trrr6: :trrr6:

كروان

12-12-2009, 10:58

كلمتك لحظــــــــــــــــــات صفاء

بأنني كلمــــــــــــــــا استنشقتك

يعني هذا أنني اتنفســــــــــــــك

حاولت كثيرا إعتقالك بدواخلي

لأستمتع بروعة إحساسي بك

ولكن محاولاتي كلها تنتهي بالفشل

لأنك ترغب بالانتشار علي الملأ

لتعلن لهم أنني الأجمل والأروع

تصدق رغبتي بوجودك في قلبي

تفوق كل الرغبـــــــــــــــــــــــــات

وتفوق رغبتي في الحياة ايضا

ومع كل ذلك أقول صباح الخير

وقلبي يهتف بـــــــــــــــــــــــــك

:trrr6: :trrr6:

كروان

12-12-2009, 11:05

أشتـــــــــــــــــــاق إليــــــك

والشــــــــــــــــــوق غــــلاب

لأن القلب المسكون بحبك

المتأجج و المتوهج بـــــك

مازالت نبضاته متعلقه بك

ملتصقة بنبضــــــــــــــــــك

صبــــــــــاح الشوق حبيبي

saaeed

12-12-2009, 11:14

صباح كل الجمال

الننو دا

12-12-2009, 11:56

Honey

12-12-2009, 12:19

للعلم..

ستقام 3 ندوات مساء اليوم في..

امبده..
الحاج يوسف..
ومايو..

الرجاء مراجعة موقع سودانيز اون لاين لمعرفة المكان والمتحدثين..

جنى العرب

12-12-2009, 13:24

وين أنت يا جني ليك مده ما بنته

معقولة بس !!! والله انت من غير واسطه

مكانك محجوز وبعدين انت مدير مكتب وزير ..........

يا اخي انحنا دايرين لينا واسطة عشان ندخل نسلم عليكم بس

جني العرب

كل سنة وانت طيب وربنا يحقق ليك كل الامنيات

ومرحب بيك في القناة من الاستقبال لحدي اخر استديو عندنا

شكرااااااااااااااااااا
على الترحيب الحار ده
ومن هنا نهنى كل العاملين بالقناه الرايعه الجميله ونتمنى لكم بثا موفقا
(وينك يالست المديره ربنا يحقق امانيك ويديكى الفى مرادك)
قولى امين

ابوكجنكي

12-12-2009, 17:42

كروان يا جميله
ازيك
قناتك منوره وماليه البلد

ابوكجنكي

12-12-2009, 23:24

(وينك يالست المديره ربنا يحقق امانيك ويديكى الفى مرادك)
قولى امين

امييييييييييييييييييييييين يا رب العالمين

جنى العرب

12-12-2009, 23:57

امييييييييييييييييييييييين يا رب العالمين

كجوك
مدير برامج انته والا علاقات عامه ومراسم فى قناتنا دى
:c030::c030::c030:
شكله كده ماحانلقى ولا وظيفه مصور فى القناه دى
دمته

ابوكجنكي

13-12-2009, 11:16

احث حوافر الخيل
العشيقه للتسامي والتعالي
عند دار مقامك الموسوم بالترحاب

اجيبي
انا عند الباب
لا ارجو
غير مبيت هذا الليل
عند مظلة الاهداب
وعند الفجر
اغتسل من قدسية العينين
في عينيك
وانطلق كالمعتاد
الي ساحاتك الارحب

فلا اجد الا
الفرح بالمرصاد

ابوكجنكي

14-12-2009, 17:12

افتقدك حقا في قناتك يا كروان
يا صاحبة الحرف الشجي الانيق
في انتظار قلمك هنا

saaeed

14-12-2009, 18:21

قناتكم لحقت هارموني؟؟؟؟؟؟؟؟؟؟؟؟؟؟؟؟؟؟؟

كروان

14-12-2009, 20:35

ما ظبتت معااااي :c030:
ياكروان كامل :D

حاول تاني بتظبط معاك ، الطبق بتاعكم مقبل علي وين ؟؟؟

طيب اذا ما ظبطتت معـــــــــاك ح نشوف ليك ود الجيران

القاعد عاطل 24 ساعة في الدكـــــان بجي بظبط ليك القناة

الننــــــــــــودا

مرحب بيـــــــك كتير ونورت القنــــــــــــــاة

كروان

14-12-2009, 20:42

للعلم..

