حـــايم براي والزهــج عصف [الأرشيف]

متشرد

20-03-2006, 23:37

غايتو زمان كلمة لا أحد المعلقة فوق:c040: كانت بتخلي الواحد مطمئن شوية إنو في اللا أحد معاه!!!
هسه دي لي ساعتين حايم هنا ده ونهائي زول يونسنا ما في!!!-2542*8
أها هسه بونس في رقيبتي دي-*877-7*6:
قبيل (يعني قبل ساعات،،، بس إنتو ما تدققوا-22*8 ) بسأل في هندي كده عن أحوالو
فقال لي:
كلو مية مية... أنا في يجي الحين من الدوحة (ما حقتكم يا جو والعنقاء-25642*8 ) وفي أنا يشوف حادث هذا سوي جمس مع وانيت بس ما في نفر موت!!!
أها أنا علقت قلت ليهو:
الحمد لله ما في موت، يعني حادث خفيف...
صاحبنا هنا عايز يوصف الحادث لكن الألفاظ عاجزة شوية (اللغة دي ما حاجز وسد عديييل كده)
قام قال:
لا والله هذا في حادث جيّد واجد واجد-*877-7*6: !!!!

شفتو المحن دي كيف؟؟؟::515532:: قصدو شريف يا جماعة هو عايز يقول الحادث صعب شديد وخطر وبس!!!

بين قوسين (متشرد يونس في المتشرد ولاأحد765\": )

متشرد

20-03-2006, 23:46

ترانا قاعدين غايتو نونس في رقبتنا:c040:
يا طارق ود سيد أحمد أقول ليك شئ-*-*-*-*3 :
إنت مش مرات بتخلي الماسنجر مفتوح وتتخارج؟؟؟-242*8 دحين تاني خليك مسجل دخول في حب النيل وما تقفل الجهاز واسمك ده بملأ ليهو فراغ ما شاء الله تبارك الله-*-7*6-*-: ...
زمان كان في ناس وردية الليل هسه وردية الليل ذاتهم تقولوا أدوهم الصالح العام*+..3673
مِحـــــــــــــــــن وتـِــــــــــــــــــحن)(454*45&6

متشرد

20-03-2006, 23:59

طبعا يا جماعة أحسن ليكم إنشده بس في البوست ده عشان ما أقوم أنكت البوستات وأشنتل المسارات:c040: دي وأطير المواضيع كلها سقط لقط ونبقى بعدين في الجرسة وكل واحد يمشي يرفع لينا عشرين موضوع من مافي!!!
أها الفراغ بتاعي حاليا بينتج إقتراحات*+..36673 :
شوف يا سعادة المشرق العام نتمنى إنو يكون في منتدى إجتماعي من هسه دي!!!56g58
الحاجة التانية بتقول إنو بدل كل يوم ينزل خمسة ترحيبات وستة تقوموا تعملوا ليكم بوست بتاع ترحيب مثبت ومعلق فوق هنا دهLLKJ78785 عشان العضو الجديد يلقى الترحيب طوالي ويخش تووووش (هسه لو جاء واحد وأنا مافي الحا يرحب بيهو منو؟؟؟56g658 * ما تقولوا لي ينزل بوست ترحيب*+..373 ويتمحن لي باكر الضهر حتى يلقى البقوليهو إتفضل،،، لحدي الوقت داك الحرداب يكون غطى البورداب::132:: )
أها بمشي أشوف يمكن ظهر زول ولا حاجة يرفع معنوياتنا وبجي راجع-*-*-*-*

متشرد

21-03-2006, 00:07

وبجي راجع-*-*-*-*
معليش بس نسيت أقول إن شاء الله بعد بجي راجع دي:eek:
الدنيا بقت ما مضمونة والطيارات مالية الجو وما معروف الحياة من الموت والله يستر الجميع
أها بجي راجع إن شاء الله :)

متشرد

21-03-2006, 00:21

غايتـو حـــــــــــــدود الإنتظــــــــــــار سلبة بس
يا حبيبنا الحبيب جوبتر دمانيوس بن عسقلان الدمياطي-*-7*6-*-:
إنت حكايتك شنو اليومين دي؟؟؟ إتعلمت نوم الجداد شكلك56g658 !!! فتش رقبتك دي يا أخوي أوع تكون التسي تسي قرصتك!!!!!546g465`8
ولا بقيت عامل فيها تقيل يا واد يا تقيل إنت-*877-7*6: !!!
ولا البلياردو ده هدّ ليك حيلك؟؟؟d44564443
غايتو يا جوبتر يا حليل لعبة شليـــــــــل وينــــــــــو أكلو الدودو... شليل وين راح أكلو التمساح::5132::
دي لعبة أشغال شاقة بالنسبة لي لعبك المتحنكش ده@454@5
وبعد ده بي تفتر من زحلقة عصايتك دي وتمشي ترقد سلطة765\":
أرقد عافية يا حبيب
أها بجي تاني إن شاء الله

متشرد

21-03-2006, 01:19

إتأخرنا شوية مشينا إتضهبنا في الماسنجر مع المتضهبين أمثالناdd13
أها جينا لقينا القراءات عشرة (كيف؟ الله أعلم)56g658
المهم نواصل السهرة المفتوحة دي-*-*-*-*3
وبالله يا الإدارة أعملوا لينا راتب بتاع حارس مناوب4(({}{{
هسه لو جاء ضيف ودق الباب يقوم يلقى الناس كلها نايمة وطاشة وبعدين يبيت القَوَى؟؟؟)(*&6
(القوى معناها الجوع يا فلان وفلانة وعلان وعلانة) يعني الواو فيها فتحة تم نصبها على البابLLKJ78785 ...
أها نمشي نتخبر ::4512:: ونجيكم تاني إن شاء الله

saricom

21-03-2006, 01:42

-242*8 ممكن أشترك وأهدى

متشرد

21-03-2006, 01:42

أها يا جماعة بعد ده ما أظن في زول بجي حايم بي جاي إلا يكون رباطي غايتو:eek:
هسه عيوني إدنقسوا وبقيت أشوف طشاش طشاش
دحين خلوني أجر عنقريبي ده على السهلة الواسعة دي وأديها غميضة...:c030:
مشكورين وبي نتلاقى إن شاء الله
أرقدوا عافيـــــــة يا حبـــــــان

متشرد

21-03-2006, 01:45

-242*8 ممكن أشترك وأهدى
بس لقينا زول نسلمو الوردية الظاهر جاء خاشي على غفلة ومتشرد مشغول في الرد:c030:
أها إستلم sss1
بيني وبينكم ده بصبحا عدييييييييييييل:p

متشرد

21-03-2006, 02:04

أها يا ساري الحبيب
أبقى عشرة على الركشة بتاعتي دي ما تقوم تجي بكرة كل النجوم وبقية الشلة من ناس الملح ديل;) يسقطوا حجرها ،،، أصلهم ديل مش يسقطوا حجر ركشة!!! ديل يسقطوا حجر طاحونة!!!:eek:
أما ديل كوم وداك الكان حردان كوم براهو،،، ده يجي ما شاء الله ما يخلي موضوع ما يوديهو سقط لقط... يبدأ من الرياضة وهو ماشي لحدي ما تلقى المنتدى كلو طارق تاريق تارك وهكذا دواليك ودلاليك:c030:
أها أبقى عشرة لحدي ما أستلم منك الركشة بكرة
تصبح على خير ويا البتشخروا تشخروا عافيةsss1

كل النجوم

21-03-2006, 12:40

انت يا جنا سقد ما بتنوم
المحومك نص الليل شنو
ما خايف يجي حرامي يلفخك بي عكاز
وبعدين انت متشرد يعني حوام الناس البحوما معاك شنو خليك براك:trrr3:

طارق سيد احمد

21-03-2006, 12:50

لا حولا ولا قوة الا بالله

ياجوبتر الزول ده لاقيت امس دى مش كان نصيح
سبحان الله ربنا يشفيك وياخد بيدك لى بر الامان:trrr3:

يا جوبتر زولنا ده بقدر على الكهربة 220
ولا ساى بتفاصح

العنقاء

21-03-2006, 13:09

حنين يا ليل
يا شايل هموم الناس

أبوعادل

21-03-2006, 13:39

ميويه

21-03-2006, 14:36

خلاص عشان تاني ما تحوم براك يجيك حرامي ولا مصيبة زمان المنتدي دا من الساعه 11 يتقفل بالضبه والمفتاح ويقيف زول بره عشان مافي زول يدخل

sensitive_heart

21-03-2006, 15:19

متشرد :
الحته بقى فيها ناس خلاص تلقاك بتقول يا حليل ايام الانفرادية لا ازعاج لا حاجه بس يادوب كده تسمع صوت شخير من الجيران ...
الواحد ما بيحس بالنعمة الا لمن تروح منو ....

sensitive_heart

21-03-2006, 15:25

أها الفراغ بتاعي حاليا بينتج إقتراحات*+..36673 :
شوف يا سعادة المشرق العام نتمنى إنو يكون في منتدى إجتماعي من هسه دي!!!56g58
]

طيب انا عندي اقتراح برضه للمشرف العام :
برضه نتيجة للفراغ المؤقت
عارفة انو ده ما المكان المناسب لكن اعمل ليكم شنو
اقترح فتح قسم بعنوان : البرمجة اللغوية العصبية
مجال واسع للحديث وللتعريف عن ما يسمى .NLP. عشان ما حلو يكون الواحد من رواد المنتدى وماعارف البرمجة اللغوية العصبية .. وعلى فكرة هي بتضمن حاجات اكتر من كده لكن لا مجال لذكرها ..

Hani

21-03-2006, 16:24

ان شاء الله دايما الحوش مليان

والناس كلهم فرحانين

متشرد

21-03-2006, 23:21

انت يا جنا سقد ما بتنوم
المحومك نص الليل شنو
ما خايف يجي حرامي يلفخك بي عكاز
وبعدين انت متشرد يعني حوام الناس البحوما معاك شنو خليك براك:t
أها السقد جاء تاني يا بت أمي
تاني وردية ليل بس
هو عليك الله في حرامي فيه حيل الزمن ده للنطيط بي فوق الحيط؟؟؟ الحكاية إتطورت:c030:
أما حكاية اللفخ دي ما ممكن تكون من حرامي دي بتكون من حمار أخوي طارقsss1
ألزمي راكوبتك وجهزي البكري بي نجيييك

متشرد

21-03-2006, 23:30

لا حولا ولا قوة الا بالله

ياجوبتر الزول ده لاقيت امس دى مش كان نصيح
سبحان الله ربنا يشفيك وياخد بيدك لى بر الامان

