مشاهدة النسخة كاملة : مصنقر ولا قاعد ام قللو؟ (بوست توثيقي لغرائب الكلمات والامثال السودانيه)
ابوكجنكي 22-01-2010, 16:38 الحاح جميل من صديقي حسين (بالانقليزي) عشان ابنت بوست عن الامثال السودانيه
راسلني في الخاص كثيرا حتي اقوم بهذا العمل ووعدني بتثبيت البوست(اها يا عمك لقينا ليك واسطه امسك في حسين قوي).........................
المهم انني قررت انو البوست يكون عن االامثال والكلمات السودانيه الغريبه والعاديه منها
يعني بوست اتنين في واحد ............................
لكن عنوان البوست مصنقر ولا قاعد ام قللو ؟؟؟؟؟؟؟
تعالو اولا نسمع القصه ................................
ابوكجنكي 22-01-2010, 16:41 واحد خليجي بحب السودانين ودايما موجود معاهم في بيت عزابه قريب منهم
عرف الكوشتينه والحله وكثير من الكلمات السودانيه .في يوم جاهم واحد ويبدو انو زهجان من كفيلو .داك اول ما شافو سلم عليهو وقال ليهو انا اي كلام سوداني بقيت اعرفو
قام الراجل قعد قعده معينه كده وقال ليهو
اسي انا مصنقر ولا قاعد ام قللو ؟؟؟؟؟؟؟؟؟؟؟
ابوكجنكي 22-01-2010, 16:43 شد واتباطا يا خيرا اتا ولا شرا فاتا
مثل سوداني جميل
انا بحاول اكتب المثل بدون قصتو اذا في واحد من الحبايب عايز يعرف قصتو ولا معناهو يقوم يقتبس المثل ويقول دا مقصود بيهو شنو
لا ادعي اني عارف كل الامثال او غرايب الكلمات الحاجه البعرفا بقولا والحاجا الما بعرف ممكن اسال منها واجيب خبرا
شد واتباطا يا خيرا اتا ولا شرا فاتا
كدي اقرأ لينا اول حاجة:d
طارق صديق 22-01-2010, 16:50 ازيك يا حبيبنا .. !!
تذخر العامية السودانية بالسهل الممتنع بحق من العبارات التي تختصر الكثير في جرسها المموسق وحكمتها المستقاة من تجارب الناس .. !!
أشد على ايدك .. بوست موفق جداً .. !!
والمدفونة بتكسر المحرات ... !!
حتكون جيتنا هنا كتيرة باذن الله ..
تحياتي
ابوكجنكي 22-01-2010, 17:06 كدي اقرأ لينا اول حاجة:d
يسعدني يا تالا ان تكوني اول الاتين
اقراهو كيف ؟
طيب
شد بمعني اعزم علي الشي
اتباطا يمعني اتاخر
يا خيرا اتي يا جاك خير
او فاتك الشر
تسلمين
ابوكجنكي 22-01-2010, 17:09 ازيك يا حبيبنا .. !!
تذخر العامية السودانية بالسهل الممتنع بحق من العبارات التي تختصر الكثير في جرسها المموسق وحكمتها المستقاة من تجارب الناس .. !!
أشد على ايدك .. بوست موفق جداً .. !!
والمدفونة بتكسر المحرات ... !!
حتكون جيتنا هنا كتيرة باذن الله ..
تحياتي
اشكرك الاخ الصديق طارق
وكما تعودنا منك سهل الكلام واريحية التعامل
انت نفسك موسوعه متجوله من الكلام الجميل والمرتب
كن هنا دايما
ابوكجنكي 22-01-2010, 17:10 الحسنه في الملعون زي الشرا في القندول
ويقابله مثل بنفس المعني
الحسنه في الما بسواها كيتن علي السواها
الما بسواها يعني الما بستاهلا
ابوكجنكي 22-01-2010, 17:16 فلان مكوفر
الكوفاره ماهي ؟؟؟؟؟؟؟؟؟
والتفدير
اللحم في السودان بفدروهو بالمريسه زمان
اسي بفدروهو بالببسي والبيره خاليه كحول
يقول ليك والله عايز لي حاجه افدر بيها الللحم دا
طبقة الأزون 22-01-2010, 20:31 كجوك ...
لى الشرف أن اكون ثالث المتداخلين ... والمعجبين ...
موفق بإذن الله ...
ابوكنجكى بوست ممتع
التسوى كريت تلقا فى جلدها
ابوكجنكي 23-01-2010, 11:46 كجوك ...
لى الشرف أن اكون ثالث المتداخلين ... والمعجبين ...
موفق بإذن الله ...
