للنساء فقط..... والرجال فقط [الأرشيف]

نله

29-03-2006, 17:59

ناس المنتدي اذيكم نسوان ورجال
الكلام العايزة اقولو ده للنسوان ديل اول حاجة والرجال ديل لازم يسمعوهو عشان يشاركونا وكمان المابعرف نعلمو ...
اخش فى الموضوع :
اول حاجة يابنات امى الرجال ديل عارفنهم شغالين ومع جري الدنيا الما بكمل ده ومافاضيين لشغلتنا الكتيرة دي أها رضينا لكن الظروف مع الناسوالمرض مع الناس الواحدة تمرق من بيتها كان موت كان عرس اختها ..كان ماشة لامها فى البلد تتونس معاها يومين تلاتة.. كان عيانة راقدة فى السرير دة .... أها الراجل ده بياكل شنو ؟؟؟؟؟؟
ماتقولن لى نعمل ليه اكل نختو فى التلاجة .... الكلام دة ماكويس ....
نحن عاوزين نعلم الرجال ديل يعملو ليهم حاجة ياكلوها كان فى ظروف عشان مايقومو يجيبو ليهم اكل من برة ( جاهز ) باقي لى سمعتن بالامراض الجديدة الحايمة دي - حماكن الله وحماهم-
عشان كدة اي واحدة فيكن تعمل لينا حاجة خفيفة وسريعة وعلى شرط الحاجات تكون فى البيت ولا الدكان القريب - براهم متحايلين - يعن مافى واحدة تشطح تقول لينا ( ثباغيتى - سبانخ- غنوش .....الخ ) عشان مانشرح الاكلة من الاول ...
وفى كلام دايرة اقولو لكن الرجال ديل مايسمعوه - جيبن اضانكن اليمين - ( هسة فى القعدة دي معانا نسوان مابعرف يعملن اى حاجة ... فصاحة ساااااي .. الواحدة راجلها يقول ليها مشتهى لى خدرة مفروكة تقول ليه مابعرف افرك الخدرة !!!! يقوم ودامى يمشي لامو تعملها ليه !!! الواحدة من هسةى تقول مابتعرف عشان نوريها ما بعدين تخجلنا مع اهل الراجل ؟؟؟ اتفقنا .....
ودايرة اقول ليكن حاجة تانية - جيبن اضانكن الشمال - فى رجال كدة الواحد تلقيه عمرو كلو عايش عذابى يعمل فى الملاح والعصيدة ومن يعرس يعمل فيها رايح ويعاين بعينيهو ... ..
بطلوة الغتاتة والعارف ليه اكله ظريفة يعملها لينا ( ولا شنو ؟؟؟؟)

ملحوظة ::
1/ ممكن يكون فى تحلية.

2/ فى جايزة لاحسن اكله.

يلا نبدأ....)(44*&6 )(44*45&6

عثمان إدريس

30-03-2006, 11:09

Ashraf Salih

30-03-2006, 15:21

عاوزين نعلم الرجال ديل يعملو ليهم حاجة ياكلوها

لا لا لا لا.. كدة ما معانا::122:: ::122:: ::122:: ::122:: ::122::
كلو شئ و لا الافكار الزي دي
:trrr3:

نله

30-03-2006, 17:24

ظاهر عليك من صورتك دي ..... عارفاك جيت تفتش لامك وسمعت الكلام دة ... اها نحن دايرين ندخل معانا الشفع ديل ذاتهم عشان شفع الزمن ده بعرفوا اخير من الناس الكبار :trrr3: وبعدين كان مابتعرف اتعلم عشان تساعد ابوك دة لو امك مافى ....:trrr6:

نله

30-03-2006, 17:30

لا لا لا لا.. كدة ما معانا::122:: ::122:: ::122:: ::122:: ::122::
كلو شئ و لا الافكار الزي دي
:trrr3:
نحن عشان الكلام الذي ده عملنا قعدتنا دي ياودصالح ... عاد بتموتوا بالجوع .... كلمناكم قلنا ليكم فى انفلونزا الطيووووووور :D :D

العنقاء

30-03-2006, 17:46

عثمان إدريس

01-04-2006, 09:17

نله
ما تكلمي زول انا ما بعرف اسوي شي)(44*&6 ما عشان حاجه بس ساي كده::54512::
يعني ما جات المناسبه لدخول المطبخ,,,,,وربنا يدي العافيه للوالده::767::
لكن بريد الديكورات والنظافه-242*8
اي حاجه تغلبك من ديل ناديني طوالي
ومن بوستيكم نستفيد::5132::

عليك الله يا نلة هسي العنقاء دي كان قلنا ليها أعملي ملاح أم تكشو .. أو ملاح أم بقبق بتعرف الكلام دهـ .. أنا خايفها تقول نحنا قاعدين نرطن ... يا ختي ناس عنقاء و موية وست البنات وأكتب لي ديل ناس تانيين ما عندهم وعيشة السوق ... sss1

sss1

العنقاء

01-04-2006, 12:40

عليك الله يا نلة هسي العنقاء دي كان قلنا ليها أعملي ملاح أم تكشو .. أو ملاح أم بقبق بتعرف الكلام دهـ .. أنا خايفها تقول نحنا قاعدين نرطن ... يا ختي ناس عنقاء و موية وست البنات وأكتب لي ديل ناس تانيين ما عندهم وعيشة السوق ... sss1

sss1

ههههههههههههههههههههههههه
النبي كان ما شرحتهم بي جاي
http://nilelove.org/vb/showthread.php?t=2153

آهـ نحن شفع ...... يعني الكلام ما بخصنا ...

وانت بعد الصوره الدخلتها,,, المن سنة حفرو البحر دييييييييييييييييييييييييييك
وتقول شافع
الا كان نموك واقفsss1

عثمان إدريس

01-04-2006, 14:57

ههههههههههههههههههههههههه
النبي كان ما شرحتهم بي جاي
http://nilelove.org/vb/showthread.php?t=2153

وانت بعد الصوره الدخلتها,,, المن سنة حفرو البحر دييييييييييييييييييييييييييك
وتقول شافع
الا كان نموك واقفsss1

:c030:

:trrr3:

نله

01-04-2006, 17:47

العنقاء

01-04-2006, 19:12

والله ياعثمان العنقاء دي عاملة فيها (استايل) لكن انا خايفاها تقع ليها فى واحد كدة ما يعرف ليها الا ام تكشو .... ماعارفاها تعمل شنو بعد الفاس تقع فى الراس ؟؟ عشان كدة حاول اشرح ليها الكلام دة كويس عشان الراجل ده مايقوم بيجيب ليه واحدة تانى !!!!! ديكورات شنو يابتى في الجوع ....؟؟؟:confused:

ههههههههههههههههههههههههههه
إستايل دي شنو؟:D
يا نله مرات الواحد عشان الحاجه منظرها جميل بتذوقها
ومرات بياكلها حتى لو ما كانت حلوه
:trrr1:

ميويه

02-04-2006, 11:07

ههههههههههههههههههههههههه
النبي كان ما شرحتهم بي جاي
http://nilelove.org/vb/showthread.php?t=2153

sss1

تدفعي كم وانا اشرح ليك ؟ قايلاني ما بعرف اتسدي ؟:trrr3:

st alnas

02-04-2006, 11:40

عليك الله يا نلة هسي العنقاء دي كان قلنا ليها أعملي ملاح أم تكشو .. أو ملاح أم بقبق بتعرف الكلام دهـ .. أنا خايفها تقول نحنا قاعدين نرطن ... يا ختي ناس عنقاء و موية وست البنات وأكتب لي ديل ناس تانيين ما عندهم وعيشة السوق ... sss1

sss1

ود ادريس لو قاصد بى ست البنات ست الناس ،عاد سجمك،والله حلاتى شديد والمطبخ حقى ،ويا اخوى والله ملاح ام تكشو وام بقبق دا ما تبعنا،ولا امكن تبعنا ونحنا مسمنوا برانا،نحن يا اخوى ناس الملوحة(التركين)سمعت بيها;)

كل النجوم

02-04-2006, 12:18

ام تكشوا الخدرة الناشفة المفروكة
أم بقبق نوع من أنواع البامية بفركوها
ميوية اها :trrr3:

عثمان إدريس

02-04-2006, 12:30

ود ادريس لو قاصد بى ست البنات ست الناس ،عاد سجمك،والله حلاتى شديد والمطبخ حقى ،ويا اخوى والله ملاح ام تكشو وام بقبق دا ما تبعنا،ولا امكن تبعنا ونحنا مسمنوا برانا،نحن يا اخوى ناس الملوحة(التركين)سمعت بيها;)

آآآآي سمعت بيهن بالحيل .. دحين ديل ما بسوهون من السمك الميت (الميت لمن جايب ليهو ماس ؟؟؟) (يعني من الكجيك ؟؟) كان بتعرفي الكجيك وبتعرفي الماس يعني شنو ؟؟.

لكن أنا متأكد إنت ما بتعرفي أم بقبق ولا أم تكشوا .. بس فصاحة سااااااااااى .. عنوقة ديك ..؟؟ خليها للتورطة والجاتوهـ و الإسبقدي ؟؟؟؟ sss1
sss1

http://musharaf14.jeeran.com/bektsh27.gif

نله

03-04-2006, 16:38

اها ياستنا نحن ماقلنا فى نسوان معانا مابعرفو اي حاجة عشان كدة اشرحى ليهم التركين ده امكن واحدة دايره تعملوا لكن ماعارفه تبدأ من وين ...

نله

03-04-2006, 16:42

ام تكشوا الخدرة الناشفة المفروكة
أم بقبق نوع من أنواع البامية بفركوها
ميوية اها :trrr3:

الظاهر عليك شااااطرة الله يحفظك ويخليك يابتى والرجال مابشوفوا الزمن ده ... لكن بعدين علمي الراجل ده كويس مايطلع خايب .... ومنتظرين حاجة منك !

عثمان إدريس

03-04-2006, 17:12

ام تكشوا الخدرة الناشفة المفروكة
أم بقبق نوع من أنواع البامية بفركوها
ميوية اها :trrr3:

BRAVOOOOO
sss1

محمد الصادق

03-04-2006, 17:38

والله خمسه سنين غربه بقيت اطبخ احسن من اي واحده هنا وانا اتحدي اي واحده من الاخوات لو هي ببتطبخ كل يوم في بيتهم يعني الواحده قاعدها مع امها وما عندها شغلها غير الدخول الي المنتدي وتعمل نفسها ست بيت الله يكون في عون البعرسكم

badeen76

16-04-2006, 16:48

الواحدة فيكم يابنات قعدة قدام النت اربعة وعشرون ساعة متين تطبخ فاحسن اتعلموا الاثنين وحاولوا انسفوا بينهم علشان الواحد لوا جى يزوج ياحد واحدة عارفة كل شى او نزوج مرتين واحدة للبيت واحدة للديكور وانتوا مابتقبلوا الكلام دا

n2010d

18-04-2006, 15:47

ماتراكا يافصيح انت ذاتك قاعد فى النت وبتعرف تطبخ البخلينا احنا مابنعرف شنو

سجم خشم البتعرسك انت

هووووووووووووووووووى ياولد يامحمد الصادق :mad:

وضاحه

18-04-2006, 16:01

انت ياn2010d ماتخليه يعمل لينا حاجة ... بيان بالعمل ماتكون فصاحة ساااااى

محمد الصادق

18-04-2006, 16:19

وضاحه

18-04-2006, 16:38

لا يامحمد الصادق كدة انا حاتشاكل مع عروسك دى لو عرفتها - مع انى مامهندسة -لانك عريس لقطه وحاخلى ليك خطيبى ده لو وافقت ؟؟لانه مابعمل لى كده ... رايك شنو - حارسل ليك صورتى ماتخاف!!!

محمد الصادق

19-04-2006, 16:45

وضاحه الله يهنيك مع خطيبك

وضاحه

19-04-2006, 16:58

وضاحه الله يهنيك مع خطيبك

عديل كده يامحمد الصادق ..... شكلها معانا فى المنتدى وخايف منها ... ماتخاف انا محامية وبقوم باللزمَََ!!!! والتحيات ليها ............ لكن لازم تعمل لينا اكله لذيذة عشان نقتنع .........

amanina

23-04-2006, 10:25

بفركوها فى شنو ياكل النجوم فى مويه لا ايه يارب

مايا

19-05-2006, 15:45

انتو يعني جادين انو في ملاح اسمو ام تكشو..انا قايلاها كلمة وبيقولوها..على العموم..انا اعلمكم كيف بيعملو البيض..تجيب الطوا..تخت الزيت وتولع النار..بعد داك تكسر البيضة في سكرية او اي مصيبة..وتعمل ليهو ملح..ممكن تعمل معاهو جبنة موزاريلا مبشورة ..وتضربهم سوا..وبعدين تختهم في الطوا وما تنسوا تقلبوهو..وتطفو النار..ست بيت ولا ما ست بيت؟؟

مايا

19-05-2006, 15:47

يا سلام عليك يا محمد الصادق..الله يكتر من الرجال الزيك..

sensitive_heart

19-05-2006, 16:32

دقيقة انادي ماما وبجيكم حسه

عثمان إدريس

22-05-2006, 13:21

إنتن يا بنات ست البيت دي رمت كلامها دا وزاغت غتست وين ما تجي تشوف الناس الجو قالو شنو وتقول ليهم علي الأقل مشكورين علي المرور :mad:

نله

22-05-2006, 17:43

إنتن يا بنات ست البيت دي رمت كلامها دا وزاغت غتست وين ما تجي تشوف الناس الجو قالو شنو وتقول ليهم علي الأقل مشكورين علي المرور :mad:

احم احم ...
والله مشغوليات سااااكت ياودأمى لكن جاياكم ...

وانا ماناسياكم عشان قلنا فى جوائز لكن مافى زول عمل لينا حاجة تستحق الجائزة عشان كدة عاوزة اشوف باقى النسوان ديل الظاهر عليهم ماعارفات اى حاجة ولو بقى كدة النقبل على الرجال ديل امكن تكون من نصيبهم

منتظراااااكم رجال ونسوان:trrr6:

fulla

30-05-2006, 03:43

عليك الله يا نلة هسي العنقاء دي كان قلنا ليها أعملي ملاح أم تكشو .. أو ملاح أم بقبق بتعرف الكلام دهـ .. أنا خايفها تقول نحنا قاعدين نرطن ... يا ختي ناس عنقاء و موية وست البنات وأكتب لي ديل ناس تانيين ما عندهم وعيشة السوق ... sss1

sss1

اسفة مع اني جاية متاخره ... لكن يطرشني لو سمعته بملاحاتك ديل الليله اول يوم اسمع بيهم ... حتى امي ما بتعرف .. لكن والله بعرف اطبخ كمان بعرف ام دققة و الويكاب لكن ده جديد ...... اما الرجال يتعلموا حاجة دى بعد السماء عن الارض ..... البعرف بيعمل نايم ...... اصلا طبعهم اتكالي ..... ولا دي ما حقيقة ....... ؟:trrr6:

سحر القلوب

30-05-2006, 20:51

ام تكشوا الخدرة الناشفة المفروكة
أم بقبق نوع من أنواع البامية بفركوها
ميوية اها :trrr3:

غايتو ما شاء الله عليك يا كل النجوم
يا ريت بالجد كده تعملي لينا بوست مخصوص بالأكلات الشعبية وما لازم الوصفة كدي النشوف الفهم والنضمي بعدين نبقى على الريسيبي :D

سحر القلوب

30-05-2006, 20:57

انا عروسي مافي زيها اول حاجه مهندسة كمبيوتر ومتخرجه بي تقدير ممتاز وفي البيت حاجه تاني الملاح البتعملها بكون زي العسل لانها بس بتحركه بي المعلقه وكده كفاي وتاني حاجه هي ليه تدخل المطبخ وهو كل البنات بدخلهن المطبخ دي بتكون ملكه بس وامرها مطاع:trrr3:

بس مستنين يوم عرسك عشان نرتاح من محمد الصادق والجرسة :c030:
ونشوف بعد سنة من العرس لسه لما تسوط الملاح بيدها بيكون عسل :D

بهناك :
يا بت أمي ده جرسته معروفة في المنتديات sss1

محمد الصادق

31-05-2006, 00:24

بس مستنين يوم عرسك عشان نرتاح من محمد الصادق والجرسة :c030:
ونشوف بعد سنة من العرس لسه لما تسوط الملاح بيدها بيكون عسل :D

بهناك :
يا بت أمي ده جرسته معروفة في المنتديات sss1

سحر اختنا والله مشتاقين كتير وانشاء الله تكوني جاهزه لانه العرس قرب

عثمان إدريس

11-06-2006, 15:43

اسفة مع اني جاية متاخره ... لكن يطرشني لو سمعته بملاحاتك ديل الليله اول يوم اسمع بيهم ... حتى امي ما بتعرف .. لكن والله بعرف اطبخ كمان بعرف ام دققة و الويكاب لكن ده جديد ...... اما الرجال يتعلموا حاجة دى بعد السماء عن الارض ..... البعرف بيعمل نايم ...... اصلا طبعهم اتكالي ..... ولا دي ما حقيقة ....... ؟:trrr6:

ما عندك مشكلة ما دام بتعرفي الويكاب يبقي خلاص ... لكن سؤال بتعرفي الداليه (بتشديد وفتح الدال)
.
.
.
ما افتخار لكن بعرف أطبخ أحسن من نسوان كتااار .. وأتحداك !! :c030:

badeen76

18-06-2006, 19:48

:trrr6: هلا شباب

fulla

19-06-2006, 00:26

ما عندك مشكلة ما دام بتعرفي الويكاب يبقي خلاص ... لكن سؤال بتعرفي الداليه (بتشديد وفتح الدال)
.
.
.
ما افتخار لكن بعرف أطبخ أحسن من نسوان كتااار .. وأتحداك !! :c030:

عثمين والله ما عرفته ..
لكن امانه عليك توريني هو شنو ومكوناته شنو ..
والطريقة كده على السريع تكون ما قصرته .. :trrr6:

محمد الصادق

19-06-2006, 18:02

عثمين والله ما عرفته ..
لكن امانه عليك توريني هو شنو ومكوناته شنو ..
والطريقة كده على السريع تكون ما قصرته .. :trrr6:

انت يابت ماعندك راس كيف يجوك العرسان وانت بتقولي ما بعرف اطبخ مفروض تعملي نفسك ست بيت ومطبخ

fulla

19-06-2006, 20:42

انت يابت ماعندك راس كيف يجوك العرسان وانت بتقولي ما بعرف اطبخ مفروض تعملي نفسك ست بيت ومطبخ

محمد كروز اخوي .. انتوا اخواني لازم تعلموني بعدين انا عارفكم حتستروا علي ..
عشان ما يرجعوني بعدين بخبيزي .. :D :D

محمد الصادق

19-06-2006, 21:09

محمد كروز اخوي .. انتوا اخواني لازم تعلموني بعدين انا عارفكم حتستروا علي ..
عشان ما يرجعوني بعدين بخبيزي .. :D :D

انت بس خلي الصراحه القاتلاك دي وطلعي اصابعيك من خشمك

fulla

19-06-2006, 22:03

انت بس خلي الصراحه القاتلاك دي وطلعي اصابعيك من خشمك

انته عاد صورتي دي محرقصه ليك ..
يا زول هوي انا اتولته كده ..
شاحده ربي يديك بت زي صورتي دي ..
ولا اقوليك ولد عشان تبكر بالوليد ..

محمد الصادق

19-06-2006, 22:05

انته عاد صورتي دي محرقصه ليك ..
يا زول هوي انا اتولته كده ..
شاحده ربي يديك بت زي صورتي دي ..
ولا اقوليك ولد عشان تبكر بالوليد ..

اللهم امين بس بت زيك ظريفه ودمها خفيف بس يديها براه خشمها

fulla

19-06-2006, 22:22

اللهم امين بس بت زيك ظريفه ودمها خفيف بس يديها براه خشمها

احي انا .. رخيت .. هههههههههه .. sss1 sss1
ماتقول كده تقوم تجيك نضامة ما تعرف تسكته .. sss1 sss1

badeen76

22-06-2006, 17:29

طبيخكن ويكة ومفروكة اتعلمن حاجة كويسة واكبوا عصر العولمة

fulla

22-06-2006, 18:21

طبيخكن ويكة ومفروكة اتعلمن حاجة كويسة واكبوا عصر العولمة

يا خوي نحنا على الافرنجي .. زينا مافي
انته بس وريني العايزو وانا اديك الوصفة طوالي .. :c030:

badeen76

24-06-2006, 13:06

كيف اخبارك

عثمان إدريس

24-06-2006, 14:50

عثمين والله ما عرفته ..
لكن امانه عليك توريني هو شنو ومكوناته شنو ..
والطريقة كده على السريع تكون ما قصرته .. :trrr6:

عثيمين دي الوراك ليها منو :mad:
.
.
.
بعدين إنت دايرة وصفة الداليه ولا الوصفات الأولى ... حددي dd13

fulla

24-06-2006, 14:54

عثيمين دي الوراك ليها منو :mad:
.
.
.
بعدين إنت دايرة وصفة الداليه ولا الوصفات الأولى ... حددي dd13

غلطة مطبعية

عثمان إدريس

27-06-2006, 15:23

غلطة مطبعية

ما مشكلة dd13
أها ما قلتي لي دايرة ياتو وصفة :D
نحنا جاهزين :c030:

.
.
.
.
.
.
.
أكتبي بخط مناسب sss1 عشان نحنا ما عمي :eek:

fulla

27-06-2006, 16:43

ما مشكلة dd13
أها ما قلتي لي دايرة ياتو وصفة :D
نحنا جاهزين :c030:

.
.
.
.
.
.
.
أكتبي بخط مناسب sss1 عشان نحنا ما عمي :eek:

الداليه .. دي عليك الله بس
المقادير والوصفة ..

عثمان إدريس

03-07-2006, 12:14

الداليه .. دي عليك الله بس
المقادير والوصفة ..

معليش يا حلوة بس الداليه دا ما أكلة شعبية هو زي ما تقولي كدا زي الويكاب بساعد في تكوين العصيدة الفطيرة ... يعني زي الجردقة :c030: كا بتعرفة الجردقة هي شنو dd13 لكن أقول ليك ما دام بتعرفي تعملي ملاح الويكاب .. بتعرفي تعملي ويكاب لبن ولا لوبا sss1

طيب أقول الجردقة دي هي عبارة عن أملاح زيها زي الويكاب (الاسم اعلمي ليهو البوتاسيوم) علي ما أظن وهي بتساعد في تماسك الفطيرة والفطيرة دي هي عبارة عن عصيدة زيها زي اللقمة .. بس الفرق إنها فطيرة يعني العجين بكون ما أخد ليهو خميرة ولا بيت للصباح بتتعمل في الفطور أو العشاء وبتتأكل بالحليب في أغلب الأحيان أو زيت السمسم والسكر إذا الحليب ما متوفر ...

أها كدا كيف dd13

fulla

15-07-2006, 17:04

معليش يا حلوة بس الداليه دا ما أكلة شعبية هو زي ما تقولي كدا زي الويكاب بساعد في تكوين العصيدة الفطيرة ... يعني زي الجردقة :c030: كا بتعرفة الجردقة هي شنو dd13 لكن أقول ليك ما دام بتعرفي تعملي ملاح الويكاب .. بتعرفي تعملي ويكاب لبن ولا لوبا sss1

طيب أقول الجردقة دي هي عبارة عن أملاح زيها زي الويكاب (الاسم اعلمي ليهو البوتاسيوم) علي ما أظن وهي بتساعد في تماسك الفطيرة والفطيرة دي هي عبارة عن عصيدة زيها زي اللقمة .. بس الفرق إنها فطيرة يعني العجين بكون ما أخد ليهو خميرة ولا بيت للصباح بتتعمل في الفطور أو العشاء وبتتأكل بالحليب في أغلب الأحيان أو زيت السمسم والسكر إذا الحليب ما متوفر ...

أها كدا كيف dd13

لا ماقصرته .. يقصرن الملح ..
بعدين ويكاب اللبن احلى .. :c030:

نله

15-07-2006, 18:04

ماشاء الله عليكم .. ومشكووورين كلكم على المرور والاكلات اللذيذة دي ... وآسفييين جدا على الغيبة بث الحاجات كانت جايطة شوية لكن رتبناها والحمدلله ... واها قاعديين نشوف الرجال المادايرين يتعلموا لينا ديل عشان يريحونا شوية .. لكن ياودادريس فله دي شايفاها مابتعرف حاجاتكم البتقولو فيها دي هى ياعثمان ( ش.ع) ولا شنو؟؟
بالله علمها لينا عشان مايرجعوها بالخبيز ....

ونحن قاعدين ومنتظرين ..

نله

26-07-2006, 22:27

ناطـــــــــرنــــكـــــــــم ....

هديل مصطفى

26-10-2006, 02:57

ناس المنتدي اذيكم نسوان ورجال
الكلام العايزة اقولو ده للنسوان ديل اول حاجة والرجال ديل لازم يسمعوهو عشان يشاركونا وكمان المابعرف نعلمو ...
اخش فى الموضوع :
اول حاجة يابنات امى الرجال ديل عارفنهم شغالين ومع جري الدنيا الما بكمل ده ومافاضيين لشغلتنا الكتيرة دي أها رضينا لكن الظروف مع الناسوالمرض مع الناس الواحدة تمرق من بيتها كان موت كان عرس اختها ..كان ماشة لامها فى البلد تتونس معاها يومين تلاتة.. كان عيانة راقدة فى السرير دة .... أها الراجل ده بياكل شنو ؟؟؟؟؟؟
ماتقولن لى نعمل ليه اكل نختو فى التلاجة .... الكلام دة ماكويس ....
نحن عاوزين نعلم الرجال ديل يعملو ليهم حاجة ياكلوها كان فى ظروف عشان مايقومو يجيبو ليهم اكل من برة ( جاهز ) باقي لى سمعتن بالامراض الجديدة الحايمة دي - حماكن الله وحماهم-
والله يختي ماعارفة اي حاجة
لكن والله موضوعك عجبني بلحيل
وبجيك راجعه:trrr6:
عشان كدة اي واحدة فيكن تعمل لينا حاجة خفيفة وسريعة وعلى شرط الحاجات تكون فى البيت ولا الدكان القريب - براهم متحايلين - يعن مافى واحدة تشطح تقول لينا ( ثباغيتى - سبانخ- غنوش .....الخ ) عشان مانشرح الاكلة من الاول ...
وفى كلام دايرة اقولو لكن الرجال ديل مايسمعوه - جيبن اضانكن اليمين - ( هسة فى القعدة دي معانا نسوان مابعرف يعملن اى حاجة ... فصاحة ساااااي .. الواحدة راجلها يقول ليها مشتهى لى خدرة مفروكة تقول ليه مابعرف افرك الخدرة !!!! يقوم ودامى يمشي لامو تعملها ليه !!! الواحدة من هسةى تقول مابتعرف عشان نوريها ما بعدين تخجلنا مع اهل الراجل ؟؟؟ اتفقنا .....
ودايرة اقول ليكن حاجة تانية - جيبن اضانكن الشمال - فى رجال كدة الواحد تلقيه عمرو كلو عايش عذابى يعمل فى الملاح والعصيدة ومن يعرس يعمل فيها رايح ويعاين بعينيهو ... ..
بطلوة الغتاتة والعارف ليه اكله ظريفة يعملها لينا ( ولا شنو ؟؟؟؟)

ملحوظة ::
1/ ممكن يكون فى تحلية.

2/ فى جايزة لاحسن اكله.

يلا نبدأ....)(44*&6 )(44*45&6
والله ماعندي حاجه اقولا لكن موضوعك بلحيل عجبني
وبمشي واجيك راجعة:trrr6: