املنا الباقى
01-04-2006, 03:28
الزول الراقى الطلب الاغنية الراقية و الاداء الراقى ..
اهداء من غادتنا الحديقة الى كل رواد منتدى الاغانى المبدعين ..
اكتبى لى .. الشنداوى .. الابنوسى .. ابو سجود :mad: و اخيرا لى اخونا المبدع املنا الباقى
الذى تعب و فتش على الاغنية و جابا :trrr6: ( شكرا يا جكس ) هههههههه:trrr3:
هاكم الرابط اهو من مركز رفع الملفات فى حب النيل
عيــش مــعايـــا الحب
(http://www.nilelove.org/userfiles/3eesh ma3aya.mp3)
http://www.nilelove.org/userfiles/3eesh ma3aya.mp3
نســـيم شبـــال
01-04-2006, 04:01
الله الله الله الله
أملنا الباقي
وأنا أقول إنته مساهر لي حسي مالك
ياخ مبااااااااااااااااااالغه وإبداااااااااااااااااع
تسلم يا ملِك ...
غادة(البت الحديقة)
01-04-2006, 08:52
صباحك زين
رجع بيك الصباح شمسين
صبح بيك العمر عمرين
أقيفي معاي .. وأعرفي شقاي
ندق باب الزمن أيدين
نخط فوق الصعب أسمين
معاك بلقى التعب خفَّ
وأحس نبض الأمل رفّ
جمالك بالشروق حفّ
شفايفك بسمتن ضفة
سبايبك في الجبين زفة
المبدع أملنا الراقي :
نداء تسمعته من خلال الإهداء
فيه الصباح الباهي لونك
وفيه ايضا اقيفي معاي
نشيل كتف الغنا الميل
فلك عاطر الود وكامل التقدير
( ووسع لي شان اقيف معاك !!)
شنــداوي
01-04-2006, 10:14
عيش معاي الحب
(اسحق الحلنقي)..
عيش معاي الحب عيش معاي حناني
خليني أنسى سنين عشتهم وحداني
إيه يضرك تسأل يوم علي يا غالي
وإنت وحدك عارف همي عارف حالي
كيف أواصل صبري في الطريق الخالي
كيف بدونك تصبح اليالي ليالي
أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني
برجى الأيام وستنى أمالي بين نيراني
والهجر مهما يألم يرجع حنانك تاني
لو كان جفيتني خليتني وحدي برايا
مع ليلي الوحدة والشوق حنينو معايا
ما بسيبو غرامك رضيان معاك بشقايا
وقت الطريقك يوصل أعرف نهايتة خطايا..
التحية لدكتورنا الراقي
(املنا الباقي)..:trrr6:
نســـيم شبـــال
02-04-2006, 07:56
حتماً سيكون صباحي دوماً من هُنا
:trrr6: :trrr6:
(أكتبى...لى)
02-04-2006, 15:47
تسلم أملنا الباقى يامبدع على الاغنيه الجميله
لصاحب الصوت الاجمل جمال فرفور ولدنا (ولد بحرى الصبابى):c030:
تحيه ليك يابوس:trrr6:
st alnas
05-04-2006, 10:17
املنا الباقى تسلم كتير على الأغنية الرائعة،وحقيقة بتجلى صوت فرور النقى العذب فى الاغنية دى
نصيحة:ابدو يومكم من هنا:trrr6:
املنا الباقى
27-04-2006, 17:00
مرحبا بزوارنا ...
نسيم شبال .. الشندواوى .. العنقاء .. الحديقة .. اكتبى لى .. ست الناس ..
و نواصل ...
مع جمال .. الجمال ..
دنيا الريــد غريــبــة (http://www.alrakoba.net/amlnalbagi/donya_alraid.mp3)
لــيــه بتــســأل (http://www.alrakoba.net/amlnalbagi/leh_bitsal.mp3)
الفارس29
19-12-2006, 11:24
سلامى لكل الرواد واهلى وعشيرتى والمعارف بالسودان الحبيب وكل عام وانتم بخير وعبركم اقول لكل اهلى السودانيين فى داخل السودان وفى بلاد المهجر عيش معاى الحب
الفارس29
19-12-2006, 11:39
بسم الله الرحمن الرحيم
ارجو قبول مشاركتى المتواضعة
زمان لو قالواعن تاجوج
روائع خلدها الدوبيت
زمان لو قيس صبح مجنون
وقال فى ليلى مليون بيت
زمان لو روميو مات بالحب
وقاسم بالحياة جوليت
اهو التاريخ بعيد نفسه
لانى اليوم كمان حبيت
جمالك زى صفاء حلفا
ونهار توريت
الفارس29
19-12-2006, 11:50
فى الغربه فى البلد البعيد الوم بمر زى السنة
الفارس29
19-12-2006, 11:59
غريب وحيد فى غربته
حزنان يكفف دمعة حيران يغالب لوعته
ويتمنى بس لاوبته
طال بيه الحينين فاض بيه الشجن
واقف يردد من زمن
بالله يا طير المهاجر للوطن
زمن الخريف
تطير باسراع
تطير وما تضيع زمن
اوعك تقيف وتواصل الليل بالصباح
تحت المطر وسط الرياح
وكان تعب منك جناح
فى السرعة زيد
فى بلادنا ترتاح وتبقى ليك ضل الدليب
اريح سكن
فوت بلاد وسيب بلاد
وان جيت بلاده
تلقى فيها النيل بيلمع فى الظلام
زى سيف مجوهر بالنجوم من غير نظام
وانزل هنالك وتحي يا طير باحترام
وتقول سلام
وتعيد سلام
على نيل بلادنا سلام
وشباب بلادنا سلام
ونخيل بلادنا
بالله يا طير
قبل ما تشرب تمر على بيت صغير
من بابه من شباكه
بلمع الف نور
تلقى الحبيبه
بتشتغل مديل حرير
لحبيب بعيد
تقيف لديها
وتبوس ايدها
وانقل اليها
وفايا ليها
وحب الاكيد
أملنا الباقي .. ما أجمل الحب .. وما أجمل الكلمات التي تعبر عنه .. وصوت الرائع فرفور .. يضيف الي اللحن والكلمات جمالاً .. لك التحية
سارة الضارة
06-01-2008, 22:08
يا سلام كلك ذوق يا املنا الباقي و كمان غادتنا الجميلة و اشكرك على عيش معاي الحب من اجمل الاغاني للمبدع فرفور الجميل , وحابه اقول يا غادة كلام يلامس الروح بصراحة :trrr1:
احلي واجمل غنيه انا سمعتها