طبقه يا عزيزي
في انتظار مساهماتكم القيمه
تقبل شكري
ابوكجنكي 23-01-2010, 11:47 ابوكنجكى بوست ممتع
التسوى كريت تلقا فى جلدها
كريت وهي الغنمايه
وجلدا بمعني يدبغو جلدا بي القرض الكانت بتاكل في شدرو
تقبل تحياتي
ابوكجنكي 23-01-2010, 11:48 الفايق يهمز امو
والفايق يحنن ضنب غنمايتو
موضوع روعه تسلم
الخيل تجقلب والشكر لي حماد
ابوكجنكي 23-01-2010, 18:04 موضوع روعه تسلم
الخيل تجقلب والشكر لي حماد
شكرن منقه علي المرور وايراد هذا المثل الجميل
تسلمي
ابوكجنكي 23-01-2010, 18:11 بعض الامثال كلماتا ما بتنبلع واستميحكم عذرا في ايرادها
ورغم انها موغله في العفانه الا انها في غير هذا البورد يمكن ان تستعمل في الونسه بشكل عادي
مثلا
العندو المركب بخرا بالشرق
وهو يضرب لي زول عندو امكانيات ماديه مثلا وبستعملا في غير وجهتا
ومثل تاني موغل برضو
كترة البعابص بتجيب الهرار اليابس
يعني كتره المهابشه في الحاجات الما بتخصك ممكن تجيب ليك حاجات انتا في غني عنها
ومثل ثالث ايضا
هرة (خرية ) العار يا مطره يا نهارا حار
يعني وانتا بتعمل فيها في الخلا وكان النهار حار جدن او جات مطره يا ويلك
انا الان اتعامل بمهنيه في ايراد الامثال ارجو عذركم
ههههههههههههههه
الحمدلله غايتوا نسوي شنويعني
عثمان إدريس 24-01-2010, 09:46 مثلا
العندو المركب بخرا بالشرق
وهو يضرب لي زول عندو امكانيات ماديه مثلا وبستعملا في غير وجهتا
دا عندو مثل مطابق ليهو بس كلامتو أجمل شوية :D
بقول :
(العندو الحديد و عندو العبيد يفعل مايريد) ;)
أما حق الحنة داك خليهو sss1
ابوكجنكي 24-01-2010, 11:53 ههههههههههههههه
الحمدلله غايتوا نسوي شنويعني
اقول ليك تسوي
اكتبي لنا عما تعرفينهو هنا
الامثال اللي عندك
الكلمات السودانيه الغريبه
انتظر مساهماتك
ابوكجنكي 24-01-2010, 11:54 دا عندو مثل مطابق ليهو بس كلامتو أجمل شوية :D
بقول :
(العندو الحديد و عندو العبيد يفعل مايريد) ;)
أما حق الحنة داك خليهو sss1
ارحب بالاخ عثمان
وانتظر مساهماتك القيمه في هذا المجال
امثال كلمات
واحد خليجي بحب السودانين ودايما موجود معاهم في بيت عزابه قريب منهم
عرف الكوشتينه والحله وكثير من الكلمات السودانيه .في يوم جاهم واحد ويبدو انو زهجان من كفيلو .داك اول ما شافو سلم عليهو وقال ليهو انا اي كلام سوداني بقيت اعرفو
قام الراجل قعد قعده معينه كده وقال ليهو
اسي انا مصنقر ولا قاعد ام قللو ؟؟؟؟؟؟؟؟؟؟؟
ابوكجنكى يقصر الملح من الملاح
مدخلى معاك ايضا قصة
بعد الاستقلال وجاء دور السودنة ... الخواجة بسلم فى السودانيين معاهم و احد عندو حبة انجليزى طايرة ليهو كل ما الخواجة يتكلم يلتفت على زملاءه يترجم ليهم للعربية يتحدثوا زملاءه يلتفت على الخواجة يترجم ليهو و احد من الزملاء زهج منو قال للخواجة
اسمع اهلنا الختمية بيقولوا الفتة ام توم حمتنا النوم .. والتفت على صاحبنا و قال ليهو ترجم يا ........
أما حق الحنة داك خليهو sss1[/QUOTE]
الله يجازى محنك
ههههههههههههههه
الحمدلله غايتوا نسوي شنويعني
لوكى الصبر
فلان مكوفر
الكوفاره ماهي ؟؟؟؟؟؟؟؟؟
والتفدير
اللحم في السودان بفدروهو بالمريسه زمان
اسي بفدروهو بالببسي والبيره خاليه كحول
يقول ليك والله عايز لي حاجه افدر بيها الللحم دا
الكوفره هى الجوع مع العطش ... و الانسان البيكوفر بيكلهو حاجة حامضة كسرة روب زبادى
اقرع ونزهي
يضرب لمن كان لا يظهر فقره وعوزه للناس اعتزازا
وفي القران
اعوذ بالله من الشيطان الرجيم
بسم الله الرحمن الرحيم
يحسبهم الجاهل اغنياء من التعفف
عجبتني امثال لطشتها ليك من منتدى تاني
بس هي امثال حنكوشة مش زي حقتك
قلت اجيبها اخليها تتخلل هنا
إذا فتحت بقالة وسميتها العياذ بالله ما تلوم الزبائن
** لو كان إحساسك سلطه ما تكتر الليمون
** البعوض كان صَبَرْ بالنهار يبقى سعران بالليل
** ناس كتار رزقهم يمر من خُرم الإبرة فاحمد ربك يا عبدالستار
** إذا كانت المرا تلد مرّه والراجل يلد مرّه كان الكلام دخل الحوش
** الطبّاخ لا بشبع لا بجوع
** إذا ما قِدرتو للهاكرز مسّحوا المنتديات والمواقع بالزيت
** فتح بابين أفضل من فتح باب واحد مرتين
** العواره كريمة شديد والهباله طيبه خالص لكن العباطه بليده بالمرّه
** اللبن كان مِرِضْ يبقى زبادى وكان خِرِبْ يبقى جِبْنَه
عثمان إدريس 24-01-2010, 18:11 الله يجازى محنك
:D
اها العجايز ظهرو :c030:
عثمان إدريس 24-01-2010, 18:14 اقرع ونزهي
يضرب لمن كان لا يظهر فقره وعوزه للناس اعتزازا
أنا اشك في سودانية هذا المثل :D لانو السودانيين بقولوا للأقرع (اب صلعة) :p
غيرت رأيي :c030:
ابوكجنكي 24-01-2010, 21:33 اشكر كل الذين تداخلو هنا
وكتبو لنا
قطرالندى 25-01-2010, 10:29 المي حار مو لعب قعوي
دنيا دبنقة دردقي بشيش
ان جادت عليك بي خيط العنكبوت تنقاد وان قست تكسر سلسل الحداد
ابقى شواي وكواي الناس تريدك
الني للنار
يا حافر حفرة السوء وسع مراقدك فيها
بيضها وارقد تحتها ... والنية زاملة سيدا
وبجيك صاده تاااااني....
ابوكجنكي 25-01-2010, 11:55 المي حار مو لعب قعوي
دنيا دبنقة دردقي بشيش
ان جادت عليك بي خيط العنكبوت تنقاد وان قست تكسر سلسل الحداد
ابقى شواي وكواي الناس تريدك
الني للنار
يا حافر حفرة السوء وسع مراقدك فيها
بيضها وارقد تحتها ... والنية زاملة سيدا
وبجيك صاده تاااااني....