ستقام 3 ندوات مساء اليوم في..

امبده..
الحاج يوسف..
ومايو..

الرجاء مراجعة موقع سودانيز اون لاين لمعرفة المكان والمتحدثين..

يا هــــــــوني وينك وويـــــــــــن محــــــاضراتك

:confused: :confused: :confused:

mohallb

14-12-2009, 20:45

الكورة دى ما منقوله هنا

كروان

14-12-2009, 20:48

كجوك
مدير برامج انته والا علاقات عامه ومراسم فى قناتنا دى
:c030::c030::c030:
شكله كده ماحانلقى ولا وظيفه مصور فى القناه دى
دمته

ردو انتو نيابة عني حد يقدر نفسو يا حلات الريد وهمسو

تتخيل لسة ما عيناهو داير ابقي مدير بي ايدو وشديدو

;) ;)

كروان

14-12-2009, 20:51

افتقدك حقا في قناتك يا كروان
يا صاحبة الحرف الشجي الانيق
في انتظار قلمك هنا

إفتقدتـــــــــــــــــك يا صبـــــــــا عمري وشبابي

إفتقدتـــــــــــــك لما زاد الشــــــــــــــــوق عذابي

;) ;) ;)

كروان

14-12-2009, 20:56

الكورة دى ما منقوله هنا

يا مهلب الكورة لايف با ستديوهات حب النيل الرئيسية

ومعلقنـــــــــــــــــا الرياضي النشط عمنا طبقة الأوزون

:trrr1: :trrr1:

ابوطلال

14-12-2009, 21:58

ننتظر اتصال من مدير البرامج ابوكنجكى
او المدير العام كروان ولم يحصل حتى الان

كروان

14-12-2009, 23:00

ننتظر اتصال من مدير البرامج ابوكنجكى
او المدير العام كروان ولم يحصل حتى الان

أبو طلــــــــــول

مبــــــــروووووووووووووووك للهــــــــلال
مدير البرامج أبو كجنكي ما ح يظهر عشان مغلوب

:eek: :eek: :eek:

جنى العرب

15-12-2009, 01:25

الليله الهلال فى القمه
سورى للحلوين المريخاب بس
دمتك

الأميرة

15-12-2009, 07:08

ابوكجنكي

15-12-2009, 09:25

صباح الخير سيدة الصباح
صباح العشب يا كروااااااان

كوثر حامد

15-12-2009, 12:05

احب احي الاستاذة كروان واهنيها بافتتاح القناة وتنتمني للقناة الاستمرار واقول ليها مافي برنامج لناس الونسة الدقاقة والجبنات.

كروان مذيد من الالق

تحياتي

جنى العرب

15-12-2009, 19:20

الساده والسيدات مستمعى ومشاهدى قناه كروان الفضائيه
نحييكم من استديوهاتنا االرئيسيه على ضفاف النيل الخالد،ونتمنى لكم قضاء امتع اللحظات مع برامجنا
نقدم لكم برنامج
(الشباب الحلوين)
بس الحلوين والدمهم خفيف
الو
الو الخط قطع
سنعاود الاتصال بعد قليل
:trrr6:

كروان

15-12-2009, 21:44

http://cnews.canoe.ca/CNEWS/Microgalleries/NewYears2008/2008/01/01/newyear2.jpg

وتااااااااااااااااااااااااااااااااااااااااااني
مبرووووووووووووووووك للهلال

كروان الحبيبة
إزيك ومشتاقين :trrr6::trrr6:

أميرتنا الجميـــــــــلة

وينك مسجله غيـــــــــاب طويل

وشوقنــــــــــا ماليهو حـــــــدود

ونحن في إنتظار طلتك البهيــه

:trrr6: :trrr6:

كروان

15-12-2009, 21:49

احب احي الاستاذة كروان واهنيها بافتتاح القناة وتنتمني للقناة الاستمرار واقول ليها مافي برنامج لناس الونسة الدقاقة والجبنات.