يا جوبتر زولنا ده بقدر على الكهربة 220
ولا ساى بتفاصح
جيت يا الكاشف أخوي؟؟؟:p
مرحبتين... القاليك منو أمس ولا غيرو كنت نصيح؟؟؟:eek:
ربنا يشفينا كلنا (مش دفناهو سوا؟؟؟;) )
جوبتر المجنتر؟؟؟ كهرباء بتاعة شنو يا فرد؟؟؟ لومك بي البجدعني بي تيار أرشو بي جردقة:c030:
أرقد عافية يا أخوي

متشرد

21-03-2006, 23:36

حنين يا ليل
يا شايل هموم الناس
تسلمي إنتي يا ست الفهم والذوق:)

متشرد

21-03-2006, 23:51

الجن بتداوة كعبة الاندراوة

ها جنا بتنضم مع رقبتك مالك نصايص الليل ؟

جنيت والا ماك نصيح ؟

والا شايلك حمار النوم ؟

التشرد والسهر ديل بضيعنك علينا ساكت

وما تحوم في الضلمة بتقرصك مصيبة

شيل معاك الفانوس والا حبوبة ونسيني

وضاريها من الهوى ما يطفيها ..

جيب العواقب سليمة يارب ..
أول شئ يا أبو عادل كلامك جد ماني نصيحsss1
هو أنا لاقي النوم لحدي حمار النوم يشيلني؟؟؟ غايتو إلا حمار شماعة ولا حمار أمريكي:c030:
والفانوس والرتينة قاعدات وهواء بجي مافي ولا هوى برضو:eek:
دحين دي ما محن؟؟؟

متشرد

21-03-2006, 23:59

خلاص عشان تاني ما تحوم براك يجيك حرامي ولا مصيبة زمان المنتدي دا من الساعه 11 يتقفل بالضبه والمفتاح ويقيف زول بره عشان مافي زول يدخل
حرامي شنو يا ميوية قولي بسم الله كدي!!!:eek: شفتي ليك حرامي بجي في البلد الكلها كهارب دي ما شاء الله؟؟؟:c030: هسه أنا حارسو الحوش ده يمكن الجماعة ديل يدوني أوفر تايم ولا شئsss1
شايف سيد الحوش حايم بي جاي ويمكن هسه عايز يرسل لي العقد بالمخصصات واللازم منو:p

متشرد

22-03-2006, 00:05

متشرد :
الحته بقى فيها ناس خلاص تلقاك بتقول يا حليل ايام الانفرادية لا ازعاج لا حاجه بس يادوب كده تسمع صوت شخير من الجيران ...
الواحد ما بيحس بالنعمة الا لمن تروح منو ....
مشكورة يا قلب يا رهيف :)
بالعكس يا زولة عايز الناس دي تكون فايرة هنا اليوم كلو عشان نحقق حكاية حب النيل لا ينام يعني هسه الحكاية زعلة ما ها فرحة بي غياب الناس وإنفرادية ما عايزين نهائي!!!:)
مشكورة كمان على البوست بتاع البرمجة اللغوية وبي نجيك بي غادي بإذن واحد أحد:)
فتناك بي عافية يا أخيتي

متشرد

22-03-2006, 00:18

ان شاء الله دايما الحوش مليان

والناس كلهم فرحانين
مرحبا بي سيد الحوش:)
والله ما شاء الله الحوش مليان
وناس الحوش فرحانين
والله لا جاب التعاسة

ويسعدوا جميعا يا رب:)

متشرد

22-03-2006, 00:28

برضو لا أحد
الليلة باقي لي أخير إنستر وأمشي إندمس أجدع مخدتي تحت رأسي وأنخمد:p
بي طريقتكم البتجوا كاسحين بيها الصباح دي بي تطقوني عين تجيبوا أجلي:eek:
أصلكم ما شاء الله وكت تكملوا الشخريبة بتاعتكم تجو هنا تعوسوا المنتدى ده عواسة تقول كان حايم فيه جداد مشتتين ليهو عيش ذرة:c030: (ما شاء الله من هسه دي ما تجوا بعدين تركبوا لينا تهمة);)
أرقدوا كلكم عافية

Nifasha

22-03-2006, 11:11

" قاعد " براك والهم عصف

ريحاً كسر وردة صباك

باباً فتح شرفة وجع

http://sa7rana77.jeeran.com/right1.gif

""""""""""""""
وجع اليوجع ضروسك يا الغربه ويا الوحده .. ويا إتحاد جدة ظاتو

:c030:

تحياتي يا خـِل

متشرد

22-03-2006, 15:13

"وجع اليوجع ضروسك يا الغربه ويا الوحده .. ويا إتحاد جدة ظاتو

تحياتي يا خـِل
خلي الوفي كيفنك؟؟؟
بركة الشوفة
ويا غربة كجناك كتير أدينا خاطرك يسهلا
وأشواقي تسبقني ليك يا حبيب:trrr6:

sensitive_heart

22-03-2006, 15:49

مشكورة يا قلب يا رهيف :)
بالعكس يا زولة عايز الناس دي تكون فايرة هنا اليوم كلو عشان نحقق حكاية حب النيل لا ينام يعني هسه الحكاية زعلة ما ها فرحة بي غياب الناس وإنفرادية ما عايزين نهائي!!!:)
مشكورة كمان على البوست بتاع البرمجة اللغوية وبي نجيك بي غادي بإذن واحد أحد:)
فتناك بي عافية يا أخيتي

لما الناس تكون كتيرة المنتدى بيكون ليهو طعم مختلف صح ؟

لا شكر على واجب ومستنياك بهناك ....

