شايقي حر
24-01-2011, 00:44
حقـي العليك
ياريتو قلبك لو عرف..
طعم الحنان طعم الولف
سر الغرام الـ في العيون
وكتين نضاري وينكشف
دقات قليب حين طلتك
كيفن بيرقص ويرتجف
والله لاكنت بتخون
لاكنا في يوم نختلف
_ - _ - _
أنا يا حبيب سلمت ليك قلبي الولوف
وجمعت من دنيا الغرام أندي الحروف
لملمت كل أشواقي ليك سويتا طوف
وعبرت ليك والدنيا ليل وظلام وخوف
_ - _ - _
قلت الزمن غير هواك
والريدة بددتا السنين
والفرحة ماتت في العيون
واتبدل القلب الحنين
وسكبت في دربي الجراح
ومليت قليبي أسي وأنين
ببكيك براي أنا ياحبيب
لكين هواي يبكيهو مين؟
_ - _ - _
ماتلوم زمانك والظروف
والدنيا وأحكام القدر
وماتقول مصيرنا نكون بعاد
بعد النجيمات والقــمر
قول لي سليت أو قول جفيت
قول إنت زي كل البشر
غدار وخاين للعهود
ما بتحمل الريد والسهر
_ - _ - _
حقك علي إذا ظلمتك
يوم وسميتك وفي
وحقي العليك إنك خلاص
من دربي لازم تختفي
بكرة بيجي وبتمر سنين
وجمر هواك بينطفي
ويجيني غيرك تاني ريد
وحبيب سواك لي يصطفي
وأنساك كمان زي القبيل
لاكان في ريد .. لاكنت في
ياريتو قلبك لو عرف..
طعم الحنان طعم الولف
سر الغرام الـ في العيون
وكتين نضاري وينكشف
دقات قليب حين طلتك
كيفن بيرقص ويرتجف
والله لاكنت بتخون
لاكنا في يوم نختلف
_ - _ - _
أنا يا حبيب سلمت ليك قلبي الولوف
وجمعت من دنيا الغرام أندي الحروف
لملمت كل أشواقي ليك سويتا طوف
وعبرت ليك والدنيا ليل وظلام وخوف
_ - _ - _
قلت الزمن غير هواك
والريدة بددتا السنين
والفرحة ماتت في العيون
واتبدل القلب الحنين
وسكبت في دربي الجراح
ومليت قليبي أسي وأنين
ببكيك براي أنا ياحبيب
لكين هواي يبكيهو مين؟
_ - _ - _
ماتلوم زمانك والظروف
والدنيا وأحكام القدر
وماتقول مصيرنا نكون بعاد
بعد النجيمات والقــمر
قول لي سليت أو قول جفيت
قول إنت زي كل البشر
غدار وخاين للعهود
ما بتحمل الريد والسهر
_ - _ - _
حقك علي إذا ظلمتك
يوم وسميتك وفي
وحقي العليك إنك خلاص
من دربي لازم تختفي
بكرة بيجي وبتمر سنين
وجمر هواك بينطفي
ويجيني غيرك تاني ريد
وحبيب سواك لي يصطفي
وأنساك كمان زي القبيل
لاكان في ريد .. لاكنت في