كروان مذيد من الالق

تحياتي

العزيزة/ كـــــــــــــــوثر

لك الود من القناطير المقنطـــــــره

ونورتي القناة بي طلتك الجميــــــله

ومطلوب منك انت تقدمي لينا برنامج

الونسه والجبنه ونحن في إنتظــــارك

:trrr6: :trrr6:

ابوكجنكي

16-12-2009, 09:38

صباح الخير يا شباب

صباحكم جميل

أبو الريش

16-12-2009, 10:35

عفواً جانا البيان التالي:

شششششششششششششش

أبو الريش

16-12-2009, 10:41

عذراً لانقطاع الارسال..

نعود لاستديوهاتنا الرئيسية..

جاءنا البيان التالي:

وقع اشتباك عنيف بين الجزارين والخدرية..

استعمل فيه الخدرجية:
الطماطم كقنابل يدوية..
البصل كغاز مسيل للدموع..
والقرع كخنادق ودروع..

كما استعمل الجزارين..
العظام كألغام..
والصمام كمنظار للأمام..
والفشفاش كرشاش..

هذا ولم يتم الاعلان عن عدد القتلى والجرحى..

ابوكجنكي

16-12-2009, 18:47

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ

كروان

25-12-2009, 21:40

الأعـــــــــــــزاء مشـــــــــاهدي قناة الكــــــروان الفضــــــــائية

نعتزر عن طول الغياب وسنواصل معكم قريبا إنشاء الله

فتــــــــرقبونا

:trrr6: :trrr6::trrr6:

saaeed

25-12-2009, 22:02

ممكن اقدم برنامج الاطفال
انا والبت هوني

ابوطلال

26-12-2009, 07:36

الاستاذة كروان نحنا المراسلين منتظرين العودة

ابوكجنكي

26-12-2009, 22:26

مسا الخير
النشره الجويه من حب النيل
نحنا في السعوديه
برد وامطار كميات
الجو في الرياض لا بارد ولا حر
متوسط
مع بعض السحب الركاميه

ابوكجنكي

26-12-2009, 22:27

كروان لازم نعمل المعاينات
عشان المراسلين
ومقدمي البرامج وكده

ابوكجنكي

26-12-2009, 22:31

حاجه فيك
تقطع نفس خيل القصايد
تشده اجراس المعابد

كروان

27-12-2009, 21:22

saaeed

27-12-2009, 21:26

خديجه وقعت من البلكونه وهي بتبص علي الجيران
فاصل ونواصل

MANGA

27-12-2009, 21:33

نطالب بي برنامج
ادم وحواء

كروان

27-12-2009, 21:36

الاستاذة كروان نحنا المراسلين منتظرين العودة

اعتمدناكم مراسلين عندنا من بدري

وفي انتظاركم بالاخبار الجديده

saaeed

27-12-2009, 21:41

برنامج الاسره يعني

كروان

27-12-2009, 22:16

نحنا في السعوديه

نحنــا في السودان نهوي اوطانــا

وكان رحلنــا بعيد نطرا خلانــــا

تالا

27-12-2009, 22:44

ود الدوحة

28-12-2009, 11:33

ياجماعة ما ممكن ندفع إشتراك...!! بدون برامج أناشد صاحبة القناة بإستمرارية البث!
وين مدير مكتب القناة في الدوحة سعيد....! عشان أشوف لي واسطة لتوظيف...

كروان

29-12-2009, 20:35

كروان الجميلة
انا حاجزة نشرة8
يعني الاخبار المحلية:d
وكل مرة تحضر توبها وشبشبها للشمارات
وكل راجل يكرب عمته ويحضر عكازه للمحاجزة والجودية
الشمارات لازم تصلني تحت تحت طازة عشان نقوم بعمل اللازم من تنسيق ومونتاج واخراج والزيادات اللازمة

تـــــــالا الجميله

الاخبـــــــــــــار لازم تجيبيها لينــــــــا انت وتجتهــــــــــــــــــدي

أكتر لأنو أخبار الشمــــــــــــارات لازم تجي طازجه أول بأول :eek: :eek:

كروان

29-12-2009, 21:11

ياجماعة ما ممكن ندفع إشتراك...!! بدون برامج أناشد صاحبة القناة بإستمرارية البث!
وين مدير مكتب القناة في الدوحة سعيد....! عشان أشوف لي واسطة لتوظيف...

