بان القمر الآسر عيني
وعين الدهر معاه
وعشعش جو القلب محبه
وقال القلب اكيد بهواه
وبعشق لونه الاسمر وصافي
وقوس الجفن اللي مرافي
وبي رؤياه نسيت عرافي
وقلت افتش لي مأواه
ازيد في وصفو اقول بهواه
شوف الشعر النازل
نسمة ليل بتداعب ساهر
حامل من اطنان الدنيا
شعر وشعور واحساس
ولمعة ماس
وصوت اجراس

ورقة ساس
وطيبة ناس
جمالهم نور قمر في رباه
وشوقي الزايد لي رؤياه
يزيدني الم ما احلاه
واغرجع اوصف في محياه
جمال الحاجب زاد جمال العين
وستر الرب من عين الحاسد ما تغشاه
وتحفظ عينو القدت عين الدهر سهامها
وضل الحاجب فوقها غمامه
وفي الخدين موجوده علامه
دي الوجنات الزادت وجدي
وخلت قلبي يزيد في غرامها
متين ياربي اقيف قدامها
واقول بهواك
يانجم سماك
عالبي علاك
وجهكبدرا كامل في دورين
وقامتك زاتها محاسن لم تبين
زي خلخال ملبوس في يمين
لونو الماسي
زاد احساسي
وصبح ماسي
محلق في عينيهو
وشط عينيهو جمال عينيهو
هو القمر الآسر عيني وعين الكل معاه
بحب القاه
يارب القاه
عشان بهواه

المرشوفه

يامرشوفه من الازهار
ماضقنا العسل الصنعو الراشف!!!
اتهني براهو وسابنا نعاين في حدقات العين السودا
اتهني براهو وسابنا نفتش في الانفاس راحت دون عوده
اتهني براه وسابنا نساسق زي دمعاتنا الحق ورودا
االناس مورودا
وناحل عودا طريق مسدوده
ولاسعه ردودا
وأصلو الراشف ما بستاهل
اصلو الراشف ما بستاهل
اريت لو كنت مكانو
كنت جريت رددت الحانو
وصوت الناي الصوتك زانو
رنين اجراسك كان ايزانو
وآه لوكنت مكانو
كنت صنعت العسل الابيض وصافي
كنت بشوفك انت وغيرك...... مافي
كنت منحت الناس باقات عدوها
واحدات من عسلك
وباقات الورد الانتِ رحيقو وهو جروفك
والتالت باقه ملانه حروفك:
يضوق من عسلك يشم لي رحيقك
يساسق (ساي)
يضوق من عسلك يشم لرحيقك
يقولك (آي)
يضوق من عسلك يشم لرحيقك
أدوه ال....(راي)
يضوق من عسلك يشم لرحيقك
آيسو تا (تاي)
فرح غناي
وصفك بهجه وحاصلك حاصل
عرفتو الحاصل؟
حاصل الحاصل ...
انو الراشف قالو مقصر!!!
لا ضوقنا عسل لو لحسه
ولا أهدانا بتله ومبسم
لا ورانا حروفا وقسم
ليه ياراشف خليك حقاني
ليه ياراشف ماتبقي اناني
بس ياراشف ابدع وقًسِم
فضل الزاد اديه معاني
وما تنساني

محاولات كتبت في الماضي القريب عندما كانت سماءات مدينة ودمدني
تقالد ارضها بالمطر وتنداح