السلام عليكم

في رثاء الشيخ الشاعر حسن الزبير
الفاتح الخير – الشارقة
أبكن يا قوافي وعزن يا حروف
جودن يا قرايح بالأشعار صنوف
رحل الكان دليلكن الوافي العطوف
وخلا الزيي نايح والنايحات صفوف
أبكن يا حروف وعزن يا قوافي
وجيبن لي حديثا صادق وصفو وافي
راح شيخ المشايخ ذو الوصف الموافي
خلى الذيي حاير لا شط لا مرافيء
يا حليل الحسن ذو الخلق المثالي
دراج الوهانى ضواي الليالي
العف العفيف القايد المعالي
كل ما تدنو منو يسمو وقدرو عالي
فاقدك يا صديقي يا الخلقلك نبيله
عنوان المحبة نبراس الفضيلة
تبكي رويحتي نايحة من فراقك هزيلة
وإنفرطتت عقودي وما خابر دليلا
يا حليل الليالي البيك بتضوي
وفاقداك النوادي يا غيثها المروي
دي حروفنا الجميلة ومزمارها المدوي
ما عارفين وحاتك بعدك شِن تسوي
كم شاعر مفوه لي شعرك تحور
وكم فنان مثالي بي قولك تطور
يا نبع المعاني يا البدرك تدور
فرقك جد ملكني نوسر جرحو غور
ذكراك في المحافل عالي وسامية سيرتو
وشعرك وصفو نادر للبتبع مسيرتو
كم غنيت لي جاراً راقي وحلوة جيرتو
وكم وصفت حِبك لما يجيبو سيرتو
مافي خلافي وحاتك شعرك صافي رشفو
حير للمعاك ولي القبلك توفوا
كل مجال طرقتو حروفك ليه كفو
إلا حروفنا ليك عاجزات ما بكفو
برهان غنى ليك في أمدر أحلى وصفه
وحركة القلبو نازف للمرسوم في كفه
داك فرفور بهاتي للقابلتو صدفة
وميرغني قلبو يهفو للما عمرو وضَ
كل الحام حماك شعرك دارو جاها
ويات من سمعو وصفك ياخد إنتباهه
مافي خلاف في إنك كل ذول بيك تباهى
وروحك من سموها لبت لي نداها

لالالالالالالالالالاوالله شغل غريب ده مبالغه بالجد يديك العافيه يا المصير