خــــــــلاص ح نرسل ليك رقم الحساب للتحويــل

وانشـــــــــاء الله مواصلين في البث بتـــــــــاعنا

وطــــــالما ما انت قاعدين قريبين من قناة الجزيره

ما محتاجين لي واسطه من الليلة تم تعيينك معانا

:) :)

كروان

09-02-2010, 13:00

نـــــــأسف لطول الانقطاع عن البث

ولكن ترقبــــــــــــونا بإذن الله

ودمتم اعــــــــــــــــزاء

hussein

09-02-2010, 15:34

كروان اقترح على القناة ان تجرى حوارات مع اعضاء المنتدى

ابراهيم فرح

09-02-2010, 15:47

وانا اقترح تعملو تؤوامه مع قناة زول وتجيبوا لينا دينا صلاح تشتغل هنا

كروان

10-02-2010, 23:08

كروان اقترح على القناة ان تجرى حوارات مع اعضاء المنتدى

حسيــــــــــــن

ســـــــــلاماتنا

وين الاخبار مقطوعة ، نورت القناة والله

أما بخصوص مقترحك الجميل ان بخـــلي

البرنامج دا عليك أختار النـــــــــــاس أنت

أو نختار مع بعض الشخصيــــــــــــــــات

وتدير الحوارات بمشـــــــــــــــاركة أخرين

في انتظـــــــــــــارك ما تطــــــــول الغيبة

كروان

10-02-2010, 23:13

وانا اقترح تعملو تؤوامه مع قناة زول وتجيبوا لينا دينا صلاح تشتغل هنا

أبــــــراهيم

تحيــــاتي

ماعندنا مانع في عمل توأمة مع كل القنوات الاخري

يا ريت تقدر تقنع لينا دينا صلاح تجي عندنا هنا

ابراهيم فرح

11-02-2010, 00:37

أبــــــراهيم

تحيــــاتي

ماعندنا مانع في عمل توأمة مع كل القنوات الاخري

يا ريت تقدر تقنع لينا دينا صلاح تجي عندنا هنا

كروان سلام دنو وافقت فعلو حسابا عشان الناس تفلsss1

كلكلاوي

11-02-2010, 05:49

كلكلاوي

11-02-2010, 05:51

hussein

11-02-2010, 17:46

حسيــــــــــــن

ســـــــــلاماتنا

وين الاخبار مقطوعة ، نورت القناة والله

أما بخصوص مقترحك الجميل ان بخـــلي

البرنامج دا عليك أختار النـــــــــــاس أنت

أو نختار مع بعض الشخصيــــــــــــــــات

وتدير الحوارات بمشـــــــــــــــاركة أخرين

في انتظـــــــــــــارك ما تطــــــــول الغيبة

دا شرف عظيم .. بس خلينى اكون الفكرة .. و نواصل ..

كروان

15-02-2010, 12:13

والله يا كروان بوست صراحة اكتر من رائع

انا اول مرة للاسف امر عليه

وشدت ما عجبني قريتو كلو حتي المشاركات والردود ومرات بقرا الاقتباسات تاني

يعني بالجد حاجة روعة وجميلة

اها انا ممكن اقدم اوراقي واشتغل معاكم

حا اقدم ليكم برنامج ( قسوة وجافية )

ولا ( الفيك بدربو )

ولا ( الجفلن خلهن )

وما داير اي قروش منكم بس بشرط

تقدم معاي نسرين سوركتي

تحياتي يا كروان

كلكلاوي أشكرك علي الإطراء الانيق الجميل ..

وانا ماعندي مانع في تقدم اي برنامج وتختار

الناس ال كمان بتحبهم عشان إكونو معاك

في التقديم ويا ريت برنامجكم اكون حقيقة

وفي انتظار ابداعك يا رائع

كروان

15-02-2010, 12:17

كروان سلام دنو وافقت فعلو حسابا عشان الناس تفلsss1

ابراهيم في انتظاركم انت ودنــــــــــو

طارق صديق

15-02-2010, 12:17

الأنيقة كروان .. !!

نهارك سعيد .. !!

أمنياتي أن تكوني بخير .. !!

ابراهيم فرح

15-02-2010, 12:28

ابراهيم في انتظاركم انت ودنــــــــــو

كروان ما تدنو انتوsss1

كلكلاوي

16-02-2010, 03:31

كلكلاوي أشكرك علي الإطراء الانيق الجميل ..

وانا ماعندي مانع في تقدم اي برنامج وتختار

الناس ال كمان بتحبهم عشان إكونو معاك

في التقديم ويا ريت برنامجكم اكون حقيقة

وفي انتظار ابداعك يا رائع

سنكون هنا دوماً اجمل سهرة علي قناة كروان

السبت وكل سبت لقاءات مباشرة ومميزة ومثيرة

انتي في الاعداد يا كروان واختاري لي الضيف الاول للسبت القادم

راجيييييييييييييييييييييك

تحياتي

كروان

22-02-2010, 14:32

الأنيقة كروان .. !!

نهارك سعيد .. !!

أمنياتي أن تكوني بخير .. !!

الأنـــــاقه أن تكون حــــــاضرا بين السطـور

لك أكثر ما يتمني البنفسج لنفسه

كن بعافية

كروان

22-02-2010, 14:38

سنكون هنا دوماً اجمل سهرة علي قناة كروان

السبت وكل سبت لقاءات مباشرة ومميزة ومثيرة

انتي في الاعداد يا كروان واختاري لي الضيف الاول للسبت القادم

راجيييييييييييييييييييييك

تحياتي

كلـــــــــــــكلاوي

تحيــــــــــــــــاتي

شايفه الاخ حسين فتح بوست بعنوان حبــــــــــــــاب com

واتخيل لي فكرتو قريبه من فكرتك دي حاول شوفو كاتب شنو

ونسقو مع البعض في النهاية الهدف واحد ..

كروان

22-02-2010, 14:44

وينكم يا شباب قدمتو مقترحات لتقدبم برامج مختلفه

ولحدي الان ما شفنا حاجة

غايتو في الايام دي ح نحدد بعض البرامج وح نشوف كيف نعدها

ويكيف نقدمها و نخرجها بالشكل المطلوب

بس همتكم معانا

في انتظاركم

hussein

22-02-2010, 14:48

كلـــــــــــــكلاوي

تحيــــــــــــــــاتي

شايفه الاخ حسين فتح بوست بعنوان حبــــــــــــــاب com

واتخيل لي فكرتو قريبه من فكرتك دي حاول شوفو كاتب شنو

ونسقو مع البعض في النهاية الهدف واحد ..

برنامج حبابcom عبارة عن جمع للمعلومات عن الاعضاء و مقترحاتهم حتى يتثنى لنا منم بعد ذلك تقديم البرنامج على القناة بصورة تلقيق بمقامها

كروان

22-02-2010, 15:32

برنامج حبابcom عبارة عن جمع للمعلومات عن الاعضاء و مقترحاتهم حتى يتثنى لنا منم بعد ذلك تقديم البرنامج على القناة بصورة تلقيق بمقامها

هوووووسين

تحيــــــــاتي

أنا عايزاك تبدأ علي طول بأي من المقترحات ال اقترحتها انت

في حباب com , واختار ما تراهو مناسبا من الاصدقاء

ونحنا معاك ،عشان لو حاولنا نجمع معلومات ما ح نقدر

إختار الضيف وسلط عليهو الاضواء والمعلومات ح ناخده

من مصدرها الحقيقي يعني من الضيف شخصيــــــــــــا

يلا انا منتظــــــــــــراكم

كل الود

ابوكجنكي

22-02-2010, 19:36

في القناة عايزين مراسلين ومشرفي ومقدمي برامج
كروان قالت عندها جوايز حقيقيه وحلفت عليها
همتكم يا شباب اي زول يجيب البرامج حقتو

كشكش

23-02-2010, 12:04

ممكن ادشن حملتي الانتخابية علي قناتك دي يا كروان

وله دي قناة خاصة بالناس اياهم:c030:

طارق صديق

23-02-2010, 12:09

في القناة عايزين مراسلين ومشرفي ومقدمي برامج
كروان قالت عندها جوايز حقيقيه وحلفت عليها
همتكم يا شباب اي زول يجيب البرامج حقتو

أمسك عندك واحد ... مقدم برنامج .. !!:)

الجوائز دي قالتا في الصفحة كم عشان نعرف وكده .. ؟ :trrr1:

كروان كيف حالك .. !!