اشكر قطر علي مساهمتها
وهي ضالعه وباحثه في مجال الامثال واتلكلام والشعر الشعبي
برضو نحتاج منك لغرائب الكلمات
ابوكجنكي 25-01-2010, 11:56 عفنتن في امك حمتني ما اشمك
مثل سوداني جميل
اتزكرتو لمن عثمان ادريس شجع الجزايريين وكره المصريين
قطرالندى 25-01-2010, 12:53 سلام يا ابوكجنكي
والله مافي اجمل من اللهجه السودانيه والامثال...شوف عليك الله البيت دا مليان بالحكم وسمين كيف
قالت لي القدام قالو الارض مضروعه
كان ما صب مطر ما بتنبت المزروعه
وغير اليوما تام قط ما بتموتلك صيدا
والبجدعها القدر قطعا حربتو تصيدا
معلوم في المقانص تربح الرصيدا
ام نوم للقماح ام الزرع حصيدا
كلام عجييييييب...
ونواصل في الامثال...
تنقد الرهيفه ان شاءالله ما تتلتق حباب الشر محل ما بتق
والزارعها الله في الحجر "الزلط" تقوم
الزارعنا غير الله اليجي يقلعنا
كراع البقرة جيابا
يقولو ليك مثلا فلان دا "كلامو زي طق العصا في الركب"
الساعدو على قبر ابو دس المحافير
مرمي الله ما بترفع
ايد ام رويق والقبلي شايل
البتجي من السما بتحملها الواطه
فولة بتتملي وبقارة بيجو
دي على وزن
بيجي الخريف واللواري بتقيف :d
طارق صديق 25-01-2010, 16:46 1- تجيك الطاوية حبالا ... !!
2- العود كان مافيهو شق .. ما بقول .. طق .. !!
3- أب سن .. بضحك على أب سنين .. !!
4- يحموها من الحوامة .. باتت بره ... !!
5- القلم مابزيل بلم ... !!
وجاااااايك تاني باذن الله
عثمان إدريس 25-01-2010, 17:00 جراداية في سروال ولا بعضي بس قعادها ما حلو :d
ابوكجنكي 25-01-2010, 18:03 عفنتن في امك حمتني ما اشمك
مثل سوداني جميل
اتزكرتو لمن عثمان ادريس شجع الجزايريين وكره المصريين
يعني ممكن تحب زول وحاجاتو كلها سمحه
زول تمام لكن لانك بتكره واحد في عايلتو خلاك برضو تكرهو وتقول
عفنتن في امك حمتني ما اشمك
ابوكجنكي 25-01-2010, 22:53 شحم السخله الفي ليله
ابوكجنكي 25-01-2010, 22:54 الكوكه بتبين عند المخــــاده
ابوكجنكي 25-01-2010, 22:59 المرا شاورا وخالفا
ابو صلعه ما بيخـاف من القــوب
دمع الحن بيقيف ودمع النفع سريف
ابوكجنكي 25-01-2010, 23:01 الجن بيداوه كعبه الاندراوه
كتـلووك ولا جـووك جـووك
الفي والـدك بقـــالدك
ابوكجنكي 25-01-2010, 23:03 يا شباب عايزين واحد يدينا قصة
ديك ام بلينه
وديك المسلميه
ابوكجنكي 25-01-2010, 23:04 ود اب صقعو الابتو ستو (وردرت قصته في بوست سابق)
ابو دقنن في جلاكمو لاكم الدود ما تلاكمو (ايضا وردت قصته
ابوكجنكي 25-01-2010, 23:05 الجديد في الكرو سمح
المثل دا عاجبني
ابوكجنكي 25-01-2010, 23:06 الممطوره ما بتهاب الرش
برضو مثل عاجبني
الضايك قرصة الدبيب اخاف من جر الحبل
يعني الزول البقوصو الدابي لو جرو حبل قدامو بفتكرو دابي .
مهند الصقري 26-01-2010, 04:59 الضايك قرصة الدبيب اخاف من جر الحبل
يعني الزول البقوصو الدابي لو جرو حبل قدامو بفتكرو دابي .
sss1sss1sss1sss1sss1
قطرالندى 26-01-2010, 08:14 بليلة مباشر ولا ضبيحة مكاشر
الصقر ان وقع كترت البتابت عيب
فحمه مصرورة ولا دهبة مشرورة
كل زول عاجبو الصارّي
قرد يونسك ولا غزالة تزوزي بيك
طبقة الأزون 26-01-2010, 09:53 قرد يونسك ولا غزالة تزوزي بيك
غايه فى الجمال والروعه والله
طبقة الأزون 26-01-2010, 12:05 الزراف ركوب الجن ....
طبقة الأزون 26-01-2010, 12:06 كلامك دا ذى كتاب البرزنجى ....
عثمان إدريس 26-01-2010, 13:24 الكوكه بتبين عند المخــــاده
:d:d
غايتو دا أشك انو 90% من ساكني بعيدن عن النيل يعرفو المقصود بيهو :d
قطرالندى 26-01-2010, 13:28 :d:d
غايتو دا أشك انو 90% من ساكني بعيدن عن النيل يعرفو المقصود بيهو :d
الكوكه العوارة البتكون في الرجل "تقريبا"..
بيبين عند المخاده يعني الخوض في الموية عشان بتضطر ترفع الهدم لي فوق..
اها لقيتني كيف :c030:
ابراهيم فرح 26-01-2010, 13:40 يا شباب عايزين واحد يدينا قصة
ديك ام بلينه
وديك المسلميه
اها ديك السره كيفsss1
ابراهيم فرح 26-01-2010, 16:25 ركوب العجلة ما بتنسي
ابوكجنكي 26-01-2010, 18:50 الكوكه العوارة البتكون في الرجل "تقريبا"..
بيبين عند المخاده يعني الخوض في الموية عشان بتضطر ترفع الهدم لي فوق..
اها لقيتني كيف :c030:
لقيتك قريبه من الموقع
الكوكه هي الاسم الشعبي لدوالي الخصيتين مش العواره او الدبره
اها الكوكه دي الناس بدسوها زمان زي العيب كدا
وبتبين عند المخاده
يعين كان عندك حاجه داسيها بجي وكت تبين فيهو
دا التفسير بتاع الكوكه
طبقة الأزون 26-01-2010, 19:12 مافى واحد سألنى عن كتاب البرزنجى دا شنو ؟؟؟
المثل واضح ومعناهو واضح
طبقة الأزون 26-01-2010, 19:13 الممطوره ما بتهاب الرش
برضو مثل عاجبني
برضو غايه فى الروعه
طبقة الأزون 26-01-2010, 19:15 اها ياكجوك رايك شنو فى دا ؟؟؟
دقتو منى وإستلمتو الروضه
تلقى قطر الندى ميته من الضحك
ابوكجنكي 26-01-2010, 19:17 كتاب البرزنجي هو الكتاب الذي يقرا في مولد الرسول صلي الله عليه وسلم
وهو يحكي قصته وقصة حمله وولادته وتربيته
اقروهو
طبقة الأزون 26-01-2010, 19:28 كتاب البرزنجي هو الكتاب الذي يقرا في مولد الرسول صلي الله عليه وسلم
وهو يحكي قصته وقصة حمله وولادته وتربيته
اقروهو
مُألِم عديييييييييييل ذى ماقالت قطر الندى
طبقة الأزون 26-01-2010, 19:28 كتاب البرزنجي هو الكتاب الذي يقرا في مولد الرسول صلي الله عليه وسلم
وهو يحكي قصته وقصة حمله وولادته وتربيته
اقروهو
مُألِم عديييييييييييل ذى ماقالت قطر الندى
ود فداسي 26-01-2010, 20:28 انا موجود ومتابع
كجوك مشتاقين يا جميل
ابوكجنكي 27-01-2010, 12:04 جبل الكحل يهدنو المراوييد
جبل الكحل يهدنو المراوييد
كدي ألنشرحو نشوف فاهمه :D
يعني لو عندك جبل بتاع كُحل ألناس بتتكحل منو
بجي يوم والجبل ده بينهد من كترت أستعمال المراوييد
اها يهو ولا ما يهو ;)
ابوكجنكي 27-01-2010, 12:20 ياهو زاتو يا منقه
شرح تمام التمام
الحاجه مهما تكون كتيره ممكن تنتهي
يديك العافيه
ابوكجنكي 27-01-2010, 12:22 انا موجود ومتابع
كجوك مشتاقين يا جميل
ونحنا بالاكتر يا حبيب
وينك
اها امثالك لانو ناس الجزيره عندهم كميات من الامثال
جراداية في سروال ولا بعضي بس قعادها ما حلو :d
الما بعرف التلاويح لابريح لا بستريح
يا شباب عايزين واحد يدينا قصة
ديك ام بلينه
وديك المسلميه
انا بعرف ديك المسلمية و ديك البطانة و ديك العدة لكن ديك امبلينة دا ما صقت لحمو
ديك المسلمية عايزين يضبحو و هو يعوعى ( يقولوا ديك المسلمية مكشنين بصلتو و هو يعوعى ) يعنى مصيرو قرب و هو ما جايب خبر
ديك البطانة .. فى الخريف يرحلوا اهل البطانة حيث المرعى و يعلقوا الجداد فى عكفت السرج وكذلك فى رحلة الإاب الى ديارهم و هوفى هذا الوضع لا يعرف الاتجهات ذهابا و إيابا و لذلك بيقولوا فى المثل ( ديك البطانة دلدلومودو و جابو مو عارف وين ودو )
ديك العدا هو الذى يرك فوق العدة المنظفة كان نهرتو بكسرا و كان خليتو بوسخا
ود اب صقعو الابتو ستو (وردرت قصته في بوست سابق)
ابو دقنن في جلاكمو لاكم الدود ما تلاكمو (ايضا وردت قصته
ود ابو صقعو دا ذى الفشخو سيدنا
الجديد في الكرو سمح
المثل دا عاجبني
و الله بيعجب
يعنى يا شباب الجديد شديد
الموية الباردة بتقد السقو
و حبل المهلا يحل و يربط
و السترة و الفضيحة متباريات
و الكلمة الطيبة بخور الباطن
اها ديك السره كيفsss1
السرة يا خوى ما عندها ديك عندها .........
ابراهيم فرح 28-01-2010, 11:38 السرة يا خوى ما عندها ديك عندها .........
اها السرة وكت ما عندها ديك عندها شنوsss1
ابوكجنكي 28-01-2010, 12:00 اها السرة وكت ما عندها ديك عندها شنوsss1
يا ابراهيم السره عندها كلب
ولحدي هنا كفايه ما تحرقناش زي ما قال الممثل المصري
ابراهيم فرح 28-01-2010, 14:01 يا ابراهيم السره عندها كلب
ولحدي هنا كفايه ما تحرقناش زي ما قال الممثل المصري
ابو كجنكي يا زول يا رائع الشوق محيطات.......اها قلنا سمح
اها السرة وكت ما عندها ديك عندها شنوsss1
قلنا الما بعرف التلاويح لا بريح لا بستريح
المخنوقة ما بتبلع
المطرودة ما بتنجم
ابوكجنكي 29-01-2010, 22:37 المخنوقة ما بتبلع
المطرودة ما بتنجم
المطروده ملحوقه
المطروده ملحوقه
و السايقة و اصلة
البلاقيك متشمر لا قيهو عريان
الخيل الحرة بتجى عند اللفة
ابوكجنكي 31-01-2010, 18:13 الداير اللبن يدبي ليهو بالبليله
المكتوله ما بتسمع الصيحه
عينون فى الفيل و يطعنوا فى ضلو
عينون فى الاسد و يقصوا فى دربو
[quote=ابوكجنكي;463512]الداير اللبن يدبي ليهو بالبليله
العندو بليلة بعاشى بيها
ابوكجنكي 01-02-2010, 19:04 الزاد كان ماكفي البيت حرام علي الجيران
يقولو ليك فلان اباطو والنجم
عريان ولابس سديري
الاشحدو بي خشمي اكلو بي شنو
قعيد ما بدور قعيد
ابوكجنكي 01-02-2010, 19:06 جارك القريب ولا ود امك البعيد
حشاش بي دقنو
كان غلبك سدها وسع قدها
متيلك من الريف يأتيلك
عثمان إدريس 02-02-2010, 09:33 البرقص ما بغتي دقنو :d
......
يقول لما الواحد يكون مزنوق في حاجة ومواعيدها قربت .. بكرة لا في العير ولا في النفير و لا في المك الكبير
(يقولون انو دا من أقوال الشيخ فرح)
عثمان إدريس 02-02-2010, 09:35 الزراف ركوب الجن :d
ابراهيم فرح 02-02-2010, 11:16 الزراف ركوب الجن :d
يعني البعويات ياكلوا نيمsss1
الزراف ركوب الجن :d
فجيعة ضكر الزراف
الغطا القصير بعلم الكرفيس
جنه الحب 05-02-2010, 13:55 ابو كنجكى ليا عظيم الشرف انى اشارك بموضوعك واقوللك موفق بأذن الله دائما:trrr1:
ابوكجنكي 05-02-2010, 18:50 الدنيا كان بتدوم يدوم الزيق في الهدوم
العرجا لي مراحا
ساعدو في قبر ابو دسا المحافير
دفن الليل اب كراعا بره
ابوكجنكي 05-02-2010, 18:53 لاقيـني .. ولا تغـديـني
ألمــا يهمـك وصي عليهو راجــل أمـــك
المشفوقـة مدفوقـة
والنـوم لوى للكلب ضنبـو
ابوكجنكي 05-02-2010, 18:59 أم شيــر القصــيّر يـلحــق الطويـــل
البوم بعجبو الخراب
الدارك دورو والاباك كان بقى شيخ ماتزورو
الولادة صغرة والمشي صباح
اللوم والشكر واحد على السجمان
ابراهيم فرح 06-02-2010, 14:47 يا حمرا يا تشربي يا اكسر قرنك
ابوكجنكي 07-02-2010, 19:47 امثال الاكل
كان مرضان مشتكي ما تاكل منتكي
اكل اكل الجمال وقوم قبال الرجال
اكل السوسه والعافيه مدسوسه
الما بعرف ما يدهو يغرف
العوير بقعد جنب الزير
الراجل افجخي بصلة قبل ما يبقي اصلة :p
طبقة الأزون 09-02-2010, 09:39 الراجل افجخي بصلة قبل ما يبقي اصلة :p
كان بتقدرن ...
هو انتو حش البصل بتدمعو فيها ... مالكن ومال الفجيخ ...
ابوكجنكي 09-02-2010, 12:40 الفتاه الصلايه والجداده العوعايه
زمان الناس كان عندهم اعتقاد خاطي بشان الفتاه العازبه انو ما تكتر في الصلاه
بقولو ما بجوها عرسان
والجداده العوعايه ما بتجيب بيض
هوي انا قلتا غرائب الامثال السودانيه
كان بتقدرن ...
هو انتو حش البصل بتدمعو فيها ... مالكن ومال الفجيخ ...
هو انتو بتفجخو
بي عينكم ساي بتمشونا
روجال غريبة :c030:
ابراهيم فرح 09-02-2010, 14:54 الراجل افجخي بصلة قبل ما يبقي اصلة :p
منقة القساوة شنو زول منقة يفجخ بصلة اسع عليك الله ما لقيتي مثل الا دا ؟:mad:
يا حمرا يا تشربي يا اكسر قرنك
حمرا دى شنو ... و عندها قرون فعلا ... ما تكون قاصد
يا ريمى يا نكسر قرينك
الراجل افجخي بصلة قبل ما يبقي اصلة :p
المرا كان فاس ما بتكسر الراس
منقة القساوة شنو زول منقة يفجخ بصلة اسع عليك الله ما لقيتي مثل الا دا ؟:mad:
ابراهيم المثل عجبني
مالك ياخ :c030:
المرا كان فاس ما بتكسر الراس
ثمح يا حسين رضينا
ثمح يا حسين رضينا
السكات رضا ... مثل
ذى شورة النسوان .... شاوروهن و خالفوهن
دبرة فى ... قوو اسد ..........قالوا امسكوا حمار اكوو
ابراهيم فرح 09-02-2010, 15:12 حمرا دى شنو ... و عندها قرون فعلا ... ما تكون قاصد
يا ريمى يا نكسر قرينك
يا سحس والله مشتاقين البقرة (............) وكلو عند العرب صابونsss1
ثمح يا حسين رضينا
اثبتى انك محسية جد جد
بمناسبة الثاء الموضوعة بدا السين .. نكتة
قالوا فى واحد عائز يتزوج تانى و ما قدر يقنع زوجتو .
. سالتو العاجبك فيها شنو .. و كانت الثاتية لجنا ...
قال ليها لجنتا دى ...
قالت ليهو كان كدى علس كان معلس
يا سحس والله مشتاقين البقرة (............) وكلو عند العرب صابونsss1
تعرف يا ابراهيم فى نوع من الغزلان اسمو الحمرا .. ودا صيد بر مائى بيعيش فى البحر اكثر من البر .... ماشى كويس فى العربى الما فصيح
اثبتى انك محسية جد جد
بمناسبة الثاء الموضوعة بدا السين .. نكتة
قالوا فى واحد عائز يتزوج تانى و ما قدر يقنع زوجتو .
. سالتو العاجبك فيها شنو .. و كانت الثاتية لجنا ...
قال ليها لجنتا دى ...
قالت ليهو كان كدى علس كان معلس
ههههههههه دي حرقة ساي من راجلا
الثاء البدل السين دي تريقه مني بث
اشهد الله جعلية :D
ابراهيم فرح 09-02-2010, 15:23 تعرف يا ابراهيم فى نوع من الغزلان اسمو الحمرا .. ودا صيد بر مائى بيعيش فى البحر اكثر من البر .... ماشى كويس فى العربى الما فصيح
صاح يا صلاح
ههههههههه دي حرقة ساي من راجلا
الثاء البدل السين دي تريقه مني بث
اشهد الله جعلية :D
عشنا و شفنا الجعليين يتريقو
عشنا و شفنا الجعليين يتريقو
اظنك ما جعلي :p
اظنك ما جعلي :p
قال ليهو جعلى احمد الله
انا محسى
ابراهيم فرح 09-02-2010, 15:42 يا جماعة الخير البوست امثال سودانية مش وزارة الداخلية قسم الجنسيه
يا جماعة الخير البوست امثال سودانية مش وزارة الداخلية قسم الجنسيه
كلامك صاح ... والبل بقودوها بى هاديها
اها و رينا امثالك ... ما تبقى ذى ديك السرة
ابراهيم فرح 09-02-2010, 15:48 كلامك صاح ... والبل بقودوها بى هاديها
اها و رينا امثالك ... ما تبقى ذى ديك السرة
همهمهمهمهمهمهمهمهمهمهمةsss1sss1sss1sss1sss1sss1sss 1sss1sss1
همهمهمهمهمهمهمهمهمهمهمةsss1sss1sss1sss1sss1sss1sss 1sss1sss1
عجبتك
اها ارع بي قيدك
ابراهيم فرح 09-02-2010, 15:59 عجبتك
اها ارع بي قيدك
هوياااااااااااااااا يا حسين انا ما عندي قيد ولا حدود:mad:
هوياااااااااااااااا يا حسين انا ما عندي قيد ولا حدود:mad:
جربت لحسة كوعك
ابراهيم فرح 09-02-2010, 16:05 جربت لحسة كوعك
لا جربت حاجات تانية حاميانيsss1
ابراهيم فرح 09-02-2010, 16:08 اها زي مابقولوا ناس الكورة مرقووووووووووووووا
اها زي مابقولوا ناس الكورة مرقووووووووووووووا
اول شئ شكل الكورة دى عشان اقدر اعرف انت قاصد كورة اللعب ام كورة العرس
بالامس كنت بفكر انزل بوست عن بعض الكلمات التى تتشابه نطقا و مرات كتابة و تختلف فى المعنى مثل كلمة كورة
طلقة الرصاص و طلقة المرأة
كمرة البنيان و كاميرة التصوير
عيون الماء و عيون الخلق و عيون الشعر... وهلم جرا
ابوكجنكي 09-02-2010, 19:13 شنو يا شباب
ما تفتلو البوست
جيبو امثالكم
الزول كان أبَاك من غير سبب ما تسْكُو
أمسح إسمو من خَارْطة ضميرك حُكُو
القلب القاسى تَخَاف مِنّو الحجاره
القُعَاد مع الخواجات ما بِغَيّر اللون
ابراهيم فرح 10-02-2010, 11:08 القُعَاد مع الخواجات ما بِغَيّر اللون
one way برافوsss1
قبل شوية بتكلم مع ود فداسي واستعملت كلمة الزول دهكان (مُتشَدِب) ..وقف ليها وفتح خشمو وقال الكلمة دي اول مرة يسمع بيها ... يعني تقول الزول اتشدب في الحاجه دي أو زول متشدب ...
كدي نشوفكم بتعرفوها وللا بتطلعو زي ود فداسي
قبل شوية بتكلم مع ود فداسي واستعملت كلمة الزول دهكان (مُتشَدِب) ..وقف ليها وفتح خشمو وقال الكلمة دي اول مرة يسمع بيها ... يعني تقول الزول اتشدب في الحاجه دي أو زول متشدب ...
كدي نشوفكم بتعرفوها وللا بتطلعو زي ود فداسي
طيب كان و ضعنا بدا الباء دال ...
قبل شوية بتكلم مع ود فداسي واستعملت كلمة الزول دهكان (مُتشَدِب) ..وقف ليها وفتح خشمو وقال الكلمة دي اول مرة يسمع بيها ... يعني تقول الزول اتشدب في الحاجه دي أو زول متشدب ...
كدي نشوفكم بتعرفوها وللا بتطلعو زي ود فداسي
طيب كان و ضعنا بدل الباء دال ...
القُعَاد مع الخواجات ما بِغَيّر اللون
و الببارى الجداد بوديهو ...
ابراهيم فرح 11-02-2010, 14:25 و الببارى الجداد بوديهو ...
هم اتنين واحدة اي بنت تتمناها والتانيه اف اف اف يازول انت شغال في محليه والا شنوsss1
ابو عواطف 11-02-2010, 15:11 بنقول كراع البقره جيابا
والضائق قرص الدبيب بخاف جر الحبل
بنقول كراع البقره جيابا
والضائق قرص الدبيب بخاف جر الحبل
الفولة بتتملى و البقارة بتجى
دبرة فى قوو اسد ......قالوا امسكو حمار اكوو
الشرح على مسؤلية ابو كجنكى
ابو عبد الباقي 11-02-2010, 22:15 دبرة فى قوو اسد ......قالوا امسكو حمار اكوو
الشرح على مسؤلية ابو كجنكى
انا ما بفسر ويا ابوكجنكي ما تقصر
ابوكجنكي 12-02-2010, 22:52 يقولو ليك
فلان برضع فوق الصرار
يعني شنو؟؟؟؟؟؟؟؟؟؟؟؟؟؟؟؟؟
أم جركم . ما بتاكل خريفين .
طبعا ام جركم دى الجراده والمعنى واضح :d
يقولو ليك
فلان برضع فوق الصرار
يعني شنو؟؟؟؟؟؟؟؟؟؟؟؟؟؟؟؟؟
يعنى برضع فوق اللجام
الكحة و لا صمت الخشم
البعد و لا البلاد ام سعد
السفرا التودر الجمل و لا القعدة ام بوم
ابراهيم فرح 16-02-2010, 16:57 يعنى برضع فوق اللجام
عارف يا سحس الصرار بعملوه من شنو
عارف يا سحس الصرار بعملوه من شنو
الصرار بصنعوا من المنقة
ابراهيم فرح 20-02-2010, 16:57 الصرار بصنعوا من المنقة
يعني عصير احححححححححححح يا الخلاطهsss1
يعني عصير احححححححححححح يا الخلاطهsss1
بتعرف جقلة ام صرارا عود
ابراهيم فرح 20-02-2010, 17:08 بتعرف جقلة ام صرارا عود
ما قدر كدا يا حسين لكن اتخيلي العصارة
ابراهيم فرح 20-02-2010, 17:09 ما قدر كدا يا حسين لكن اتخيلي العصارة
والا قربة المويه
والا قربة المويه
استعين بى صديق او صديقة
ابراهيم فرح 20-02-2010, 17:13 فلووووووووا يا حسين
ابوكجنكي 22-02-2010, 12:11 قوم نعينك
واقعد نهينك
ابراهيم فرح 22-02-2010, 14:39 ام جركم ما تاكل خريفين
ام جركم ما تاكل خريفين
المثل ناقص حرف الباء لكن ما بيناتنا
حلاة الثوب رقعته منه وفيه
اللي يبينا عيّت النفس تبغيه ، واللي نباه عيّا البخت لا يجيبه
ابوكجنكي 27-02-2010, 18:23 شكرن منقه علي المساهماات القيمه
بالتوفيق
عثمان إدريس 01-03-2010, 21:31 اسمع زولك الليلة لولحو ليهو القناية ولا شنو :d
دا مثل بقولوا لي الواحد لما مرتو او نسايبو يكونو ضافرنو :D
كان مثلن قاعد ليهو في قيم وست والحكاية وااااره معاهو .. لكن مجرد ما تجيهو رساله او مس كول من الحكومة يقوم وعلالتو في كرعيهو و جري :D
اها الجماعة بقولوا ليهو (لولحو ليك الراية :c030:)
وفي مناطق المقصود بكون حاجة تانية يعني فيها معني بعيد حبة :D
عثمان إدريس 01-03-2010, 21:36 المعني البعيد يعني :d
يكونو عاملين ليهو ترس :d
ترس يعني كادوك sss1
كادوك يعني مكجرنو :c030:
مكجرنو يعني :mad:
ياخي ما عارف شنو دا :c030:
الغريبة قلت انا اخليها كدا علي المعني البعيد ح تتفهم عادي :c030:
بس قلت النقفل الباب للقيل و القال و كثرة السؤال :D
ما تغطى السما بالريش ده للشى المستحيل
وبرضو البدورو يمرقوا لى الظلط والبيابو يوصفوا ليه غلط
ابراهيم فرح 08-03-2010, 17:29 حلاة الثوب رقعته منه وفيه
يعني توب جناح ام جكوsss1
ابوكجنكي 10-03-2010, 19:17 الما بياكل بي ايدو
ما بشبع
ابوكجنكي 10-03-2010, 19:18 يقولو ليك فلان راقد حديد المد
يعني راقد علي حد قفاهو
ابو كجنكي
أنت كنكلوجك ده ... ما بوجعك ؟؟؟؟
تعرف الكنكلوج يازعيم !!!!!!!!
ابراهيم فرح 11-03-2010, 14:53 دقاني بكي سبقني اشتكي
جنه الحب 13-03-2010, 11:40 معلش معلش ألف سلامه عليك
حاطب ليل 14-03-2010, 11:36 من الحاجات البتجيب زول جاري لحب النيل الحاجات الحلوة من الناس الحلوين ديل
تشكر يا عمنا ابوكجنكي
ابوكجنكي 14-03-2010, 12:28 من الحاجات البتجيب زول جاري لحب النيل الحاجات الحلوة من الناس الحلوين ديل
تشكر يا عمنا ابوكجنكي
هلا والله بالغالي
وينك يا رجل
مشتاقين
شكرن كتير علي المرور
وفي انتظار مساهماتك
جنى العرب 18-03-2010, 10:08 اموت ؛؛؛؛؛؛؛؛؛؛؛؛؛؛؛حمار
فى؛؛؛؛؛؛؛؛؛؛؛؛رزق كلب
كجوك
سلالمات يازول يارايع
بوست جميل
ننفض الكلوش ونوريكم العجب
ابوكجنكي 18-03-2010, 12:25 هلا بي ود خالي
والله ليك وحشه
مشتاقين يا راجل يا جميل
Mohd. Ibrahim 19-03-2010, 18:17 تحية حب وتقدير لكل اعضاء وزوار وسمار منتديات حب النيل الراقية
وتحية اجلال وتقدير لادارة هذا المنتدى بقبول عضويتى
وتحية جميلة جدن للزول الجميل ابوكجنكى مسمار الزنكى الذى ابت نفسه
والا ويشركنى فى هذه الواحة الجميلة والمليئة بالحب والكلام الطيب
اتمنى ان اكون اضافة حلوة وصديق للجميع ...:trrr6:
طبقة الأزون 22-03-2010, 09:03 البدورو يمرقوا لى الظلط والبيابو يوصفوا ليه غلط ...
والله من الصباح قعدته اضحك براى لمن قريت المثل دا ...
كجوك ... وبقيه القعده ... فى انتظار المزيد
طبقة الأزون 22-03-2010, 09:18 البُعد ولا البلاد أم سَعد
طبقة الأزون 22-03-2010, 09:18 نقاعه فى الحديده
طبقة الأزون 22-03-2010, 09:19 أرنب بين كلبين
طبقة الأزون 22-03-2010, 09:19 الزول ماتريسو وتانى تتيسو
طبقة الأزون 22-03-2010, 09:20 ياريمى يابكسر قرنك
طبقة الأزون 22-03-2010, 09:20 ماتشكر لى الراكوبه فى الخريف
طبقة الأزون 22-03-2010, 09:21 الجفلن خلهن أقرع الواقفات
طبقة الأزون 22-03-2010, 09:22 قطعناك بالقصيره وجيناك بالطويله
طبقة الأزون 22-03-2010, 09:22 نقى الخال وخال الخال وشوف الجَنًه كان يطلع بطال
والمويه الحارة ما لعب قعونج
طبقة الأزون 22-03-2010, 10:19 هلوبى ... صباحاتو
لمن دخلته كنت متوقعك تعلق على المثل ... أرنب بين كلبين ...
ضحكته والله شديد لمن جيت ناطى بالقعونج ...
أصلها كترت الايام دى ....
إخخخخخخخخخخخخخخخ
ابوكجنكي 22-03-2010, 12:25 اشكر الاخ طبقه
لكل السماهمات القيمه
شكرن كتير
طبقة الأزون 23-03-2010, 10:18 ود أهلك ...
كان أكلك لحم ...
مابرميك عضم
مثل راقى وجميل جدن جدن ... ويعنى العزة والتفاخر بالأهل
عشم الكلب فى مويه الابريق
هلوبى ... صباحاتو
لمن دخلته كنت متوقعك تعلق على المثل ... أرنب بين كلبين ...
ضحكته والله شديد لمن جيت ناطى بالقعونج ...
أصلها كترت الايام دى ....
