اولا التحيه الي جامعة العطاء المتفرد جامعة الجزيره
ثم التحيه لكل من شهد معاناة الطلبه في ارض الجزيره من نشها الي
الاعداديه
ثم حنتوب وابوحراز وغيرها
والتحيه لك اخي بابكر بله( بيكو) حينما صورت حياة الطلبه والعزوبيه والداخليات برائعتك
رمتالة
وانا هنالاسطر قليلا قليلا من الرمتاله ومحبي النش الي كل محبي النيل في منتدانا

بنحب الدين
ونعز الخالق
لكين رمتاله
في الحله بنلعب
واحدين في السيجه
وكيمان في الضاله
والكوره عصاري
شفعنا شيوخنا
مشدوده حيالها
والشافع القايم
حداد ميكانيكي
منشارو الباله
في الحله بيلعب
في هجيره ينطط
والام غساله
ونغازل نجفه
لو كانت سمحه
وماسترت حالها
ونقوم بالواجب
بالعين والحاجب
تقدير لي جمالا
ياشفعي الدقدق ماتكونوا رمتاله
الدنيا صباح
ياعم وصلنا
ماشين الجامعه
للشده نشد
لي هدومنا اللامعه
عشرات نتسوك
بي فرشه وناعمه
مريوقه بطون
والناس بتعاين
للايد الداعمه
شيرنق يابنات
فتتنا مقص
تنظارف سامعه
تنطارش واحده
في الآخر قالت
ماجاتها حواله
يالله الرازق
ادينا فطور
ما نحن فقارا
ننطامن ونقعد
في ضل شجرتنا
باقيلنا سجاره
بس عين في كتاب
والتانيه غياب
دا قروشو كتارا
داك يوسف داك
ماسك فنجان
ما الكيف دا مهارا
ادينا َنبُق
تتبارك ليك
وكبايه محالا
دردملنا سفه
لو كيسك كفه
والغرفه زباله
والكيس الفاضي
مرات موضوع
لي بت محتاله
يا شفعي الدقدق ماتكونوا رمتاله

نموت في الإبداع و نعشق واقعنا البسيط
بس يا ريت لو ضمنا الجميل فقط و دعينا لنبذ كل ما سواه
و أظنك فهمتني يا حسام

و التحية موصولة لكل الجامعات و شبابها في بلادي

بنحب الدين
ونعز الخالق
لكين رمتاله

.. دي عجبتني:D ..



.. يا شفعي الدقدق ماتكونو رمتاله ..

.. لي بث :eek: ..



.. تحية الإبداع أخي حسام ..

الرائع القنديل
تشكر على هذه الإطلالة التي أعادتنا
إلى أيام مضت مرحاً
وحقيقه الرمتله مابين النش والإعداديه
ودك المحاضرات والفطور المامعروف جيهته وين
كلها أيام لن تنسى لك الود وأنت تعيدنا إلى تلك الذكريات الباليه
والأيام الخوالي
حقيقه ده فعلاً مضروب في راسه والرمتله في أيامه ديك كانت
هي الحياة وهي طعم الحياة
ذكرتني عبدالحي أبوه كان لامي ليه بناطلينه من سنه 65
عشان عبد الحي لمن يدخل الجامعة تدعدل ويمشي بيها الجامعة
وحصل وجانا بيها وما كان هاميه

تخريمه
عمي الغالي ود المصطفى لك التحيه
ولكن لا غضاضه من ذكر سبب القصيده والتخصيص هنا ليس بضار لأن الموقف تطلب ذكر السبب وهنا ذكر جامعة الجزيرة ليس تحيذا لها وإنما للفترة التي قضاها بها ولك الود يا غالي .
علي فكره أنته بتشبه عمي عبدالرحمن.

يا mohsenco يا ود بطل شقاوة بقي
بس ما وريتني عمك عبد الرحمن ده بشبه منو؟؟؟؟ و حكايتو شنو؟؟؟؟؟؟
و على فكرة أنا ما قصدت الأنت فكرت فيهو ده
بس زي ناس ديل :c030: و أمثالو بقول عليهم


واااااااا أسفاااااااااااااااااااااااااااااااااااااااي

يا mohsenco يا ود بطل شقاوة بقي
بس ما وريتني عمك عبد الرحمن ده بشبه منو؟؟؟؟ و حكايتو شنو؟؟؟؟؟؟
و على فكرة أنا ما قصدت الأنت فكرت فيهو ده
بس زي ناس ديل :c030: و أمثالو بقول عليهم


واااااااا أسفاااااااااااااااااااااااااااااااااااااااي

لك الود يا غالي
وكان لازم نغلط عشان نستفيد من توجيهاتكم
وحالياً وضح المقصود
وأعتذر عن دخولي شمال

لكن برضو بتشبه عبدالرحمن عمي

لكم كل التحاي اصدقائي ود المصطفي الرمتالي محسنكو
تحيه خاصة ود المصطفى وتسلم والبتاعه والبتاعة ديل واسوأ منهم
للاسف انتشروا بشده في اوساط الطلبه
ربنا يهدي لكن الرمتاله مقصود بيها تصوير بسيط حقيقي يمتزج بالفكاهه
تسلم محسنكو وانت تعود الي الماضي لا اريد ان اسألك اي الدفع انت
لكنني في دواخل نفسي اريد ان اعرف
وتحيه خاصة لرمتالة النش

اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين

اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين

ameeeeeeeeen

قنديل ...النص يصلح لاغنية رااب
وستكوون جميلة جدا....
جرب مطربى الراب وحتما ستجد القبول....
عليك بى ناس جوطة
او عباس فرنسى..
او سودنيز باند

ان لم تستطيع الانصال ...بهم
دعنى اجرب انا....
واعطنى الاذن......

قنديل ...النص يصلح لاغنية رااب
وستكوون جميلة جدا....
جرب مطربى الراب وحتما ستجد القبول....
عليك بى ناس جوطة
او عباس فرنسى..
او سودنيز باند


taslam ya wad alsagana 3ala almiroor

w fikratak gameela

abshir bil5eer

ان لم تستطيع الانصال ...بهم
دعنى اجرب انا....
واعطنى الاذن......

أذن:trrr6:

اللهم اني اعوذ بك من علم لا ينفع ومن قلب لا يخشع ومن دعاء لا يستجاب له يا رب العالمين