تحياتي

كروان

23-02-2010, 12:51

ممكن ادشن حملتي الانتخابية علي قناتك دي يا كروان

وله دي قناة خاصة بالناس اياهم:c030:

كشكش

تحياتي

كل الاحترام والتقدير

ما عندك مشكلة هات برنامجك الانتخابي وليك علي

الترويج والخطة الاعلانية كلو مجاني دعما لمسيرتك

وله دي قناة خاصة بالناس اياهم:c030:

ديـــــــل منوووووووووو

:trrr1: :trrr1::trrr1:

ابراهيم فرح

23-02-2010, 12:57

كشكش

تحياتي

كل الاحترام والتقدير

ما عندك مشكلة هات برنامجك الانتخابي وليك علي

الترويج والخطة الاعلانية كلو مجاني دعما لمسيرتك

ديـــــــل منوووووووووو

:trrr1: :trrr1::trrr1:

ديل ناس انحنا يعني انا والننو اخويsss1

ابوكجنكي

23-02-2010, 12:57

الجوائز دي قالتا في الصفحة كم عشان نعرف وكده .. ؟ :trrr1:

قالتا في منتدي الاداره بتاع القناه
واذنتني بالنشر
وش زي وشك

كروان

16-04-2010, 09:14

الاصدقـــاء الاعــــزاء

تحيــــــاتي

نشكر كل اللذين مروا من هنا وعطر المكان بحلو التواصل

لكم كل الحب والاحترام

:trrr6: :trrr6:

طبقة الأزون

16-04-2010, 10:14

الاصدقـــاء الاعــــزاء

تحيــــــاتي

نشكر كل اللذين مروا من هنا وعطر المكان بحلو التواصل

لكم كل الحب والاحترام

:trrr6: :trrr6:

رشا ...

صباح الخير ...

اشكر قناة كروان لاتاحتها لى هذه الفرصه الطيبه وبهذى المناسبه اهدى غنية ...
بالله ياطير قبل ماتطير
تمر على بيت صغير
فيهو العصافير ...
معليش والله متلخبط عشان كدا ماقدر اقول الغنيه صاح ... هى اغنيه فيها العصافير للفنان الكبير وردى ... واهديها الى الحاجه ام ضو البيت بالفوله ... وحبوبتى سكينه بت الطيب فى ام مقت وخالتنا ست النفر أم خلف الله ( ماخلف بتاع دعاية الانتخابات ) بشلعوها الخوالده ..
ونانسى فى كاليفورنيا ونجوان فى اديس وطبعا" ليك يارشا ...

ممكن اختى الصغيره ( دينا ) تهدى لصاحبتها ( نجود )

كروان

16-04-2010, 16:45

رشا ...

صباح الخير ...

اشكر قناة كروان لاتاحتها لى هذه الفرصه الطيبه وبهذى المناسبه اهدى غنية ...
بالله ياطير قبل ماتطير
تمر على بيت صغير
فيهو العصافير ...
معليش والله متلخبط عشان كدا ماقدر اقول الغنيه صاح ... هى اغنيه فيها العصافير للفنان الكبير وردى ... واهديها الى الحاجه ام ضو البيت بالفوله ... وحبوبتى سكينه بت الطيب فى ام مقت وخالتنا ست النفر أم خلف الله ( ماخلف بتاع دعاية الانتخابات ) بشلعوها الخوالده ..
ونانسى فى كاليفورنيا ونجوان فى اديس وطبعا" ليك يارشا ...

ممكن اختى الصغيره ( دينا ) تهدى لصاحبتها ( نجود )

صبـــــــــــــــاح النور

نشكرك ياأخ طبقه من الدوحة وبنقول ليــــــــــــــــك انشاء الله

اهداء الاغنيه يصل للجميع بدون فرز ونتمني ان تنال القناة

رضاـــــــــــــــــــــك ورضــــــــا المشاهدين في كل انحاء العالم

يا كنترول سمع اغنية ياطير ياطير (خليك متابع معانا )

دي رشا الرشيد ولا منو ؟

http://www.youtube.com/watch?v=RHvv4ZDFJTs&feature=related

:trrr6: :trrr6: