طارق سيد احمد
19-03-2006, 17:55
لونهن من بعيد متل البليبلى نضاف
حرد و معصرات من شبة الأكتاف
على الناس البغنولهن بجروا القاف
ماليات الخشم من كامل الأوصاف
البلد اللبوك عمدو وجفوك نظارو
ذى المتلى قاعد فوقو شن افكارو
اولى الختره فوق جملا تكب فقارو
ما خالقنا زول مولانه واسعه ديارو
نفخ الشمرة و أدلى الوعير من ضو
ردف الزوغة و اتصعد هبوب الهو
أنسى الغيرة مالى فى الشبابت هو
خلت حلقى قرقدة و لهاتى كرو
الشم خوخت بردن ليالى الحره
والبراق برق من منا جاب القره
شوف عينى الصقير بى جناحو كفت الفره
تلقاها ام خدود الليله مرقت بره
تعرف لى مشاهيد الرقاد والفره
فلاخ المصب بيهو بتبين تتوره
فوق حيا فوق محل من الصعيد منجره
شاد الله الكريم ما تلقى فيه مضره
اب عراق فتق قرنو المبادر شره
والباشندى عمت مهششيب الدره
من النقره كل حين فوق عليو منصره
ها الايام محاريها القليعه ام غره
قدمت من هنا مبى ضانها سمعت كره
فوق كارتوت شخيتيرا تخين خره
قلاتو الوهاط بى لشغه قبلو محره
يا باسط النعم تسقيها فى ها المره
باَهي وَريدَه عَالي صدَيرَه فَاْقله رَقيقةَ
تَمْشي مَنْ الُترَفْ في كل ثَانيه دَقيقَه
وهَذَا منْ الطبعْ مَا أتْصنعْلو حَقيقَه
مٍقْدارَ ثَانيهَ فَيهَا الحٍنه تبَقْي عَقيقَه
الحب يا مناى فى جوفى جزرو ومدو
علق روحى فوق وهيامى جاوز حدو
قاضى هواك أمر اعتقالى ومدو
مايقبل دفاع من سبدرات أو شدو
بت امات حقيبة الجاكة بي فستانا
منك واشقاوة اب دومتن زكمانة
دارة وشك الفوقو النجوم محنانة
خشمة عكة الفوقو الطيور حرقانة
سامية أديبة ما بتحمل مشاعرك همسة
حني شوية خلي الروح تجود بي همسة
قسما بي جمالك والحروف الخمسة
نيرانك تلهلب فينا تصبح تمسى
من الهودي قام بي مكندي
وكت جبد الرسن .. جاب راسو عندي
قال لي يا سيدي انعدل اللوريك ذندي
و عقب نحضر مشاط بت اللفندي
البارح رقادي كسيدة فوقكا بريش
وراكبوتن تجيب صقطة ومعاها رشيش
الـ حماني ما اشهل جمال العيش
هنهينأً بيسونو الدغش بيشيش
بالهنا والسرور العيد عليك مبروك
يا ست النجيمي الفي العقل مشبوك
قدمك للمجاربو بيودر ام سمبوك
زولك غير نعال بيفتر بيجيه الشوك
ناس قدر الله قاعدين في الفريق مابخترو
من كبي وكشف حال الحريم مابفترو
أنا البختر براي أسد الرصيمة بنترو
صاحبي إن ضلا مابفشاه ديمة بسترو
أخوك يا ريا أخوك وقت الخيول يدبكن
أخوك ياريا أخوك وقت الرماح يشبكن
أخوك جبل الثبات وقت القواسي يتحبكن
كم بكيت - بتشديد الكاف - وكم قشيت دموع الببكن
ولدا ما سافر لامن يقولن فات
ماطلع الجمل دل السداسيات
ماكجر الحوايا وفي ضراهن بات
كيف يبكن عليهو دقس العيون إن مات
ولداً ما سافر لامن شهيرو يهل
وماورد البحر عطن شنانو يبل
وقت الشوف يشوف متل الصقير يقدل
واخيبةً على ولدا يعيش بالذل
دردرنى الفقر لامن بقيت شنكيت
ودنى الغباين لى جبال فرتيت
امن جبت مالا فرح ام سوميت
وامن فى جبل تقلى انجدع ما جيت
تقاي المفلخ شلتو في مشهادك
جوط واتجوجا لي هسع بعيد مشوارك
قال لي الهسال كان ترخي منه يسارك
بوريك أدعج النقعة الفتق نوسارك
البارح بشوف يشلع بريق النو
وحس رعداً يكركر في الضمير ، كو كو
داك طير القطا دوّر مشارع الهو
و فرقان البطانه اتماسكن بالضو
يوماً في بســـــط* عند المزند عاجــــــــــــه*
ويوم غــــــربتبن* من جَنْره* شايل كـــاجه*
لا تهـــــــتاددوني ياقطبي السجن مــو* حاجه
بيش* نرضـــــيها غير البِل جدية الـــباجــــه*
ان شفتها غافية او جالسة يوم فى براحة
كلنا نحن ديل اسبوع تجدنا فراحى
من ام نظرا محور ما بشوف لى راحة
حبها فى ثابت زىالخطوط فى الراحة
كباس درايزو ام حبر
يا دابي الجبال
قلبك صميم من حجر
يا دود الوعر
زينب تجر النم في تور العماص
جارف بالكرف الدم
في محتر بواش حاشاهو ما بينزم
صاتور الرجال جرعك عقود الذم
يا دابي الجبال, قلبك صميم من حجر
يا دود الوعر
اللّكة الــــــــــبِِتل* يدو ومكـــــــضّم* ســــــــيفو
واسقي انــــــياقو* من ترعة* وسدر بــــي قيفو*
في تقطيع* مجـــــــالس همّلن من صــــــــــــــيفو
يوم بعنــــــــــــالو* بي الســـــاحر* وابزعِل كيفو*
حالي البـي يازينوبـة حـالاً شيـن
يا زينوبة خاطري كسير وقلبي حزين
يا زينوبـة شهيتيني نـوم العـين
حالـي البـي كمل فرحة الشامتين
مشتاق ليك كتير يالجوة قلبي سكونك
لقيـاك منيتي وقبلة سعادتي عيونك
شوقك شال منامي وشـن حياتي بدونك
حني على الأسير أو حلي قيد مسجونك
بعد سبعين سنه وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
اشكى على الغصون لى من يعرف البى
الزول البريدو يا ريتنى كان ردتو
كل ما ازكروه الحال العلى يبتو
اصل الشتله بتشيل الثمار وتحتو
وانا كلن مته فنجان وانكسر عن ستو
الناس فى العروض ما تقيسه بى تيبانه
ما يغرك لباسم والعروض عريانه
ديل حراس رزق ذى التكنه امانه
ذى ابل الرحيل شايله السقى وعطشانه
حرد و معصرات من شبة الأكتاف
على الناس البغنولهن بجروا القاف
ماليات الخشم من كامل الأوصاف
البلد اللبوك عمدو وجفوك نظارو
ذى المتلى قاعد فوقو شن افكارو
اولى الختره فوق جملا تكب فقارو
ما خالقنا زول مولانه واسعه ديارو
نفخ الشمرة و أدلى الوعير من ضو
ردف الزوغة و اتصعد هبوب الهو
أنسى الغيرة مالى فى الشبابت هو
خلت حلقى قرقدة و لهاتى كرو
الشم خوخت بردن ليالى الحره
والبراق برق من منا جاب القره
شوف عينى الصقير بى جناحو كفت الفره
تلقاها ام خدود الليله مرقت بره
تعرف لى مشاهيد الرقاد والفره
فلاخ المصب بيهو بتبين تتوره
فوق حيا فوق محل من الصعيد منجره
شاد الله الكريم ما تلقى فيه مضره
اب عراق فتق قرنو المبادر شره
والباشندى عمت مهششيب الدره
من النقره كل حين فوق عليو منصره
ها الايام محاريها القليعه ام غره
قدمت من هنا مبى ضانها سمعت كره
فوق كارتوت شخيتيرا تخين خره
قلاتو الوهاط بى لشغه قبلو محره
يا باسط النعم تسقيها فى ها المره
باَهي وَريدَه عَالي صدَيرَه فَاْقله رَقيقةَ
تَمْشي مَنْ الُترَفْ في كل ثَانيه دَقيقَه
وهَذَا منْ الطبعْ مَا أتْصنعْلو حَقيقَه
مٍقْدارَ ثَانيهَ فَيهَا الحٍنه تبَقْي عَقيقَه
الحب يا مناى فى جوفى جزرو ومدو
علق روحى فوق وهيامى جاوز حدو
قاضى هواك أمر اعتقالى ومدو
مايقبل دفاع من سبدرات أو شدو
بت امات حقيبة الجاكة بي فستانا
منك واشقاوة اب دومتن زكمانة
دارة وشك الفوقو النجوم محنانة
خشمة عكة الفوقو الطيور حرقانة
سامية أديبة ما بتحمل مشاعرك همسة
حني شوية خلي الروح تجود بي همسة
قسما بي جمالك والحروف الخمسة
نيرانك تلهلب فينا تصبح تمسى
من الهودي قام بي مكندي
وكت جبد الرسن .. جاب راسو عندي
قال لي يا سيدي انعدل اللوريك ذندي
و عقب نحضر مشاط بت اللفندي
البارح رقادي كسيدة فوقكا بريش
وراكبوتن تجيب صقطة ومعاها رشيش
الـ حماني ما اشهل جمال العيش
هنهينأً بيسونو الدغش بيشيش
بالهنا والسرور العيد عليك مبروك
يا ست النجيمي الفي العقل مشبوك
قدمك للمجاربو بيودر ام سمبوك
زولك غير نعال بيفتر بيجيه الشوك
ناس قدر الله قاعدين في الفريق مابخترو
من كبي وكشف حال الحريم مابفترو
أنا البختر براي أسد الرصيمة بنترو
صاحبي إن ضلا مابفشاه ديمة بسترو
أخوك يا ريا أخوك وقت الخيول يدبكن
أخوك ياريا أخوك وقت الرماح يشبكن
أخوك جبل الثبات وقت القواسي يتحبكن
كم بكيت - بتشديد الكاف - وكم قشيت دموع الببكن
ولدا ما سافر لامن يقولن فات
ماطلع الجمل دل السداسيات
ماكجر الحوايا وفي ضراهن بات
كيف يبكن عليهو دقس العيون إن مات
ولداً ما سافر لامن شهيرو يهل
وماورد البحر عطن شنانو يبل
وقت الشوف يشوف متل الصقير يقدل
واخيبةً على ولدا يعيش بالذل
دردرنى الفقر لامن بقيت شنكيت
ودنى الغباين لى جبال فرتيت
امن جبت مالا فرح ام سوميت
وامن فى جبل تقلى انجدع ما جيت
تقاي المفلخ شلتو في مشهادك
جوط واتجوجا لي هسع بعيد مشوارك
قال لي الهسال كان ترخي منه يسارك
بوريك أدعج النقعة الفتق نوسارك
البارح بشوف يشلع بريق النو
وحس رعداً يكركر في الضمير ، كو كو
داك طير القطا دوّر مشارع الهو
و فرقان البطانه اتماسكن بالضو
يوماً في بســـــط* عند المزند عاجــــــــــــه*
ويوم غــــــربتبن* من جَنْره* شايل كـــاجه*
لا تهـــــــتاددوني ياقطبي السجن مــو* حاجه
بيش* نرضـــــيها غير البِل جدية الـــباجــــه*
ان شفتها غافية او جالسة يوم فى براحة
كلنا نحن ديل اسبوع تجدنا فراحى
من ام نظرا محور ما بشوف لى راحة
حبها فى ثابت زىالخطوط فى الراحة
كباس درايزو ام حبر
يا دابي الجبال
قلبك صميم من حجر
يا دود الوعر
زينب تجر النم في تور العماص
جارف بالكرف الدم
في محتر بواش حاشاهو ما بينزم
صاتور الرجال جرعك عقود الذم
يا دابي الجبال, قلبك صميم من حجر
يا دود الوعر
اللّكة الــــــــــبِِتل* يدو ومكـــــــضّم* ســــــــيفو
واسقي انــــــياقو* من ترعة* وسدر بــــي قيفو*
في تقطيع* مجـــــــالس همّلن من صــــــــــــــيفو
يوم بعنــــــــــــالو* بي الســـــاحر* وابزعِل كيفو*
حالي البـي يازينوبـة حـالاً شيـن
يا زينوبة خاطري كسير وقلبي حزين
يا زينوبـة شهيتيني نـوم العـين
حالـي البـي كمل فرحة الشامتين
مشتاق ليك كتير يالجوة قلبي سكونك
لقيـاك منيتي وقبلة سعادتي عيونك
شوقك شال منامي وشـن حياتي بدونك
حني على الأسير أو حلي قيد مسجونك
بعد سبعين سنه وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
اشكى على الغصون لى من يعرف البى
الزول البريدو يا ريتنى كان ردتو
كل ما ازكروه الحال العلى يبتو
اصل الشتله بتشيل الثمار وتحتو
وانا كلن مته فنجان وانكسر عن ستو
الناس فى العروض ما تقيسه بى تيبانه
ما يغرك لباسم والعروض عريانه
ديل حراس رزق ذى التكنه امانه
ذى ابل الرحيل شايله السقى وعطشانه