إخخخخخخخخخخخخخخخ
ههههههههه جانى تعليق فى راسى لكن استغفرته :D
طبقة الأزون 23-03-2010, 11:44 ههههههههه جانى تعليق فى راسى لكن استغفرته :D
الخاس ... الخاس ... وريح نفسك من وجع الراس
ابوكجنكي 08-04-2010, 19:36 للفيل ؟
اخير سقدي
مثل سوداني جميل
ابوكجنكي 08-04-2010, 19:37 الفايق يهمز امو
ابراهيم فرح 10-04-2010, 11:05 جارك القريب والا ود امك البعيد
ابوكجنكي 10-04-2010, 13:28 يا ايد البدري
قومي بدري
وازرعي بدري
شوفي كان تنقدري
ابوكجنكي 11-04-2010, 07:54 الليل والنهار واحد علي العميان
واللوم والشكر واحد علي السجمان
مالك السعيد 11-04-2010, 10:41 موسوعة رائعة يا ابو كجنكي
حكم بلدية يستعان بها
إزددت رغما ولم تدرك وغماً)
وهو يضرب للشخص الذى يقصد الثأر ولكنه ينال بدلا عن ذلك الهزيمة الثانية !!
مالك السعيد 12-04-2010, 13:18 الفاتحة لي حولا بتجيب زولا
هكذا قال لي جدي بعد عودتي من احدي سفرياتي
ابراهيم فرح 15-04-2010, 23:45 الاضينه دقوا واعتزر ليهو
ابوكجنكي 18-04-2010, 13:13 شكرن كتير ابراهيم فرح
منور البوست
ابوكجنكي 21-04-2010, 20:35 قلبي علي جناي
وقلب جناي
علي حجر
ابوكجنكي 21-04-2010, 20:39 من ما ولدتا عكار
ما ضقتا زقا حار
omarbebo 05-05-2010, 11:12 اجل ما في عاميتنا السودانية اننا متفردين في الموسيقة التصويرية المصاحبة للكلام بتاعتا زي توش خشا/ وردلب وقع / فوو جري/ كووكو الباب /كو كررو/ جمبلق غتس / شات الكورة تووف /والكثير الكثير
ارجو تدونا منا العبارات كدا
اه اديكم المثل دا دارفوري ( شجرة كان ههوززت يا هبباي يا عبلاي)
ابوكجنكي 06-05-2010, 09:35 الحبل بنقطع من محل رقيق
المي حامي كعوي ولابلعب
دارفور يات
ابوكجنكي 08-05-2010, 18:59 المال تلتو
ولا كتلتو
طبقة الأزون 09-05-2010, 10:29 الكتاحه وقت تقوم ... مابوقفها إلا المطر
omarbebo 10-05-2010, 07:47 الصقر كان وقع كترتر البتابي تعيب
المثل دا مشاركه من أمي
يانازل البير من غير حبال ويا مولع الديه بره رجال
المثل دا للزول العامل فيها عندو امكانيات وهو ما عندو حاجه
مولع الديه يعني اعمل المشكله وما عندو زول بدافع معاه
المثل دا مشاركه من أمي
يانازل البير من غير حبال ويا مولع الديه بره رجال
المثل دا للزول العامل فيها عندو امكانيات وهو ما عندو حاجه
مولع الديه يعني اعمل المشكله وما عندو زول بدافع معاه
الدية ام الديرة
ابوكجنكي 22-05-2010, 18:41 الما بعرف
ما يدوهو يغرف
العوير بقعد جنب الزير
المشتهي الجنيطير يطير
دخل القش وماقال كش
طبقة الأزون 29-05-2010, 22:28 زاد النعايم سعدو قايم وهو نايم
omarbebo 31-05-2010, 16:21 البطلع من الخشم بتلاقاه الدقن
omarbebo 31-05-2010, 16:25 القحة ولا صمت الخشم
omarbebo 31-05-2010, 16:26 اخوك اخير تسمع ظرتو ولاتسمع صرختو
omarbebo 31-05-2010, 16:31 الزول بقول اخ من خشمو في دقنو
بليلتي ولاضبايح طي
سكاتي ولا الكلام الني
التسوى العاز تلقى فى جلدها
طبقة الأزون 02-06-2010, 09:03 عجبك قريب وغرقانه في الحجره
omarbebo 03-06-2010, 09:59 العين تبكي النفع والليد تدي الدفع
omarbebo 09-06-2010, 15:11 حلو الشم................ الجنا
الغابة الضليلة...............الاهل
سمح الاتر......................المطر
التسوى العاز تلقى فى جلدها
العاز دى اسم الدلع للعنز؟
التسوى كريت فى القرض تلقى فى جلدا
ابوكجنكي 10-06-2010, 19:00 الحاضره متاومه
ابو عواطف 13-06-2010, 01:39 قالــــو
السن بتضاحك نـديـــــــدا
(مثل يطلق علي الأشـخاص قريبي العمرممكن يكون بيناتهم تفاهم وهــــزارومراح علي عكس
لمن يكون بينهم فارق في العمر يسود الاحترام وربما بعض الإخـتـلاف فــي وجــهــات الـنـظــــر)
dd13
الليد في القش والعين تتش
الجنا خال
المي حار ولا لعب قعوي
مثل من غرب السودان - يقصد به ان المسألة بغاية الجدية ولا تقبل المزح ويجب ان يتصدى لها من يتحمل المسؤولية
ابوكجنكي 15-06-2010, 20:59 المطروده ملحوقه
المدفونة بتكسر المحرات (المحراث)
الممطورة ما بتبالى من الرش
حمارك الاعرج يغنيك عن سؤال اللئيم
ناس تغوص جوة البحر للجواهر والصدف
وناس علي الشاطي تلقي الجواهر بالصدف ( ضم الصاد )
شفقت بت كامل جو اطهروها لقوها حامل
ركاب سرجين وقيع
ومساك دربين ضهيب
اقول ليك الزول ده جبل خرة لا بنطلع ولا بنشم
مع الاعتذار لقباحة الكلمة
طبقة الأزون 23-06-2010, 12:21 كل زولا" يرضع من صدرو ....
أبو الريش 26-06-2010, 10:03 بوست جميل..
وحتى تكون هنالك فائدة ترتجى منه..
من وجهة نظري إن صاحب المثل شرح وافي للكلمات الموغلة في الدارجة..
ومناسبة المثل وقصته إن وجدت يكون أفضل للفائدة..
شكراً كجك..
لما قريت البوست ولا حاجه في راسي مافي حبيت امر واسلم دمت بخير ابوكجنكي
|