ابراهيم
22-03-2006, 19:49
يا فتاح يا عليم يا رزاق يا كريم أصبحنا وأصبح الملك لله... ها جنيات قوموا آذان الصبح أذن... (يتململون.. يصب على وجوههم بعض الماء )... حاضر يا أبوي قايمين... يتوضى ويخرج في عتمة الفجر متوجهاً إلى المسجد يقابله بعض الذاهبين لصلاة الصبح ... سلام فحديث مقتضب ثم يدخلون المسجد وبعد انتهاء الصلاة يعود للبيت لكي يحتسى كوب الشاي باللبن... يا مرة اللبن الليلة مالو خفيف كدة.. هي يا أبو الوليدات القريشات العندي كلها كملتها ما فضل لي غير حق نص رطل زدتو موية عشان يكفينا كلنا... لا حول ولا قوة إلا بالله حتى اللبن الكان ما لاقين ليه بلد نوديه ليه بقى يتزاد موية دنيا والله... اسمع يا الحاج ( لم تكن تناديه باسمه أدباً واحتراماً حتى أنك لو سألتها عن اسمه لن تعرفه ) عاوزين حق الخضار وحق اللحمة وحق الزيت والبصل وبصل المكادة وكمان الفحم كمل يحك رأسه... سمح يا المبروكة الليلة مشيها ملاح ( ويكة بالشرموط ) وكسرة وبكلم المدير يديني سلفية... وقبل أن يكمل كلامه.. أبوي أبوي والله المدرس قال لينا الما بجيب قروش درس العصر ما يجي... كمو القروش آجنا... خمسة ألف يا أبوي... سمح الليلة بكلم المدير... وتدخل بنته ذات العشرة سنوات والله كان ما شفت يا أبوي ست فردوس قالت بكرة أي واحدة ما تجيب حق الكتب ما تجي المدرسة تاني... كتب شنو يا بتي البدفعو ليها قروش كمان – أنا عارفاهو ليك بس هي قالت لينا كدة وخلاص – لا حول ولا قوة إلا بالله – يخرج من منزله البسيط – أوضتين جالوس, حمام في ركن الحوش حوضه برة مدفق مالي الشارع خموج وطين – راكوبة نظام ده المطبخ ) يقف في محطة المواصلات دون احساس يمسك في جيبه ليطمئن أن معه ما يدفعه للكمساري, ويمني نفسه أن يركب معه أحد يعرفه ليدفع له.
يصل إلى باب المصنع... السلام عليكم آخوانا كيف أصبحتو... يردون عليه التحية بأحسن منها فكلهم في الهم سوة... يقترب منه صديقه مالك الليلة حالك متغير... اسوي شنو الجنيات في البيت طلباتم كل يوم بتزيد والماهية ما مكفية حق اللحمة في الشهر أسوي شنو غايتو الحمد لله على كل حال... الليلة قلت امشي للمدير يديني سلفية كان تنفعني شوية في المعيشة... هازول سلفية شنو والله امبارح أمحمد أحمد مشى عشان يقدم للسلفية قالوا ليه ما عندنا كلام زي ده للعمال... دحين ما تحرج نفسك ساهي... آها العمل شنو والله دي بقت حالة صعبة عديييل, البلد دي مالة بقت ممحوقة كدة كل شي فيها بقى غالي وماهيتنا لا بتزيد لا بتنقص... حليل أيام زمان... ها زول ظنيتك بقيت تتكلم في السياسة ( يضحكون ) والله الناس الفي الحيكومة ديل ما عارف حا يعملو شنو يوم القيامة لما يسألوهم عن الخلق دي كلها... أمبارح الشيخ في الجامع قال لينا سيدنا عمر ( رضي الله عنه ) قال والله كان في بقرة في العراق عترت ليها طوبة بخاف الله يسألني منها لشنو ما زحيت الطوبة دي عشان ما تتعتر فكيفن يكون ديل حالم... الله يجيرنا من النار... يفترقان كل إلى عمله.
يقف أمام ماكينة الغزل ويسرح بخياله يتخيل أنه قد أصبح غنياً تجري الأموال في يديه يوزع منها يميناً وشمالاً إنفاق من لا يخشى الفقر... ويلبي طلبات أم الوليدات ووليداته... ويمشي يحج بيت الله ويزور رسول الله ( صلى الله عليه وسلم ).. ويشتري ليه غنيميات عشان شاهي الصباح ما يزيدو موية تاني ويشتري شوال عيش وقمح, ويشتري ليه جلابية عشان يمشي بيها صلاة الجمعة أحلامه كانت بسيطة لأنهم ناس سترة.
ودوى صريخ في المكان ألحقو عمكم المكنة سحبت يدينو يتجمهر العمال ها ناس شيلوه ودوه الشفخانة الفي المصنع ويحمله زملاء الضنك والفقر المضني... ودمه يسيل وهو شبه مغمى عليه فقد أكلت الماكينة أصابع يديه الاثنين وهو يحلم... ها ناس وليداتي البعيشون منو... وجعل يردد الله في الله حي... الله في الله حي.
يصل إلى باب المصنع... السلام عليكم آخوانا كيف أصبحتو... يردون عليه التحية بأحسن منها فكلهم في الهم سوة... يقترب منه صديقه مالك الليلة حالك متغير... اسوي شنو الجنيات في البيت طلباتم كل يوم بتزيد والماهية ما مكفية حق اللحمة في الشهر أسوي شنو غايتو الحمد لله على كل حال... الليلة قلت امشي للمدير يديني سلفية كان تنفعني شوية في المعيشة... هازول سلفية شنو والله امبارح أمحمد أحمد مشى عشان يقدم للسلفية قالوا ليه ما عندنا كلام زي ده للعمال... دحين ما تحرج نفسك ساهي... آها العمل شنو والله دي بقت حالة صعبة عديييل, البلد دي مالة بقت ممحوقة كدة كل شي فيها بقى غالي وماهيتنا لا بتزيد لا بتنقص... حليل أيام زمان... ها زول ظنيتك بقيت تتكلم في السياسة ( يضحكون ) والله الناس الفي الحيكومة ديل ما عارف حا يعملو شنو يوم القيامة لما يسألوهم عن الخلق دي كلها... أمبارح الشيخ في الجامع قال لينا سيدنا عمر ( رضي الله عنه ) قال والله كان في بقرة في العراق عترت ليها طوبة بخاف الله يسألني منها لشنو ما زحيت الطوبة دي عشان ما تتعتر فكيفن يكون ديل حالم... الله يجيرنا من النار... يفترقان كل إلى عمله.
يقف أمام ماكينة الغزل ويسرح بخياله يتخيل أنه قد أصبح غنياً تجري الأموال في يديه يوزع منها يميناً وشمالاً إنفاق من لا يخشى الفقر... ويلبي طلبات أم الوليدات ووليداته... ويمشي يحج بيت الله ويزور رسول الله ( صلى الله عليه وسلم ).. ويشتري ليه غنيميات عشان شاهي الصباح ما يزيدو موية تاني ويشتري شوال عيش وقمح, ويشتري ليه جلابية عشان يمشي بيها صلاة الجمعة أحلامه كانت بسيطة لأنهم ناس سترة.
ودوى صريخ في المكان ألحقو عمكم المكنة سحبت يدينو يتجمهر العمال ها ناس شيلوه ودوه الشفخانة الفي المصنع ويحمله زملاء الضنك والفقر المضني... ودمه يسيل وهو شبه مغمى عليه فقد أكلت الماكينة أصابع يديه الاثنين وهو يحلم... ها ناس وليداتي البعيشون منو... وجعل يردد الله في الله حي... الله في الله حي.