basta
26-06-2006, 14:28
حصريا على nilelove
http://www.nilelove.org/userfiles/rawasy.wma
http://www.nilelove.org/userfiles/rawasy.wma
|
مشاهدة النسخة كاملة : الرواسى للشاعر حاتم حسن الدابى والفنان جعفر السقيد basta 26-06-2006, 14:28 حصريا على nilelove http://www.nilelove.org/userfiles/rawasy.wma جوبتر دمانيوس 28-06-2006, 15:34 بااااااااااسطة يا انيق .. تسلم والله .. ودي القصيدة الكاملة .. بدر مدر يا رواسي نحن بعاد لحقنا القيفة انت مدبج ونحن نقاسى فى برد امشير والموج والزيفة مركبك الماليها مطارق تمشي تقيف تسرح بى كيفه مرة مغارب ومرة مشارق وانت تخاف الريح وحفيفه ساوها زينة وفوقها بيارق وانت مدبج توب وقطيفة فيها المات والضاربه الفالق والسلمين فى حالة مخيفة كل الناس ترزح في كفة وانت وناسك فوق الدفة الدايشين والراسهم لفة والشاخصين فى المدى للضفة صوف افضالك فوقهم جوة فوق الموية وريقهم جفة من العطش النص اتوفى وباقى النص الفضل جيفة .... ضاقوا المر والحال استعصى الشغال واللاحق الحصة الواصال للرحم اتقصة والهداي مو لاقى الفرصة الرساي سافر ما وصى خلى محمد واحمد وحفصة الاطفال العرفو القصة سدت جوة حلوقهم غصة من الجوع الدم اتمصة واصبح كل الحلم رغيفة ..... كل الراكب شاف احلامه دون احساس ماتت قدامه فنُ كتابه وكسر اقلامه لا الوالدين لا جار ما لامه ناس الحلة القعدوا وقاموا اصر والح يمشى كلامه هزموهو اخوانه البى الجوع نامو وكم خريج ما لاقى وظيفة ....... يا الفكيتها وقلت لها سيرى وعارف انه الدنيا دميرى لا فى ضفاف لا شفنا جزيرى لا فى الحيرى ولا في الطيرى كسرت جناحها وقلت لها طيرى اتملكت الكانت ميرى يا السودت الناصع وجيرى ايد الحق صابونى وليفة ...... قبلك كم متعلم وقاري عكس الريح فكولو الصارى مشدوهين متعشى وحارى ريسها شلته والبحارى كم سنوات علام البارى واقفى وهم شايفنها جارى بقينا هلاك والقيف متضارى لا حجار لا دوحة وريفة ..... حسك عينك ما تتمادى وتنسى الراكب عنده ارادة الاهوال الشافها وخاضها كان فى مدرسة والا عيادة شفنا الايد الكان اجوادة يا مبتورة يا شحادة وياما رقاب كانت سدادة علمت الله من التعريفة ...... يا ريسنا قدر مديرك فك الدفة وادها غيرك احفظ نفسك ترضى ضميرك وقف اوع تواصل سيرك كان طاوعتنى شن بيضيرك عرض اكتافك وفك البيرك لا هنى شكرا وكتر خيرك وكل انسان في الارض خليفة basta 28-06-2006, 15:41 تسلم ياراقى تحياتى توووندي 08-07-2006, 21:02 السلام عليكم ورحمة الله وبركاته تسلم كتيييييير يا اخي basta شكراً لك اخي حجرالعسل 01-04-2007, 19:10 http://www.gam3aonline.com/uploads/237259988791.jpg نحن بعاد لحقنا القيفة .. من يخبر الآتون ....؟ ود عطبرة 04-04-2007, 17:25 يا ريسنا قدر مديرك فك الدفة وادها غيرك احفظ نفسك ترضى ضميرك وقف اوع تواصل سيرك كان طاوعتنى شن بيضيرك عرض اكتافك وفك البيرك لا هنى شكرا وكتر خيرك وكل انسان في الارض خليفة راااااااااااااااااااااااااااائعة يديك العافيه ضفاف النيل 29-04-2007, 13:42 http://www.gam3aonline.com/uploads/237259988791.jpg نحن بعاد لحقنا القيفة .. من يخبر الآتون ....؟ انتو عرفتو مصيركم ونحن مازلنا في المجهول الله يعينا ويعينكم في مشكلة السدود نحن اهل سد كجبار الجميل الساده 04-07-2008, 16:39 اه يا باسطه على الابداع الجميل بس الربط بتاع الاغنيه ما شغال الحقنا بيه قوااااام ولك كل الود :trrr6: كليل 01-12-2008, 22:54 يديك العافية يا راقي ودالريف 02-12-2008, 23:08 ياخي دي قصيده رائعه وانت اروع والله يديك العافيه ويا ريت تكتر لينا من شعر الرائع الاستاذ حاتم حسن الدابي اديكم الف عافيه لكم ودي |