مشاهدة النسخة كاملة : تعالوا جادعوا يا أهل المسدار


الصفحات : 1 2 3 4 5 6 7 8 9 10 11 12 13 14 [15] 16 17 18 19 20 21 22

mataralroshash
17-05-2008, 20:58
قلب الصفحه مطورى واخدلو تكيه وقعده
وابو الريش والحسين قلوبن توج مرتعده
سايبين ود خليفه غالبو الرقاد والقعده
لى دواس مطر الرشاش والله بعدا بعدا

قنديل
17-05-2008, 21:31
حباب قنديل أخوى الخيمتو يوت مغشيه
زاد السرور والحب من الصباح لى عشيه
فى الجود والكرم مطمورتو تب محشيه
فى سوق غندهار بس قام غنج بالشيه


مطوري الجميل سيد النزال دغشيه
وفي كل العلم فات مشيخ المنشيه
تشهدلو الانام من نملي لي كبوشيه
لكن لي سؤال مين شالها باقي الشيه؟

ود فداسي
17-05-2008, 21:43
في ست هواي كل الخلوق حتي البنات يتحكن
تحلف تقول كل الفضايل السمحه فيها اتصبن
صدراً عالي وردفاً واحل وخصلاً لاوجناتا سكن
خطواً ثابت ومشياً ماهل فوق الارض وممكن

ابوالتومات
18-05-2008, 01:25
يا ود خليفه روووووق ما تشاغل ابو التومات
ما هبشك فى شئ أو خت فيك لومات
ده التلب اللزوم الليهو كم قومات
وابو الريش صويحبك أظنو طوفش ومات


مطورى الحبيب الليلة قولتا كلام
انت الاسد النتر والله مافى ليك ملام
ود اصول اصلى ماعندى فيك كلام
لكن صحبك اتعرف وبقا عندى هلام

ابوالتومات
18-05-2008, 01:36
قلب الصفحه مطورى واخدلو تكيه وقعده
وابو الريش والحسين قلوبن توج مرتعده
سايبين ود خليفه غالبو الرقاد والقعده
لى دواس مطر الرشاش والله بعدا بعدا

مطورى الحبيب الدواس ما انت سيدو وراسو
اخونك ديل كان جوك بالدرب كان يضقو رصاصو
وفداسى وحسين وابوالريش هدمتهم من ساسوو
ودمرغنى دلك قولت بسم الله كان يطير وسواسو

mohamed merghani
18-05-2008, 11:48
مطورى الحبيب الدواس ما انت سيدو وراسو
اخونك ديل كان جوك بالدرب كان يضقو رصاصو
وفداسى وحسين وابوالريش هدمتهم من ساسوو
ودمرغنى دلك قولت بسم الله كان يطير وسواسو

كل الذكرتهم بتوب الكمال اتكاسو
حقّهم الفضل ميراث قديم ما كاسو
باريت حبّيب منتدي لكل الحمام جكّاسو
وحاربت الفى سدارنا منصور وحايز كاسو

أبوك يا فاطمة ابوك قاشّي الدمع حبّاسو
أبوك الفى المحاصة أعداهو ضايقين باسو
مطروح الجبين ما صارّي الوشيش عبّاسو
ماسك شديد فى التقوي الليهو زاد ولباسو

يا حليل حسين الكان لازم السدار ونّاسو
أهل المكارم جملة همّ قومو وناسو
ماهر فى القريض بعرف معاني جناسو
لو جا براو بيرد فى القول أخير تتناسو

ود فداسي الكان فينا عالى حماسو
مالو فرتق ضارب أسداسو فى أخماسو
سارح بى هناك داير يلمّع ماسو
يصبّح في الحنان ويمسّي لو اتماسو

يا ريت وزنت كلامي وأخدت ليهو مقاسو
كان من كلامي الفالت مافي ناسا قاسو
أبو التومات أخوي شيطاني مال رقّاصو
ليك الاعتذار والعتبي لو كان نبح جرقاسو :trrr6:

mataralroshash
18-05-2008, 17:40
مطوري الجميل سيد النزال دغشيه
وفي كل العلم فات مشيخ المنشيه
تشهدلو الانام من نملي لي كبوشيه
لكن لي سؤال مين شالها باقي الشيه؟

هههههههههه ههههههههههه ههههههههاااااااااى (حلوه منك يا عسل)

الداخلو بيت بيقول أحم دستور
والفى المنشيه داك كم كم وضع دستور
من أكل اللحم والله جاك فتور
يا قنديل أخوى ما تخلى الطبق مستور

قنديل
18-05-2008, 19:20
الداخل جوا بيتو ما ببدا بالدستور
ويامطر الرشاش ان قم عليك بفور
لي داك الغدا غبيت عشاي وفطور
بس جيب الكروه لي انشاء الله بالميسور



looooooool

الشلال باشا
19-05-2008, 02:14
الداخل جوا بيتو ما ببدا بالدستور
ويامطر الرشاش ان قم عليك بفور
لي داك الغدا غبيت عشاي وفطور
بس جيب الكروه لي انشاء الله بالميسور



looooooool

يا قنديل اخوي الكروه ماك من ناسا
وان كنت الحكم حقك يجيك في سداسا
مطوري ان سحب الشية وايضا داسا
محكوم بالشعر يملالو بس كراسة

الشلال باشا
19-05-2008, 02:58
رهاب موية الرجوع هو الامل والمبدا
اطفي لهيب الاغتراب بالعوده ماتتردا
بقول ان غلبك سدا الحق ووسع قـــدا
وسكًن للقليب خليو يمر بالعرضــــــــه (العرضه امدرمان الطريق الي غندهار سوق الناقه لول)

رهاب موية الرجوع املك كبير وبتعد
ولهيب الاغتراب شاوينا ليك من مده
اطفيه ان قدر وسع ونحن نســــــــــده
وتسكين القليب خليهو لينا بشــــــــده

mohamed merghani
20-05-2008, 09:07
هههههههههه ههههههههههه ههههههههاااااااااى (حلوه منك يا عسل)

الداخلو بيت بيقول أحم دستور
والفى المنشيه داك كم كم وضع دستور
من أكل اللحم والله جاك فتور
يا قنديل أخوى ما تخلى الطبق مستور

تمزمزو فى اللحوم أكرم بتلك العضّة
وكلب الاغتراب فى جسمي ليهو مليون عضة
ترس حالى الوقف عصلج وزاد فى العضّة
بخت اللقاها معاكم بعضا بيضاحك بعضا

مطّوري الحريف فى القول وحابك نضمو
وصّف لينا كتفا خيرو جاور عضمو
من أين ذاك بيؤكل والبان محنبك كضمو
والشال البواقي وقال اللحوم بتصدمو

mataralroshash
20-05-2008, 17:33
الداخل جوا بيتو ما ببدا بالدستور
ويامطر الرشاش ان قم عليك بفور
لي داك الغدا غبيت عشاي وفطور
بس جيب الكروه لي انشاء الله بالميسور



looooooool


بشرناك بالخير تقوم ترد وتهدد
بس لو تبقى راجل عقب كلامك ردد
ناس أبو الريش أرقد معاهم مدد
ولى دواس مطر الرشاش والله ما بتحدد

mataralroshash
20-05-2008, 17:37
يا قنديل اخوي الكروه ماك من ناسا
وان كنت الحكم حقك يجيك في سداسا
مطوري ان سحب الشية وايضا داسا
محكوم بالشعر يملالو بس كراسة

يا الشلال أخوى كلم صويحبك لمو
من الكروات شبع نافخ كضيمو وجضمو
مع ناس ود خليفه يحجز مكانو يلزمو
من الليله وجاى ما أظن معانا ينضمو

أبو الريش
20-05-2008, 17:41
بشرناك بالخير تقوم ترد وتهدد
بس لو تبقى راجل عقب كلامك ردد
ناس أبو الريش أرقد معاهم مدد
ولى دواس مطر الرشاش والله ما بتحدد

جلد الفاقة يخلي الزول يكاتل ضلو
قبيل كنتو حلوين ليه اللسان بتسلو
الغاشينا يوت بي كرمنا ديمة نجلو
جيب نضماً سمح كعب الكلام أجّلو

mataralroshash
20-05-2008, 17:51
تمزمزو فى اللحوم أكرم بتلك العضّة
وكلب الاغتراب فى جسمي ليهو مليون عضة
ترس حالى الوقف عصلج وزاد فى العضّة
بخت اللقاها معاكم بعضا بيضاحك بعضا

مطّوري الحريف فى القول وحابك نضمو
وصّف لينا كتفا خيرو جاور عضمو
من أين ذاك بيؤكل والبان محنبك كضمو
والشال البواقي وقال اللحوم بتصدمو

الفودكا والكونكان واللحمه ليها تمزو
وكلب أمل الرجوع كتلو الحبل بى حزو
مغتربين سمااااااان لا بتظزو لا بتلزو
بخت اللقاها معاكم يقرمش عضيم ويمزو

مرغونى الحريف حابك حديثو ونظمو
وقرار العوده تب غالبو مره يحزمو
جرح الغربه غور دكن سحايبو ورزمو
دحين بس شدو حيلكم حقق قرارك أحزمو

قنديل
20-05-2008, 22:01
بشرناك بالخير تقوم ترد وتهدد
بس لو تبقى راجل عقب كلامك ردد
ناس أبو الريش أرقد معاهم مدد
ولى دواس مطر الرشاش والله ما بتحدد



ان قلت الرجاله مكملنها نحنا
مانا متعادلين ومانا سالب شحنه
ان درت النزال تلقانا فيو اندحنا
وبي صفه عامه انا داير اقول نحنا


نحنا بنبزل المجهود لغير صالحنا
نحنا بنجامل العادانا والصالحنا
نحنا بنشارك الصاحب الصديق في المحنه
نحنا عز الرجال نحنا الفوارس نحنا


نحنا عدمنا ماعرفونا خاليه ادينا
نحنا لقينا ماقالوا استبدوا علينا
نحنا شعارنا مرفوع القناعه خزينه
نحنا نندم الحاول يدور فينا

قنديل
20-05-2008, 22:07
رهاب موية الرجوع املك كبير وبتعد
ولهيب الاغتراب شاوينا ليك من مده
اطفيه ان قدر وسع ونحن نســــــــــده
وتسكين القليب خليهو لينا بشــــــــده

جاييك يا اخوي داير اكون قدامك
يادقر الصقيعه عاليات هناك اعلامك
جاييك منتشي نسعدبهن ايامك
بي جوار ابوي وامي يتحققن احلامك

ابوالتومات
21-05-2008, 00:23
قنديل من مطورى اقيف هناك واعمل شخطة
ود عرب اصيل شهم فات الرجال لى حدة
وكمان فى الكرم مطر سيلا يقدل مابتحدة
نيصحتي ليك خليك مع الاسود شان ما تنهدة

ابوالتومات
21-05-2008, 00:29
في ست هواي كل الخلوق حتي البنات يتحكن
تحلف تقول كل الفضايل السمحه فيها اتصبن
صدراً عالي وردفاً واحل وخصلاً لاوجناتا سكن
خطواً ثابت ومشياً ماهل فوق الارض وممكن

يازول قول بسم الله الناس فى الدوس وانت وسط النسوان تندسا
الناس فى الحرب والكتال وانت فى الاردف والصدور تتحكا
الازم الرجل الاسود شان تعرفلك شى ساعة الامور تشتدا
سيب الحريم ديل ساعة الحارة وحات تباريح مافى شى بندسا

ود فداسي
21-05-2008, 17:53
يازول قول بسم الله الناس فى الدوس وانت وسط النسوان تندسا
الناس فى الحرب والكتال وانت فى الاردف والصدور تتحكا
الازم الرجل الاسود شان تعرفلك شى ساعة الامور تشتدا
سيب الحريم ديل ساعة الحارة وحات تباريح مافى سى بندسا

اسمع يا اخوي بوريك كلامي من هسا
انا التلب اللزوم الما عليهو مدسا
ساعة الحارة بقيف قدام حرم ما بدسا
الحرب والدواس عليهن بصبح وامسا

ود فداسي
21-05-2008, 19:07
كل الذكرتهم بتوب الكمال اتكاسو
حقّهم الفضل ميراث قديم ما كاسو
باريت حبّيب منتدي لكل الحمام جكّاسو
وحاربت الفى سدارنا منصور وحايز كاسو

أبوك يا فاطمة ابوك قاشّي الدمع حبّاسو
أبوك الفى المحاصة أعداهو ضايقين باسو
مطروح الجبين ما صارّي الوشيش عبّاسو
ماسك شديد فى التقوي الليهو زاد ولباسو

يا حليل حسين الكان لازم السدار ونّاسو
أهل المكارم جملة همّ قومو وناسو
ماهر فى القريض بعرف معاني جناسو
لو جا براو بيرد فى القول أخير تتناسو

ود فداسي الكان فينا عالى حماسو
مالو فرتق ضارب أسداسو فى أخماسو
سارح بى هناك داير يلمّع ماسو
يصبّح في الحنان ويمسّي لو اتماسو

يا ريت وزنت كلامي وأخدت ليهو مقاسو
كان من كلامي الفالت مافي ناسا قاسو
أبو التومات أخوي شيطاني مال رقّاصو
ليك الاعتذار والعتبي لو كان نبح جرقاسو :trrr6:


اســـــراب النــوارس الطـارن وتب مـــاركن
شـــوقا ليكم ســـكن جوه الضــــلوع واتجكن
الالم والانين مــــا بزول لو ما الجـــرح اتسكن
افوتكم كيف وانا بي شوقكم قيدي مربوط وممكن

ابوالتومات
21-05-2008, 22:48
اسمع يا اخوي بوريك كلامي من هسا
انا التلب اللزوم الما عليهو مدسا
ساعة الحارة بقيف قدام حرم ما بدسا
الحرب والدواس عليهن بصبح وامسا

نفاخ للنار ساى وقت الحارة بتندسا
ان جاك مطورى اخير من اسى تندسأ
وحرم كان جيتك انا عرفنى وحاتك مابنسا
شان كدة اقيف واسط الرجال اقدل وماتندسا

أبو الريش
22-05-2008, 00:31
تسلم يالحبيب الديمة للسدار مضوى
الاخو العزيز مطورى الديمة شايل همى
عارفك اسد لو المسافة والبعد كون جنبى
لكن الكلام فى ابو الريش عمل نايم منى

المشغوليات عموم كيفن معاها أسوي
ولو الأمور بي أيدي كيفن أفوتك أخوي
يالما سألتا علي ماسكني الشديد القوي
مباري لي مطوري أريتو ليكا يضوي

أبو الريش
22-05-2008, 00:37
أبو الريش فى الشدايد طوالى بعمل نايم
مخالف الناس كتير وان قعدو بفضل قايم
مع المصريات دوام كاتل ضليلو وحايم
فى أمدر ما كتب بس همو يعمل تايم

في الواجب يمين قدامي ابريش براك بتعرفو
وفي النايبات دوام خرتوشو عامر ظرفو
كان جيت في مصر تعرف سماحتو وظرفو
وكان أخوهو بهتو يعفاهو ويقدر ظرفو

أبو الريش
22-05-2008, 00:46
المطر الرشاش الراجل الضكر جبتا الكلام من اخرو
صاحبك سيد عرضة زايفة ونقة ساى وانت عارفو
سيب الوريل يقدل فى مصر وحيد من دون اخوانو
اصلو الفيهو اتعرفت من زمان واتبشتن وسط اقرنو

النمل إن طلع في زِمِلنا ماب نصارفو
أنحنا في الكلام نجّمنا جبنا مصارفو
كان جيت للكرم قدرنا عايمة مغارفو
وفي صد الفتن للموت عدانا يشارفو

أبو الريش
22-05-2008, 00:57
أبو الصديق أخوي درع التروس الحامي
يا قعونج لا تلعب هذا مايا حامى
قادر براهو يضاير وما بدورلو محامي
والفيو زمان معروفة فخر سامى وحامى

الطابية فوق أم در هدراما يلفح حامي
دايماً مدرّقة عني تخجل دوام لمقامي
ود خليفة أخوي رتاق لجرحي الدامي
معروف من قديم في الحارة يوت قدامي

mohamed merghani
22-05-2008, 09:23
الطابية فوق أم در هدراما يلفح حامي
دايماً مدرّقة عني تخجل دوام لمقامي
ود خليفة أخوي رتاق لجرحي الدامي
معروف من قديم في الحارة يوت قدامي

لي ساحتك المعمورة ساعيات دوام أقدامي
وانت سيد البيت تغرف تقول خدّامي
كل الجاك وبات فى بيتك القدّامي
شاف عيانا كرمك وعنق الضبيحة الدامي

الشلال باشا
22-05-2008, 09:38
قنديل من مطورى اقيف هناك واعمل شخطة
ود عرب اصيل شهم فات الرجال لى حدة
وكمان فى الكرم مطر سيلا يقدل مابتحدة
نيصحتي ليك خليك مع الاسود شان ما تنهدة

نحن الاسود مافيش اسود بـســـــــوانا
لامطرا يرش لا توم يقف في ســــــمانا
القنديل اخوي ضي القبيلة مـــــــــــعانا
والشلال ان هدر ماتقولوا سيل ورمانا
************
اهل الكرم نحن الديار عــــــــــــــارفانا
اسأل من سمع او اي زولا جـــــــــــانا
تعرفو الخبر انوا الجميع فـــــــي ورانا
اشخط شختطك او تعال واقيف ويـــــانا
***********
اهل الدواس نحن الفرجة ماها مــــعانا
وان دورتو النزال تلقوه تب في لقـــــانا
لارحمة ولا شفقة مافيش قلوب جـــوانا
والاسد ان زأر اثبت .ما أظن تـــــرجانا

mohamed merghani
22-05-2008, 11:46
يا ريتو طيفك دام قدامي برهة وجيزة
أنظم جمال عينيك قصيدة زاهية وأجيزا
لكنو لمن راح زاد روحي في تعجيزا
خلاني ساهي وكاضم زي الصنم في الجيزة

mataralroshash
22-05-2008, 13:33
جلد الفاقة يخلي الزول يكاتل ضلو
قبيل كنتو حلوين ليه اللسان بتسلو
الغاشينا يوت بي كرمنا ديمة نجلو
جيب نضماً سمح كعب الكلام أجّلو


جلد الفاقه يخلى الزول يحوم فى كايرو
مرات يغلبو لسانو ومرات شويه يضايرو
الزول الدوام شاغل على دوايرو
كتل حيلى عمدا وخت القليب فى مسايرو

mataralroshash
22-05-2008, 13:48
المشغوليات عموم كيفن معاها أسوي
ولو الأمور بي أيدي كيفن أفوتك أخوي
يالما سألتا علي ماسكني الشديد القوي
مباري لي مطوري أريتو ليكا يضوي

أهااااا ده الشين البخلى الزول يعيد الكره
جابوك من الطشيش ومصر تبيت بره
يا أبو الريش اللذيذ أوعاك تفوتك جره
وكان اتجرست تب نحن بنفك الذره

mataralroshash
22-05-2008, 14:27
نفاخ للنار ساى وقت الحارة بتندسا
ان جاك مطورى اخير من اسى تندسأ
وحرم كان جيتك انا عرفنى وحاتك مابنسا
شان كدة اقيف واسط الرجال اقدل وماتندسا


ابو التومات التلب اعفى زولك خلو
ده زى صول الكتيبه ما لاقى أصلو محلو
قدر الغضب لو فار يا أخوى بى شيشك دلو
حاسب يندفق ويعم سدارك كلو

mataralroshash
22-05-2008, 14:38
النمل إن طلع في زِمِلنا ماب نصارفو
أنحنا في الكلام نجّمنا جبنا مصارفو
كان جيت للكرم قدرنا عايمة مغارفو
وفي صد الفتن للموت عدانا يشارفو


يا خايب الرجا حرم فهيمك عارفو
دوام سيل المطر كاسر حويشك وجارفو
دحين مطر الرشاش الأسد الهصور ماك عارفو
درداق للجزر الدايما مطيره قضارفو

ود فداسي
22-05-2008, 17:59
ابو التومات التلب اعفى زولك خلو
ده زى صول الكتيبه ما لاقى أصلو محلو
قدر الغضب لو فار يا أخوى بى شيشك دلو
حاسب يندفق ويعم سدارك كلو



مالك يا مطوري علي لسانك بتسلو
حذر صويحبك بكل التعرفو قولو
اسد الخلا البفج القطيع من محلو
معروف كل من وقفو قدامي ولو

مصطفي ابوقرون
22-05-2008, 18:35
أولاد السدار إزيكم آ السمحين
كيف أحوالكم وإنتو عني ما سألين
أنا وسلمي إتخاصمنا لينا يومين
و زي الطريفي وجملو أصبحنا متفارقين

الأميرة
22-05-2008, 19:32
والله ياغالي ديمة عليك سألين
وإنشاءالله إنت وسلمى ترجعو متصافين
وتكمل بيها نص الدين
ونغني ليكم العديل والزين
وإنشاءالله ربي لدعائي يستجيب قول آمين

أبو الريش
23-05-2008, 00:14
أهااااا ده الشين البخلى الزول يعيد الكره
جابوك من الطشيش ومصر تبيت بره
يا أبو الريش اللذيذ أوعاك تفوتك جره
وكان اتجرست تب نحن بنفك الذره

فرطاق القِد ما بنفع مع الضهر الغليد أب دِرة
وضقل البوص ما بترجا منو الدرة
في اللفة ضالع فرسك فازت خيولنا الحرة
يالشاكي من الرمض كيفن تخود الحرة

أبو الريش
23-05-2008, 00:32
يا خايب الرجا حرم فهيمك عارفو
دوام سيل المطر كاسر حويشك وجارفو
دحين مطر الرشاش الأسد الهصور ماك عارفو
درداق للجزر الدايما مطيره قضارفو

خايب الرجا البتقولو شام دم عدوهو وكارفو
وادي العواتيب البخر عمت ربوعنا مسارفو
مو ممحوك متل زادك بشويش عليهو تضارفو
أنا المطر الهميل خزان مياهك غارفو

مصطفي ابوقرون
23-05-2008, 11:14
والله ياغالي ديمة عليك سألين
وإنشاءالله إنت وسلمى ترجعو متصافين
وتكمل بيها نص الدين
ونغني ليكم العديل والزين
وإنشاءالله ربي لدعائي يستجيب قول آمين

http://taqnia.com/flashyat/ar/W0.gif
تسلمي إنتي يا البتشبهي الوزين
تسلمي إنتي يا فرحة القلب الحزين
تسلمي إنتي علي كلامك الجميل الزين
و أنا متماسك وقوي و هادي و رزين
http://taqnia.com/flashyat/ar/W0.gif

ابوالتومات
23-05-2008, 21:01
خايب الرجا البتقولو شام دم عدوهو وكارفو
وادي العواتيب البخر عمت ربوعنا مسارفو
مو ممحوك متل زادك بشويش عليهو تضارفو
أنا المطر الهميل خزان مياهك غارفو

ابوريش دقاق مابطير وسط النسور لا تقيل
اختا السيل من بعيد لو شوفتو واجرى لا تميل
مطورى الاسد الهمام امسك فىدربو تب لا تحول
تعال بالردب يوريك طعم الجود والكرم الما هميل

الشلال باشا
26-05-2008, 00:39
ابوريش دقاق مابطير وسط النسور لا تقيل
اختا السيل من بعيد لو شوفتو واجرى لا تميل
مطورى الاسد الهمام امسك فىدربو تب لا تحول
تعال بالردب يوريك طعم الجود والكرم الما هميل

نتاف الريش انا ومطوري يسلق ويقلي
وابو التومات عزيز راجينا بالبنجقلـــي
القنديل اخوي سودر معاي وسقلـــــــي
خش صف الاسود خليك من فار جقلي

mataralroshash
26-05-2008, 11:57
نتاف الريش انا ومطوري يسلق ويقلي
وابو التومات عزيز راجينا بالبنجقلـــي
القنديل اخوي سودر معاي وسقلـــــــي
خش صف الاسود خليك من فار جقلي


العشر الهبيل قوملو حبة شوك
وناس قنديل أخوك دردقوك غشوك
عارفين مطر الرشاش أسد الخشاش أب شوك
يا دقوسة المنتدى البى الغبينه حشوك

mataralroshash
26-05-2008, 12:17
أولاد السدار إزيكم آ السمحين
كيف أحوالكم وإنتو عني ما سألين
أنا وسلمي إتخاصمنا لينا يومين
و زي الطريفي وجملو أصبحنا متفارقين

زى الكف والأصابع انشاء الله متشابكين
وحمدلله بسلامه يا الأصهب اب سكين
البينك وسلمى سرا قرارو مكين
منايا من قلبى أشوفكم فى الكوشه متماسكين

hussein
26-05-2008, 12:53
شوقى ليك يا ود الخليفة صوامع سمسم
شوقى لابوالريش جرعة عقود السم
و ين قنديل الفى حديثو ديمة يبتسم
و ين اماسينا الخلت مكنة قلوبنا تقسم

الزول من المسادر كان شهرين غاب
يرجع يلقى مطر الرشاش شايل الحراب
ابو التومات ما تدفق مويتك علىالرهاب
زولك من زمنا قديم مفتشبن ليهو الجراب

hussein
26-05-2008, 13:04
العشر الهبيل قوملو حبة شوك
وناس قنديل أخوك دردقوك غشوك
عارفين مطر الرشاش أسد الخشاش أب شوك
يا دقوسة المنتدى البى الغبينه حشوك


انت اصلك ما بتعرف صليحك من عدوك
البجى المسدار فد يوم يلقى ورقك مدكوك
حت فى اللعب كل الكباتن يابوا يخووك
اها انا جيت راجع المسدار قول لى مبروك

mahir
26-05-2008, 14:48
أما آن لكم يا أهل المسدار أن تغيرو العنوان من "السدار" إلى المسدار

مصطفي ابوقرون
26-05-2008, 15:52
يا ناس السدار قولوا لي مبروك
كدنا العازل الخاين المشروك
أنا وسلمي رجعنا تاني ملوك
ورجعنا لي مضغ الغناوي نلوك
http://taqnia.com/flashyat/ar/W0.gif

مصطفي ابوقرون
26-05-2008, 16:04
http://taqnia.com/flashyat/ar/W0.gif
رجعنا تاني لي حلو الكلام والقول
إتصافينا تاني وكدناهو العزول
رقه ورشاقه وأيضآ كلام معسول
فتحت عندي منطقة الغنا المقفول
http://taqnia.com/flashyat/ar/W0.gif

مصطفي ابوقرون
26-05-2008, 16:09
http://taqnia.com/flashyat/ar/W0.gif
رجعنا تاني لي حلو الكلام والقول
إتصافينا تاني وكدناهو العزول
رقه ورشاقه وأيضآ كلام معسول
فتحت عندي منطقة الغنا المقفول
http://taqnia.com/flashyat/ar/W0.gif

الشلال باشا
26-05-2008, 21:07
العشر الهبيل قوملو حبة شوك
وناس قنديل أخوك دردقوك غشوك
عارفين مطر الرشاش أسد الخشاش أب شوك
يا دقوسة المنتدى البى الغبينه حشوك


دقوسة المنتدي الكل عدوه مالو صليح
انا دورت اصالحك وكلامي قولتو فصيح
للصمت لزمت بطلت فيك تجريح
ويا مطر الرشاش اديتني تب تصريح
*************

الشلال باشا
26-05-2008, 21:08
العشر الهبيل قوملو حبة شوك
وناس قنديل أخوك دردقوك غشوك
عارفين مطر الرشاش أسد الخشاش أب شوك
يا دقوسة المنتدى البى الغبينه حشوك


دقوسة المنتدي الكل عدوه مالو صليح
انا دورت اصالحك وكلامي قولتو فصيح
للصمت لزمت بطلت فيك تجريــــــــــــح
ويا مطر الرشاش اديتني تب تصريــــح
*************

الشلال باشا
26-05-2008, 21:23
نتاف الريش انا ومطوري يسلق ويقلي
وابو التومات عزيز راجينا بالبنجقلـــي
القنديل اخوي سودر معاي وسقلـــــــي
خش صف الاسود خليك من فار جقلي

ابوالريش العزيز اغفر لي زل لساني
ابوالتومات اخوي زويلك اصبح جاني
مطيرة مفبركة خرطوشة من بستاني
من تاني نرجع نتلاقي في الميداني

الشلال باشا
26-05-2008, 21:49
العشر الهبيل قوملو حبة شوك
وناس قنديل أخوك دردقوك غشوك
عارفين مطر الرشاش أسد الخشاش أب شوك
يا دقوسة المنتدى البى الغبينه حشوك


يا مطر المداين الدقسة جات من طرفك
فتحت الباب عليك الليله حضر طرفـــك
انا قبل عليك خلاص انساها ايام ترفـك
ودع للرقاد تاني ما بيغمض طرفـــــــك

ابوالتومات
27-05-2008, 00:33
يا مطر المداين الدقسة جات من طرفك
فتحت الباب عليك الليله حضر طرفـــك
انا قبل عليك خلاص انساها ايام ترفـك
ودع للرقاد تاني ما بيغمض طرفـــــــك

الشلال اخوى ختلك العيب والله
مطر غلطان وكلامو عيب والله
انت الاصيل كان تغفر لية والله
عشمنا فيك يالاسد ما كمل والله

ابوالتومات
27-05-2008, 00:41
شوقى ليك يا ود الخليفة صوامع سمسم
شوقى لابوالريش جرعة عقود السم
و ين قنديل الفى حديثو ديمة يبتسم
و ين اماسينا الخلت مكنة قلوبنا تقسم

الزول من المسادر كان شهرين غاب
يرجع يلقى مطر الرشاش شايل الحراب
ابو التومات ما تدفق مويتك علىالرهاب
زولك من زمنا قديم مفتشبن ليهو الجراب


حين اخوى تغيب وترجع زى مطر الصيف
لا تروى ارض ولا تسقى ناس ولا تصل القيف
كيسك فاضى وجربك مقطوع وشعرك منتوف
احسن ليك ابعد بعيد من الناس الماديرة ليها وصوف

الشلال باشا
27-05-2008, 00:46
الشلال اخوى ختلك العيب والله
مطر غلطان وكلامو عيب والله
انت الاصيل كان تغفر لية والله
عشمنا فيك يالاسد ما كمل والله

ابوالتومات عزيز من جانبنا ما بتنصدى
مطر الرشاش رش الحديث وصــــــــــدي
عمرانة القلوب لكن قليبو تصـــــــــــــدي
من جانبنا نعفو ان عاد نقوم نتصـــــدي

مصطفي ابوقرون
27-05-2008, 17:56
زى الكف والأصابع انشاء الله متشابكين
وحمدلله بسلامه يا الأصهب اب سكين
البينك وسلمى سرا قرارو مكين
منايا من قلبى أشوفكم فى الكوشه متماسكين

http://taqnia.com/flashyat/ar/W0.gif
يا سلام عليك مطر الرشاش الزين
ربنا يحفظك يا أخوي من العين
شكرآ ليك كتير يا الراقي وحنين
سو نمك في الصيد وفي الوزين
http://taqnia.com/flashyat/ar/W0.gif

مصطفي ابوقرون
28-05-2008, 22:41
http://images.abunawaf.com/2006/07/image_13631.gif
يا ناس السدار عازمكم في أبوقرون زواج
يوم ستة ستة وبيكم يكتمل المزاج
زواج أختي وأخوي وفي غاية الإبتهاج
منتظركم في دارنا في ابوقرون وأنا ليكم راج
http://taqnia.com/flashyat/ar/W0.gif
يا ناس السدار يا الكلكم حلوين
عازمكم زواج إنتو يا السمحين
أختي وأخوي ناوين يتمو الدين
يوم ستة ستة راجيكم آ آ سمحين

رمال بلا شاطىء
28-05-2008, 22:56
مسك القبلة في كوع الشمال براقك
وقشط سدروا في عامر سحابو وساقك
تبونك قرنن والسيل دهك شقاقك
الضايق نشوقك حار عليهو فراقك

hussein
31-05-2008, 13:56
مسك القبلة في كوع الشمال براقك
وقشط سدروا في عامر سحابو وساقك
تبونك قرنن والسيل دهك شقاقك
الضايق نشوقك حار عليهو فراقك

براق القبلة الليلة ملاها مزن
و قشط سدورا العامرةا اتملن
تبونك فوقو بنات ام ساق فرن
وصفك سمح يا اميرة الحزن

hussein
31-05-2008, 14:04
ليه انااخلى المنتدى و ين منو اروح
فيهو ناسا شغلو العقل وسكنو الروح
و الزول البي اسمو اماقدر تب ابوح
خلى عقلى مرات يصحا ومرات يروح

hussein
31-05-2008, 14:09
ا الفى مشيهو يتانى ذى جنى الريم
نايرات خدودو من غير بدرة و كريم
عيونو ذى شمس الضحى الغشاها غيم
من عين الحاسدين يحفظو ربى الكريم

hussein
31-05-2008, 14:15
هادية ورايقة ورزينة وكمان سمحة
قوامة ماخد من نخيل الباوقة لمحة
عديل قوامة ناير جبينة ذى القمحة
شوفتا تبهدل الفكى البكتب و يمحا

مصطفي ابوقرون
01-06-2008, 11:41
هادية ورايقة ورزينة وكمان سمحة
قوامة ماخد من نخيل الباوقة لمحة
عديل قوامة ناير جبينة ذى القمحة
شوفتا تبهدل الفكى البكتب و يمحا

أظنك قاصدني بي البكتب ويمحا
إزيك يا حسين يا أب طبيعة سمحة
نوارة المنتدي ومنور كمان الصفحة
بكون مسرور لو أنظر سلمي أنا لمحة

hussein
01-06-2008, 15:02
أظنك قاصدني بي البكتب ويمحا
إزيك يا حسين يا أب طبيعة سمحة
نوارة المنتدي ومنور كمان الصفحة
بكون مسرور لو أنظر سلمي أنا لمحة


مبروك رجوع سلمى و اطلب منها السماح
يوم جانى الخبر ذى التقول ضربونى سلاح
صابنى الوح والوحيح واتقلب لاعند الصباح
ليه تزعل من سلمى كان بالجد و كان بالمزاح

hussein
01-06-2008, 15:13
حين اخوى تغيب وترجع زى مطر الصيف
لا تروى ارض ولا تسقى ناس ولا تصل القيف
كيسك فاضى وجربك مقطوع وشعرك منتوف
احسن ليك ابعد بعيد من الناس الماديرة ليها وصوف


وصفك نعلك قاصدبو مطرالرشاش
لا بتور نبات لا بروى من عطاش
انا مابتهمنى الدوشكة و لا الرشاش
وكتين نتلاقا بملى شبكتو الحشاش

أب جيب
01-06-2008, 22:21
جاييكم جديد بي همة داخل داري
بالشوق الشديد ليكم بجر مسداري
ما داير براي بالقول أقوم سداري
دايركم تشاركوا وتهدوني لو ما داري

مرحب بالأخو دارك قريب لي داي
واياك ملك السدار واليوم سعيدةأقداري
ان كان بالدواب والله ان مشيت كداري
بلحق للركب وفارقت ليهو وداري

الشلال باشا
03-06-2008, 01:58
وصفك نعلك قاصدبو مطرالرشاش
لا بتور نبات لا بروى من عطاش
انا مابتهمنى الدوشكة و لا الرشاش
وكتين نتلاقا بملى شبكتو الحشاش

الحشاش انا وشبكتي تب مليانة
ومطر الرشاش منطقتو يود عطشانة
دوشكة شنو ورشاش مافيش جبخانة
بي حربة ونشاب مطر الرهاب تخشانى

mohamed merghani
03-06-2008, 11:21
مرحب بالأخو دارك قريب لي داي
واياك ملك السدار واليوم سعيدةأقداري
ان كان بالدواب والله ان مشيت كداري
بلحق للركب وفارقت ليهو وداري

في حوش السدار شمخ معاكا جداري
مانع للهموم باينلي فاصلو مداري
خليتني أكتب وامسح وأبيّن شجوني وأداري
وأغرق فى القصيد وبيو أداري وداري

ترحيبنا عن يمنانا بين المقاطع ساري
وحبي حاشو قليبي لو كان مرق بيساري
من دون مقابل ومن للكل دوام ايثاري
وماني اللحوح الحايم بين الخلوق كمساري

أب جيب
03-06-2008, 18:59
الحب لي عيونن جلً الكريم القسمو
وهن نايمات وساهر في وشي ظاهر وسمو
تعبان ليلي ونهار شاغلني وصفو ورسمو
ميتين لي باللقاء والسين دي اول اسمو


لهيج طرفن حليو ان جلسن علي خُشابن
وشن تشبه سهامن يوم شهرن عليْ نشابن
زي ظبين صبي جاريات تحت اعشابن
عش ياقلبي شوف في عش عليو يتشابن

رهاب موية الرجوع الفي القلب وصّال
في القربة اللعينة اتقطعت أوصال
في دارنا الرحيبة ياربي جود بوصال
وحرف السين مع باقي الحروف واصال :trrr6:

مصطفي ابوقرون
03-06-2008, 21:25
مبروك رجوع سلمى و اطلب منها السماح
يوم جانى الخبر ذى التقول ضربونى سلاح
صابنى الوح والوحيح واتقلب لاعند الصباح
ليه تزعل من سلمى كان بالجد و كان بالمزاح

عارفك يا أصيل أبدآ ما بتقصر
ما بقدر أجاريك مهما أقول وأفسر
بتحل الصعب مهما كان متعسر
ومن شوق سلمي يا رب يسر

مصطفي ابوقرون
03-06-2008, 21:45
مرحب بالأخو دارك قريب لي داي
واياك ملك السدار واليوم سعيدةأقداري
ان كان بالدواب والله ان مشيت كداري
بلحق للركب وفارقت ليهو وداري

مرحب بالغالي أخونا الرقيق أب جيب
آلاف سلام وتحايا كمان أجمل الترحيب
الدار دارك يا الراقي وراسي وحبيب
أجدع نمك خلينا نجاريك نرد ونجيب

مصطفي ابوقرون
03-06-2008, 21:52
رهاب موية الرجوع الفي القلب وصّال
في القربة اللعينة اتقطعت أوصال
في دارنا الرحيبة ياربي جود بوصال
وحرف السين مع باقي الحروف واصال :trrr6:

أخونا أب جيب والله مشتاق أنا لي قنديل
نجيب سيرة س اللذيذه ومعاها نميل
ساره وسلمي جميلات بنات الريل
أب جيب أخوي تعال قول يا الراقي الجميل

أب جيب
05-06-2008, 14:28
أخونا أب جيب والله مشتاق أنا لي قنديل
نجيب سيرة س اللذيذه ومعاها نميل
ساره وسلمي جميلات بنات الريل
أب جيب أخوي تعال قول يا الراقي الجميل

يا ابوقرون سلام والله مشتاقين
ود قنديل قريبا بينا قول امين
نسعد بي لقاهو ومنو نملا العين
ويتبسط الجميع ونعرفو حرف السين
:trrr6: :trrr6: :trrr6:

أب جيب
05-06-2008, 21:17
مرحب بالغالي أخونا الرقيق أب جيب
آلاف سلام وتحايا كمان أجمل الترحيب
الدار دارك يا الراقي وراسي وحبيب
أجدع نمك خلينا نجاريك نرد ونجيب

أبو قرون سلام رجاك تـــــب ما خاب
ونسعد بي لقاك وبي أجـمل الترحاب
دارك ديمة عامر مليان وتامي نصاب
نجر النم سويا ونواصلـــــــل الوجاب [/quote]

قنديل
06-06-2008, 01:18
أخونا أب جيب والله مشتاق أنا لي قنديل
نجيب سيرة س اللذيذه ومعاها نميل
ساره وسلمي جميلات بنات الريل
أب جيب أخوي تعال قول يا الراقي الجميل

الشوق لي ابقرون زاد علي بالحيـــــل
ومن ذكراها ساره دايما دموعي تسيل
في وصف الجمال ما قدرت القي مثيل
حردان القمر يوم مايشوفا يميـــــــــل

قنديل
06-06-2008, 01:21
يا ابوقرون سلام والله مشتاقين
ود قنديل قريبا بينا قول امين
نسعد بي لقاهو ومنو نملا العين
ويتبسط الجميع ونعرفو حرف السين
:trrr6: :trrr6: :trrr6:

ابجيب داير اجيك نتلم بنات وبنيــــــــــــــن
وعند الال جميع يتلاشي دمع العيــــــــــن
اصحابنا الكرام بالالفه مجتمعيــــــــــــــن
وفي ارض الجزيره بسيرلو حرف السين

قنديل
06-06-2008, 01:26
داير اجيب القول في زيارتوبو التومات
اب رايا سديد وعليهو اسمي صفات
حاتم في زمانو وقدورو يوت عاليات
باسم ليك دوام وفي الحاره زادنا ثبات

قنديل
06-06-2008, 01:33
مرحب حبابك اخوي دبي ضياها ازداد
وبوجودك معانا ضقناهو طعم الزاد
كل مانتم حديث نلقي النضم يزداد
ثائر سمير وانا رابحنو أغلي مزاد

هامس الليل
06-06-2008, 15:10
00ff66انا مالي دون الناس تسودا ايامي

هامس الليل
06-06-2008, 15:12
كرهت افراحي شان كضبا وهويت احزاني شان صدقا

قنديل
09-06-2008, 07:57
شوقي للمسداريا خلي ولع لهيبو وبقه
وشق وشاقا روحي وللعالي فوق اترقه
قبل ما اسد لبوغتي وافتح تراب اللبقه
تلقاني جيت بي جاي كاتلاني فيهو الشفقه

مصطفي ابوقرون
09-06-2008, 20:52
الشوق لي ابقرون زاد علي بالحيـــــل
ومن ذكراها ساره دايما دموعي تسيل
في وصف الجمال ما قدرت القي مثيل
حردان القمر يوم مايشوفا يميـــــــــل

مرحبتين حبابو الغالي أخوي قنديل
الشوق في العيون سوا مجري السيل
والشوق بالكتير لي زولي الراقي وجميل
سلمي الجميلة الليها قلبي يحن و يميل

أب جيب
11-06-2008, 00:36
شوقي للمسداريا خلي ولع لهيبو وبقه
وشق وشاقا روحي وللعالي فوق اترقه
قبل ما اسد لبوغتي وافتح تراب اللبقه
تلقاني جيت بي جاي كاتلاني فيهو الشفقه

انت بتعرف اللبقة :
طيب ما عرفت الرابونة ليه ؟؟؟؟؟

أب جيب
11-06-2008, 03:50
ا الفى مشيهو يتانى ذى جنى الريم
نايرات خدودو من غير بدرة و كريم
عيونو ذى شمس الضحى الغشاها غيم
من عين الحاسدين يحفظو ربى الكريم
:trrr6: :trrr6: :trrr6: :trrr6: :trrr6: :trrr6: :trrr6: :trrr6:
[COLOR="Magenta"]الفي مشيهو زي الغزال :trrr6: :trrr6:
نايرات خدودو زايدات جمال
واسعات عيونو تهز الجبال
بس هو المكمل ولله الكمال

محمد ابوقرون
12-06-2008, 09:33
ياأهل السدار الليلة جيتكم زائر
بفرحة وسرور وقلبي ليكم داير

http://images.abunawaf.com/2006/07/image_13631.gif


http://taqnia.com/flashyat/ar/W0.gif

محمد ابوقرون
12-06-2008, 09:48
الزول الفريد طبعو وغناهو جميل
حالي الذوق وليه القلوب بتميل
http://images.abunawaf.com/2006/07/image_13631.gif
مختار النشاهو بهيبة بتفصيل
ودا الخلاني شارد عقلي ليه يميل

http://taqnia.com/flashyat/ar/W0.gif

hussein
12-06-2008, 20:32
بعد ما دخل بيتى و حسبت الإيراد
صليت العشا و جلست للاوراد
ادونى عشاى و بقيت على الرقاد
جانى طيف الاكحل من غير مرواد

hussein
12-06-2008, 20:40
ما بنسى جلستنا و كت الشمش اصيل
جلسة على شرف خاتى القول قنديل
ابو التومات عودنا على الكرم الاصيل
حمدنا الله الكانت قبال جيت ناس خليل

hussein
12-06-2008, 20:51
00ff66انا مالي دون الناس تسودا ايامي


مالك يا هامس الليل مسود ايامك
قوى عزيمتك ما تعاين وراك و قدامك
باكر تنحل العقد و تتحقق كل احلامك
تجى تقول لى يا حسين صحيح كلامك

مصطفي ابوقرون
13-06-2008, 00:52
بعد ما دخل بيتى و حسبت الإيراد
صليت العشا و جلست للاوراد
ادونى عشاى و بقيت على الرقاد
جانى طيف الاكحل من غير مرواد

دخلت الخلوة شايل معاي سبحة بي عداد
صليت الوكت والنافله جافيتو طعم الزاد
إلا المويه والقرض وشبعان من الأوراد
إزيك يا حسين الشوق تب حاميني الرقاد

hussein
13-06-2008, 20:53
دخلت الخلوة شايل معاي سبحة بي عداد
صليت الوكت والنافله جافيتو طعم الزاد
إلا المويه والقرض وشبعان من الأوراد
إزيك يا حسين الشوق تب حاميني الرقاد


الشوق ليك تيرابا يزرعلو بلاد
عارفك قائم الليل و للسبحة جراد
دايرك فى الخاص ترسل لى اوراد
باقى ناس الشركةاتحمرهم علينا زاد

مصطفي ابوقرون
16-06-2008, 00:42
الشوق ليك تيرابا يزرعلو بلاد
عارفك قائم الليل و للسبحة جراد
دايرك فى الخاص ترسل لى اوراد
باقى ناس الشركةاتحمرهم علينا زاد


أخوي حسين ليك الشوق كتير
برسل ليك في الخاص تنال تسخير
ناس الشركة يتعدلوا وتلقي كل الخير
و البحمر ليك بضوقوا الجن الخطير

hussein
16-06-2008, 13:38
الليلة مطورى من الصباح يمسكل
قال يوم السبت ختان و ليدو متوكل
دايرين كل الناس تحضر و تشكل
كان غبتوا قال الضرب فى الانكل

mataralroshash
17-06-2008, 22:26
الليلة مطورى من الصباح يمسكل
قال يوم السبت ختان و ليدو متوكل
دايرين كل الناس تحضر و تشكل
كان غبتوا قال الضرب فى الانكل

أبوك يا متوكل أبوك الماعمل مسكول
اب موبايلا مستف طوالى بعمل كول
قدر ما يسندوك يا حسين دايما تمش متكول
تلبية الدعوه واجبه حت كان الأكل كعكول

mataralroshash
17-06-2008, 22:40
الليلة مطورى من الصباح يمسكل
قال يوم السبت ختان و ليدو متوكل
دايرين كل الناس تحضر و تشكل
كان غبتوا قال الضرب فى الانكل

تسلم يا أصيل يا الديمه عامل الواجب
بتعقر الركوبه وتنحر الليها حاجب
بين شوفتك واللقاء ظروفنا عملت حاجب
لكن يوم السبت لقانا فرضا وواجب

قنديل
19-06-2008, 21:08
الليلة مطورى من الصباح يمسكل
قال يوم السبت ختان و ليدو متوكل
دايرين كل الناس تحضر و تشكل
كان غبتوا قال الضرب فى الانكل


مبروك ليو مقدم عجبنا نحنا ختانو
يا ابوه التلب ثابت دوام في مكانو
تباريكي بتصل في البيت تدق اركانو
وكت داير الحضور بس الظروف ما لانو

محمد ابوقرون
22-06-2008, 22:52
بمناسبة الختان مبروك ياأبو متوكل
جيناك نبارك ولي الصغير متوكل
رجعنا مسرورين والعاقبة العرس ياأنوكل

مصطفي ابوقرون
23-06-2008, 15:24
يا ابو قرون سلام منى ليك تحيه
يا طيب الأصل راقى وشعورك حيه
مرابيعك جميله فى زاكرتى ما ممحيه
فى أعماقى خمشت جوى قربت أقول أحيه

تسلم مطرالرشاش والعين مابتعلي علي الحاجب
في ختان متوكل ضقنا اللذيذ وأطايب
ابو متوكل ما قصر ومعانا قام بالواجب
مطر الرشاش أخوي كرم لينا عاجب

مصطفي ابوقرون
23-06-2008, 15:34
يا سلام عليك أخوي مطرالرشاش
في ختان متوكل إستقبلنا باسم وهاش
حقيقه بقولا إنبسطنا والما حضر ما عاش
و أبو متوكل في الكرم لا بنقدر ولا بنحاش

مصطفي ابوقرون
23-06-2008, 15:38
في يوم الختان لاقيت الأستاذ عصام
إتونسنا تب وقلنا أحلى كلام
وكان معانا المحامي أستاذ علام
و محمد ابوقرون وكل حاجة تمام

مصطفي ابوقرون
23-06-2008, 15:44
أبو متوكل أخوي مبسوط يمين فرحان
قضينا أجمل لحظة في يوم الختان
الحفلة كانت سمحة والكل سعيد طربان
في اللحظه ديك إتذكرت جدي الغزلان

مصطفي ابوقرون
23-06-2008, 15:50
في عز الفرح أنا قلبي كان حزين
كت داير ألأقي أخوي الرايع حسين
قالوا جاء الصباح فطر وفات أخونا الحنين
كت داير أتونس معاهو وأقول ليه مشتاقين

مصطفي ابوقرون
23-06-2008, 16:01
مبروك ليو مقدم عجبنا نحنا ختانو
يا ابوه التلب ثابت دوام في مكانو
تباريكي بتصل في البيت تدق اركانو
وكت داير الحضور بس الظروف ما لانو

قنديل أخوي خطابك وصلتو في مكانو
لي مطرالرشاش دوبيت جميلة ألحانو
تحياتك وصلتها ومبروك لي متوكل ختانو
قنديل أخونا الرايع ليك السلام بي أمانو

مصطفي ابوقرون
23-06-2008, 16:10
كنت فاقد ناس المنتدي وأهل السدار
في ختان متوكل أنا فيهم بقيت محتار
ما في ولا واحد قال مبروك ونظم أشعار
إلا حسين ومحمد ابوقرون دوبوا جابوا سدار

أب جيب
24-06-2008, 18:47
كنت فاقد ناس المنتدي وأهل السدار
في ختان متوكل أنا فيهم بقيت محتار
ما في ولا واحد قال مبروك ونظم أشعار
إلا حسين ومحمد ابوقرون دوبوا جابوا سدار


ود أبو قرون ســــلأم الليلة جينا نهني
فـــــــــي النص والشعر اياك أعظم فني
كت داير الحضور من قلبي تب واغني
لكــــــــــن الزمـــــــن خيب رجايا وظني

:trrr6: التحايا هدايا :trrr6:

مصطفي ابوقرون
24-06-2008, 19:16
ود أبو قرون ســــلأم الليلة جينا نهني
فـــــــــي النص والشعر اياك أعظم فني
كت داير الحضور من قلبي تب واغني
لكــــــــــن الزمـــــــن خيب رجايا وظني

:trrr6: التحايا هدايا :trrr6:

أب جيب العزيز حاشا ما خاب فيك ظني
متوكل وأبوه غاليين خلوني أدوبي وأغني
عزرك مقبول وعارفك ما بتقصر لو بالتمني
أب جيب مبروك المولود جيتك بي هناك أهني

hussein
26-06-2008, 13:10
ود أبو قرون ســــلأم الليلة جينا نهني
فـــــــــي النص والشعر اياك أعظم فني
كت داير الحضور من قلبي تب واغني
لكــــــــــن الزمـــــــن خيب رجايا وظني

:trrr6: التحايا هدايا :trrr6:


اب الجيب اخوى و الله ظنك تب ما خاب
علينا اسفا شديد ما قدمنا ليك الترحاب
كت داير حضورك و حضور كل الصحاب
البطاحين اصلهم بيكيلوا من غير حساب

أب جيب
26-06-2008, 15:09
أب جيب العزيز حاشا ما خاب فيك ظني
متوكل وأبوه غاليين خلوني أدوبي وأغني
عزرك مقبول وعارفك ما بتقصر لو بالتمني
أب جيب مبروك المولود جيتك بي هناك أهني

مرحبتين حباب أبوقرون وأخوه متوكل
كل من فيهم كريما ودايما عزيز متوكل
يا عـــــــــــز العرب بي تكرموا المتوكل
مــــــا خاب من طرق بابا قريب متوكل
ألف مبروك .. :trrr6:

أب جيب
26-06-2008, 15:17
اب الجيب اخوى و الله ظنك تب ما خاب
علينا اسفا شديد ما قدمنا ليك الترحاب
كت داير حضورك و حضور كل الصحاب
البطاحين اصلهم بيكيلوا من غير حساب

أولاد بطحان ســـــــــلام أهل الكرم والساس
سلام يا حسين يا الراسي ومتين في أساس
دايرين المشاهـــدة ودايرين نحضر الساس
في الأفراح قريب من دون حـــرب أو باس:trrr6:

شـكــ وبارك الله فيك ـــرا لك ... لك مني أجمل تحية .

hussein
26-06-2008, 21:05
أولاد بطحان ســـــــــلام أهل الكرم والساس
سلام يا حسين يا الراسي ومتين في أساس
دايرين المشاهـــدة ودايرين نحضر الساس
في الأفراح قريب من دون حـــرب أو باس:trrr6:

شـكــ وبارك الله فيك ـــرا لك ... لك مني أجمل تحية .

من اهلك المحس طيبيين و مسالمين
نرعى حقوق الجار ونمد ايدنا للمسكين
مشاهتك دايرنها و معاك و احدين تانين
عاجبنى شعارك المليان بالحكمة و الدين:trrr6:

أب جيب
27-06-2008, 23:15
من اهلك المحس طيبيين و مسالمين
نرعى حقوق الجار ونمد ايدنا للمسكين
مشاهتك دايرنها و معاك و احدين تانين
عاجبنى شعارك المليان بالحكمة و الدين:trrr6:

:trrr6:
:trrr6:
:trrr6:

hussein
29-06-2008, 12:27
يا اخلايا و كت ادخل و القاكم مافى
اتعكمن خلاص و اطش اضرب الفيافى
مالكم يا بحور المحيط الما ليها مرافى
تعالوا بس يا ناس و قولوا لينا عوافى

مصطفي ابوقرون
29-06-2008, 16:51
يا اخلايا و كت ادخل و القاكم مافى
اتعكمن خلاص و اطش اضرب الفيافى
مالكم يا بحور المحيط الما ليها مرافى
تعالوا بس يا ناس و قولوا لينا عوافى

جينا ليك يا حسين وبنقول عوافي عوافي
جيناك يا الأصيل يا أب كلامآ سمح ودافي
جينا نتونس معاك بي زولآ جميلآ وصافي
إحترت فيهو وإحتارت معاي كل أوصافي

عبدالرحيم عبدالله
30-06-2008, 22:44
هوي أعدل كلامك قبال تجيك السكة
ومن غير النعال خايفك تكوس السكة
إنا كان عكر دمي معروف تجامة ولكة
جاييك بي سلاحي قبال تشوف تتبكى
ايه بيناتنا غير مرحب سلام وعوافي
وايه بيناتنا شات اغلط وفوت اعرافي
وايه بيناتنا غير هما نصبحو مافـــــي
وايه بيناتنا غير النيل مروق وصافــــي

من النيل شربنا حاشانا تب ما جرينا
في حر الدواس تعلم تشوف الفينـــــا
ما بنهاب سلاح نطاهو بي كرعينـــا
الشر اقصرو وافهم اخوي ماعنينا

hussein
05-07-2008, 14:00
اهل المسدار بشوفهم بلحيل فتروا
فى و صف الحسان تب ما انستروا
حيرونا ذى القبيل و دعونا و ختروا
بقيت ذى غفير الغابات الحارس شدرو

عبدالرحيم عبدالله
07-07-2008, 16:10
اهل المسدار بشوفهم بلحيل فتروا
فى و صف الحسان تب ما انستروا
حيرونا ذى القبيل و دعونا و ختروا
بقيت ذى غفير الغابات الحارس شدرو

الناس ظروف كل زول مسابق قدرو
وباكر يتملي الدار كل شي بي اجلو
وصف الحسان كم عامو فيهو وقدلو
ما ظنيت يطشــــو أو يفتشـــــو بدلو

جلول
07-07-2008, 17:32
الزول أب وجيها قمر تسعه زائد خمسه
شهانى المنام من خمسه لاعند خمسه
السبب الملخبت لى حواسى الخمسه
الزول السكونو شارع سته ناقص خمسه

الزول القمـــــــــــــــــــــر فج الغمام واتحكر
وطار المـــــــــــــــــــــــنام لعيوني تب مافكر
السبب المــــــــــــــــجنني بوجيهو عني ادبر
والسهر لللبـــــــــــــيب واليوم كمان اتعكر:c030:

عبدالرحيم عبدالله
08-07-2008, 21:45
الزول القمـــــــــــــــــــــر فج الغمام واتحكر
وطار المـــــــــــــــــــــــنام لعيوني تب مافكر
السبب المــــــــــــــــجنني بوجيهو عني ادبر
والسهر لللبـــــــــــــيب واليوم كمان اتعكر:c030:

قمرالسبعتين نادي وقوامو مسطــــــر
شهاني المنام وشالن عقولنا وسيطر
السبب المجنني و قلبي كاد يطفطـــر
نظرات عيونو الاحلي من السكـــــــر

أب جيب
08-07-2008, 21:52
الزول القمـــــــــــــــــــــر فج الغمام واتحكر
وطار المـــــــــــــــــــــــنام لعيوني تب مافكر
السبب المــــــــــــــــجنني بوجيهو عني ادبر
والسهر لللبـــــــــــــيب واليوم كمان اتعكر:c030:

الزول الولوف الليلة أصبح جـــــــافي
ودا الشال المنام للعين حقيقة مجافي
السبب المجنني والراحة أصلا مــافي
لا رد الرسالة ولا قال علينا عـــوافي
:trrr6:
:trrr6:
:trrr6:

تواوا
09-07-2008, 12:36
اهل المسدار سلامات وعوافي .
منذ فترة ليست بالقصيرة وانا اتابع نظمكم وحاولت اكثر من مرة ان اشارككم ولكن وجدت ان حرفي اقل من مقامكم .
ولكن اليوم وقد اتتني الدعوة من مطر الرشاش وعمو حسين فاسمحوا لي انا احول معكم وحتما ساكون انا المستفيد.

تواوا
09-07-2008, 12:42
اهل المسادير اهل الكلام الزين
بتجيدوا الوصف و بتربطره متين
بحاول من زمن اقعد مع الطيبين
والقدم ليهو رافع جابني الحين

تواوا
09-07-2008, 12:59
قمرالسبعتين نادي وقوامو مسطــــــر
شهاني المنام وشالن عقولنا وسيطر
السبب المجنني و قلبي كاد يطفطـــر
نظرات عيونو الاحلي من السكـــــــر

قمر اربعتاشر الفي سماي محكر
حاجباو الغيوم والشوف علي اتعزر
السبب الخلي دمي كلو مقطر
لا بقدر اطوله و لا بلاه بقدر

أب جيب
09-07-2008, 16:20
اهل المسادير اهل الكلام الزين
بتجيدوا الوصف و بتربطره متين
بحاول من زمن اقعد مع الطيبين
والقدم ليهو رافع جابني الحين

مرحب بي توا الزين أخــــو الزينين
مرحب بـــــي رجالا بــــي تكيل العين
شوف بوستينا نوَرفرحا كمان نورين
يكرمنا الاله كرما وفــــــــــــي الدارين
:trrr6: :trrr6:
:trrr6:

hussein
09-07-2008, 18:05
اهل المسادير اهل الكلام الزين
بتجيدوا الوصف و بتربطره متين
بحاول من زمن اقعد مع الطيبين
والقدم ليهو رافع جابني الحين

كل اهل المسدار الليلة بيك تتشرف
حباب تواوا الفى و عدو تب ما اخلف
قول للمغامر تعال بندور عليك نتعرف
جيتكو للمسدار تسعدنا و تزيدنا شرف

جلول
09-07-2008, 21:16
الزول الولوف الليلة أصبح جـــــــافي
ودا الشال المنام للعين حقيقة مجافي
السبب المجنني والراحة أصلا مــافي
لا رد الرسالة ولا قال علينا عـــوافي
:trrr6:
:trrr6:
:trrr6:

الجفا مجافينا وجفانا ليك مايصح:trrr6:
وشوقنا شاقينا شاقي الطريق يفسح:trrr6:
ليك الردود تسرع كمان تفرح:trrr6:
لكن الشروط منعتنا ليك نشرح:trrr6:

عبدالرحيم عبدالله
09-07-2008, 21:17
الزول الولوف الليلة أصبح جـــــــافي
ودا الشال المنام للعين حقيقة مجافي
السبب المجنني والراحة أصلا مــافي
لا رد الرسالة ولا قال علينا عـــوافي
:trrr6:
:trrr6:
:trrr6:

الزول الولوف دا المتلو ابدا مافـــي
جافاني المنام ولع لهيبو لحافــــــــي
سبب الودار وشوليتي دايما حافـــي
طول للغياب ما سمعت صوتو الدافي

عبدالرحيم عبدالله
09-07-2008, 21:25
الجفا مجافينا وجفانا ليك مايصح:trrr6:
وشوقنا شاقينا شاقي الطريق يفسح:trrr6:
ليك الردود تسرع كمان تفرح:trrr6:
لكن الشروط منعتنا ليك نشرح:trrr6:

الجفا مبكينا دايما جروحنا تشـــــــح
وكترنا الأنين ليلنا ونهارنا صبـــــح
ردودك ياجلول ما دايره اي شــــرح
فعل الريل عليك ماأظن معاهو تصح

عبدالرحيم عبدالله
09-07-2008, 21:42
الجيد طويلو في اصبح غارز
سهمو وسيف عــــيونو يبارز
الضمير ضامر والســدر بارز
للحواجب ضل اصبحت مافارز

ماقدرت معاو اكسر الحاجـــز
قدر ماوصف الوصف عاجـز
والبدر سبح وقال يمين جايز
قولو ياخلاي الجمال حايـــــز

hussein
10-07-2008, 11:43
الجيد طويلو في اصبح غارز
سهمو وسيف عــــيونو يبارز
الضمير ضامر والســدر بارز
للحواجب ضل اصبحت مافارز

ماقدرت معاو اكسر الحاجـــز
قدر ماوصف الوصف عاجـز
والبدر سبح وقال يمين جايز
قولو ياخلاي الجمال حايـــــز


البارح عز الليل و بعد ماهجعوا الصلاح
لاح لى طيف الديسو فوق اكتافو باقى وشاح
شال منام عينى لامن ديك الفجر عوعا و صاح
الكلام القلتو قوقو يا ود عبد الرحيم كلو صاح
**********************************
ما تقول البراك فى الدنيا ما مرتاح
شغل عقولنا و قلوبنا مسا و صباح
لا ادانا شيتا طيبنا لا كتلنا و ارتاح
بدورك تنده اولاد ابو قرون الصلاح

مصطفي ابوقرون
10-07-2008, 11:51
اهل المسادير اهل الكلام الزين
بتجيدوا الوصف و بتربطره متين
بحاول من زمن اقعد مع الطيبين
والقدم ليهو رافع جابني الحين

مرحبتين حبابك تواوا الحنين
مرحبتين حبابو طيب الأصل الزين
ومشكورين مطرالرشاش وحسين
الدعوك للسدار يللا جيب ردّاً متين

مصطفي ابوقرون
10-07-2008, 12:03
البارح عز الليل و بعد ماهجعوا الصلاح
لاح لى طيف الديسو فوق اكتافو باقى وشاح
شال منام عينى لامن ديك الفجر عوعا و صاح
الكلام القلتو قوقو يا ود عبد الرحيم كلو صاح
**********************************
ما تقول البراك فى الدنيا ما مرتاح
شغل عقولنا و قلوبنا مسا و صباح
لا ادانا شيتا طيبنا لا كتلنا و ارتاح
بدورك تنده اولاد ابو قرون الصلاح

مالت منادي قلوبنا صاح
واتبكّموا الناس الفُصاح
المجنون نصح جنوا الُنصاح
الشّافعه مي شافعة نصاح

ود الرضي

مصطفي ابوقرون
10-07-2008, 12:16
البارح عز الليل و بعد ماهجعوا الصلاح
لاح لى طيف الديسو فوق اكتافو باقى وشاح
شال منام عينى لامن ديك الفجر عوعا و صاح
الكلام القلتو قوقو يا ود عبد الرحيم كلو صاح
**********************************
ما تقول البراك فى الدنيا ما مرتاح
شغل عقولنا و قلوبنا مسا و صباح
لا ادانا شيتا طيبنا لا كتلنا و ارتاح
بدورك تنده اولاد ابو قرون الصلاح




حسين يا الفي السدار فنان
عازمك في الراكوبه بي هناك فنجان
راكوبة قنديل نلاقي فيها الحبّان
والدعوة عامّه لي ناس السدار المزدان

تواوا
10-07-2008, 16:05
مالت منادي قلوبنا صاح
واتبكّموا الناس الفُصاح
المجنون نصح جنوا الُنصاح
الشّافعه مي شافعة نصاح

ود الرضي

بالجد الشافعة مي شافعة نصاح
ما رامياك براك الوراها مراح
الشيب والشباب ما لاقي ليهو صراح
بت الحرام طبلت عقلي بي مفتاح

تواوا
10-07-2008, 16:12
البارح عز الليل و بعد ماهجعوا الصلاح
لاح لى طيف الديسو فوق اكتافو باقى وشاح
شال منام عينى لامن ديك الفجر عوعا و صاح
الكلام القلتو قوقو يا ود عبد الرحيم كلو صاح
**********************************
ما تقول البراك فى الدنيا ما مرتاح
شغل عقولنا و قلوبنا مسا و صباح
لا ادانا شيتا طيبنا لا كتلنا و ارتاح
بدورك تنده اولاد ابو قرون الصلاح

البيقتل قلبه في الكون بعيش مرتاح
لا حب لا بنات لا مرقة لافي دواح
ديل جننوا العاقل وكفروا الصلاح
لكن مافي خلاص بس نعمل الصاح

تواوا
10-07-2008, 16:16
كل البنات انا قلبي ليهن مابي
من السافرت و شالت جميع البابي
ديل جابن كثافتي مرقني من جلبابي
وان دايرين مذيد انا ما بقول اسبابي

جلول
10-07-2008, 21:06
كل البنات انا قلبي ليهن مابي
من السافرت و شالت جميع البابي
ديل جابن كثافتي مرقني من جلبابي
وان دايرين مذيد انا ما بقول اسبابي

ياخي البنات بيهن يزيد اعجابي:trrr6:
وسلبن عقلي زادن علي الغابي:trrr6:
الجنس اللطيف ليا لو يرضابي:trrr6:
اتحكر دوام وامسك على اعصابي:trrr6:

عبدالرحيم عبدالله
10-07-2008, 21:13
كل البنات انا قلبي ليهن مابي
من السافرت و شالت جميع البابي
ديل جابن كثافتي مرقني من جلبابي
وان دايرين مذيد انا ما بقول اسبابي

اسبابك معاك غلبن علي اســــــــــــــبابي
وجربت العويل سمعوالطرش لي سبابي
ذات السبيب مدت ايده واصبعه السبابي
ما راعت شعوري وعنصري الياسابي

عبدالرحيم عبدالله
10-07-2008, 21:24
البارح عز الليل و بعد ماهجعوا الصلاح
لاح لى طيف الديسو فوق اكتافو باقى وشاح
شال منام عينى لامن ديك الفجر عوعا و صاح
الكلام القلتو قوقو يا ود عبد الرحيم كلو صاح
**********************************
ما تقول البراك فى الدنيا ما مرتاح
شغل عقولنا و قلوبنا مسا و صباح
لا ادانا شيتا طيبنا لا كتلنا و ارتاح
بدورك تنده اولاد ابو قرون الصلاح

لابس الريد علي سويتو ضمه وشاح
وباريت الخلاء وقدل الجدي السواح
وطشيت في الدروب الود معبي سلاح
وينك يا أبوقرون وذريتك الصـــــلاح

عبدالرحيم عبدالله
10-07-2008, 21:29
لليوم جديد ما أن اوان اترقـــــــــــــــي
وبعاين في القمر الفتق السحب اترقي
قلبي الاتفتن بيهن وماخد فلقـــــــــــــه
ما ظيت يتوب لوضاقلو ميه علقــــــه

تواوا
10-07-2008, 21:47
ياخي البنات بيهن يزيد اعجابي:trrr6:
وسلبن عقلي زادن علي الغابي:trrr6:
الجنس اللطيف ليا لو يرضابي:trrr6:
اتحكر دوام وامسك على اعصابي:trrr6:


الظاهرعليك في الحب وقعت وغابي
يا جلول اخوي ديل بلدغن كالدابي
ما تقول علي انا لي هواهن مابي
لكن ضقتة لدغة هردت جميع اعصابي

hussein
12-07-2008, 15:48
الظاهرعليك في الحب وقعت وغابي
يا جلول اخوي ديل بلدغن كالدابي
ما تقول علي انا لي هواهن مابي
لكن ضقتة لدغة هردت جميع اعصابي

اصبر على لدغة الدابى و ما تسوى الوحيح
و اسبابك و اضحة لابدور نفسير و لا تصريح
كتير الزيك اصبح و امسى بى غيهن جريح
و احدين ضريو الفيافى و احدين سكنو الضريح

تواوا
12-07-2008, 16:34
اصبر على لدغة الدابى و ما تسوى الوحيح
و اسبابك و اضحة لابدور نفسير و لا تصريح
كتير الزيك اصبح و امسى بى غيهن جريح
و احدين ضريو الفيافى و احدين سكنو الضريح

هههههههههههه
انا ما بتوحوح ولا بخاف من بعدهن
الا الشاف ما زي السمع بي هجرهن
وبشوفو عيب راجل يجن في حبهن
وانا جنيت يا حسين وراجي البعدهن
البعدهن :الحور كان القاهن

جلول
12-07-2008, 17:48
الظاهرعليك في الحب وقعت وغابي
يا جلول اخوي ديل بلدغن كالدابي
ما تقول علي انا لي هواهن مابي
لكن ضقتة لدغة هردت جميع اعصابي

الحب ياتواوا تلقاهو في اجنابي :c030:
مقتول و مكسور كمان اضلاعي :c030:
مملوك ومكتوف وكتافي رباعي :c030:
ولدغان الدقر حبالا بس يهابي :c030:

hussein
14-07-2008, 13:42
هههههههههههه
انا ما بتوحوح ولا بخاف من بعدهن
الا الشاف ما زي السمع بي هجرهن
وبشوفو عيب راجل يجن في حبهن
وانا جنيت يا حسين وراجي البعدهن
البعدهن :الحور كان القاهن

كلنا يا تواوا فى رجا الحور العين
و كجنا خلاص مباراة الحور الطين
ما بعرفن غير دا كمل و جيب العجين
و برضو يا اخوى قالوا بكملن الدين

جلول
14-07-2008, 17:40
الجيد طويلو في اصبح غارز
سهمو وسيف عــــيونو يبارز
الضمير ضامر والســدر بارز
للحواجب ضل اصبحت مافارز

ماقدرت معاو اكسر الحاجـــز
قدر ماوصف الوصف عاجـز
والبدر سبح وقال يمين جايز
قولو ياخلاي الجمال حايـــــز

الجيدو طويل الرقيبه قزاز
والسهام تطعن للقليب خزاز
العشوق جن طبوه انتو عزاز
والبضوق الجن طبو يبقي رزاز
:trrr6::trrr6::trrr6:

جني لو ينطب عافيه لينا احراز :trrr1:
وطابيني الحبيب بمطرقه وعكاز:confused:
حلولي القيود ومادايراشوف حجاز
وحب ليك يالحبيب براهو بس انجاز
:trrr6: :trrr6:

أب جيب
14-07-2008, 21:09
الظاهرعليك في الحب وقعت وغابي
يا جلول اخوي ديل بلدغن كالدابي
ما تقول علي انا لي هواهن مابي
لكن ضقتة لدغة هردت جميع اعصابي


يا تواوا يا أخوي جلول دا برَد همو
ودا حــــب الحسان الكان مسيح دمو
ما بضوق لدغ مسالمه تب بت عـمو
والداير الطرب يحلف يمين بي يتمو
:c030: :c030:

مصطفي ابوقرون
14-07-2008, 21:15
لابس الريد علي سويتو ضمه وشاح
وباريت الخلاء وقدل الجدي السواح
وطشيت في الدروب الود معبي سلاح
وينك يا أبوقرون وذريتك الصـــــلاح

إزيك يا عبدالرحيم يا أب ضمير مرتاح
في درب الغرام هب النسيم فواح
يا رب العباد أوعدنا بالأفراح
عبدالرحيم قول لي تواوا الحب مباح ‏

مصطفي ابوقرون
16-07-2008, 13:24
كلنا يا تواوا فى رجا الحور العين
و كجنا خلاص مباراة الحور الطين
ما بعرفن غير دا كمل و جيب العجين
و برضو يا اخوى قالوا بكملن الدين


كلنا يا تواوا دايرين نتم الدين
الزواج سنة النبي الصادق وأمين
ولو دينك نقص في الدنيا قول ليهو إت يا حسين
لا جنات عدن في الآخرة لا حور ولا عين

مصطفي ابوقرون
16-07-2008, 13:47
ابومتوكل شايفك معاي أون لاين في حب النيل
إزيك يا لذيذ يا رايق مشتاق ليك يا جميل
مطرالرشاش إزيك غيابك كان طويل
ربنا يجمعنا بي ود خليفة وابوالريش وقنديل

mataralroshash
16-07-2008, 13:50
يا سلام عليك أخوي مطرالرشاش
في ختان متوكل إستقبلنا باسم وهاش
حقيقه بقولا إنبسطنا والما حضر ما عاش
و أبو متوكل في الكرم لا بنقدر ولا بنحاش

تسلم يا اصيل يا تركة الصلاح
شرفت الختان وافلحت فيهو فلاح
ازداد المكان بهجة يوم نور جبينكم لاح
حرم سيد بيت عديييل بس ما قلت زيدو ملاح

mataralroshash
16-07-2008, 14:06
مسدار الخريف
(1)

لاح برق أم رويك بتدور تجود تدينا
ومزن الخير هطل صبح بهمنا بدينا
بى فضل الكريم من الجفاف عدينا
سندنا التروس وبندور نحش وادينا

mataralroshash
16-07-2008, 14:17
(2)
داك حرقوصى لاح سند السحاب لافوق
والسيل نقل البهم بين (ريره) و (أم دافوق)
كيل يا ميكائيل كب المطر من فوق
عشان بعد التعب نرتاح شويه نروق

hussein
17-07-2008, 17:39
مسدار الخريف
(1)

لاح برق أم رويك بتدور تجود تدينا
ومزن الخير هطل صبح بهمنا بدينا
بى فضل الكريم من الجفاف عدينا
سندنا التروس وبندور نحش وادينا

لاح برق ام رويك ودخل الضراع
مزن الخير هطل صبح الحفائر تراع
مو زى موية الجزيرة الدايرة للقراع
جقلة و بت ام ساق فوق الطليح رتاع

hussein
17-07-2008, 17:46
الزول اللاقيناهو فى عصر الاربعاء
فى ضحك و انبساط جالس بين الاربعة
شغل العقول وفى جو القلوب اتربعا
تب ما شفتا مثيلو فى القبل الاربعة

ود فداسي
17-07-2008, 18:12
الزول اللاقيناهو فى عصر الاربعاء
فى ضحك و انبساط جالس بين الاربعة
شغل العقول وفى جو القلوب اتربعا
تب ما شفتا مثيلو فى القبل الاربعة

كل ما الليل يفوت ويصبح عليك صباح
شوقك زايد وريدك عاملو جناح
من جمال عينيها قلبك ودر وعقلك راح
الطِِرح جنننك بقيت تنده في الصلاح

hussein
17-07-2008, 18:21
كل ما الليل يفوت ويصبح عليك صباح
شوقك زايد وريدك عاملو جناح
من جمال عينيها قلبك ودر وعقلك راح
الطِِرح جنننك بقيت تنده في الصلاح

بشوفك صابر و بى قسمة الله بترضا
البارح و كت كنا فى شارع العرضة
طول الوكت لاقلتا عتدى مواعيد لا قرضا
ما اتذكرت الا بعد الوداع و المجلس انفضا

ود فداسي
17-07-2008, 18:26
الزول اللاقيناهو فى عصر الاربعاء
فى ضحك و انبساط جالس بين الاربعة
شغل العقول وفى جو القلوب اتربعا
تب ما شفتا مثيلو فى القبل الاربعة

ان جيت للحق الزول من مجاميعو مكمل
كل من شافو فيهو سرح بي خيالو واتأمل
زان الجلسه ولي لطيف هواها جمَل
وكان صويحبك معانا والله كان الهبشه ما بتحملsss1

ود فداسي
17-07-2008, 18:46
بشوفك صابر و بى قسمة الله بترضا
البارح و كت كنا فى شارع العرضة
طول الوكت لاقلتا عتدى مواعيد لا قرضا
ما اتذكرت الا بعد الوداع و المجلس انفضا

الرضا بالمقسوم يا خلي عباده
بشوفك الليله متحامل علي بزياده
شن بقعدني معاكم ولا دي حساده
والله الشوفتو سنه ما بدورلو زياده

hussein
18-07-2008, 18:10
ان جيت للحق الزول من مجاميعو مكمل
كل من شافو فيهو سرح بي خيالو واتأمل
زان الجلسه ولي لطيف هواها جمَل
وكان صويحبك معانا والله كان الهبشه ما بتحملsss1

زمان وكت اقول ليك تعال تقول خلى التجى هبة
مما قالوا ليك فلانة جات قمت تسوىفى الجقلبة
اتبهدلت خلاص و اتلخبط و ختيت الكرسى بالقلبة
كان ختيت الاغبش كان صليت العصر مع المغربا

hussein
19-07-2008, 15:03
الرضا بالمقسوم يا خلي عباده
بشوفك الليله متحامل علي بزياده
شن بقعدني معاكم ولا دي حساده
والله الشوفتو سنه ما بدورلو زياده
[poem=font=",6,limegreen,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

الكلام القلتو ما عليك فيهو ملامة
و معاها حق تقدل و تسكت الخشاما
كونها راجح عقلها و موزون كلاما
المحيرنى ابو التومات ما سوى كرامة

مصطفي ابوقرون
19-07-2008, 15:48
زمان وكت اقول ليك تعال تقول خلى التجى هبة
مما قالوا ليك فلانة جات قمت تسوىفى الجقلبة
اتبهدلت خلاص و اتلخبط و ختيت الكرسى بالقلبة
كان ختيت الاغبش كان صليت العصر مع المغربا


حسين داير أعرف هبه وأعرف كمان القصه
يا ود فداسي قول في هبه وأديني حصه
أنا في الغرام قلبي ما لقيتو سرقتو اللصه
ومن كترة الريد والغرام قلبي طق إنقصه

mataralroshash
20-07-2008, 11:57
لاح برق ام رويك ودخل الضراع
مزن الخير هطل صبح الحفائر تراع
مو زى موية الجزيرة الدايرة للقراع
جقلة و بت ام ساق فوق الطليح رتاع

داك عبادى لاح جرف السحاب لا سافل
حفار أم شديده أصبح مترع قافل
البسابير وبانقا صبح بهمهم جافل
وناس البشاقره ديك صلو الفريضه نوافل

mataralroshash
20-07-2008, 12:10
زمان وكت اقول ليك تعال تقول خلى التجى هبة
مما قالوا ليك فلانة جات قمت تسوىفى الجقلبة
اتبهدلت خلاص و اتلخبط و ختيت الكرسى بالقلبة
كان ختيت الاغبش كان صليت العصر مع المغربا


ماااالك يا حسين لى ود فداسى مشاكس
فى الريد والغرام ما أظن فى زيو منافس
اضنيك للشمار باقيات دليل وعواكس
ومن خلف الحجاب دايما تبص وتعاكس

hussein
21-07-2008, 11:36
ماااالك يا حسين لى ود فداسى مشاكس
فى الريد والغرام ما أظن فى زيو منافس
اضنيك للشمار باقيات دليل وعواكس
ومن خلف الحجاب دايما تبص وتعاكس

دا ياخوىما شمار شوف عين عديل
دائما صيدك ناجع و ما بتعرف التأويل
فقدناك بلحيل وفقدنا معاك اخوك قنديل
و ينك انت يا ابوالريش يا جمل الشيل

hussein
21-07-2008, 11:39
بدور اسأل عن اخوى ابو قرون الرزين
حاولنا الاتصال عليهو لا مرة لا مرتين
عاكستنا اريبا و ما انستر معانا زين
مما صالح سلمى فتح لى ناس حسين

مصطفي ابوقرون
21-07-2008, 23:29
بدور اسأل عن اخوى ابو قرون الرزين
حاولنا الاتصال عليهو لا مرة لا مرتين
عاكستنا اريبا و ما انستر معانا زين
مما صالح سلمى فتح لى ناس حسين

ما نسيتكم يا حسين أقسمت بالله الحق
ما بنساكم أبد وكلامي ماهو ملتّق
كمان ما بفوت سلمي وان جيت للحق
قلبي عندها وريشة كبدتي قصّتها طق

مصطفي ابوقرون
21-07-2008, 23:45
داك عبادى لاح جرف السحاب لا سافل
حفار أم شديده أصبح مترع قافل
البسابير وبانقا صبح بهمهم جافل
وناس البشاقره ديك صلو الفريضه نوافل


ارتحنا وبردت ليالينا بعد الزّنقه ديك والحرّة
اتفتحت الأرض بعد ما كانت يابسه وزمان مُنصرّة
شوف منظر فريقنا وحولُهُ الخضار انشرّة
زين شبعت بهايمنا أسمع صوته كيف بي برّة

مصطفي ابوقرون
22-07-2008, 00:06
انملت الحفائر وشربت العطشانه
المويه رقدت فوق الخضار والأرض أصبحت رويانه
سعيّتنا سرحت بالخلا واتفرقت في وديانه
ما فاقدين الّا ونستها وكلامه فلانه

مصطفي ابوقرون
22-07-2008, 00:19
كتبنا مسدار الخريف يا أخوي مطر الرشاش
الصيف فات رحل ودخلت عينة النترة بي انعاش
طريت الظبيه البيها قلبي هايم وطاش
ومن كترة دقات قلبي قرّبت أدخل الانعاش

مصطفي ابوقرون
22-07-2008, 00:31
خلاص الصّيف من دارنا قام فد ختره
دخلت تاني عينه في فصل الخريف النتره
الخلّت خطواتي مربوكه وبتاخد عتره
لتيبه ونيّه بي تياب العفاف منستره

hussein
22-07-2008, 12:42
شال برق القبلى و شالت معاهو سحابة
و ايد الحسيب جات خلت الحفائر تسابا
والحقنة قرعت و غطت مويتا الرقابة
وجقلة خلاص الحنتوت بقى اكلا و شرابا

تواوا
24-07-2008, 19:02
شال برق القبلى و شالت معاهو سحابة
و ايد الحسيب جات خلت الحفائر تسابا
والحقنة قرعت و غطت مويتا الرقابة
وجقلة خلاص الحنتوت بقى اكلا و شرابا

لوحضرت الخريف يا حسين في القضارف
كان شفت العجب دا مطر بكب ما واقف
ينزل من سماهو وجبالنا ليهو مصارف
وآه من جوها ما قادر اكون ليهو واصف

محمد ابوقرون
24-07-2008, 23:04
الصيف أنصرف جانا الرشاش وهبايبو
وبراقوا البلوح الحر طفاها سحايبو
كاب مايا ديسا وفناها سحايبو

محمد ابوقرون
24-07-2008, 23:12
في سوق القضارف كم لبس دبلان
وكم عنف بنات أمات عقيدا زان
انقلب الدهر علي صبحني تب عريان
ركبني الحمار حتي الحمار حران

محمد ابوقرون
24-07-2008, 23:30
في سوق القضارف كم بقول بعدلي
وكم عنف بنات أم عقيدا لولي
انقلب الدهر طقاني فوق صنقوري
ركبني الحمار حتي الحمار موهولي

محمد ابوقرون
24-07-2008, 23:47
الليله الصعيد أصبح علينا مقبل
بريحة الدعاش علينا يبدل
قلب الفكر أصبح مزاجو معدل
فتح عندي قافية الغنا الابدل

أبو الريش
26-07-2008, 16:29
متل شوك السلم سامات تملي نوايبو
دهراً بي فراقكم اتقبلن عليا نوايبو
يا مطوري قول للغادر سدارنا وسايبو
حسين عشان الشمل في الكيفة لمّ سبايبو

الزول في النوائب واقفين معاهو قرايبو
وغير مطوري وحسين مين البياكل شايبو
ليكم شكر مدود في الكون عموم وغرايبو
والفرح المعمر داري بيكم كرفت هبايبو

سلام مرسول معتق عطر المحنة شوايبو
لي السدارين عموم هاطلات تملي سحايبو
لي ود خليفة الغاب ونسانا ولع بايبو
ونحن بـ شوقنا ليو قارصانا ديمة دبايبو

أبو الريش
26-07-2008, 20:50
أدمنت طيب نفحاتك يا حليل زمنّا الولّي
يا ابو الريش حرام تحرمنا من الطلّة
حليل مطر الرشاش وحسين وباقى الشلّة
قول لي وين أراضيك قبل الضراع تتشلّ









يسلم ضراعك الفي شكري يوم ما كلا

يقدرني علي الجزاء ربي الكريم المولى

وأنا من غير حروفك لا قوة لي لا حولا

حاشتك في إنتظار طلة رئيس الدولة

مصطفي ابوقرون
27-07-2008, 01:01
متل شوك السلم سامات تملي نوايبو
دهراً بي فراقكم اتقبلن عليا نوايبو
يا مطوري قول للغادر سدارنا وسايبو
حسين عشان الشمل في الكيفة لمّ سبايبو

الزول في النوائب واقفين معاهو قرايبو
وغير مطوري وحسين مين البياكل شايبو
ليكم شكر مدود في الكون عموم وغرايبو
والفرح المعمر داري بيكم كرفت هبايبو

سلام مرسول معتق عطر المحنة شوايبو
لي السدارين عموم هاطلات تملي سحايبو
لي ود خليفة الغاب ونسانا ولع بايبو
ونحن بـ شوقنا ليو قارصانا ديمة دبايبو

لي أبو الريش سلام أشواقنا فايته الحد
أبو صديق أخوي مشتاقين وليك وحشه عاد بالجد
وربنا يجمعنا بي ودخليفه أخونا محمد
شان نعطّر ساحة السدار بخوراً وند

mohamed merghani
28-07-2008, 12:23
متل شوك السلم سامات تملي نوايبو
دهراً بي فراقكم اتقبلن عليا نوايبو
يا مطوري قول للغادر سدارنا وسايبو
حسين عشان الشمل في الكيفة لمّ سبايبو

الزول في النوائب واقفين معاهو قرايبو
وغير مطوري وحسين مين البياكل شايبو
ليكم شكر مدود في الكون عموم وغرايبو
والفرح المعمر داري بيكم كرفت هبايبو

سلام مرسول معتق عطر المحنة شوايبو
لي السدارين عموم هاطلات تملي سحايبو
لي ود خليفة الغاب ونسانا ولع بايبو
ونحن بـ شوقنا ليو قارصانا ديمة دبايبو

الزول ان نجع شوقو قطعا جايبو
راكب رواحل الحب مختار صوافي نجايبو
دا الدهر الغريب الفينا ساوّي عجايبو
أموت أنا فى معشوقى وخبري تب ما جايبو

يا ابو الريش تعال أنا قلبي شوقا صايبو
وبانقطاعك منّي زاد الزمان فى مصايبو
هاك قولى وبراك عارف لغلطو وصايبو
بوست السدار من دونك مانى قاربو وصايبو

اليوم ود الخليفة ضبح الحوته زرايبو
وعزم الخلوق من جم الغربا قبل قرايبو
وغباشة مالية جرادل سكّر ممازج رايبو
دا نار بعادك قاسى وبراي دفعت ضرايبو

mohamed merghani
28-07-2008, 12:47
[QUOTE=مصطفي ابوقرون;359340]
لي أبو الريش سلام أشواقنا فايته الحد
أبو صديق أخوي مشتاقين وليك وحشه عاد بالجد
وربنا يجمعنا بي ودخليفه أخونا محمد
شان نعطّر ساحة السدار بخوراً وند][/gdwl][/QUOTE

لي جنّة الاحباب قلوبنا زمرا سيقو
والحب رباط حافّينا جامعنا ديمة وثيقو
يا ابو قرون كلامك لو درت يوم توثيقو
ما بيظهر عديييييل لو زدت فى تنسيقو

mohamed merghani
28-07-2008, 13:06
يسلم ضراعك الفي شكري يوم ما كلا

يقدرني علي الجزاء ربي الكريم المولى

وأنا من غير حروفك لا قوة لي لا حولا

حاشتك في إنتظار طلة رئيس الدولة

تعال نقعد سوا ونسيب المخاض فى العام
وما لينا أبدا شغلة فى القالو طفّح وعام
فى بنات أفكارنا ما أحلي بت العام
قاعدين معاها لحولنا والعام يجاري العام

أبو الريش
28-07-2008, 14:07
الزول ان نجع شوقو قطعا جايبو
راكب رواحل الحب مختار صوافي نجايبو
دا الدهر الغريب الفينا ساوّي عجايبو
أموت أنا فى معشوقى وخبري تب ما جايبو

يا ابو الريش تعال أنا قلبي شوقا صايبو
وبانقطاعك منّي زاد الزمان فى مصايبو
هاك قولى وبراك عارف لغلطو وصايبو
بوست السدار من دونك مانى قاربو وصايبو

اليوم ود الخليفة ضبح الحوته زرايبو
وعزم الخلوق من جم الغربا قبل قرايبو
وغباشة مالية جرادل سكّر ممازج رايبو
دا نار بعادك قاسى وبراي دفعت ضرايبو

بي فقدك يمين الكون حردت مطايبو
والقليب من غيركم فاقد تملي حبايبو
وكان أتوزن القلب حسناتو ولا ثوايبو
من غير وجودك فيو قيراط يمين مو جايبو

فرحانين عموم كرنيشنا حتى حلايبو
وضراع البهم بالعينة رتعن وضقنا حلايبو
يا مطر الرشاش وحسين قلبي شوقكم دايبو
رئيسنا جانا براو.. ما لز حرسو ونايبو

أبو الريش
28-07-2008, 14:15
لي أبو الريش سلام أشواقنا فايته الحد
أبو صديق أخوي مشتاقين وليك وحشه عاد بالجد
وربنا يجمعنا بي ودخليفه أخونا محمد
شان نعطّر ساحة السدار بخوراً وند

حباب ود المشايخ في الساحة ليهم راية
حباب عز العروب أهل العلوم وقراية
دايماً خفاف للضيف يخمجو حفايا
غير الكرم والجود معدومة ليهم غاية

أبو الريش
28-07-2008, 14:21
تعال نقعد سوا ونسيب المخاض فى العام
وما لينا أبدا شغلة فى القالو طفّح وعام
فى بنات أفكارنا ما أحلي بت العام
قاعدين معاها لحولنا والعام يجاري العام

فارقت الغنا وشيطاني بارحو الخدام
وعند العام هناك للونسة جيتو لحام
وبعد لقيتك تاني من هنا وقدام
لو دقو الجرس ماب تاطا فيو أقدام

مصطفي ابوقرون
28-07-2008, 21:13
حباب ود المشايخ في الساحة ليهم راية
حباب عز العروب أهل العلوم وقراية
دايماً خفاف للضيف يخمجو حفايا
غير الكرم والجود معدومة ليهم غاية


الشوق ليك كتير خلا الكبد قلاية
ابو صديق أخوي نار الشوق في القلوب صلاية
ما تطول لي الغياب خليك ديمة معايا
أنا كويس مادام سلمي قاعدة حدايا

أبو الريش
28-07-2008, 21:46
تلاتة شهور تمام الشوق خطاي عوجّا (عوجها)
ودون لقاء الأحباب مين الهموم فرجّا (فرجها)
ياخواني البعاد عيني الفراق هيجّا (هيجها)
يسلم لينا السدار أروحنا جملة مزجّا (مزجها)

جيت قنعان خلاس سطوري جات محتجة
وليمون الطمام باقي السنون كرجّا (كرجها)
ياخواني العزاز جيتكم عديل بترجا
كيف الشهد بنطول كان بيت البنوني اترجا

mohamed merghani
28-07-2008, 22:52
تلاتة شهور تمام الشوق خطاي عوجّا (عوجها)
ودون لقاء الأحباب مين الهموم فرجّا (فرجها)
ياخواني البعاد عيني الفراق هيجّا (هيجها)
يسلم لينا السدار أروحنا جملة مزجّا (مزجها)

جيت قنعان خلاس سطوري جات محتجة
وليمون الطمام باقي السنون كرجّا (كرجها)
ياخواني العزاز جيتكم عديل بترجا
كيف الشهد بنطول كان بيت البنوني اترجا

سبحان يمين من الف بين القلوب زوّجّا
خلّاها زي البوصلة نحو الشمال تتوجّه
فى شرك البعاد واقعين لاكين الهك نجّي
وبرضو الشهد بنطال لو طال زمنّا ولجّ

أبو الريش
28-07-2008, 23:54
سبحان يمين من الف بين القلوب زوّجّا
خلّاها زي البوصلة نحو الشمال تتوجّه
فى شرك البعاد واقعين لاكين الهك نجّي
وبرضو الشهد بنطال لو طال زمنّا ولجّ

بي الجية الحروف طاب وانعدل منهجّا
عقبال بيها يجمع كل القلانا وهجا
ساءل الكريم من نورو يوت يسرجّا
وإن انقلبت مهورنا نلحق سريع نسرجّا

hussein
29-07-2008, 11:06
من صبحا بدرى لود فداسى جيت غاشى
قال لى ود الخليفة امس كان خاشى
قال الكلام السمح بالمتون و الحواشى
ياحليلوا البكرم الضيف وللعاطلة يرشى
**************************
دخلت المسدار بسرعة و بدون تقريش
لقيت سبقنى للترحاب ابو الريش
زولا بجيد الوصف و زيو تب مافيش
المسدار من غير صاحبو بقالنا طشيش

****************************
بثنى قولى بى ابو قرون سلمى
ناسا عزاز خاتين القول و الكلمة
بغبابهم المسدار بقالنا ذى الضلمة
يا قنديل تعال ما تفوتك ها اللمة

mohamed merghani
29-07-2008, 12:39
من صبحا بدرى لود فداسى جيت غاشى
قال لى ود الخليفة امس كان خاشى
قال الكلام السمح بالمتون و الحواشى
ياحليلوا البكرم الضيف وللعاطلة يرشى
**************************
دخلت المسدار بسرعة و بدون تقريش
لقيت سبقنى للترحاب ابو الريش
زولا بجيد الوصف و زيو تب مافيش
المسدار من غير صاحبو بقالنا طشيش

****************************
بثنى قولى بى ابو قرون سلمى
ناسا عزاز خاتين القول و الكلمة
بغبابهم المسدار بقالنا ذى الضلمة
يا قنديل تعال ما تفوتك ها اللمة


يا حسين السلام يغشاك يلازم يومك
وبالحب للصحاب شايلات تملّي غيومك
راسخ كالجبال معروف هميم من يومك
نورك ملا الحلفايا وبرقو غطّي ديومك

قلبي بالاشواق صار من زمان موصومك
ساءلك تدعو لي وكتين صلاتك وصومك
تقول يا ود ميرغني ان شاء الله تلقي عصومك
وتقهر الشيطان زي ما قهرت خصومك

hussein
29-07-2008, 12:55
من صبحا بدرى لود فداسى جيت غاشى
قال لى ود الخليفة امس كان خاشى
قال الكلام السمح بالمتون و الحواشى
ياحليلوا البكرم الضيف وللعاطلة يرشى
**************************
دخلت المسدار بسرعة و بدون تقريش
لقيت سبقنى للترحاب ابو الريش
زولا بجيد الوصف و زيو تب مافيش
المسدار من غير صاحبو بقالنا طشيش

****************************
بثنى قولى بى ابو قرون سلمى
ناسا عزاز خاتين القول و الكلمة
بغبابهم المسدار بقالنا ذى الضلمة
يا قنديل تعال ما تفوتك ها اللمة


يا حسين السلام يغشاك يلازم يومك
وبالحب للصحاب شايلات تملّي غيومك
راسخ كالجبال معروف هميم من يومك
نورك ملا الحلفايا وبرقو غطّي ديومك

قلبي بالاشواق صار من زمان موصومك
ساءلك تدعو لي وكتين صلاتك وصومك
تقول يا ود ميرغني ان شاء الله تلقي عصومك
وتقهر الشيطان زي ما قهرت خصومك

عهدا على و اخدو منى ضمان
ادعو ليك ليلة النصف من شعبان
انت ومطر الرشاش و ابو قنوان
و قنديل البضوى و اولاد ابو قران

****************************

اسأل ربى يحقق ليك كل المطلوب
و عدوك ما يشوف خير تملى مغلوب
ود فداسى اليومين على امرو مغلوب
مشغول بتصلح العربية و الاب توب

mohamed merghani
29-07-2008, 12:56
بي الجية الحروف طاب وانعدل منهجّا
عقبال بيها يجمع كل القلانا وهجا
ساءل الكريم من نورو يوت يسرجّا
وإن انقلبت مهورنا نلحق سريع نسرجّا

نيران السدار قولك يمين أجّجّا
خلّاها تسعي تطوف من غير ميقات حجّجّا
دي قافية ياخي صعيبة غالبني اتدجّجّا
وما لاقي ليّ عذر أو حجّة اتحجّجّا

mohamed merghani
29-07-2008, 13:37
عهدا على و اخدو منى ضمان
ادعو ليك ليلة النصف من شعبان
انت ومطر الرشاش و ابو قنوان
و قنديل البضوى و اولاد ابو قران

عارفك ما بتقصّر عارف الاصول وصوابا
وخمر الخندريس دارت عليك أكوابا
من لدن باريك عندك لكل خير روّابة
حتّي السما بترجاك وتفتح وسيع أبوابا

اسأل ربى يحقق ليك كل المطلوب
و عدوك ما يشوف خير تملى مغلوب
ود فداسى اليومين على امرو مغلوب
مشغول بتصلح العربية و الاب توب

ود فداسي مصيرو من الأزل مكتوب
من سكّ الحمام ما أظنّو بتوب
ما بايظ جهازو هاك سرّنا المكتوب
دا قاصد المهندسة البى حشمة رامية التوب

hussein
29-07-2008, 13:46
عارفك ما بتقصّر عارف الاصول وصوابا
وخمر الخندريس دارت عليك أكوابا
من لدن باريك عندك لكل خير روّابة
حتّي السما بترجاك وتفتح وسيع أبوابا

ود فداسي مصيرو من الأزل مكتوب
من سكّ الحمام ما أظنّو بتوب
ما بايظ جهازو هاك سرّنا المكتوب
دا قاصد المهندسة البى حشمة رامية التوب

الحمد لله انكشف ليك المحجوب
والزول قايلنو ذى شيوخ المذروب
قلتلو ياولدى من البتسوىفيهو توب
الجهاز كل ما يتصلح يسوى فيهو ملعوب

mohamed merghani
29-07-2008, 13:54
الحمد لله انكشف ليك المحجوب
والزول قايلنو ذى شيوخ المذروب
قلتلو ياولدى من البتسوىفيهو توب
الجهاز كل ما يتصلح يسوى فيهو ملعوب

قايل من زمان فكينا تحت القبّة
وما قايل ضريحو زي الكلاكلة القبّة
قبّال تصل للفّة اندفق الشمار واتكبّ
يا ود فداسي أخوي يكفيكا شر الكبّة

hussein
29-07-2008, 14:08
قايل من زمان فكينا تحت القبّة
وما قايل ضريحو زي الكلاكلة القبّة
قبّال تصل للفّة اندفق الشمار واتكبّ
يا ود فداسي أخوي يكفيكا شر الكبّة

كمان ما سمعتا حكاية ختت الكرسى بالقلبة
كان سالتا الاغبش يقول ليك كلاما عجبا
تتكلم معاهو فى الجد يقول ليك نحنا طلبا
هو ما براهو معاهو واحدا بقولوا ليهو مهلبا

مصطفي ابوقرون
29-07-2008, 15:51
بثنى قولى بى ابو قرون سلمى
ناسا عزاز خاتين القول و الكلمة
بغبابهم المسدار بقالنا ذى الضلمة
يا قنديل تعال ما تفوتك ها اللمة[/poem]



بشوف السدار عامر وبي حسين تامه الجلسة
مطرالرشاش وقنديل ما جوا راجيهم لسة
لي يومين بدخل وأمرق وأعاين في السدار خلسة
حروف الدوبيت مابية تمرق ومنها ضارباني فلسة

أبو الريش
29-07-2008, 20:51
عهدا على و اخدو منى ضمان
ادعو ليك ليلة النصف من شعبان
انت ومطر الرشاش و ابو قنوان
و قنديل البضوى و اولاد ابو قران

****************************

اسأل ربى يحقق ليك كل المطلوب
و عدوك ما يشوف خير تملى مغلوب
ود فداسى اليومين على امرو مغلوب
مشغول بتصلح العربية و الاب توب

أبو الصلاح عموم الكامل الأركان
وارث جملتن والسمتة فيكا ضمان
مفطوم العنوز ما من حليب الكان
ركاب أب صهيل ما احتجت لي بطّان

أبو الريش
29-07-2008, 20:57
بشوف السدار عامر وبي حسين تامه الجلسة
مطرالرشاش وقنديل ما جوا راجيهم لسة
لي يومين بدخل وأمرق وأعاين في السدار خلسة
حروف الدوبيت مابية تمرق ومنها ضارباني فلسة

لمتنا يابو قرون والله فاقدة العرسة
والشاديت وحرت لمتين وصولنا المرسى
نفسي الفاتت شليل في الغربة جات مفترسة
ضيعت التراث بقت لي قديمة مي مكترثة

أبو الريش
29-07-2008, 21:17
نيران السدار قولك يمين أجّجّا
خلّاها تسعي تطوف من غير ميقات حجّجّا
دي قافية ياخي صعيبة غالبني اتدجّجّا
وما لاقي ليّ عذر أو حجّة اتحجّجّا

أمانة حرفك ثابت القافية ماب صرجّا
في مصنع غناك سابك الحروف تنتجّا
حوارك في النضم غلبتو وقع إنتجة
قول فوق أم رشوم بغناك سو برجّا

واقع في اللهيب من صيدتاً مندية بجة
خايف من غناي من الحياء يحرجّا
يا ود خليفة أخوي كملت معاي الحجة
قول لي أم دغمةً سودا أشواقنا ملت الفجة

ود فداسي
31-07-2008, 09:27
قال مسدار قال!!

نبرة كلامك ما بتعجب فيها تريقة واستهتار
شنو الما عجبك اقعد في الواطه وقول يا ستار
لو عدم فهم لي سدارنا قول شان ما يبقي بينا التار
راجع نفسك ومشاركتك عدلا ومرحب بيك في الدار

hussein
31-07-2008, 11:46
نيران السدار قولك يمين أجّجّا
خلّاها تسعي تطوف من غير ميقات حجّجّا
دي قافية ياخي صعيبة غالبني اتدجّجّا
وما لاقي ليّ عذر أو حجّة اتحجّجّا


قافية ابو الريش خلتنى قاعد متفرجا
حروف الهيجاء كلها غلبنى اخرجا
بقيت ذى الرامى الجوكر وورقو معرجا
قول ليهو ياود الخليفة انضم بالدارجة

hussein
31-07-2008, 12:23
الليل نسايم الصعيد بعد ما بردن حرن
و سحائب القبلة ذى دعج البطانة الفرن
بدور اجر النم فوق الحاجبو اكحل و مقرن
وين بنات المنتدى الكلامن ذى القيد حرن

mohamed merghani
31-07-2008, 12:59
قال مسدار قال!!

الزول الكبير لازم يربّى صغيرو
البغلط براو وفعايلو ياما بغيرو
من سيد اللطش حروفنا ما حيغيرو
دا رافع صدرو فينا وسارق الكلام من غيرو

في بلدا ما بتعرفو أحسن تسير بي أدبك
تراعي الكلام الزين وغضبنا سابق غضبك
كان ما سمعت كلامي ورقت ساي فى علبك
فد نفخة منّي كفيلة تلفلف رقبتك سلبك

مصطفي ابوقرون
31-07-2008, 23:42
الزول الكبير لازم يربّى صغيرو
البغلط براو وفعايلو ياما بغيرو
من سيد اللطش حروفنا ما حيغيرو
دا رافع صدرو فينا وسارق الكلام من غيرو

في بلدا ما بتعرفو أحسن تسير بي أدبك
تراعي الكلام الزين وغضبنا سابق غضبك
كان ما سمعت كلامي ورقت ساي فى علبك
فد نفخة منّي كفيلة تلفلف رقبتك سلبك

الزول البليد دحيشاً ما هو طايع
يا ودخليفه الزول أظنّو جايع
كُت داير أقول فيهو كلاماً يصبح شايع
الأ لقيتو ما بسواهو هامل وضايع

hussein
02-08-2008, 12:56
الزول البليد دحيشاً ما هو طايع
يا ودخليفه الزول أظنّو جايع
كُت داير أقول فيهو كلاماً يصبح شايع
الأ لقيتو ما بسواهو هامل وضايع

الزول دا احسن ليهو يرعى بيقيدو
و يمشى يداوس زولا قدرو و نديدو
كان نحنا رسلنا ليهو يجيب بريدو
اصلو قالو البليد بحفر قبرو بى ايدو

أبو الريش
02-08-2008, 15:45
عدل السروج هاويهو ديمة صغيرنا
والعاجة الفدور مين البيركبا غيرنا
العدو والصديق كم كم تمنو عشيرنا
إن درت الدواس شيعنا ليكا حميرنا

أرعن يا بهم بلداتنا شاربة حفيرنا
يالعمبلوك أوعاك تجيهو غديرنا
زنة الباعوضة والله ما بتضيرنا
وللغاير علينا جفار سيوفنا تجيرنا

عشميق اللصم رباط السدار وبعيرنا
مترابطين حزم في الحارة بملي ضميرنا
الأخوان قبيل من ود خليفة بصيرنا
حازوها الردود غطوهو جد تقصيرنا

أبعد بعيد سيب الدعت في جحورا
والضايق لدغنا فجتنا يابا يزورا
الحرف الضعيف في عمرو ما جاب فورة
وشوية موية فوق لبنك طفتها الفورة

أبيات القصيد دايماً بتعلى قصورا
والخاطب فتاتو لا بد يصل لمهورا
البجينا يجادع رويان بلبن الكورة
والبجينا يغير نلعبو لعب الكورة

يالجيت بي رد فعل نفوسنا مي مغرورا
وبراااك عارف قصدي جيت بي نفس مكسورة
لو داير النزال راجيكا ياب فاخورا
أنا الدكري البفل ما بتلفت لي عرورا

أبو الريش
03-08-2008, 18:31
مطر الرشاش وحسين ذاد القلب إيراقو
يا ود خليفة الفزعة يالديمة لافي براقو
لي أبو قرون أخوي الهم دوام بعذاقو
من جيتكم قريب حت النخيل عذّاقو

جابني الهميل مطراً لمع براقو
بعد الفراق طاح في قليبي أذاقو
الناس القبيل للجية دمي أراقو
حرسوني وطيهم سوكروني وزاغو

hussein
03-08-2008, 18:47
مطر الرشاش وحسين ذاد القلب إيراقو
يا ود خليفة الفزعة يالديمة لافي براقو
لي أبو قرون أخوي الهم دوام بعذاقو
من جيتكم قريب حت النخيل عذّاقو

جابني الهميل مطراً لمع براقو
بعد الفراق طاح في قليبي أذاقو
الناس القبيل للجية دمي أراقو
حرسوني وطيهم سوكروني وزاغو



يسلم قلبقك الديمة زائد فى اشتياقو
ود الخليفة فى واحد ضيق اخلاقو
بشوفك بلحيل تلتلو القيد فى ساقو
المطر نزل و القبلى انعدل براقو

أبو الريش
03-08-2008, 22:22
يسلم قلبقك الديمة زائد فى اشتياقو
ود الخليفة فى واحد ضيق اخلاقو
بشوفك بلحيل تلتلو القيد فى ساقو
المطر نزل و القبلى انعدل براقو

عاشقين في الفلا من كاس هوانا اتساقو
والشوق لي ود فداسي زايد علي ساساقو
يالحردان غناي مرسالي بي سواقو
قول ليو يالحسين عذري الطمح في اوراقو

مصطفي ابوقرون
04-08-2008, 02:28
مطر الرشاش وحسين ذاد القلب إيراقو
يا ود خليفة الفزعة يالديمة لافي براقو
لي أبو قرون أخوي الهم دوام بعذاقو
من جيتكم قريب حت النخيل عذّاقو

جابني الهميل مطراً لمع براقو
بعد الفراق طاح في قليبي أذاقو
الناس القبيل للجية دمي أراقو
حرسوني وطيهم سوكروني وزاغو



تسلم يا أب كلاماً مفرهده ونديّه أوراقو
تسلم يا نور السدار واشراقو
أخوك يا أبوالريش شوقو ليك حرّاقو
بجُرُّو سداري فيك لو أفكاري راقو

mataralroshash
04-08-2008, 10:31
متل شوك السلم سامات تملي نوايبو
دهراً بي فراقكم اتقبلن عليا نوايبو
يا مطوري قول للغادر سدارنا وسايبو
حسين عشان الشمل في الكيفة لمّ سبايبو

الزول في النوائب واقفين معاهو قرايبو
وغير مطوري وحسين مين البياكل شايبو
ليكم شكر مدود في الكون عموم وغرايبو
والفرح المعمر داري بيكم كرفت هبايبو

سلام مرسول معتق عطر المحنة شوايبو
لي السدارين عموم هاطلات تملي سحايبو
لي ود خليفة الغاب ونسانا ولع بايبو
ونحن بـ شوقنا ليو قارصانا ديمة دبايبو


متل مطر الرشاش نفح الدعاش فى هبايبو
فرحا بى رجوعكم دالقات على مطايبو
أبو الريش فى الفضل بيعز تملى حبايبو
وحسين فى المجالس طيب كلامك جايبو

الزول فى الشدايد مرات بغرز نايبو
ومطورى وحسين بيكالمو ليهو ويطايبو
ليك الشكر مرسول يصلك ملانا حقايبو
والفرح الجميل بى وجودك بتملا زرايبو

سلام من الفؤاد الديمه ذاكر غايبو
لى الهجر الأغتراب وستف بى الهدايا حقايبو
لى ود خليفه العاد الديمه مجلود شايبو
وشوقنا اليه كمان جاهزات تملى كتايبو

mataralroshash
04-08-2008, 10:53
مطر الرشاش وحسين ذاد القلب إيراقو
يا ود خليفة الفزعة يالديمة لافي براقو
لي أبو قرون أخوي الهم دوام بعذاقو
من جيتكم قريب حت النخيل عذّاقو

جابني الهميل مطراً لمع براقو
بعد الفراق طاح في قليبي أذاقو
الناس القبيل للجية دمي أراقو
حرسوني وطيهم سوكروني وزاغو




ود خليفه وابو الريش زادو القليب فى شوقو
يا ود فداسى النجده الديمه عامر سوقو
لى الاغبش أخوى شوقنا لامعه بروقو
من عودتك للسدار دب النشاط فى عروقو

جابك ريدنا ليك طرح الغبين واسوقو
بعد الغياب الطال وشح الفرح من سوقو
الزول القبيل اللينا كاتل شوقو
الليله غبينتو فشت وعاد للسدار معشوقو

ود فداسي
04-08-2008, 11:25
جابني الهميل مطراً لمع براقو
بعد الفراق طاح في قليبي أذاقو
الناس القبيل للجية دمي أراقو
حرسوني وطيهم سوكروني وزاغو





عاشقي الفمو رخص الموز وريقو مربي
حسسو معاي مطول مني يوم ما غب
شقيان بيهو قلبي بريدو من ما تب
ودمعي عليهو زي المطر النازل صب

mohamed merghani
04-08-2008, 11:36
سلام من الفؤاد الديمه ذاكر غايبو
لى الهجر الأغتراب وستف بى الهدايا حقايبو
لى ود خليفه العاد الديمه مجلود شايبو
وشوقنا اليه كمان جاهزات تملى كتايبو

الشوق في القليب عارف المربّط وسايبو
وكم عاشق حزين لي دارو همّل سايبو
قالوا العز أهل يا أهل السدار ونسايبو
خلّو الفي القلوب بالريدة تصفي رسايبو

mohamed merghani
04-08-2008, 11:46
عاشقي الفمو رخص الموز وريقو مربي
حسسو معاي مطول مني يوم ما غب
شقيان بيهو قلبي بريدو من ما تب
ودمعي عليهو زي مطر المنازل صب

شهدا في العسل ريقو وزلال اتصفّي
برعت في الجمال يا ويلي كيف أوصّفّا
لو فقت قيس وجميل قول شعري ما بنصّفّا
العينا دانات حيّة ومتوالي فينى قصفّا

mohamed merghani
04-08-2008, 11:52
قافية ابو الريش خلتنى قاعد متفرجا
حروف الهيجاء كلها غلبنى اخرجا
بقيت ذى الرامى الجوكر وورقو معرجا
قول ليهو ياود الخليفة انضم بالدارجة

الدارج صعيب وغريقة ياما بحورو
والصايم نهارو ما بينسي سحورو
كلام ابوالريش عجيب كم بقيت مسحورو
منّو جت نتعلّم نظم القريض وبحورو

mohamed merghani
04-08-2008, 12:00
الزول البليد دحيشاً ما هو طايع
يا ودخليفه الزول أظنّو جايع
كُت داير أقول فيهو كلاماً يصبح شايع
الأ لقيتو ما بسواهو هامل وضايع

يا نار الكليم السار وقاصد طورو
يا حامل المسك الفينا فايحة عطورو
كان ما الكلام واجعني وفينا بايخة سطورو
ما بتشوف مسداري بخرج يمين من طورو

mohamed merghani
04-08-2008, 12:23
مطر الرشاش وحسين ذاد القلب إيراقو
يا ود خليفة الفزعة يالديمة لافي براقو
لي أبو قرون أخوي الهم دوام بعذاقو
من جيتكم قريب حت النخيل عذّاقو

جابني الهميل مطراً لمع براقو
بعد الفراق طاح في قليبي أذاقو
الناس القبيل للجية دمي أراقو
حرسوني وطيهم سوكروني وزاغو


فى درب المحبّة جوك القلوب انساقو
ومن فى منتدانا ضليع موهوب وأدبي مساقو
والفي لجّة سدارنا بي همّة شمّر ساقو
مادد يمينو معانا عهدا غليظ ميثاقو

تتسوكر براك ؟ يا الفيك المكارم لاقو
كيف أهنا وأسيبك وجفوني يوم اتلاقو
باب الغياب والزعلة سعينا فى اغلاقو
ما تخلّي مطر الرشاش يحلف عليك بطلاقو

ود فداسي
04-08-2008, 12:51
عاشقين في الفلا من كاس هوانا اتساقو
والشوق لي ود فداسي زايد علي ساساقو
يالحردان غناي مرسالي بي سواقو
قول ليو يالحسين عذري الطمح في اوراقو

الشوق الشديد مليانه يا اخوي اسواقو
شوقاً طفح ملاهو قلبي عليك وساقو
عذرك قبل ما تقولو مقبول ومصدقه اوراقو
وما بحرد من عزيز جوه القليب يا خلي وثاقو

mohamed merghani
04-08-2008, 12:58
الزول دا احسن ليهو يرعى بيقيدو
و يمشى يداوس زولا قدرو و نديدو
كان نحنا رسلنا ليهو يجيب بريدو
اصلو قالو البليد بحفر قبرو بى ايدو

الفات زمان خلّيهو يولّي ويفوت يا خلّي
زيدنا الكلام الطيّب وقول فى الجمال ما تخلّي
فى قلبي شيتا حايص شكّو تب داخلّي
أحيان كتيرة بسوط وشهدي بمزجو خلّي

أبو الريش
04-08-2008, 18:52
تسلم يا أب كلاماً مفرهده ونديّه أوراقو
تسلم يا نور السدار واشراقو
أخوك يا أبوالريش شوقو ليك حرّاقو
بجُرُّو سداري فيك لو أفكاري راقو

شوقنا أسكت خلو للساني صعب إنطاقو
وإيام في بعادكم يا خلي ما بنطاقو
في متن الشعور وصلت أخر طاقو
وكل ما أقول حرف تسمع براك فرطاقو

أبو الريش
04-08-2008, 19:12
متل مطر الرشاش نفح الدعاش فى هبايبو
فرحا بى رجوعكم دالقات على مطايبو
أبو الريش فى الفضل بيعز تملى حبايبو
وحسين فى المجالس طيب كلامك جايبو

الزول فى الشدايد مرات بغرز نايبو
ومطورى وحسين بيكالمو ليهو ويطايبو
ليك الشكر مرسول يصلك ملانا حقايبو
والفرح الجميل بى وجودك بتملا زرايبو

سلام من الفؤاد الديمه ذاكر غايبو
لى الهجر الأغتراب وستف بى الهدايا حقايبو
لى ود خليفه العاد الديمه مجلود شايبو
وشوقنا اليه كمان جاهزات تملى كتايبو

أثلجت الصدور يالحت عدوك ماك عايبو
أوفيت في النضم صفيتا منه شوايبو
زولاً في الفزع مليانة ديمة ركايبو
ما نعدم سناك في كون نهايتو خرايبو

أبو الريش
04-08-2008, 19:28
ود خليفه وابو الريش زادو القليب فى شوقو
يا ود فداسى النجده الديمه عامر سوقو
لى الاغبش أخوى شوقنا لامعه بروقو
من عودتك للسدار دب النشاط فى عروقو

جابك ريدنا ليك طرح الغبين واسوقو
بعد الغياب الطال وشح الفرح من سوقو
الزول القبيل اللينا كاتل شوقو
الليله غبينتو فشت وعاد للسدار معشوقو

المطر انهمر جنياتنا أصبرو روقو
بتّقت البلاد وبهمنا بان بي روقو
حييت السدار حرفك صبح ماروقو
ولي فل العدو بالسيف وقف فاروقو

القنديل أخوي مالو رافع سوقو
حررنا النضم وبرضو مابي يسوقو
مرسالين سلام بلبلبل يغرد فوقو
يزجيه السلام قبال عيوني يفوقو

أبو الريش
04-08-2008, 19:49
عاشقي الفمو رخص الموز وريقو مربي
حسسو معاي مطول مني يوم ما غب
شقيان بيهو قلبي بريدو من ما تب
ودمعي عليهو زي مطر المنازل صب

براق أم هُبُج راعيهو مما شب
زاحم للبطين شال الرويحة هربّا
وكتين الهطول بين الرزاز بنطبة
وريها أم حجول بالصابني أبى انطبة

أبو الريش
04-08-2008, 20:38
الدارج صعيب وغريقة ياما بحورو
والصايم نهارو ما بينسي سحورو
كلام ابوالريش عجيب كم بقيت مسحورو
منّو جت نتعلّم نظم القريض وبحورو

النفس إنقطع ما قدرت لي منشورو
كل ما يموت حرف عندك بيبدا نشورو
يا هادي الحرف وكتين حروفنا يثورو
والبحرت وطيهو غير شك بيلفا مسورو

أبو الريش
04-08-2008, 21:44
فى درب المحبّة جوك القلوب انساقو
ومن فى منتدانا ضليع موهوب وأدبي مساقو
والفي لجّة سدارنا بي همّة شمّر ساقو
مادد يمينو معانا عهدا غليظ ميثاقو

تتسوكر براك ؟ يا الفيك المكارم لاقو
كيف أهنا وأسيبك وجفوني يوم ما لاقو
باب الغياب والزعلة سعينا فى اغلاقو
ما تخلّي مطر الرشاش يحلف عليك بطلاقو

زاملة السيد في طريقا ما بتخشى من دقداقو
شايلين المحبة شعار وجوب إطلاقو
وغيركم في السدار مين الطريق شقاقو
جاييكم حوار يتحاوى كملت حروف معلاقو

أخوك في الخصام غلبت عليهو شقاقو
منو الغيرك بفرق وكت الهموم فاقاقو
هادي قعدة معاك قديمي وجب إحراقو
من غير الحرام ما يطلق مطر الرشاش أبواقو

مصطفي ابوقرون
05-08-2008, 02:36
شوقنا أسكت خلو للساني صعب إنطاقو
وإيام في بعادكم يا خلي ما بنطاقو
في متن الشعور وصلت أخر طاقو
وكل ما أقول حرف تسمع براك فرطاقو

الشّوق ليك شديد ولّع لهيب وآآ ناري
خلّيهو المضي و أسمع لذيذ مسداري
قلت غنايا فيك شدّيت جميع أوتاري
يا أبوالريش الجميل زيّنت لي أشعاري

مصطفي ابوقرون
05-08-2008, 02:44
يا نار الكليم السار وقاصد طورو
يا حامل المسك الفينا فايحة عطورو
كان ما الكلام واجعني وفينا بايخة سطورو
ما بتشوف مسداري بخرج يمين من طورو

تسلم يا جميل يا الجاهرني دايماً نورو
في ساحة السدار سمح كلامك وبدورو
ودخليفه الزين جاني فايحه عطورو
الليله ابوقرون يا ودخليفه أحييت شعورو

محمد ابوقرون
05-08-2008, 07:09
ياأهل السدار بهمه جيتكم داخل
للنم والشعر حامل معاي قوافل
اجدعو للكلام خلو السدار تتواصل

mohamed merghani
05-08-2008, 09:49
تسلم يا جميل يا الجاهرني دايماً نورو
في ساحة السدار سمح كلامك وبدورو
ودخليفه الزين جاني فايحه عطورو
الليله ابوقرون يا ودخليفه أحييت شعورو

ود الخليفة معاك كم مرة عمّر بورو
وأخلاق الفوارس فى سوقنا ما حيبورو
يا حي الشعور زيد القليب فى حبورو
أشجينا بي مزمارك داوود صدح بزبورو

mohamed merghani
05-08-2008, 10:06
زاملة السيد في طريقا ما بتخشى من دقداقو
شايلين المحبة شعار وجوب إطلاقو
وغيركم في السدار مين الطريق شقاقو
جاييكم حوار يتحاوى كملت حروف معلاقو

أخوك في الخصام غلبت عليهو شقاقو
منو الغيرك بفرق وكت الهموم فاقاقو
هادي قعدة معاك قديمي وجب إحراقو
من غير الحرام ما يطلق مطر الرشاش أبواقو

يادوبا الشجون بعد الهواجس راقو
وشجري الحتّ زمنا عادت عليو أوراقو
ما أقسي المحب لو فرض عليكا فراقو
وخلّ ود العين يسيل ويندفق رقراقو

كم شجانا عبيرك وسكرنا باستنشاقو
وكم رقص القليب وقتين حديثك شاقو
دا اللحن الطروب ببهج لروح عشّاقو
وما سمعنا بي تايهين وسط النعيم بتشاقو

مصطفي ابوقرون
05-08-2008, 10:50
دودرت الغُنا كان يحن يرتالي
شايف من بعيد نور السدار بيلالي
قلت أجدع نمّه وأسمع كلاماً حالي
أسمع غناوي لذيذه وتسر بالي

mohamed merghani
05-08-2008, 11:17
دودرت الغُنا كان يحن يرتالي
شايف من بعيد نور السدار بيلالي
قلت أجدع نمّه وأسمع كلاماً حالي
أسمع غناوي لذيذه وتسر بالي

معشوق الحسان عارف براك أحوالي
قبّال كلامك يبدا بكون ابتديت موّالي
قاعد من قبيل حارس البزور ويوالي
ويجدعلي نمّة ونمّة جمال في جمال متوالي

مصطفي ابوقرون
06-08-2008, 00:16
معشوق الحسان عارف براك أحوالي
قبّال كلامك يبدا بكون ابتديت موّالي
قاعد من قبيل حارس البزور ويوالي
ويجدعلي نمّة ونمّة جمال في جمال متوالي

تسلم يا جميل أخوي ود خليفه الغالي
الريد هالكني تب ومسهّرني الليالي
حب العاقله غير نهرة وعتاب من والي
هو الخلّاني شاعر أردد ليها في أقوالي

أبو الريش
06-08-2008, 00:24
يادوبا الشجون بعد الهواجس راقو
وشجري الحتّ زمنا عادت عليو أوراقو
ما أقسي المحب لو فرض عليكا فراقو
وخلّ ود العين يسيل ويندفق رقراقو

كم شجانا عبيرك وسكرنا باستنشاقو
وكم رقص القليب وقتين حديثك شاقو
دا اللحن الطروب ببهج لروح عشّاقو
وما سمعنا بي تايهين وسط النعيم بتشاقو

أتعبت الحروف ونمي بان اخفاقو
مع زولاً حصيف كيفن بجاري سباقو
برتاح في غناك وقلبي بلقى عناقو
خليت السدار عاليات دوام أعناقو

النوم والغميد طيفك دوام سراقو
شوقي جاك معجول ومحملات أنواقو
يالقمر الضمين وبليب الفروع القاقو
قول ليهو ود العين عميان ومات شلاقو

أبو الريش
06-08-2008, 00:35
الشّوق ليك شديد ولّع لهيب وآآ ناري
خلّيهو المضي و أسمع لذيذ مسداري
قلت غنايا فيك شدّيت جميع أوتاري
يا أبوالريش الجميل زيّنت لي أشعاري

شديت النطاق ووقفت في اسحاري
بالشوقو نوسر بي مرضان رقدت طواري
يا ابوقرون أخوي الشوق هدم أسواري
من بحرك نرد نغرف نعبي كواري

mataralroshash
06-08-2008, 12:19
زاملة السيد في طريقا ما بتخشى من دقداقو
شايلين المحبة شعار وجوب إطلاقو
وغيركم في السدار مين الطريق شقاقو
جاييكم حوار يتحاوى كملت حروف معلاقو

أخوك في الخصام غلبت عليهو شقاقو
منو الغيرك بفرق وكت الهموم فاقاقو
هادي قعدة معاك قديمي وجب إحراقو
من غير الحرام ما يطلق مطر الرشاش أبواقو


أبوك يا متوكل ابوك الصف أب جموع فرتاقو
أبوك يا متوكل أبوك الجرح اب دموم لتاقو
أبو الريش فى الغياب خلى الجميع يشتاقو
دحين عازمكم قنيص بى حرام معاهو طلاقو

hussein
07-08-2008, 12:27
غيابى من المسدار الليلة ليهو تمام دور
جيت اراجع فى النميم و اقيف بين السطور
ود الخليفة بجيد النضم و بوزن الشعر بحور
ابو الريش بالتلميح و صعب القوافى مشهور
ابوقرون اسألوا من وصف سلمى الفاتت لبدور

hussein
07-08-2008, 12:27
غيابى من المسدار الليلة ليهو تمام دور
جيت اراجع فى النميم و اقيف بين السطور
ود الخليفة بجيد النضم و بوزن الشعر بحور
ابو الريش بالتلميح و صعب القوافى مشهور
ابوقرون اسألوا من وصف سلمى الفاتت البدور

أبو الريش
07-08-2008, 23:05
أبوك يا متوكل ابوك الصف أب جموع فرتاقو
أبوك يا متوكل أبوك الجرح اب دموم لتاقو
أبو الريش فى الغياب خلى الجميع يشتاقو
دحين عازمكم قنيص بى حرام معاهو طلاقو

أبوك الصديق متل الملايكة اخلاقو
أبوك البضاير العوقة كم جهجه غريمو وساقو
كتّر في الهطول أوعاك من المطر نقناقو
وكان لي حلف القنيص حاليك من ميثاقو

أبو الريش
07-08-2008, 23:11
غيابى من المسدار الليلة ليهو تمام دور
جيت اراجع فى النميم و اقيف بين السطور
ود الخليفة بجيد النضم و بوزن الشعر بحور
ابو الريش بالتلميح و صعب القوافى مشهور
ابوقرون اسألوا من وصف سلمى الفاتت البدور

حتى إن غبت يوم جوانا إنت حضور
يالمعروف قديم بي طيبة الأصل مشهور
أبدالنا القوافي ووراك نحن ندور
ووصف بالإسم مين العليهو الدور

مصطفي ابوقرون
11-08-2008, 18:02
شديت النطاق ووقفت في اسحاري
بالشوقو نوسر بي مرضان رقدت طواري
يا ابوقرون أخوي الشوق هدم أسواري
من بحرك نرد نغرف نعبي كواري

في بحر الشوق غرقت وطويتا حساري
لي أبوالريش الشوق دايمآ بقوم سداري
حروف السدار وقفت أبت تتم مسداري
والشوق الشديد دايمآ بشوت ضفاري


http://www2.0zz0.com/2008/07/17/09/316515007.gif (http://www.0zz0.com)



http://www2.0zz0.com/2008/07/17/09/316515007.gif (http://www.0zz0.com)





http://www2.0zz0.com/2008/07/17/09/316515007.gif (http://www.0zz0.com)

مصطفي ابوقرون
11-08-2008, 18:21
غيابى من المسدار الليلة ليهو تمام دور
جيت اراجع فى النميم و اقيف بين السطور
ود الخليفة بجيد النضم و بوزن الشعر بحور
ابو الريش بالتلميح و صعب القوافى مشهور
ابوقرون اسألوا من وصف سلمى الفاتت لبدور

حبابك حبابك يا الليكا قلبي بدور
حبابك وأدخل فرشنا ليك ورود وزهور
جيب الكلام الزين خليني بيك مسرور
طريتني سلمي والحب والريد والعطور

أبو الريش
11-08-2008, 20:33
في بحر الشوق غرقت وطويتا حساري
لي أبوالريش الشوق دايمآ بقوم سداري
حروف السدار وقفت أبت تتم مسداري
والشوق الشديد دايمآ بشوت ضفاري
http://www2.0zz0.com/2008/07/17/09/316515007.gif (http://www.0zz0.com)
http://www2.0zz0.com/2008/07/17/09/316515007.gif (http://www.0zz0.com)
http://www2.0zz0.com/2008/07/17/09/316515007.gif (http://www.0zz0.com)

شوق الحبوب وكتين يبين هنبولا
من عينة سماك راجياك تقيف لاطولا
صفحتنا صبحت بور مرات تتم لاحولا
لمتين في السدار مليانة تبقى الفولة

mataralroshash
12-08-2008, 12:37
شوق الحبوب وكتين يبين هنبولا
من عينة سماك راجياك تقيف لاطولا
صفحتنا صبحت بور مرات تتم لاحولا
لمتين في السدار مليانة تبقى الفولة


الناس فى المعايش شاغلاها برضو ظروفا
تكدح فى العمل والقسمه مى معروفا
صفحات السدار آسرانى والله حروفا
عازمكم مطر الرشاش رحلة جداد بى خروفا

أبو الريش
13-08-2008, 00:19
الناس فى المعايش شاغلاها برضو ظروفا
تكدح فى العمل والقسمه مى معروفا
صفحات السدار آسرانى والله حروفا
عازمكم مطر الرشاش رحلة جداد بى خروفا

نكدح من صباح والضلمة مي مكشوفة
كايسين الرزق متلك حياتنا قشوفة
بس صفحات سدارنا الناس دوام بتشوفة
ترجاهو الجديد للنمة ديمة شغوفة

كيفن يهونو عليك ترجع تصد مكسوفة
وأعذارنا الشغل وكواسة المعلوفة
إنت بس لو ثانية إدينا طلة وشوفة
دايرين صفحتنا دي دائماً ملانة رفوفا

hussein
14-08-2008, 11:55
البارح الجبهة جابتلنا ساريتنا تقيلة تقلا
باكر يفرهد الحنتوت فى خلاهوتفرحبو جقلا
و بت ام ساق فوق حدب الفريق دفرا و عقلا
سالت ايد الحسيب ملت كل حفاير الشقلا