على جمبة :
شكرا دي بتحسسني اني ما من هنا كاني عملته حاجه لناس ما بعرفهم وجايين يشكروني
بالطريقة دي يعني انا لسه مابقيت من اهل الدار ..

متشرد

22-03-2006, 16:07

لما الناس تكون كتيرة المنتدى بيكون ليهو طعم مختلف صح ؟

لا شكر على واجب ومستنياك بهناك ....

على جمبة :
شكرا دي بتحسسني اني ما من هنا كاني عملته حاجه لناس ما بعرفهم وجايين يشكروني
بالطريقة دي يعني انا لسه مابقيت من اهل الدار ..
أهااااااااا بالجمبة كده برضو،،، كلو ولا الحسس يا عزّة:eek:
شكرا دي لأنك كان عندك الخيار تنزليهو ولا ما تنزليهو صاح؟؟؟ وإنتي نزلتيهو وبالتالي عايز أعبر عن إعجابي بمبادرتك دي :)
وإنتي من أهل الدار بالحيل...:)
وفعلا المنتدى متوهج بالناس

متشرد

25-03-2006, 21:44

جييييييييييييييييينا من جديد

زي الشايف غزلان حايمة بي جاي
مرحب بيك وبالسوميت:c030:

sensitive_heart

25-03-2006, 22:01

جييييييييييييييييينا من جديد

زي الشايف غزلان حايمة بي جاي
مرحب بيك وبالسوميت:c030:

انا برضه جيت هنا تاني ..

لكن انته ماجيت بهناك اولاني ..:trrr1:

متشرد

25-03-2006, 22:30

انا برضه جيت هنا تاني ..

لكن انته ماجيت بهناك اولاني ..:trrr1:
أها يا قلب المنتدى المرهف جيت بي جاي برضو:c030:
الليلة شلهتة شديدة
(بالمناسبة كلمة شلهتة لو ما وقعت ليك ما تتحسسي أسألي طوالي):D
أها ردينا في كل الأجواء والصفحات الخضراء والزرقاءsss1
الله يديكي العافية

sensitive_heart

25-03-2006, 22:42

أها يا قلب المنتدى المرهف جيت بي جاي برضو:c030:
الليلة شلهتة شديدة
(بالمناسبة كلمة شلهتة لو ما وقعت ليك ما تتحسسي أسألي طوالي):D
أها ردينا في كل الأجواء والصفحات الخضراء والزرقاءsss1
الله يديكي العافية

شلهته شديدة ... تقريبا كده جري شديد لمن مالامي ... صح واللا ..؟

كل الاجواء عامرة بوجودك ...
لكن انته وعدتني بي رد في موضوع كده في جو ازرق لكن شكلك لسه مافضيت ؟

متشرد

25-03-2006, 22:51

شلهته شديدة ... تقريبا كده جري شديد لمن مالامي ... صح واللا ..؟

كل الاجواء عامرة بوجودك ...
لكن انته وعدتني بي رد في موضوع كده في جو ازرق لكن شكلك لسه مافضيت ؟
تسلمي أختي العزيزة
الله يهون... حال الدنيا بقى كلو جري;)
والأجواء عامرة بي وجودكم إنتو:)
أما الرد فجاييك بس صبرا يبل الآبري
ونفضى شوية من المشغولية:o
لك الود

Nifasha

25-03-2006, 22:52

مساءك ورد يا خـِل ..

كدي النعمل ليك فيها بتاعين خواطر ..

كالعاده .. أسدل الليل الستارة الكاحلة السواد ..

وفي عتمة ذاك الليل كان يتسلل خيط ضوء رفيع ..

يشق الظلمة ..

يتلألأ كما الدُر ..

رويداً رويدا .. بدأ ضوء الشُعاع بالخفوت ..

ومن ثم تسربت العتمة إلى مكان إنبعاث الضوء ..

عجباً .. أيموت الأمل ؟؟

ربااه .. رُحماك .. ما عُدت أحتمل ..

****

بي غادي :

لحظة تجلي قلنا نقولا بي جاي .. وكلي يقين أنها ستلامس وتر حساس

كل الود

متشرد

25-03-2006, 22:56

مساءك ورد يا خـِل ..

بي غادي :

لحظة تجلي قلنا نقولا بي جاي .. وكلي يقين أنها ستلامس وتر حساس

كل الود
تعرف يا صديقي؟؟؟
إنت وجودك في حد ذاتو بلامس كل الأوتار الحساسة
الله يخليك لينا ويحفظك وزي ما بقولوا دائما أمهاتنا وحبوباتنا
يديـــــــــــــك الفي مرادك
وما بتقصر لا إنت لا خواطرك
وسعيد بوجودك في مساحة من حياتنا
تسلم

sensitive_heart

25-03-2006, 22:56

تسلمي أختي العزيزة
الله يهون... حال الدنيا بقى كلو جري;)
والأجواء عامرة بي وجودكم إنتو:)
أما الرد فجاييك بس صبرا يبل الآبري
ونفضى شوية من المشغولية:o
لك الود

الله يسلمك ..

الصبر مافي اكتر منو عندي لانو عارفة انو دايما النتيجة بتكون حلوة ...

بس ما قلتلي شلهته دي طلعت كيف ...؟

متشرد

25-03-2006, 23:01

الله يسلمك ..

الصبر مافي اكتر منو عندي لانو عارفة انو دايما النتيجة بتكون حلوة ...

بس ما قلتلي شلهته دي طلعت كيف ...؟
الله يجازي محنك بي غادي وبي جاي (بالخير طبعا)
قطعتي مصاريني ديل بالضحك يا زولة
شلهتة دي بتدي معنى الشرقطة والتوهان
دحين برضو ما تتحسسي لو ما عرفتي معنى شرقطة:D
وهي الحاجة البنسوي فيها هسه دي:rolleyes:
نديها جرية للأخضر عشان نرمي لينا كلمتين بي غادي:c030:

sensitive_heart

26-03-2006, 14:25

الله يجازي محنك بي غادي وبي جاي (بالخير طبعا)
قطعتي مصاريني ديل بالضحك يا زولة
شلهتة دي بتدي معنى الشرقطة والتوهان
دحين برضو ما تتحسسي لو ما عرفتي معنى شرقطة:D
وهي الحاجة البنسوي فيها هسه دي:rolleyes:
نديها جرية للأخضر عشان نرمي لينا كلمتين بي غادي:c030:

الخير للجميع يارب ..
sss1 sss1 دوووووووووووم الضحكة يارب ..

شرقطة ..شرقطة دي نطلعها من ياتو قاموس ..
بعدين يا اخي العزيز لا تفسر الماء بالماء:rolleyes:
اديني على قدي شلهته = توهان
................شرقطة = ؟؟؟؟؟الا كان غلطان في الكتابة ههههه

ما تحسسته وريني يعني شنو وزح من الماء بالماء دي اكتر من كده ممكن ابقى عمر احساس

arkuit74

26-03-2006, 19:52

شرقطة ..شرقطة دي نطلعها من ياتو قاموس ..
بعدين يا اخي العزيز لا تفسر الماء بالماء:rolleyes:
................شرقطة = ؟؟؟؟؟الا كان غلطان في الكتابة ههههه

أمااااااااانه ما وقع متشرد
اها وصف ليها شرقطه دي يا المتشرد الأممي
والله الا كان تمشي مختار الصحاح وما حتلقاها
هو الزول لما قدر الحاجة بيمشي يتشوبر ليه؟

متشرد

26-03-2006, 23:35

الخير للجميع يارب ..
sss1 sss1 دوووووووووووم الضحكة يارب ..

شرقطة ..شرقطة دي نطلعها من ياتو قاموس ..
بعدين يا اخي العزيز لا تفسر الماء بالماء:rolleyes:
اديني على قدي شلهته = توهان
................شرقطة = ؟؟؟؟؟الا كان غلطان في الكتابة ههههه

ما تحسسته وريني يعني شنو وزح من الماء بالماء دي اكتر من كده ممكن ابقى عمر احساس
تسلمي يا مرهفة
يا زولة خلعتيني هسه قلت دووووووووم دي شنو!!! بس بعدين عرفتك قاصدة دوام بس بالخليجي:c030:
الشرقطة يا أخيتي بت عما للشلهتة لزم:p ، وعشان نوضح ليك بالمثال الحي تقومي كدي تمشي ليك بوست منزلاهو كل النجوم المشرقطة بتحكي فيهو عن صباحات الله بي خيرا وقصتها مع الماهية والحاجات الدنيوية وحبوباتا البشربن القهوة البكرية (غايتو إن ما فهمتي بعد ده برسل ليك مختار الصحاح السوداني في قفة الملاح):D
أها هسه ده فسرنا ليك الماء بالزبادي;)
يديكي العافية واللقمة الدافية

sensitive_heart

26-03-2006, 23:42

تسلمي يا مرهفة
يا زولة خلعتيني هسه قلت دووووووووم دي شنو!!! بس بعدين عرفتك قاصدة دوام بس بالخليجي:c030:
الشرقطة يا أخيتي بت عما للشلهتة لزم:p ، وعشان نوضح ليك بالمثال الحي تقومي كدي تمشي ليك بوست منزلاهو كل النجوم المشرقطة بتحكي فيهو عن صباحات الله بي خيرا وقصتها مع الماهية والحاجات الدنيوية وحبوباتا البشربن القهوة البكرية (غايتو إن ما فهمتي بعد ده برسل ليك مختار الصحاح السوداني في قفة الملاح):D
أها هسه ده فسرنا ليك الماء بالزبادي;)
يديكي العافية واللقمة الدافية

ههههههههههههههه دووووم

يعني نقدر نقول كده ان مشرقطة زي مقطعة ...واللا شطحته بعيد....."حلوة شطحته دي يعني البت عندها مصطلحات برضه"

حديك 3مصطلحات بالدور كان فهمتهم اطلب اللي عايزو : وما حقوليك بياتو لهجة

نبدا بالو وحدة بعد ما تجاوب نمشي للتانية :

يعل عيني ما تبجيجsss1

متشرد

26-03-2006, 23:43

أمااااااااانه ما وقع متشرد
اها وصف ليها شرقطه دي يا المتشرد الأممي
والله الا كان تمشي مختار الصحاح وما حتلقاها
هو الزول لما قدر الحاجة بيمشي يتشوبر ليه؟
هيع أركويت أبو سبعة وسبعين شوكة:c040:
دييييييييك العدة كيفنك يا راجل؟؟؟LLKJ78785
مرحبتين حبابك،،، جيت تسوط بي جاي برضو؟؟؟*+..3673
ما في هنا جلاليب مكوية هاملة-22*8 يا حبيب
شرقطة وصفناها ليها تب،،، لكن عايز أوصف ليها شكل الجلابية البيضاء مكوية بتاعة أبو النسب اللبسوها الهمباتة وعملوا بيها نومندا-*-*-*-*3

شفت كيفن؟؟؟@454-*5/*:

كيفني ليك كدي؟؟؟-242*8

متشرد

26-03-2006, 23:51

ههههههههههههههه دووووم

يعني نقدر نقول كده ان مشرقطة زي مقطعة ...واللا شطحته بعيد....."حلوة شطحته دي يعني البت عندها مصطلحات برضه"

حديك 3مصطلحات بالدور كان فهمتهم اطلب اللي عايزو : وما حقوليك بياتو لهجة

نبدا بالو وحدة بعد ما تجاوب نمشي للتانية :

يعل عيني ما تبجيجsss1
في واحد اسمو ترباس بغني: ما تبكي ما تبكي عيني ما تبكي:)
شفتي جيفن؟؟؟ ودي ترجمتها شفتي كيفن؟؟؟:D
هسه نشرح ونشيل ونخت في كلمة شرقطة دي وتجي بعدين تقول شحطة؟؟؟ الشئ شحططة وهي بنت خالة عم أم شرقطة...:eek:
مصطلحاتك طايرة يا أخيتي دحين إيش فيكي تاني تجولي؟؟؟:c030:

sensitive_heart

26-03-2006, 23:57

في واحد اسمو ترباس بغني: ما تبكي ما تبكي عيني ما تبكي:)
شفتي جيفن؟؟؟ ودي ترجمتها شفتي كيفن؟؟؟:D
هسه نشرح ونشيل ونخت في كلمة شرقطة دي وتجي بعدين تقول شحطة؟؟؟ الشئ شحططة وهي بنت خالة عم أم شرقطة...:eek:
مصطلحاتك طايرة يا أخيتي دحين إيش فيكي تاني تجولي؟؟؟:c030:

ام الاحراج ..........:trrr1:

حاعمل نفسي ما شفته حاجة ..

متشرد

27-03-2006, 00:08

ام الاحراج ..........:trrr1:

حاعمل نفسي ما شفته حاجة ..
شفتي شوفا فايت الحد:D
مالك عايزة تزوغي من هسه؟؟؟:eek:
بعدين أم الإحراج دي منو؟؟؟
دي الما فهمتها:c030:

Nifasha

27-03-2006, 04:47

بعدين أم الإحراج دي منو؟؟؟
دي الما فهمتها:c030:

تهيء تهيء تهيء .. ما ممكن ظاتو ..

أم الإحراااج .. دي على وزن ديشاااااااااك

:c030:

التوقيع :
الوافي للشرح الكافي

جوبتر دمانيوس

27-03-2006, 10:41

متشرد .. ربنا يفك غربتك ويخلصك من التشرد وغسيل العربيات .. ويعمي عنك عيون الكشات sss1

sensitive_heart

27-03-2006, 14:33

شفتي شوفا فايت الحد:D
مالك عايزة تزوغي من هسه؟؟؟:eek:
بعدين أم الإحراج دي منو؟؟؟
دي الما فهمتها:c030:

ام الاحراج دي خالة وشك وقع ..لملمو..

تهيء تهيء تهيء .. ما ممكن ظاتو ..

أم الإحراااج .. دي على وزن ديشاااااااااك

:c030:

التوقيع :
الوافي للشرح الكافي

شفته نيفاشا .. لا ممكن وبتشطر علينا من الصباح ..

يا متشرد بس ياهو كده زي ما قال نيفاشا ..

sensitive_heart

27-03-2006, 14:36

متشرد .. ربنا يفك غربتك ويخلصك من التشرد وغسيل العربيات .. ويعمي عنك عيون الكشات sss1 عارفة الكلام ما لي ..

بس سؤال ..
ويعمي عنك عيون الكشات ... كده صح
والله المقصود عيون الركشات وفي راء وقعت

لانو الكشات دي ليها معنى. ...بعدين بقولوا....جماعة ام كشة.... ..

عثمان إدريس

27-03-2006, 16:41

يا اسم علي مسمى إنت يا (((((( متشرد....)))) أنا زمان شاركت في بوست بتاع واحد بيشرح فيه اسماء اعضاء المنتدي ومن اليوم داك تاني ما شفت كست الدنيا دي لحدي الليلة مالقيتو .. يعني هسع انت لسع حايم براك ما لقيت ليك بتاع 992 بهناك ولا شنو أنا عارف حيكم دا الجماعه ديل ما بدخلوهو عشان متشردين وكده ...
بعدين انت عندكم قاموس كدي وريني (خشمير تعني شنو ..؟؟)

http://musharaf14.jeeran.com/ملفاتي_فيديو/36_11_6.gif

http://musharaf14.jeeran.com/ملفاتي_فيديو/36_11_6.gif

http://musharaf14.jeeran.com/ملفاتي_فيديو/36_11_6.gif

متشرد

28-03-2006, 23:20

التوقيع :
الوافي للشرح الكافي
توأم الروح حبيبو نيفاشا:trrr6:
مرحب حباب الوافي الكافي الجاء ونحن مافي:)

متشرد

28-03-2006, 23:23

متشرد .. ربنا يفك غربتك ويخلصك من التشرد وغسيل العربيات .. ويعمي عنك عيون الكشات sss1
جيت يا الكاشف أخوي؟؟؟:p
مشتاقييييين يا حبة

متشرد

28-03-2006, 23:32

ويعمي عنك عيون الكشات ... كده صح
والله المقصود عيون الركشات وفي راء وقعت

لانو الكشات دي ليها معنى. ...بعدين بقولوا....جماعة ام كشة.... ..
أها يا مرهفة خلينا نقعّد ليكي الكلام كويس-*-*-*-*3

جاتك الكشة (بكسر الكاف) يعني تجيك داهية تخمك وتخم عقابكd44564443

جاتك الكشة (بفتح الكاف) دي داخلة فيها كشة البلدية بالإضافة للإلزامية56g4658
أما الركشات دي ما عندها دخل في كلام المنفجر ده... لا هي ولا عيونا-*877-7*6: ،،، ده إذا عندها عيون@454@5**

شفتي كيفن؟؟؟@454-*55@:

متشرد

28-03-2006, 23:40

يا اسم علي مسمى إنت يا متشرد أنا زمان شاركت في بوست بتاع واحد بيشرح فيه اسماء اعضاء المنتدي ومن اليوم داك تاني ما شفت كست الدنيا دي لحدي الليلة مالقيتو .. يعني هسع انت لسع حايم براك ما لقيت ليك بتاع 992 بهناك ولا شنو أنا عارف حيكم دا الجماعه ديل ما بدخلوهو عشان متشردين وكده ...
بعدين انت عندكم قاموس كدي وريني (خشمير تعني شنو ..؟؟)
[/CENTER][/SIZE[/CENTER]]
[SIZE="4"]حبيبنا ود إدريس
كيفنك يا زول؟ نعلك طيبة (خت ليك شدة فوق اللام بتاعة نعلك دي ما تدردرنا بعدين)
القاليك منو أنا اسم على مسمى؟؟؟-257642*8 هسه عندي سماية جاية في الطريق والمفاوضات جارية ما ماشة-*877-7*6:
إلا يا أخوي باقي كلامك ده مشلقب ما فهمت فيه أي شئ!!!56g658
خشمير أخت كشمير ولا قاصد خشمير أخت الباقير56g658
حدد وبجيك طوالي
شفت كيفن؟؟؟LLKJ78785

كل النجوم

29-03-2006, 08:20

متشرد صباح الخير
:trrr3:

عثمان إدريس

29-03-2006, 13:22

حبيبنا ود إدريس
كيفنك يا زول؟ نعلك طيبة (خت ليك شدة فوق اللام بتاعة نعلك دي ما تدردرنا بعدين)
القاليك منو أنا اسم على مسمى؟؟؟-257642*8 هسه عندي سماية جاية في الطريق والمفاوضات جارية ما ماشة-*877-7*6:
إلا يا أخوي باقي كلامك ده مشلقب ما فهمت فيه أي شئ!!!56g658
خشمير أخت كشمير ولا قاصد خشمير أخت الباقير56g658
حدد وبجيك طوالي
شفت كيفن؟؟؟LLKJ78785

ما قلت نوبه .. وين مختار الصحاح بتاعكم دهـ .. خشمير دي يا سيدي .. زمان كان في واحد عامل فيها أبو العريف (زيك كدى ..) بعدين أي حاجة يقولوها إنط فيها ويعمل فيها عارفها .. أها في خمسة من أصحابه زهجانين منو خلاص قالوا علا يمقلبوا الزول دهـ .. قامو قالو كل واحد منهم يجيب ليه حرف من رأسوا الأول قال خ والتاني ش الثالث م والرابع ي والخامس ر وكون الكلمة (خشمير) وقام صاحبك تووووف جاء داخل ليهم وكيف شباب قالوا ليهو جيت في وكتك نحنا عندنا كلمة غالبانا خلاص دايرنك تورينا معناها .. قال مافي مشكلة قالوا ليهو خشمير تعني شنو ؟؟ صابحك ولا إتلفت قال ليهم دا نبات يبنبت في سفوح جبال اليمن يستعمله أهل المنطقة لعلاج مرض البطن ..؟؟؟!!! ما سمعت الشاعر القال ؟؟؟؟؟؟؟؟؟؟؟؟؟؟؟؟؟؟؟؟؟؟؟ وتوووووووش جاب ليهم بيت شعر دخل فيه الكلمة .... أهـ آ متشرد رأيك شنو ؟؟؟
كمان عندنا واحد صاحبي شديد اسمو أحمد موسى (الله يطرأ بالخير كان حاضر معاي القصة دي) ونحنا في الجامعة زمان أنا كنت عامل فيها قريب من الزول بتاعنا دهـ .. يوم كان بكتب في كلمة يجوز قام كتبها بالحروف الإنجليزية Yagoose قام قال لي عثمان تعرف معنى الكلمة دي .. طوالي انا قلتها دي (Egooes) والـواي silent قام الضحك شرطهم ومن اليوم داك سموني خشمير ....
شفت كيف آ متشرد
sss1 sss1 sss1

arkuit74

29-03-2006, 16:12

ما قلت نوبه .. وين مختار الصحاح بتاعكم دهـ .. سموني خشمير ....
شفت كيف آ متشرد
sss1 sss1 sss1

هع هع هع هااااااع عجبني ليك يا متشردبويه
لو ماكان عثمان ود إدريس دا حاجز الاسم قبلك كان قلت ليك متشردخشمير

sensitive_heart

30-03-2006, 10:47

أها يا مرهفة خلينا نقعّد ليكي الكلام كويس-*-*-*-*3

جاتك الكشة (بكسر الكاف) يعني تجيك داهية تخمك وتخم عقابكd44564443

جاتك الكشة (بفتح الكاف) دي داخلة فيها كشة البلدية بالإضافة للإلزامية56g4658
أما الركشات دي ما عندها دخل في كلام المنفجر ده... لا هي ولا عيونا-*877-7*6: ،،، ده إذا عندها عيون@454@5**

شفتي كيفن؟؟؟@454-*55@:

ومنكم نستفيد ..
والله بالجد مستفيدة منك شديــــد الله يديك العافية ...
حسه قاعدة اكون معجم من كلامك عشان بعد سنة وشوية كده كان مشيت الجامعة في السودان ""كلو باذن الله """ ما ابقى انتيكة ..

arkuit74

02-04-2006, 10:59

متشرد بويه اخوي وينك ؟
المصطلحات انتهت ولا معينك نضب؟
منتظرينك يا خشميربويه sss1

هندويه

26-08-2007, 21:31

بركه يايابا الجيت ...

كان ماجيت كان فوتا ...

مماس

10-09-2007, 18:19

بركه يايابا الجيت ...

كان ماجيت كان فوتا ...

هو اصلا مفوت من زمااااااااااان بس مافي زول حاسي:D

متشرد

10-09-2007, 18:23

متشرد صباح الخير
:trrr3:

صباح النور
(لما كتبتي صباح الخير دي كنتي عزابية زينا،،، وهسه زولة بي بيتك، عشان كدي بنرد بطيبة)sss1

متشرد

10-09-2007, 18:27

ما قلت نوبه .. وين مختار الصحاح بتاعكم دهـ .. خشمير دي يا سيدي .. زمان كان في واحد عامل فيها أبو العريف (زيك كدى ..) بعدين أي حاجة يقولوها إنط فيها ويعمل فيها عارفها .. أها في خمسة من أصحابه زهجانين منو خلاص قالوا علا يمقلبوا الزول دهـ .. قامو قالو كل واحد منهم يجيب ليه حرف من رأسوا الأول قال خ والتاني ش الثالث م والرابع ي والخامس ر وكون الكلمة (خشمير) وقام صاحبك تووووف جاء داخل ليهم وكيف شباب قالوا ليهو جيت في وكتك نحنا عندنا كلمة غالبانا خلاص دايرنك تورينا معناها .. قال مافي مشكلة قالوا ليهو خشمير تعني شنو ؟؟ صابحك ولا إتلفت قال ليهم دا نبات يبنبت في سفوح جبال اليمن يستعمله أهل المنطقة لعلاج مرض البطن ..؟؟؟!!! ما سمعت الشاعر القال ؟؟؟؟؟؟؟؟؟؟؟؟؟؟؟؟؟؟؟؟؟؟؟ وتوووووووش جاب ليهم بيت شعر دخل فيه الكلمة .... أهـ آ متشرد رأيك شنو ؟؟؟
شفت كيف آ متشرد
sss1 sss1 sss1
ما فهمت أي حاجة يا ود إدريس يا أخوي:eek:
لكن... للضمان وكده: الله يوفقك:c030:

متشرد

10-09-2007, 18:29

ومنكم نستفيد ..
والله بالجد مستفيدة منك شديــــد الله يديك العافية ...
حسه قاعدة اكون معجم من كلامك عشان بعد سنة وشوية كده كان مشيت الجامعة في السودان ""كلو باذن الله """ ما ابقى انتيكة ..
شفتي... دروس مجانية تنفعك :)
الله يديني العافية ويديكي كمان
..
..
المشارك أركويت أبو أربعة وأربعين: باص pass:D

متشرد

10-09-2007, 18:32

بركه يايابا الجيت ...

كان ماجيت كان فوتا ...

لوووووووووول
يا زولة هسه أنا عايز أفوّت هناsss1

متشرد

10-09-2007, 18:35

هو اصلا مفوت من زمااااااااااان بس مافي زول حاسي:D
ههههههههه
هههههههه
ههههههه
هههههه
هههه
واه
(ما كملت الضحك... فترت بس):D
..
بتقدر عليهو النضم النفر ده ولا ساكت؟؟؟:c030:
..
..
خليني بس ألقى لي زمن:p
..
..
اسمع يا حبيب: أسعار الإتصال من الخليج خفضوها ولا لسه؟؟؟sss1

مماس

10-09-2007, 18:38

ههههههههه
هههههههه
ههههههه
هههههه
هههه
واه
(ما كملت الضحك... فترت بس):D
..
بتقدر عليهو النضم النفر ده ولا ساكت؟؟؟:c030:
..
..
خليني بس ألقى لي زمن:p
..
..
اسمع يا حبيب: أسعار الإتصال من الخليج خفضوها ولا لسه؟؟؟sss1

تعرف مشكلتي مابعرف ازعل منك .. بس كانت واسعه شويه منك ولا رايك شنو ؟:c030: