مشاهدة النسخة كاملة : كلاكيت تاني مرة ** لف وتسكع في حواري وزقاقات امدرمان**


الصفحات : 1 [2] 3

همس الشوق
22-02-2007, 11:11
ارح نغشى احمد الباشا في شارع الجلوووود واعزمك كوز عرديب من بتاع العرديب الجنبو

بمناسبة الجلود يا همس

مرة صاحبنا اهلو تجار جلود اها زولك عزمنا فطور جاب لينا صحن دمعة غريبة مقطعة صغااااار

اها ضربنا لما الله غفر لينا وبعد ما شبعنا قلنا ليهو والله لحمتك دي ما عادية

ضحك وقال لينا دي لحمة الجلود لما نشتري الجلود بننظفها من اللحم الملصق فيها ونضبخها كده

اها من سمعنا كلامو كل زول على الشارع وهاك يا استفراغ

من اليوم داك كوز موية ما بشربو عندهم
ترمرمو ساااااااااااااااااااااكت

ههههههههههههههههههههههههههههههههه

همس الشوق
22-02-2007, 11:14
ارح نغشى احمد الباشا في شارع الجلوووود واعزمك كوز عرديب من بتاع العرديب الجنبو

بمناسبة الجلود يا همس

مرة صاحبنا اهلو تجار جلود اها زولك عزمنا فطور جاب لينا صحن دمعة غريبة مقطعة صغااااار

اها ضربنا لما الله غفر لينا وبعد ما شبعنا قلنا ليهو والله لحمتك دي ما عادية

ضحك وقال لينا دي لحمة الجلود لما نشتري الجلود بننظفها من اللحم الملصق فيها ونضبخها كده

اها من سمعنا كلامو كل زول على الشارع وهاك يا استفراغ

من اليوم داك كوز موية ما بشربو عندهم

تعرف يا قرقور في المحطة الاسطى فتحت كافتريا في الناصيه جنب ناس قمر للاقمشة وموقف التاكسي التعاوني والله دي فيها ساندوتشات وعصاير مبالغة

ودائما عليها زحمة بس اسمها ما قادره استحضره
لو داير تعزمني
اعزمني هناك احمد الباشا ده ما بعرفوا

قرقور
22-02-2007, 11:15
ترمرمو ساااااااااااااااااااااكت

ههههههههههههههههههههههههههههههههه

ههههههههههههههههههههههههه نعمل شنو النبى قبل العزومة

mohamed merghani
23-02-2007, 09:22
تعرف يا قرقور في المحطة الاسطى فتحت كافتريا في الناصيه جنب ناس قمر للاقمشة وموقف التاكسي التعاوني والله دي فيها ساندوتشات وعصاير مبالغة

ودائما عليها زحمة بس اسمها ما قادره استحضره
لو داير تعزمني
اعزمني هناك احمد الباشا ده ما بعرفوا
معقولة دي يا همس ? في زول ما بعرف أحمد الباشا ...
الكافتيريا الناصية الجنب قمر للأقمشة أظنو إسمها السندباد .... لكن عرفتي تختاري يعزموك وين ....
لما تمشي هناك اطلبي عصير إسمو فخفخينا .... حاجة كدا ما تخلص .... بقدموهو في كباية من الحجم الكبير .... شكل العصير كدة زي قوس قزح .... ألوانو أصلو ما بتتلخبت مع بعض ... وهو مركز تركيز عجيب في قوامو زي النشا ... ما بطلع معاك بالمصاصة ... داير ليهو ملعقة وللا الزول يصنقع بالكباية ويستني الشي دا يجي متدردق برااااهو ... آخر مزاج .

قرقور
25-02-2007, 06:58
همس وود الخليفة لقييتكم خطيرين

اها بالمناسبة دي نتجول على اماكن العضة والاكل الحلو في امدرمان

الجان بتاع الفول وابو صليب والكوتش ديل احسن محلات فول في امدرمان


شريف والدانوب وعادل الاطرش ديل محلات الباسطة الخطيرة

همس الشوق
25-02-2007, 08:19
معقولة دي يا همس ? في زول ما بعرف أحمد الباشا ...
الكافتيريا الناصية الجنب قمر للأقمشة أظنو إسمها السندباد .... لكن عرفتي تختاري يعزموك وين ....
لما تمشي هناك اطلبي عصير إسمو فخفخينا .... حاجة كدا ما تخلص .... بقدموهو في كباية من الحجم الكبير .... شكل العصير كدة زي قوس قزح .... ألوانو أصلو ما بتتلخبت مع بعض ... وهو مركز تركيز عجيب في قوامو زي النشا ... ما بطلع معاك بالمصاصة ... داير ليهو ملعقة وللا الزول يصنقع بالكباية ويستني الشي دا يجي متدردق برااااهو ... آخر مزاج .

السندبااااااااااااااااااااااااات
فتح الله عليك

لكن دي ما فيها ساندوتشات عجيبه يا ود الخليفة
والفخفخينا ده ما شربو ليك
حاجة عجيبة

يا حليلك يا ام در

همس الشوق
25-02-2007, 08:21
همس وود الخليفة لقييتكم خطيرين

اها بالمناسبة دي نتجول على اماكن العضة والاكل الحلو في امدرمان

الجان بتاع الفول وابو صليب والكوتش ديل احسن محلات فول في امدرمان


شريف والدانوب وعادل الاطرش ديل محلات الباسطة الخطيرة


يا قرقور لو جيت للفول المصلح ما عارفه لكن عندنا برعي في حي العمده ما بهجة بس عندو فول ما عادي

اما الباسطة فالطيب سيد مكي لا يعلا عليه في الباسطة وفي ناس قنجاري

مالكم يا ناس هيجتو علينا شجونا

قرقور
25-02-2007, 08:26
يا قرقور لو جيت للفول المصلح ما عارفه لكن عندنا برعي في حي العمده ما بهجة بس عندو فول ما عادي

اما الباسطة فالطيب سيد مكي لا يعلا عليه في الباسطة وفي ناس قنجاري

مالكم يا ناس هيجتو علينا شجونا


همس فعلا الطيب سيد مكى شي ما عادي

فعلا برعى بتاع الفول برضو خطير جدا

في الموردة شارع الفيل في نسوان بعملو الفول والكوارع

قرقور
26-02-2007, 07:08
صباح النور

يومجديد ولف في شوارع امدر الحنينة

همس الشوق
26-02-2007, 07:24
لو داير الحنان
تعال في امدرمان

صباح ناس امدرمان الجميلين

صباحكم طلة النوار

قرقور
26-02-2007, 07:42
لو داير الحنان
تعال في امدرمان

صباح ناس امدرمان الجميلين

صباحكم طلة النوار


طريت امدر حنان ناسها

قرقور
14-03-2007, 09:07
من جديد لف وتسكع في حواري امدر

قرقور
05-04-2007, 08:36
انا امدرمان انا العزه

انا السودان انا العازه

انا الزلزال انا الهزة

انا التنوين وانا الهمزة

انا الجواى كم معنى

والف سؤال عن العزة

انا امدرمان وانا اللمه

انا الدوبيت وانا الهمة

انا الترياق وانا اللقمة

انا الكلمات وانا التعليم

انا التنظيم وانا القمة

انا الفرسان انا الاخوان

انا الجيران وانا الامة

انا الهيبة وانا القدلة

انا القرجة انا السروال وانا العمة

انا امدرمان

قصيدة للشاعرة انتصار محمد الحاج

قرقور
05-04-2007, 08:37
حروفها تحكي عن تريخها
الاف الف الالة , الف الابتداء في اللغه العربية
و الميم ميم المناء و الاماني و الامان
و الدال دال الدر و الديار
و الراء راء الروعه و الرومانسية
و الميم ميم المال و بيت المال
و الالف الف امدرمان زمن زمان
و النون نون النصر و نون النطارة

قرقور
05-04-2007, 08:38
سلام يا أم در عظيمة الشان
سلام يا أم در كرم حيشان
سلام يحميكي يا أم درمان

قرقور
05-04-2007, 08:42
معاني أسماء أحياء أم درمان



حي الملازمين
سمي لسكن ملازمي المهدي به

حي الأمراء
لسكن أبناء الخليفة عبدالله به

حي ود أرو
وقد سكنه المحس وأرو كلمة محسية تعني بحر العلم

حي المسالمة
للتسالم الذي يعم بين سكانه فمن النادر أن تعلم المسلم من المسيحي من اليهودي

حي ود نوباوي
نسبة للناظر ود نوباوي ناظر بني جرار

حي زريبة الكاشف
نسبة للكاشف وهو من أتراك الخرطوم فرحله المهدي إلى هذا المكان مع أسرته وأبناء عمومته

حي أب روف
مسمى على قبيلة أب روف ونظارة المسلمية

حي ودالبصير
نظارة قبيلة الحلاويين

حي أب كدوك
سكنه الأمير أب كدوك

حي الموردة
لأنها المكان الذي كان يورد منه الماء

حي العرب
وهو الحي الذي جمع الجعليين

قرقور
24-04-2007, 08:17
من جديد لف في جمال امدر

mohallb
24-04-2007, 08:53
من جديد لف في جمال امدر



يا زول خير مالك من الصباح

قرقور
24-04-2007, 08:58
يا زول خير مالك من الصباح


دافرني شوق وحنين لامدر يا مهلب

mohallb
24-04-2007, 09:02
دافرني شوق وحنين لامدر يا مهلب



والله دى دفره شديده خلاص يا زول الصبر

قرقور
24-04-2007, 09:06
والله دى دفره شديده خلاص يا زول الصبر


كملنا الصبر كلووووووووو

mohallb
24-04-2007, 09:27
الاجازة ثم الاجازه تعال مع صاحبك بكيييييييك نص خمسة

قرقور
24-04-2007, 09:31
الاجازة ثم الاجازه تعال مع صاحبك بكيييييييك نص خمسة


الاجازة الفاتت ما جيت معاو بس ما قابلتك يا ولدنا

mohallb
24-04-2007, 09:35
لا يااااخ الاجازة الفاتت دى انا وصاحبك طوالى مع بعض كل يوم جيت متين

mohallb
24-04-2007, 09:36
كان فى عرس منو صاحبكم فى النادى الوطنى

mohallb
24-04-2007, 09:37
تانى صاحبكم من مدنى ولا حله قريبه من مدنى ام سنط ولا الشبارقه ما عارف

قرقور
24-04-2007, 09:39
كان فى عرس منو صاحبكم فى النادى الوطنى


بس انا كنت فيهو انت الكنت لابس جلابية

اصلو ما ممكن

mohallb
24-04-2007, 09:45
بس انا كنت فيهو انت الكنت لابس جلابية
اصلو ما ممكن


جيت مع بكيييييييك العرس الجلابيه فى التانى بتاع مدنى بس ما شفتك الفنان كان صديق سرحان اظن كدة

mohallb
24-04-2007, 09:47
اها عرس النادى الوطنى كان معانا صاحبنا معتز هو اللابس جلابية

mohallb
24-04-2007, 09:52
اها عرس النادى الوطنى كان معانا صاحبنا معتز هو اللابس جلابية

قرقور
24-04-2007, 10:11
بس انا كنت موجود والله

mohallb
24-04-2007, 10:29
بس انا كنت موجود والله


كان مفروض اجى الدوحه لكن ظروف العمل بس ما سمحت لكن نص خمسه ضرورى

قرقور
24-04-2007, 10:55
كان مفروض اجى الدوحه لكن ظروف العمل بس ما سمحت لكن نص خمسه ضرورى


اكيد يا مهلب في انتظارك يا منقة

mohallb
24-04-2007, 13:28
قرقور انت بكرى وين مختفى !!!!

قرقور
25-04-2007, 07:05
قرقور انت بكرى وين مختفى !!!!



مهلب الزول ده مختفي يكون عندو بلوة ومدسي

الجلب
16-05-2007, 02:43
سلام يامحبى امدر
اخوكم أحمد من ابناء ودنوباوى ومن عاشقى امدرمان التى حرمتنا منها الغربه
ارجو ان تقبلونى بينكم لنستعيد الزكريات الجميله.

قرقور
16-05-2007, 06:17
سلام يامحبى امدر
اخوكم أحمد من ابناء ودنوباوى ومن عاشقى امدرمان التى حرمتنا منها الغربه
ارجو ان تقبلونى بينكم لنستعيد الزكريات الجميله.


يبنا وولدنا ود امدرمان حبابك حباب ود البقعة الطاهرة

يلا تعال وشق بينا ودنوباوي الدومة وود البصير

جامع الشيخ قريب الله الخ منتظرنك

الجلب
17-05-2007, 02:57
مشكور ياقرقور على الترحيب
معليش انا بدخل المنتدى متاخر نسبة لفروق الوقت لكن انشاء الله احاول ادخل بدرى ونشق ودنوباوى (ودالبصير،الدومه، جامع السيد عبد الحمن، خالنا وعمنا الهادى الضلالى، سينا،موسى ودنفاش،نميرى،السيد الصادق المهدى) اسماء وشخصيات عديده ومعالم وحكايات كثيره سنعود لها بالتفصيل انشاء الله. :) :) :) :)

قرقور
17-05-2007, 06:10
مشكور ياقرقور على الترحيب
معليش انا بدخل المنتدى متاخر نسبة لفروق الوقت لكن انشاء الله احاول ادخل بدرى ونشق ودنوباوى (ودالبصير،الدومه، جامع السيد عبد الحمن، خالنا وعمنا الهادى الضلالى، سينا،موسى ودنفاش،نميرى،السيد الصادق المهدى) اسماء وشخصيات عديده ومعالم وحكايات كثيره سنعود لها بالتفصيل انشاء الله. :) :) :) :)


سررت بطلتك الحلوة وفي انتظارك نشق سويا ودنوباوي

بالمناسبة الف سلامة للهادي الضلالي قالو مريض شوية

magda
17-05-2007, 07:45
حضور ربما لم تسعفنى تلك الايام بالتعلق كثيرا

بمدن لها ف القلب مكان

يكفى ان انظر اليها بعينيكم هنا وهناك

قرقور
17-05-2007, 07:50
حضور ربما لم تسعفنى تلك الايام بالتعلق كثيرا
بمدن لها ف القلب مكان
يكفى ان انظر اليها بعينيكم هنا وهناك

ماجدة حضورك اطفى مشوار اللف في امدرمان الق

همس الشوق
17-05-2007, 11:32
يا ناس امدرمان ما جيتو حلتنا لسه

قرقور
17-05-2007, 12:56
يا ناس امدرمان ما جيتو حلتنا لسه


همس جاينكم يا ناس المسالمة بس منتظرين ود الخليفة يجي لانو حافظ الزقاقات هناك

كان مجكس من هناك ومقدد الشوارع كويس

همس الشوق
17-05-2007, 13:42
همس جاينكم يا ناس المسالمة بس منتظرين ود الخليفة يجي لانو حافظ الزقاقات هناك
كان مجكس من هناك ومقدد الشوارع كويس


هههههههههههههههههههه


كان مجكس نقادية ولا شنو

TaSNe_eM
17-05-2007, 17:33
ام در

اقووووووووووووووول شنو

بحبهــــــــــــــــــــــــــــــــــــــــــــــ ـــــــــــــــــــــــــــــــــــــا

قريت البوست من اول كلمه لغايه ما وصلتو , وزعلت شديد لاني حسيتكم مريتو بالمسالمه مرور الكلام
لكن شكلي جيت في الوقت المناسب
:D



و نرجع ليكم مع ظبية المسالمه
:trrr6:



.
.
.

TaSNe_eM
17-05-2007, 17:35
هههههههههههههههههههه
كان مجكس نقادية ولا شنو



:mad:
هوووووووووووووووووي يا همس
نقاديه شنو


والله المسالمه دي فيها سماحه بنات عرب
:trrr1:


.
.
.

قرقور
20-05-2007, 07:57
هههههههههههههههههههه
كان مجكس نقادية ولا شنو


ههههههههه نسيبو كان بيبيع بيض ومخللك في المحطة الاسطى sss1

قرقور
20-05-2007, 07:58
ام در
اقووووووووووووووول شنو
بحبهــــــــــــــــــــــــــــــــــــــــــــــ ـــــــــــــــــــــــــــــــــــــا
قريت البوست من اول كلمه لغايه ما وصلتو , وزعلت شديد لاني حسيتكم مريتو بالمسالمه مرور الكلام
لكن شكلي جيت في الوقت المناسب
:D
و نرجع ليكم مع ظبية المسالمه
:trrr6:
.
.
.


مرحب بيك تسنيم ومرحب بكل ناس المسالمة

همس الشوق
20-05-2007, 08:22
:mad:
هوووووووووووووووووي يا همس
نقاديه شنو
والله المسالمه دي فيها سماحه بنات عرب
:trrr1:
.
.
.


ليه انت ما عارف انه انا واحده من غزلان المسالمة sss1

قرقور
20-05-2007, 08:30
ليه انت ما عارف انه انا واحده من غزلان المسالمة sss1


همس تسنيم دي زاتها غزالة من غزلان المسالمة يمكن تطلع بت جيرانكم

همس الشوق
20-05-2007, 08:55
همس تسنيم دي زاتها غزالة من غزلان المسالمة يمكن تطلع بت جيرانكم


والله

مرحب بيها والف اهلاً

بتعرف عليها وبجيب ليك اخرها

قرقور
20-05-2007, 08:56
والله
مرحب بيها والف اهلاً
بتعرف عليها وبجيب ليك اخرها


ده الشغل الصح يا همس

همس الشوق
20-05-2007, 08:59
ده الشغل الصح يا همس


ولو يا قرقور

ناس المسالمة ديل كلهم اهلي

وناس امدرمان عشيرتي

قرقور
20-05-2007, 09:03
ولو يا قرقور
ناس المسالمة ديل كلهم اهلي
وناس امدرمان عشيرتي

انتى ما مننا وفينا يا همس ولا شنو

همس الشوق
20-05-2007, 10:02
انتى ما مننا وفينا يا همس ولا شنو


أكييييييييييييييييييييييييييييييييد



دونما شك

قرقور
20-05-2007, 10:07
أكييييييييييييييييييييييييييييييييد
دونما شك


بس نقرض على كده ونواصل الفات

طبقة الأزون
20-05-2007, 10:56
المسالمه ... قرقور .. يامجنون ..

ذكرتنا مدرسة محمد حسين .. والكنيسه .. والحلاوه ( فى البنات وفى الكنيسه ) ....

تتخيل ياقرقور .. الكنيسه المبنيه دى .. قطعة الأرض كانت مصدقه يبنوها مسجد .. بفعل فاعل صارت كنيسه .. عندك فكره عن الموضوع دا ..

همس بيتكم وين لبيت ناس دكتور أسامه محجوب .....

همس الشوق
20-05-2007, 10:59
المسالمه ... قرقور .. يامجنون ..
ذكرتنا مدرسة محمد حسين .. والكنيسه .. والحلاوه ( فى البنات وفى الكنيسه ) ....
تتخيل ياقرقور .. الكنيسه المبنيه دى .. قطعة الأرض كانت مصدقه يبنوها مسجد .. بفعل فاعل صارت كنيسه .. عندك فكره عن الموضوع دا ..
همس بيتكم وين لبيت ناس دكتور أسامه محجوب .....


طبقة انت قريت محمد حسين

والكان بجيبك الكنيسة شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟


دكتور اسامة محجوب ............ ما بعرفو والله يا طبقة احتمال اخواني يعرفو

طبقة الأزون
20-05-2007, 11:52
طبقة انت قريت محمد حسين
والكان بجيبك الكنيسة شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟
دكتور اسامة محجوب ............ ما بعرفو والله يا طبقة احتمال اخواني يعرفو


طبعا" .. محمد حسين ..

عندى صاحبى من أمدرمان الاهليه الثانويه العامه مسيحى إسمو مجدى .. كنت مرافقو طوالى خاصة يوم الاحد .. بنزور الكنيسه مع بعض هو ماشى يصلى .. وانحنا ماشين نشغال البنات .. الله يغفر لينا

قرقور
20-05-2007, 12:42
طبعا" .. محمد حسين ..
عندى صاحبى من أمدرمان الاهليه الثانويه العامه مسيحى إسمو مجدى .. كنت مرافقو طوالى خاصة يوم الاحد .. بنزور الكنيسه مع بعض هو ماشى يصلى .. وانحنا ماشين نشغال البنات .. الله يغفر لينا


طبقة من زمان ساكي البياض الوداك طيب العباسية شنو :confused:

همس الشوق
20-05-2007, 13:05
طبعا" .. محمد حسين ..
عندى صاحبى من أمدرمان الاهليه الثانويه العامه مسيحى إسمو مجدى .. كنت مرافقو طوالى خاصة يوم الاحد .. بنزور الكنيسه مع بعض هو ماشى يصلى .. وانحنا ماشين نشغال البنات .. الله يغفر لينا


هههههههههههههههههه

طبوقي كنت بتشاغل بنات النقاده sss1

طبقة الأزون
21-05-2007, 10:48
طبقة من زمان ساكي البياض الوداك طيب العباسية شنو :confused:


قراقيرو .. عباسيه شنو .. نحن ناس الثوره .. الحاره الرابعه .. الاصاله والجداره .. مستشفى البلك فى حلتنا وسينما الثوره فى حلتنا .. حتى مركز الشرطه فى الرابعه .. وسوق الرابعه .. مركز حارات الثوره .. وعشان ماتزعل كمان عندنا
اكبر مسجد فى الثورات .. مسجد البلك ........

قرقور
21-05-2007, 10:50
قراقيرو .. عباسيه شنو .. نحن ناس الثوره .. الحاره الرابعه .. الاصاله والجداره .. مستشفى البلك فى حلتنا وسينما الثوره فى حلتنا .. حتى مركز الشرطه فى الرابعه .. وسوق الرابعه .. مركز حارات الثوره .. وعشان ماتزعل كمان عندنا
اكبر مسجد فى الثورات .. مسجد البلك ........


طيب الجابك العباسية حي الامراء شنو وقت ده كلو عندكم sss1

طبقة الأزون
21-05-2007, 10:53
هههههههههههههههههه
طبوقي كنت بتشاغل بنات النقاده sss1


أنا مابشاغل البنات .. البنات كانو بيشاغلونى .. هو بنات النقاده لاقيننا وين .. عشان نشاغلهم .. ( العيون الناعسه .. والرقه الزايده ) .. والله سعيده البنجى جبنها .. نحنا كنا بنبارى ( مخلوط الخضار ) ..

طبقة الأزون
21-05-2007, 10:56
طيب الجابك العباسية حي الامراء شنو وقت ده كلو عندكم sss1


يالحبيب .. العباسيه دى عشت فيها وأنا عمرى سته شهور ولمن رحلنا الرابعه كان عمرى سنتين ونص .. يعنى قدر إيان ....

علاقات الوالد وإرتباطه بالعباسيه .. وقرايب المدام فى العباسيه .. دا سبب الزيارات المتقطعه للعباسيه ....

قرقور
21-05-2007, 11:05
يالحبيب .. العباسيه دى عشت فيها وأنا عمرى سته شهور ولمن رحلنا الرابعه كان عمرى سنتين ونص .. يعنى قدر إيان ....
علاقات الوالد وإرتباطه بالعباسيه .. وقرايب المدام فى العباسيه .. دا سبب الزيارات المتقطعه للعباسيه ....


طيب ما تقول ناس عبدالرحمن هم الجابوك شنو رحلتا وعمري سنتين والكلام ده sss1

طبقة الأزون
21-05-2007, 11:17
طيب ما تقول ناس عبدالرحمن هم الجابوك شنو رحلتا وعمري سنتين والكلام ده sss1




وحاة الله ورسول مكه .. ياهو دا الحصل ....

قرقور
21-05-2007, 11:29
وحاة الله ورسول مكه .. ياهو دا الحصل ....


خلاص مصدقك يعنى ما ناس الجزولي هم الجابوك العباسية sss1

همس الشوق
21-05-2007, 11:39
أنا مابشاغل البنات .. البنات كانو بيشاغلونى .. هو بنات النقاده لاقيننا وين .. عشان نشاغلهم .. ( العيون الناعسه .. والرقه الزايده ) .. والله سعيده البنجى جبنها .. نحنا كنا بنبارى ( مخلوط الخضار ) ..


ههههههههههههههههههههههه

هي ما تهجم بنات الناس ساكت

والله بنات النقاده ديل مساكين خلاص

في حالهم

بس حلوات شديد

وجننو بالخضار :trrr1:

قرقور
22-05-2007, 06:12
ناس امدر صباحكم ورد

قرقور
23-05-2007, 10:39
طبقة ادينا ذكرياتك في سوق امدرمان

قرقور
04-07-2007, 06:46
من جديد عودة للتسكع في حواري امدرمان

متاميلين حضارات وابداعات تلك المدينة الحالمة

همس الشوق
04-07-2007, 07:30
انا امدرمان

انا السودان

انا الدر البزين بلدي

قرقور
04-07-2007, 07:35
انا امدرمان
انا السودان
انا الدر البزين بلدي


حليل امدر وحليل ناسها

ويا عازة الفراق طال بي :trrr6:

همس الشوق
04-07-2007, 13:58
انا امدرمان سلو النيلين عني

وعن عذبات فتاي عند التجني

قرقور
11-07-2007, 06:30
ناس امدر سلام شارع شارع وزقاق زق


وصباحك خير يامدرمان

همس الشوق
11-07-2007, 09:36
لي في المسالمة غزااااااااااااال

نافر بغني عليهو

قرقور
11-07-2007, 10:57
لي في المسالمة غزااااااااااااال
نافر بغني عليهو


اخ ياهمس من ناس المسالمة وحلاوة المسالمة

قرقور
14-07-2007, 10:58
ناس امدر سلام

همس الشوق
14-07-2007, 11:02
اخ ياهمس من ناس المسالمة وحلاوة المسالمة
من المسالمة ومسلمة
وفي حماها ده الحياء احتمى

قرقور
14-07-2007, 11:26
من المسالمة ومسلمة
وفي حماها ده الحياء احتمى


يا سلام على ناس المسالة وحياء ناس المسالمة

وبرضو لي في المسالمة غزال

همس الشوق
15-07-2007, 09:24
قرقور قلبته علينا المواجع
وذكرتنا المسالمة وناس المسالمة

طبقة الأزون
15-07-2007, 09:33
قرقور قلبته علينا المواجع
وذكرتنا المسالمة وناس المسالمة



اهل امدر .. سلام قدر الليله وبكره ...
الثورات .. الرابعه .. بيتنا جنب مشتفى البلك ..
الحقونا .. ياناس المسالمه .. والركابيه ...

همس الشوق
15-07-2007, 09:39
اهل امدر .. سلام قدر الليله وبكره ...
الثورات .. الرابعه .. بيتنا جنب مشتفى البلك ..
الحقونا .. ياناس المسالمه .. والركابيه ...

سلام يا ناس الثورات يا لذاذ

بنلحقكم بي ركشة او تاكسي تعاوني المهم بجيكم بي شارع النص ولا الشنقيطي sss1
مستشفى البلك وسينما الرابعة ............ وسوق الرابعة والهيصه ومدرسة كرري للبنات والجكس النضيف :trrr3:

طبقة الأزون
15-07-2007, 09:45
سلام يا ناس الثورات يا لذاذ
بنلحقكم بي ركشة او تاكسي تعاوني المهم بجيكم بي شارع النص ولا الشنقيطي sss1
مستشفى البلك وسينما الرابعة ............ وسوق الرابعة والهيصه ومدرسة كرري للبنات والجكس النضيف :trrr3:



ومدرسة البلك للبنات .. ومدرسة بابكر سرور للبنات .. اسماء فوزى للبنات ..
دى مدارس قديمه .. ياربى لسع فى ولا قفلوها ..\هموسه .. إنتى درستى وين ؟؟؟
شاحدك ياربى .. فى مدرسة بيت الامانه بنات ....

همس الشوق
15-07-2007, 09:49
ومدرسة البلك للبنات .. ومدرسة بابكر سرور للبنات .. اسماء فوزى للبنات ..
دى مدارس قديمه .. ياربى لسع فى ولا قفلوها ..\هموسه .. إنتى درستى وين ؟؟؟
شاحدك ياربى .. فى مدرسة بيت الامانه بنات ....
والله تمنيت اني اقرا في بيت الامانة ...................
بس ما حصلتها ....كان قفلوها sss1

موبي
15-07-2007, 11:52
:
يافرد بعد تتعشوا تعالو قاشننا
انتظرونى فى المسطبة بتاعة بقالة النتيفة
لانو غاشى صاحبى رضا ودعمك حسن حامد ده وبجى




وسلم معاك على عثمان

وكمان اولاد كلانا

قرقور
15-07-2007, 12:52
همس وطبقة عوافي

اخ من جكس اسماء فوزي وبابكر سرو

وبيت الامان وكمان الاسقفية

طبقة على ايامكم بيت الامانة كانت كيف نحنا غايتو حضرنها زمن الشريعة وانتا جاي

طبقة الأزون
16-07-2007, 09:20
همس وطبقة عوافي
اخ من جكس اسماء فوزي وبابكر سرو
وبيت الامان وكمان الاسقفية
طبقة على ايامكم بيت الامانة كانت كيف نحنا غايتو حضرنها زمن الشريعة وانتا جاي


البنات كانو بلبسو .. الكبدى .. وأهم شىء الشربات .. البيضاء مع الجزمه الرياضيه .. عارف ليه .. عشان التسلل .. وخاصة فى خط سته ......

همس الشوق
16-07-2007, 09:53
البنات كانو بلبسو .. الكبدى .. وأهم شىء الشربات .. البيضاء مع الجزمه الرياضيه .. عارف ليه .. عشان التسلل .. وخاصة فى خط سته ......
ههههههههههههههههههههههه
طبقه ..........
بالله انت من زمن البنات بمشو المدرسة بالكبدي والشرابات ......... يا انت قديم خلاص sss1

نحن زمن اللبني واللبني جنني وبنطول الجينز ......... ايام

طبقة الأزون
16-07-2007, 11:33
ههههههههههههههههههههههه
طبقه ..........
بالله انت من زمن البنات بمشو المدرسة بالكبدي والشرابات ......... يا انت قديم خلاص sss1

نحن زمن اللبني واللبني جنني وبنطول الجينز ......... ايام


يابت زمنكم زمن الشريعه .. وزمن الشريعه مافى تقليعه ...

زمان .. اشكال والوان ذى ماتدور .. شباب ياناس خدع البلور .. وانا ماقايل .. حلوين ذى ديل بلاقونى ...

قرقور
29-07-2007, 06:58
امدر ايتها المدينة الفاضلة

صباحك خير صباحك كلو محنة

قرقور
31-07-2007, 06:47
ناس امدر سلام

همس الشوق
31-07-2007, 07:59
صباحكم سمك من المورده
حاااااااااااااااااااااااار

طبقة الأزون
31-07-2007, 09:25
صباحكم سمك من المورده
حاااااااااااااااااااااااار


وصباحك .. سمك فليه .. من اللوتس ....

همس الشوق
31-07-2007, 09:37
وصباحك .. سمك فليه .. من اللوتس ....


هههههههههههههههههههههههههههه
طبقة يا اجمل صباح

لكن ما قلته لي اللوتس ده ماااااااااااا عرفتو
ده مطعم سمك في قطر ولا شنو

طبقة الأزون
31-07-2007, 11:29
هههههههههههههههههههههههههههه
طبقة يا اجمل صباح
لكن ما قلته لي اللوتس ده ماااااااااااا عرفتو
ده مطعم سمك في قطر ولا شنو



يابت مابتعرفى اللوتس .. الله يلعن الغربه وسنين الغربه .. شارع المطار .. الجكس بتاع مامون حميده كلو ملموم هناك ...

قرقور
31-07-2007, 11:31
صباحكم سمك من المورده
حاااااااااااااااااااااااار

ومعاو شطة وسلطة طمام زي الورد

همس الشوق
31-07-2007, 11:40
يابت مابتعرفى اللوتس .. الله يلعن الغربه وسنين الغربه .. شارع المطار .. الجكس بتاع مامون حميده كلو ملموم هناك ...


عاد انا ما حضرته الزمن ده

عيون في الغربة بكايا

همس الشوق
31-07-2007, 11:41
ومعاو شطة وسلطة طمام زي الورد


وعيش حااااااااااااااااااااااااااار من طابونة حجوج sss1

العنقاء
31-07-2007, 21:25
أمدر يا ربوع سودانا
نحيك وإنت كل اوطانا
d44564543

قرقور
01-08-2007, 06:42
أمدر يا ربوع سودانا
نحيك وإنت كل اوطانا
d44564543

اااااااااااااااااااااااااااي عباسية مية المية


عنقاء مشتاقووووون

حمزة جبريل
01-08-2007, 07:53
اااااااااااااااااااااااااااي عباسية مية المية
عنقاء مشتاقووووون
اوووووووه
عباسية موردة

قرقور
01-08-2007, 08:37
اوووووووه
عباسية موردة


ممزوج الشوق كمياااااااااااااات

قرقور
16-08-2007, 07:01
سلام ناس امدر الحنان

همس الشوق
16-08-2007, 07:20
سلام خاص لناس ام در أهلي

قرقور
16-08-2007, 07:41
سلام خاص لناس ام در أهلي

سلام لوردة المسالمة المفرهدة وندية


سلام منى لست الحسان احلى تحية

مجدوني
16-08-2007, 13:07
سلام لوردة المسالمة المفرهدة وندية


سلام منى لست الحسان احلى تحية




حليل امدر حليل ناسا



قرقور

المرة الفاتت مشينا حفلة لقيت ليك عبدو ملح تاااااااااااااااااااااكل جنب الغناية

عملت حمد لبد طوالي

مجدوني
16-08-2007, 13:08
سلام خاص لناس ام در أهلي




ناس امدر ديل ظاهريييييييييييييييييييييييييييييييييييييييييييييي ييييييييييييييييييييييييييين


حلاوتهم دي ما بتتدسى نهائي

همس الشوق
16-08-2007, 13:18
سلام لوردة المسالمة المفرهدة وندية


سلام منى لست الحسان احلى تحية


سلام يا قرقور

تسلم يا زوق

همس الشوق
16-08-2007, 13:23
ناس امدر ديل ظاهريييييييييييييييييييييييييييييييييييييييييييييي ييييييييييييييييييييييييييين


حلاوتهم دي ما بتتدسى نهائي

شكرااااااااااااااااااااااااااااااااااان يا مجدوني

والله خجلتني عديييييل كدا

الجنتل
16-08-2007, 13:26
شكرااااااااااااااااااااااااااااااااااان يا مجدوني

والله خجلتني عديييييل كدا

وبالذات حلاوتهم تظهر لما تخلط بشوية راحات 00في الامارات sss1

همس الشوق
16-08-2007, 13:32
وبالذات حلاوتهم تظهر لما تخلط بشوية راحات 00في الامارات sss1

بعض الرتوش لا ضير منها ........sss1

بس لا للتغيير الجزري

ودالتوم
18-08-2007, 00:30
حليل امدر حليل ناسا



قرقور

المرة الفاتت مشينا حفلة لقيت ليك عبدو ملح تاااااااااااااااااااااكل جنب الغناية

عملت حمد لبد طوالي

هو عبدو ملح دا ورانا ورانا شهانا العافية ذاتو sss1 sss1 sss1

مجدوني
19-08-2007, 10:48
هو عبدو ملح دا ورانا ورانا شهانا العافية ذاتو sss1 sss1 sss1




ههههههههههههههههههههههههههه

والله صحي

قرقور
26-08-2007, 06:43
طريت امدر حنان ناسها


ناس امدر صباحكم مشرق

همس الشوق
26-08-2007, 07:52
ناس امدرمان

ازيكم

الاخبار شنو

قرقور
26-08-2007, 08:02
ناس امدرمان

ازيكم

الاخبار شنو

الاخبار مية مية واقف في شارع كرري بعاين للجكس

sss1

همس الشوق
26-08-2007, 08:05
الاخبار مية مية واقف في شارع كرري بعاين للجكس

sss1

والله فوقك انا يا جميل
شارع كرري مر طويل

قرقور
26-08-2007, 08:09
والله فوقك انا يا جميل
شارع كرري مر طويل

ونمشى قدام هناك تقاطع العمدة محل الجكس البيحمى الغمده

مجدوني
26-08-2007, 09:57
ونمشى قدام هناك تقاطع العمدة محل الجكس البيحمى الغمده




حليل جكس ابروف

سمع وشوف

قرقور
26-08-2007, 10:00
حليل جكس ابروف

سمع وشوف

حليل ازمن الجكس الحلو حي مكى واستوب وداورو

طبقة الأزون
26-08-2007, 10:19
حليل ازمن الجكس الحلو حي مكى واستوب وداورو


العاشره .. حلاتها ظاهره
الرابعه .. بناته روعه

كل واحد يغنى لناس حلتو .. وحلة مرتو .. والماعندو .. مره .. يطلع بره .. الشغله دى ... بس البنات بنستثينهم من الكلام دا ...

قرقور
26-08-2007, 10:24
ضيعنى الساكن الموردة

مجدوني
26-08-2007, 10:36
العاشره .. حلاتها ظاهره
الرابعه .. بناته روعه

كل واحد يغنى لناس حلتو .. وحلة مرتو .. والماعندو .. مره .. يطلع بره .. الشغله دى ... بس البنات بنستثينهم من الكلام دا ...




لو جيت مسكت ليك امدر دي كل حلة بطلع ليك منها متزوج فيها تلاتة اربعة

ناس العاشرة ديل فيهم هيثم؟:D



المره ما الا بعقد عند مأزون يا طبقبقdd13

حليل الاهلية

مجدوني
26-08-2007, 10:37
ضيعنى الساكن الموردة




عباسية موردة

حليل سوريس

وما تسالني سوريس منو



نادي ودالعباسية واسالو منها ولو ما بعرفها معناها قاعد في السهله ساااااااااااي

طبقة الأزون
26-08-2007, 10:52
المره ما الا بعقد عند مأزون يا طبقبقdd13

حليل الاهلية

مجدونى ... دن ته طلعت أى كلام ياعم ..

شنو يعنى .. لمن كنته فى الأهليه .. كنته عاقد على واحده بدون مأذون ..
زواج عرفى .. يعنى .. ليك حق تقول .. الواحد عندو ثلاثه واربعه .. غير الجكس ..

حليل زمن الرجـــــــــال ..

مجدوني
26-08-2007, 10:55
مجدونى ... دن ته طلعت أى كلام ياعم ..

شنو يعنى .. لمن كنته فى الأهليه .. كنته عاقد على واحده بدون مأذون ..
زواج عرفى .. يعنى .. ليك حق تقول .. الواحد عندو ثلاثه واربعه .. غير الجكس ..

حليل زمن الرجـــــــــال ..




الرجال ماتو في كرري يا عمك:D


وعقد دة ما عقدنا ونحمد ربنا عمرنا ما عملنا لينا معصية

قرقور
07-09-2007, 18:28
الليلة عباسية مية مية
نبدا بزيدان ابراهيم العندليب الاسمر


ولد الفنان زيدان ابراهيم بحى العباسية بامدرمان فى منتصف الاربعينات ومن الطريف نجد ان الفنان الراحل الكاشف هو الذى صمم له المشاية التى تساعد الاطفال على المشى سريعا بحكم مهنته فى ذالك الزمان كنجار , بدأ مراحله الدراسية الاولية بمدينة كادوقلى حيث كان يعمل بها والده وعاد مرة اخرى لامدرمان ليواصل بمدرسة بيت الامانة والمرحلة الوسطى بمدرسة حى العرب والثانوى بالاهلية امدرمان..

فى مرحلة الثانوىانضم الى فرقة الموسيقى المدرسية تحت اشراف الاستاذ محمد احمد قاسم المسؤل عن النشاط الموسيقى
بالمدرسة و بدات موهبته تتفتح كعازف مزمار مؤدى لاغانى الكاشفو ورودى والكابلى تعلم العود تحت اشراف الموسيقار صالح عركى عام 1960 واصبح يجيد اغانى وردى اجادة تامة مما اطلق عليه لقب ورودىالصغير..

ونجد رغم عدم اختياره فى احتفالات بخت الرضاء بأعتباره ان صوته لا يصلح للغناء لم يياس ولم يفقد الامل حتى اجيز صوته امام لجنة الاصوات بالاذاعة عام 1963 وأجيز بالاجماع بعد ان غنى لهم (بالى مشغول يا حبيبى - ماهو عارف-بينى وبينك والايام) والفضل يرجع الى الشاعر عوض احمد خليفه الذى شجعه ووجه الى ان وصل الى مايكرفون الاذاعة.

ومشوار زيدان يستحق التوقف لانه مشوار مر بعدة مراحل يمكن اعتبار المرحلة الاولى كانت ظهوره بفن جديد ورؤية فنية جديدة قدم فيها باقةمن الاغانى (بالى مشغول يا حيبى)الحان عبداللطيف خضر وكلمات عوض احمد خليفه بجانب (ما سألت يوم عليك- لغيرك ما بقدر الوم-من الحان السنى الضوى)- واغنية( ووداع ) وخلال تلك المرحلة تأثر زيدان وتأثر به الموسيقار الراحل احمد زاهر الذى لعب دورا بارزا فى بناء شهرته ودعم مكانته الفنية فقدم له من الحانه (معذرة -اكون فرحان-) واستطاع من خلال ما قدم ان يضع قدميه ويتدرج فى النجاح خاصة فى تلك المرحلة التى كانت الساحة الفنية تعج بالعديد من عمالفة الفن .

اما المرحلةالثانية فمرحلة الانطلاق عام 1969 بدا فيها منطلقا بخطى سريعة حيث قدم من الحانه الخاصة (مااصلو ريد-قصر الشوق- فراش القاش -فى بعدك يا غالى -ليه كل العذاب) وقد احدثت ضجة فى دنيا الاعانى لانها ابتكارات جديدة فنية. وتعد اغنية فراش القاش بولونيتها الجديدة ومقدمتها الموسيقة القصيرة التى كتب كلماتها الشاعر التجانى حاج موسى ولحنها الفنان عمر الشاعر وكانت بداية انطلاق الثنائى زيدان وعمر الشاعر ليملأ الساحة الفنية شجنا وطربا.

المرحلة الثالثة مرحلة (اخونك-نبع الحنان-غرام الروح كذالك لحن فيها اغنية كلمة عتاب لمين ونشيد ابريل الحديث كان
للدكتور الفاتح الطاهر فى جريدة الصحافة بتاريخ 27رمضان 1406 الموافق 4/6/1986 ومنذ تلك الفترة واصل وما زال فنانا الكبير يقدم العديد من الروائع واشتهر بأدئه الجميل لاغنية المرحوم الكاشف(الذكريات) واذكر فى اكثر م لقاء عبر الاذاعة وبحضور الفنان الراحل الشفيع واعجابه يغنيها .

وزيدان فنان مرهف اشتهر بالدعابة والنكته حتى فى الحفلات العامة وله اسلوب شيق فى االحفلات العامة وعلى سبيل المثل فترة انتفاضة ابريل وشارك كيثرا فى الحفلات ذو الطابع الاجتماعى التكافلىونجده فى المناسبات الخاصة مشاركا فى كثير من الاحيان دون وضع للمسألة الماليه وفى اخر حفل له بحدائق الاذاعة بمناسبة عيد رمضان الذى مضى شارك بالغناء بالرغم من ظروفه المرضية..

والمتتبع لمسيرة هذا المبدع العبقري لا يجهد كثيرا في أن يكتشف ما وصل إليه من مكانة فنية عالية شكلت علامة فارقة في مسيرة الأغنية السودانية وكانت عاملاً في تشكيل وجدان أجيال أواخر الستينات وكل جيل السبعينات وجل جيل الثمانينات أو " أجيال الزمن الرومانسي" - إن صح التعبير - ليست محض حالة إبداعية عابرة بقدر ما هي عبقرية متجذرة ، وما أسهل التدليل على ذلك عندما يتكشف لنا أن هذا المرهف ذو الحساسية العالية في اكتشاف النصوص الشعرية والقدرة الفذة على استشفاف الألحان العذبة هو من انتقى نص "داوي ناري" للشاعر المصري د0 د0 إبراهيم ناجي عندما كان في السادسة عشر من عمره!!!

وزيدان بلا شك هو واحد من أولئك الذين تربعوا على عرش الأغنية العاطفية بما أسبغه عليها من إضافة نوعية على المستويين الشعري واللحني0 وهو بحضوره الطاغي الذي يميزه على كثير من المبدعين وبحنجرته عظيمة التطريب كان وما زال مبدعاً نموذجي قل أن يجود الزمان بمثله 0 وزيدان لمن يعرفونه عن قرب مثقف عالي الثقافة ذو حساسية عالية في انتقاء النصوص الشعرية كثيفة الصور الجمالية وهذا ما جنبه مزالق الأغاني الهابطة دوماً0 و لزيدان محطات تعاون إبداعية مع كثير من الملحنين والشعراء الذي شكلوا نقلات مهمة في مسيرة إبداعه، إلا أن ثنائيته المتفردة مع الملحن الرائع عمر الشاعر تبقى نقلة استثنائية مهمة لما توفر لها من "تناغم" على الصعيدين الشخصي والإبداعي مما أنتج أغنيات شكلت بدورها علامات فارقة في مسيرة الأغنية العاطفية

وهكذا زيدان عبر كل هذه السنين العطرة التى فاح عبيرها واسكرنا والحديث عنه لا ينتهى ..


منقول

mohallb
29-09-2007, 02:18
والله يا قرقور زمن 000000

وينك مختفى ؟؟؟؟

حرامى الجداد
29-09-2007, 02:50
والله كلامكم حلو وجميل انا امدرمانى من ودأرو وطالما التجمع من الدوحة نخش معاكم ونقول ليكم تعالوا جاى بطرف مدرسة الهداية ومدرسة ابوقرجة واعرفوا لي مدرسة الام الثانوية كانت بدايتها وين وسبيل خلف الله ودار الذكرى ونواصل .

حرامى الجداد
29-09-2007, 03:01
يازول الجزيرة حبابك عشرة جر ببمبرك اتكل كراعه بي درابها انا من ناس ودأرو وبقول ليكم تعالوا جاي على مدرسة الهداية والاستاذ خالد ابوالروس ومدرسة ابوقرجة والاستاذ محمد الغول ومروا على شارع ابوروف وكوز موية من سبيل خلف الله وصلوا المغرب يا فى زاوية التجانية مع شيخ سلامة اوفي دار الذكرى وشليوا اغانى وردى القديمة مع بنات المهدى الثانوية وكوعوا في ميدان البحيرة .

قرقور
29-10-2007, 23:45
وداورو الشباب الحلوووو

ترب الشهدا

دكان اليماني


ناس العماس وبت بتى

mohamed merghani
30-10-2007, 09:05
داير أحكي ليكم اللف الزمان الكنت بلفو للأفران بحثآ عن الرغيف ... زمن الرغيف معدوم .. وهو الرغيف براهو الكان معدوم ? أي حاجة كان فيها أزمة .. حتي التمباك .. وتشهد أغنية يوم قاااالو التمباك معدوم شايل حقتك وتحوم ... حقتك دي بضم الحوووو عشان ما تفهمونا غلط وكدا sss1
نرجع لموضوع الأفران ...
من حي الركابية وعبر ميدان البيان ومرورآ ببرعي المصري بتاع الشعير وقطع الزلط لمخبز الأفراح الما كان آلي في الزمن داك ... تلقي عمك بشير العبادي عليه رحمة الله متوكئآ عصاه أمام المخبز والزول الببيع يقول لكل من يسأل إنو الرغيف حيجهز بعد ساعتين !!!
ساعتييييين ???? دي الساعة خمسة صباحآ وجرس الطابور بضرب الساعة سبعة ونص ... يعني كان قعدنا استنينا الرغيف لما يطلع أستاذ صلاح السواكني دا بعفينا لو اتأخرنا ?دا كان صعب صعوبية ... بجلد في الأول بعدين بسأل إتأخرت مالك ...
مافي طريقة نستني ... فنتجه شرقآ نحو إستوب مكي ومخبز عبدالرحيم البرضو ما كان آلي ... عمك عبدالرحيم تلقاهو صاري وشو وببخبخ في سيجارتو ... ولا كلمة طيبة ... وزول تسألو مافي ... والناس خاتة مخاليها في الصف وتاكلينها بي حجار وقاعدين في المصطبة قدام الفرن والمصاطب المقابلة بتاعت عمك أحمد علي الصائغ وعطا محمد زين الحلاق ... شكلك كدا يا قرقور كنت بتمشي تحلق عندو عامل قطعيتك الفي نص راسك دي sss1 sss1
اها الصف دا كان قعدنا باريناهو الحصة التانية ما بنلحقها ...
نقوم نباري الزلط تجاه مخبز عبدالله خليل لأنو الفرن الجنب استوب ودأرو داك طوالي رغيفو محجوز لمناسبات وشباكو الأخضر داك ما بفتحوهو إلا نااااااادر ............ نادر خضر sss1
نلقي ليك فرن عبدالله خليل مقفل ...ونتجه غربآ عبر شارع السيد علي لفرن ود معني ... والله الفرن دا التقول بعمل الرغيف بالأسبوع .... دايمآ رغيفو بايت ومضبلن ومر التقول ساوينو بالفتريتة .... ورغيف زي دا لو جبتو البيت الحاج حيفلقني بيهو ...
ونباري ليك شارع السيد علي غربآ نحو السوق ...وفي نص الطريق نلقي شئ إسمو المخبز الإسلامي ....والمخبز دا لحد هسع إسمو محيرني وغايظني .... يعني شنو مخبز إسلامي ??
يمكن يكون عجينو مخموج بماء زمزم ونار فرنو ذات لهب وخميرتو يحسبها الجاهل الدر والمرجان من اللمعان .... فرن زيو وزي أي فرن تاني .... إسلامي دي لزومها شنو ? يعني باقي الأفران كفار ????
وأهو رغم إنو فرن إسلامي برررررررضو ما فيهو رغيف sss1 sss1
ونمشي بابا كوستا في المحطة الوسطي جنب النقطة .... والفرن دا بالذات أمي ما بتدورني أمشي ليهو .... تفتكرو لييييييييه ???

قرقور
30-10-2007, 09:48
الله عليك يا ودالخليفة

ذكرتني قومة بدري وحجز الصف للرغف والجري مابين فرن العطاء وفرن البخيت

حليل زمن يش بابا كوستا الاغريقى (انتا زول قديم خلاص )

كونتينا
05-11-2007, 15:19
قرقور نهارك سعيد والله بالجد فاتنا البوست الروعه ده..
وماخليتو حاجه في حبيبتنا امدرمان دي.

الجرافي
05-11-2007, 15:27
قرقور نهارك سعيد والله بالجد فاتنا البوست الروعه ده..
وماخليتو حاجه في حبيبتنا امدرمان دي.


مرحبا ..

أنا إحتمال أكون ما بعرف أم درمان ..
لكن سمعت ود الواثق بقول فيها :
لكأنك يا أم درمان من بلدٍ
أمطرتني نكداً لا جادك المطرُ
وفي جانب آخر :
المُظهرون بياض الصبح خشيتهم
والمُفسدون إذا ما صرح القمرُ

لكن والله ما عارف الحاصل شنو !!!

خصوصاً إني بسمع إنو أم درمان ومن خلال كلامكم الرائع دا إنها بلد أصالة وتراث جميل ورائع وناسا حلوييييييييييييييييييييييين حلا .. وبتمتعوا بعادات القرويين الجميلة ..


ودمتم أمدمانيين ...

كونتينا
06-11-2007, 12:17
مرحبا ..

أنا إحتمال أكون ما بعرف أم درمان ..
لكن سمعت ود الواثق بقول فيها :
لكأنك يا أم درمان من بلدٍ
أمطرتني نكداً لا جادك المطرُ
وفي جانب آخر :
المُظهرون بياض الصبح خشيتهم
والمُفسدون إذا ما صرح القمرُ

لكن والله ما عارف الحاصل شنو !!!

خصوصاً إني بسمع إنو أم درمان ومن خلال كلامكم الرائع دا إنها بلد أصالة وتراث جميل ورائع وناسا حلوييييييييييييييييييييييين حلا .. وبتمتعوا بعادات القرويين الجميلة ..


ودمتم أمدمانيين ...


الجرافى تحياتى ومرحب بيك ....
ما حتعرف حقيقة امدرمان وحبها الذى يجرى فى دماء اهلها وكل السودانيين الا بعد ان تراها وترى كل الجمال والروعة الكامنة وفى شورعها وأزقتها ...
أمدرمان عزيزى حكاية لاتنتهى فصولها ..
نشوفك :rolleyes: ..

قرقور
06-11-2007, 12:27
الجرافى تحياتى ومرحب بيك ....
ما حتعرف حقيقة امدرمان وحبها الذى يجرى فى دماء اهلها وكل السودانيين الا بعد ان تراها وترى كل الجمال والروعة الكامنة وفى شورعها وأزقتها ...
أمدرمان عزيزى حكاية لاتنتهى فصولها ..
نشوفك :rolleyes: ..

صدقت اخوي كونتينا امدرمان تعرفها تعال شوفها تلقى اكتر من ما تسمع عنها


السيد الواثق ده ابن عاق لامدرمان وبوستبنا ده رد لكلامو في امدرمان شوف نحنا كم قالو وكم لسة ما قلو في حب امدرمان

كونتينا
06-11-2007, 12:30
صدقت اخوي كونتينا امدرمان تعرفها تعال شوفها تلقى اكتر من ما تسمع عنها


السيد الواثق ده ابن عاق لامدرمان وبوستبنا ده رد لكلامو في امدرمان شوف نحنا كم قالو وكم لسة ما قلو في حب امدرمان

قرقور تحياتى ...
الجرافى دة الا يجى ويشوف بنفسو .... قدمو ليهو دعوة .
بس ماتعجبو امدرمان ويحتل بى عدلو فيها :d :d

قرقور
06-11-2007, 12:43
قرقور تحياتى ...
الجرافى دة الا يجى ويشوف بنفسو .... قدمو ليهو دعوة .
بس ماتعجبو امدرمان ويحتل بى عدلو فيها :d :d

يازول حبابو عشرة الجرافي امدرمان خيره وافر تكفي كل الناس ولا شنو


ماقلت لي من وين في امدرمان

كونتينا
06-11-2007, 12:51
يازول حبابو عشرة الجرافي امدرمان خيره وافر تكفي كل الناس ولا شنو


ماقلت لي من وين في امدرمان


مرحب بيهو ...



من هناك:d :d ياقرقور

ودالشيخ
06-11-2007, 20:30
امدر اصيل امدر حضارة

كونتينا
06-11-2007, 20:57
اهلا ود الشيخ . ومساء الخير علي كل الشباب .
شكل من محبي امدر شديد..

قرقور
06-11-2007, 21:00
مرحب بيهو ...



من هناك:d :d ياقرقور



هناك وين يا جميل عشان نبحر معاك هناك ونفتش عن جنال امدر الزروع هناك

كونتينا
06-11-2007, 21:14
قرقور مساء الخير ..
خلينا نعود الي بعض الزكريات من شارع العرضه والاربعين مرورا بمدرسة بشير محمد سعيد الأسي جابو جكس مدرسة العودة مكانها وشارع مدرسة التأهيله وجكسيهو مرورا بشارع الدكاترة الي الشهداء .. رايك شنو في خط السير دة..

طبقة الأزون
06-11-2007, 21:16
جاكم كبير القعده .. ود امدرمان .. الثورات .. الناس الحلوين ...

أى إستفسار عن ام در ولا الطابيه .. ولا معهد سكينه ولا امدرمان الاهليه بنات .. وكان دا كلو ماكفى .. تعالو الدايات .. بيت ناس فتحيه ابوالعلا .. بوابة عبدالقيوم .. دار الرياضه .........

بحب الكوره .. بيت المال وابوروف .. المانيا الغربيه مع المانيا الشر قيه ؟؟؟؟؟

قرقور
06-11-2007, 21:20
جاكم كبير القعده .. ود امدرمان .. الثورات .. الناس الحلوين ...

أى إستفسار عن ام در ولا الطابيه .. ولا معهد سكينه ولا امدرمان الاهليه بنات .. وكان دا كلو ماكفى .. تعالو الدايات .. بيت ناس فتحيه ابوالعلا .. بوابة عبدالقيوم .. دار الرياضه .........

بحب الكوره .. بيت المال وابوروف .. المانيا الغربيه مع المانيا الشر قيه ؟؟؟؟؟

طبقة عليك الله ورينى امدرمان الاهلية بنات دي وين وجبتها من وين sss1


طبقة شكل بخرتا اسمها امدرمان الاميرية بنات دي متوسطة والثانوية اسمها امدرمان بنات

قرقور
06-11-2007, 21:24
قرقور مساء الخير ..
خلينا نعود الي بعض الزكريات من شارع العرضه والاربعين مرورا بمدرسة بشير محمد سعيد الأسي جابو جكس مدرسة العودة مكانها وشارع مدرسة التأهيله وجكسيهو مرورا بشارع الدكاترة الي الشهداء .. رايك شنو في خط السير دة..



كونتينا با اخوي خط سير ما عادي نسيت مكتبة البشير الريح صرح الثقافة في امدرمان وتحت تحت محل مقابلة الجكس تغلبك القراية تقول ماشى اقرا في مكتبة البشير الريح

طبقة الأزون
06-11-2007, 21:25
طبقة عليك الله ورينى امدرمان الاهلية بنات دي وين وجبتها من وين sss1


طبقة شكل بخرتا اسمها امدرمان الاميرية بنات دي متوسطة والثانوية اسمها امدرمان بنات


ولا تزعل نفسك .. امدرمان بنات .. دى مش الكان بتقرأ فيها البلبله حياة طلسم .. كنت بتلبد ليها وين عشان تشوفها ياقرقور؟؟؟؟

ابوالتومات
06-11-2007, 21:25
سلام
منوفيكم بعرف فريق الرباطاب ياشباب

قرقور
06-11-2007, 21:30
سلام
منوفيكم بعرف فريق الرباطاب ياشباب



ابوالتومات شارع الربطاب بقع ورا مستشفى التجني الماحي وفيهو التيمان محل بيبع البخور والعسل

الرباطاب جزء من حي البوسطة وهو شارع اسمو شارع الرباطاب

ابوالتومات
06-11-2007, 21:35
ابوالتومات شارع الربطاب بقع ورا مستشفى التجاني الماحي وفيهو التيمان محل بيبع البخور والعسل

الرباطاب جزء من حي البوسطة وهو شارع اسمو شارع الرباطاب

صح بث فريق الرباطاب داخل حى البوستة غرب تجانى الماحى تحديدأ
واقول بفخر انا مولود هنا فى الفريق دة وبعدين مشيت عرضة المهدى واخيرأ المهندسين

قرقور
06-11-2007, 21:49
صح بث فريق الرباطاب داخل حى البوستة غرب تجانى الماحى تحديدأ
واقول بفخر انا مولود هنا فى الفريق دة وبعدين مشيت عرضة المهدى واخيرأ المهندسين

ابو التومات حبابك الف يازول مرحب بيك بين ناس واهل ناس امدر

طبقة الأزون
07-11-2007, 11:30
أم در لذيذه خلاص .. انا وين ياناس ....

قرقور
07-11-2007, 11:35
....


أم در لذيذه خلاص .. انا وين ياناس

العنقاء
07-11-2007, 14:17
الأربعين شارعين
ده ناسو بملو العين
من سناده لعبادين
:trrr6:

قرقور
سلام وعوافي
في بوست في سودانيز أون لاين
مبالغة عن العباسيه
فيهو أسامي لشوارع اول مره أعرفها:rolleyes:
خليني ارجع من( القشر ده:mad: ) وأفتشو ليك بهناك واجيبو
وكمان كان مره عليك جيبو:D

قرقور
07-11-2007, 19:34
الأربعين شارعين
ده ناسو بملو العين
من سناده لعبادين
:trrr6:

قرقور
سلام وعوافي
في بوست في سودانيز أون لاين
مبالغة عن العباسيه
فيهو أسامي لشوارع اول مره أعرفها:rolleyes:
خليني ارجع من( القشر ده:mad: ) وأفتشو ليك بهناك واجيبو
وكمان كان مره عليك جيبو:D

ااااااااااااااااااااااااااي عباسية مية مية

قرقور
13-03-2008, 14:16
امدرمان وذكريات امدرمان تمتد الايام دي المولد قرب وحليل ميدان المولد


حليل زفة المولد مشهد عايشناهو نحنا صغار فرقة موسيقى الشرطة

وكل اهل امدرمان بطلعو في زفة المولد تلف كل احياء امدرمان

وتنتهي في حوش الخليفة ساحة المولد

حليل ناس القرمانية في وادورو ونحنا صغار كنا نمشى نشتري منهم حلاوة المولد

ومصنع السر المغربي في الموردة

الجلب
14-03-2008, 04:18
ياسلام علي ايام المولد ايام كنا نمشى من ودنوباوى لحوش الخليفه كدارى ونشترى حلاوة المولد من الطيب سيد مكى الله يرجعنا لى بلدنا هس لى 9 سنين ماحضرت مولد فى السودان

قرقور
19-07-2008, 17:25
امدر الجمال

طبقة الأزون
20-07-2008, 10:12
ياسلام علي ايام المولد ايام كنا نمشى من ودنوباوى لحوش الخليفه كدارى ونشترى حلاوة المولد من الطيب سيد مكى الله يرجعنا لى بلدنا هس لى 9 سنين ماحضرت مولد فى السودان



أحلى حاجه كانت فى المولد فى حوش الخليفه الناس تجى محل الزحمه وبطريقه فنيه يقوموا يدبسوا ليك توب واحده مع جلابية رجال وتبعد ... دقيقتين مافى تلقى الشكله ولعت والغبار ملأ المكان ....

العمل كدا منو ... ديل ناس قرقور ذاتهم ولاد العباسيه والمورده والاربعين بس مافى غيرهم ...

كليل
20-07-2008, 13:11
قرقور يلا نمشي لحدي ابو رؤف والونسة في دكان ابو عاقلة الفي سوق الشجرة وشاي المغرب مع ناس مرتضي علي يد الحاجة دهبابية طبعا الشاي بنظام وبرتكولات امدرمانية جميلة وبعدين نطلع كدا نمشي علي ناس احمد محمد صالح قدام هناك في حي العمدة قعدة الشيشة جنب البيت والحتا مرشوشة وعبد الناصر يجي يحكي امجادو وبطولاتو ونحنا نقعد نسمع ومعسل الجراك العجيب وبعدين نرجع طوالي نمشي الشهداء لمجدي في الدكان عشان العشاء في مطعم الجان في الهجرة وطوالي نرجع أنا والاخ نجم الدين الخال بعد الساعة ......وينزل الخال نجم الدين في المهندسين ونا ابقي مواصل لقدام.

تالا
20-07-2008, 13:23
----------------------

قرقور
20-07-2008, 13:38
انا ولدوني في الملازمين
وقضيت عمري وانا صغيرة بين الملازمين
وبيت المال وابورؤف ودنوباوي
دى كلها مناطق اهلي
وعندي اهل في الموردة برضه
وبالرغم انه بعد داك مشينا بحري
بس تلاته ارباع وقتنا بهناك

هههههههههههههه الموردة بتتقبل الملازمين دي اشك sss1

شمار ناس الملازمين ما كده

قرقور
20-07-2008, 13:40
قرقور يلا نمشي لحدي ابو رؤف والونسة في دكان ابو عاقلة الفي سوق الشجرة وشاي المغرب مع ناس مرتضي علي يد الحاجة دهبابية طبعا الشاي بنظام وبرتكولات امدرمانية جميلة وبعدين نطلع كدا نمشي علي ناس احمد محمد صالح قدام هناك في حي العمدة قعدة الشيشة جنب البيت والحتا مرشوشة وعبد الناصر يجي يحكي امجادو وبطولاتو ونحنا نقعد نسمع ومعسل الجراك العجيب وبعدين نرجع طوالي نمشي الشهداء لمجدي في الدكان عشان العشاء في مطعم الجان في الهجرة وطوالي نرجع أنا والاخ نجم الدين الخال بعد الساعة ......وينزل الخال نجم الدين في المهندسين ونا ابقي مواصل لقدام.

ابروف ود اللدر بتعرف ناس ابروف كويس يا كليل

تالا
20-07-2008, 13:42
------------------------------

قرقور
20-07-2008, 13:43
أحلى حاجه كانت فى المولد فى حوش الخليفه الناس تجى محل الزحمه وبطريقه فنيه يقوموا يدبسوا ليك توب واحده مع جلابية رجال وتبعد ... دقيقتين مافى تلقى الشكله ولعت والغبار ملأ المكان ....

العمل كدا منو ... ديل ناس قرقور ذاتهم ولاد العباسيه والمورده والاربعين بس مافى غيرهم ...

طبقة اانا غايتو حدود ذارتي البحيرة لغاية ما نقولوووو حوش الخليفة تاني صغار ياعمك

تعرف يا طبقة زمان ناس حبوبتى كانو فاتحين في بيت ازهري جنب عمارة على كايرة الزفة كانت بتجي العصر اها الشارع كلو نسوان واولاد ورجال وجو من الزغاريد والفرح بالمناسبة دي

اها ونحنا في ضنب الزفة

طبقة جربت الروحة في المولد ؟

قرقور
20-07-2008, 13:44
شمارهم كييف؟؟؟؟؟؟
طب مش تعرف ناس الموردة منو؟
يمكن تغير رائك

مــــــــــــــــــــــنو

قرقور
20-07-2008, 13:46
شمارهم كييف؟؟؟؟؟؟
طب مش تعرف ناس الموردة منو؟
يمكن تغير رائك

ما تقولي لي ناس خلف الله خالد والدرديري محمد عثمان

بقفل الجهاز وبقوم جاري

تالا
20-07-2008, 20:17
شيل رجليك في يديك وقول يا فكيك:p

قرقور
22-07-2008, 04:46
ياااااااااااااااااااااااا فكيك

قرقور
26-12-2008, 13:30
من جديد نبد اللف في امدرمان

طبقة الأزون
26-12-2008, 18:03
قرقور .....

حليل ام در حليل ناسا ....

دار الرياضه امدرمان بقت نجيله ياقرقره ....

والريفيرا .... بقت قاعه حفلات ....

باقى بوابة عبدالقيوم .... يعملوها رخام ... والطابيه يكتبو فيها ( طابية الشطرنج ) ...

زمن ياحبيب .....

طبقة الأزون
26-12-2008, 18:06
اها ماسمعت بالأحياء الجديده فى ضواحى أم در

رومانسيه للطيش ....

همس الشوق
27-12-2008, 10:04
المشكلة يا قرقور نلق ويييييييييييييين ونمشي وين ؟

أمدر خلاص خربت وإتغيرت كل ملامحها

والله أنا مشيت الحله لقيتها خرابه بس

الناس وين ؟

ناس فلان باعو البيت ومشوا الحاره الدلشتمائة

ناس فلانه إشتروا بين في غرب الحارات

حاجة تمغص ياخ

سمرية
27-12-2008, 12:15
البوست ده كان وين ياقرقور اول مرة اشوفه........
سلام لكل الامدرمانييييييين احلى ناس
ام درمان ودتنا ليها الجامعة وبعداك الصحبة الامدرمانية الجميلة .....معسكرات القراية وشارع المكتبات الشروق واخواتها زي اخوي الكاشف
شارع النص عندها فيه ذكريات برضو ياطبقة


برجع...........................

طبقة الأزون
27-12-2008, 12:21
البوست ده كان وين ياقرقور اول مرة اشوفه........
سلام لكل الامدرمانييييييين احلى ناس
ام درمان ودتنا ليها الجامعة وبعداك الصحبة الامدرمانية الجميلة .....معسكرات القراية وشارع المكتبات الشروق واخواتها زي اخوي الكاشف
شارع النص عندها فيه ذكريات برضو ياطبقة


برجع...........................



سمريه .... وين مختفيه

مرحب بيك ...

هوووووووووووووى الجابك شارع الثوره بالنص شنو كمان ...
اوعك تقولى لى جيتى بشارع مستشفى البلك ... ولا سوق الرابعه ؟؟؟؟

سمرية
27-12-2008, 13:05
ههههههههه الرابعة عندنا ليها غشوات وياما وقفنا جمب مسجد الرابعة بعد نوصل صاحبتنا ديك ونكمل القصص(مسجد الرابعة هو جامع البلك؟؟؟؟ ياطبقة)
لكن انا اساسية في التانية ويا سلااااااااااااااااااام على التانية وناسها ..........
ياقرقور مجرد مااصل اهل ديك بكون بضحك وباكل حد مااطلع وياسلام على يد حبوبتك بت وهب والله تمسد ليك راسك تفتش للصداع ماتلقاه والله ديل احلى ناس...................



الشوق كيمان :trrr6::trrr6:

هشام سعد
27-12-2008, 13:07
ازكم وعوافي

هشام سعد
27-12-2008, 13:10
امدرمان حلوة بيت المال منبع الجمال الملازمين ناس حلوووين

تسلم قرقور ويسلمو كل المتداخلين

قرقور
27-12-2008, 13:21
سمرية الله جابك بوست امدرمان

اها قلتي لي حبوبتي

عارفها حنينة

سمرية
27-12-2008, 13:54
سمرية الله جابك بوست امدرمان

اها قلتي لي حبوبتي

عارفها حنينة

قرقور كيقنك مية مية؟؟

مافي بوست لامدرمان الاهليه؟؟؟؟؟؟؟؟؟؟؟؟:trrr1:

قرقور
27-12-2008, 14:27
قرقور كيقنك مية مية؟؟

مافي بوست لامدرمان الاهليه؟؟؟؟؟؟؟؟؟؟؟؟:trrr1:

سمرية في بوست بفتشو بجيبو لييك

طبقة الأزون
27-12-2008, 23:26
ههههههههه الرابعة عندنا ليها غشوات وياما وقفنا جمب مسجد الرابعة بعد نوصل صاحبتنا ديك ونكمل القصص(مسجد الرابعة هو جامع البلك؟؟؟؟ ياطبقة)
لكن انا اساسية في التانية ويا سلااااااااااااااااااام على التانية وناسها ..........
ياقرقور مجرد مااصل اهل ديك بكون بضحك وباكل حد مااطلع وياسلام على يد حبوبتك بت وهب والله تمسد ليك راسك تفتش للصداع ماتلقاه والله ديل احلى ناس...................



الشوق كيمان :trrr6::trrr6:


سمريه .... انتى كنتى بتجى ( بشارع بيتنا .... ونور بيتنا .... يوم ماجيتنا )

جامع الرابعه ايوه هو جامع البلك ....

عشان كده االثورات دا البجيها .... برجع ليها ....
عندنا موية سكر ووياسلام لمن تسمعى قرقور بغنى ... حم حم ياحمام ... حم حم ....

الشوق قواديس سواقى فى مزرعه ( لمنقة كسلا )

قرقور
28-12-2008, 09:17
يا سلام عليك يا طبقة وياسلام على ناس الرابعة الحلوووووين

سمرية
28-12-2008, 10:29
سمريه .... انتى كنتى بتجى ( بشارع بيتنا .... ونور بيتنا .... يوم ماجيتنا )

جامع الرابعه ايوه هو جامع البلك ....

عشان كده االثورات دا البجيها .... برجع ليها ....
عندنا موية سكر ووياسلام لمن تسمعى قرقور بغنى ... حم حم ياحمام ... حم حم ....

الشوق قواديس سواقى فى مزرعه ( لمنقة كسلا )

ده ماداااب موية سكر انتو عملتو لي والف والفdd13

طبقة الأزون
28-12-2008, 10:55
ده ماداااب موية سكر انتو عملتو لي والف والفdd13


عشان تآمنى ( ناس الرابعه ديل حلوين ) .... أصلو ( الولف كتاااااااااااااااااااااااااااااااال ) .....

طبقة الأزون
28-12-2008, 10:58
يا سلام عليك يا طبقة وياسلام على ناس الرابعة الحلوووووين


قرقره ... ماتزعل .... LADIES FIRST sss1sss1sss1

اها عندك حاجه حلوه عندنا فى الرابعه .... كفايه المورده وخور ابوعنجه .... وبيت ناس القاضى الناصيه

قرقور
28-12-2008, 12:48
قرقره ... ماتزعل .... LADIES FIRST sss1sss1sss1

اها عندك حاجه حلوه عندنا فى الرابعه .... كفايه المورده وخور ابوعنجه .... وبيت ناس القاضى الناصيه

هههههههههههههههه طبقة تبكي بس

mohamed merghani
28-12-2008, 13:05
عشان تآمنى ( ناس الرابعه ديل حلوين ) .... أصلو ( الولف كتاااااااااااااااااااااااااااااااال ) .....

حلات ناس الرابعة دي أسألني منها أنا :trrr6:

تالا
28-12-2008, 13:30
--------------------------------

قرقور
28-12-2008, 13:41
حلات ناس الرابعة دي أسألني منها أنا :trrr6:

ههههههههههههههه بتقدر تقول كلام غير ده

تزكر يافردة ايام الاهلية المتوسطة

مشوار الرجعة والمشية sss1

قرقور
28-12-2008, 13:42
خلاص طولنا
ماشين اهلنا
الساعة سبعة
في ود البنا
-----------
سمعتوا بالمثل البيقول
اها انا مؤمنه بالمثل دا مية المية
ذي ما حبوبتي مؤمنه بيه وبتررده على طول

دوما التميز ف امدرمان

قرقور
28-12-2008, 13:45
http://www.youtube.com/watch?v=JQo1V_QG08g

ngood
28-12-2008, 18:06
انا من ناس مدنى الجميلة فى المقام الاول
والدوحة فى المقام الثانى
ومرحبا بكل ابناء السودان فى كل شبر من وطنى العزيز
شمال وشرق وغرب وجنوب
مليون الف الف سلام

طبقة الأزون
28-12-2008, 18:10
هههههههههههههههه طبقة تبكي بس



ابكى انا ولا سواق الحافله ....

ماشى فى شارع الاربعين لمن وصل ( بيتم الناصيه وشباكم الأخضر ) قاعد يتلفت مالقى ليك نفسو الإ وهو فى خور ابو عنجه ... الحقك الحقك الحمد لله ماكان فى مصيبه كبيره واحد غطيط كدا سألو : إنته يازول مابتشوف ؟؟؟ قال ليهو البخلينى اشوف شنو وشبابيك بيوت ناس القاضى فاتحه فى الشارع ....

طبقة الأزون
28-12-2008, 18:27
حلات ناس الرابعة دي أسألني منها أنا :trrr6:


دى الشهاده ولا بلاش .... والله طارق صديق ومعاهو تيم محامين مايقدر عليك ...

كفايه جيتنا طاير من الركابيه ... وقعدته تغنى ( برضى ليك المولى الموالى ... وفيك لازم الصبر الجميل ) ....

ودالميرغنى ... الشوق مطر ليك ... وانشاء الله بت حلتنا والاولاد كلهم بالف خير .... وناس الرابعه كلهم المعاك بالف خير .... تحياتى للجميع بأمريكا خاصة مأمون ود الشهيد ....

طبقة الأزون
28-12-2008, 18:33
انا من ناس مدنى الجميلة فى المقام الاول
والدوحة فى المقام الثانى
ومرحبا بكل ابناء السودان فى كل شبر من وطنى العزيز
شمال وشرق وغرب وجنوب
مليون الف الف سلام



الدوحه دى تخصص شلهته ....
اسع يجيك طاير ويسألك : إنتى مرطبطه .. sss1sss1sss1

طبقة الأزون
28-12-2008, 18:43
دوما التميز ف امدرمان


يكفى أن بها الهادى نصرالدين ( الملقب بالهادى الضلالى ) والذى تلجأ اليه معظم الجامعات السودانيه والمثقفين والأدباء والمؤرخين ليسرد تاريخ أمدرمان علما" بأن المذكور يحتفظ بكافه الصحف السودانيه منذ عام 1940م ويعرف أمدرمان أسرة أسره وشارعا" شارعا ...

امد الله فى أيامه ومتعه بالصحه والعافيه ...

قرقور
28-12-2008, 19:42
انا من ناس مدنى الجميلة فى المقام الاول
والدوحة فى المقام الثانى
ومرحبا بكل ابناء السودان فى كل شبر من وطنى العزيز
شمال وشرق وغرب وجنوب
مليون الف الف سلام

مرحب بيك نجود ومرحب بكل ناس مدني

حقيقة امدرمان هي خليط ومزيج لكل السودان

بمختلف سحناته واعراقه

دمتى بخير

ngood
29-12-2008, 17:46
مرحب بيك نجود ومرحب بكل ناس مدني

حقيقة امدرمان هي خليط ومزيج لكل السودان

بمختلف سحناته واعراقه

دمتى بخير

يكفى انو نحن جميعنا ابناء السودان
وشكرا على الترحيب

قرقور
29-12-2008, 17:58
يكفى انو نحن جميعنا ابناء السودان
وشكرا على الترحيب

تسلمي نجود ودوما خليك بالجوار نبحر في جمال امدرمان

ngood
29-12-2008, 18:17
امدرمان وكل السودان
:trrr6: :trrr6:
:trrr6:

قرقور
29-12-2008, 18:19
امدرمان كورة وفن وسياسة
امدرمان السودان المصغر

ولمدني الحنينة سلام

ngood
29-12-2008, 18:37
ومن مدنى مليون مليون سلام
ارض الحنان والناس الحنانا
ارض الجمال والامن
سلام من النيل
سلام من مدني الجميلة

قرقور
29-12-2008, 18:47
مدني السنى ....مدني حديقة وقيع الله .... مدني برج الجزيرة

مدني سينما رودي ....... مدني شارع اتجاه واحد


ومدني عمارة فداسي .... مدني البرعي سنتر

ومدنى ومندي والكلام يطول عن مدني


ومن امدر سلام

ودالتوم
02-01-2009, 19:52
ومن ربوع ربوع امدر تحايا وسلام بالمليون

قرقور
05-01-2009, 06:22
صباح حنين من حنان امدر

طبقة الأزون
05-01-2009, 10:10
صباح حنين من حنان امدر


قرقره ... صباحك الطيب مكى ... بعد أحمد سعد

قرقور
08-01-2009, 10:46
المشكلة يا قرقور نلق ويييييييييييييين ونمشي وين ؟

أمدر خلاص خربت وإتغيرت كل ملامحها

والله أنا مشيت الحله لقيتها خرابه بس

الناس وين ؟

ناس فلان باعو البيت ومشوا الحاره الدلشتمائة

ناس فلانه إشتروا بين في غرب الحارات

حاجة تمغص ياخ


والله فعلا ياهموسة جدادة الخلا طردت جدادة الببيت
مرة ياهمس جيت اجازة السودان
جاي راجع بالليل بيتنا ثبتوني اولاد عمر 20 سنة قالو لي الجابك الحلة دي بالليل شنو

لما جاء واحد سلم علي باسمي

تخيلي ؟

همس الشوق
08-01-2009, 11:08
والله فعلا ياهموسة جدادة الخلا طردت جدادة الببيت
مرة ياهمس جيت اجازة السودان
جاي راجع بالليل بيتنا ثبتوني اولاد عمر 20 سنة قالو لي الجابك الحلة دي بالليل شنو

لما جاء واحد سلم علي باسمي

تخيلي ؟

قرقور يا مبدع sss1

انا زاتي حصل لي موقف .. واقفه في الحله عايزه اقطع الشارع جاء واحد يشاغل فيني .. لمحته ود حلتنا جاي من بعيد ويضحك ... قال لي مالوا دا .. قلته ليهو بشاغل فيني قال .. هو دا منو ... قال لي جديد في الحلة ... إنتي ما حاضراهو ... :trrr1:

يا حليل امدر وحليل ناسها ... الواحد كان في اي حته يحس بالأمان .. وكل الناس اخوانك ..

قرقور
08-01-2009, 12:31
قرقور يا مبدع sss1

انا زاتي حصل لي موقف .. واقفه في الحله عايزه اقطع الشارع جاء واحد يشاغل فيني .. لمحته ود حلتنا جاي من بعيد ويضحك ... قال لي مالوا دا .. قلته ليهو بشاغل فيني قال .. هو دا منو ... قال لي جديد في الحلة ... إنتي ما حاضراهو ... :trrr1:

يا حليل امدر وحليل ناسها ... الواحد كان في اي حته يحس بالأمان .. وكل الناس اخوانك ..

فعلا ياهمس امدرمان لمت كل من هب ودب يقول ليك انا من امدرمان زول ساكن الحارة 99 يقول ليك انا من امدرمان

زقاق
بيني وبينك معذور لو شاغلك sss1

زولة نازلة وراحة الامارت ظاهرة في الوش ؟

قالو مغترب نزل السودان الجماعة قالو ليهو اعمل حسابك بتاعين التكاسي ما يغشوك اها صاحبنا لبس جلابية قديمة وركب تكسي
مشى مشوار صغير بتاع التكسي قال ليهو 50 الف قال ليهو لي وعشان شنو بتاع التكسي قال ليهو انتى قايلنى ما بعرفك مغترب لبستا جلابية قديمة ما مشكلة جضومك المنديات ديل بدسهم كيف sss1

همس الشوق
08-01-2009, 12:50
فعلا ياهمس امدرمان لمت كل من هب ودب يقول ليك انا من امدرمان زول ساكن الحارة 99 يقول ليك انا من امدرمان

زقاق
بيني وبينك معذور لو شاغلك sss1

زولة نازلة وراحة الامارت ظاهرة في الوش ؟

قالو مغترب نزل السودان الجماعة قالو ليهو اعمل حسابك بتاعين التكاسي ما يغشوك اها صاحبنا لبس جلابية قديمة وركب تكسي
مشى مشوار صغير بتاع التكسي قال ليهو 50 الف قال ليهو لي وعشان شنو بتاع التكسي قال ليهو انتى قايلنى ما بعرفك مغترب لبستا جلابية قديمة ما مشكلة جضومك المنديات ديل بدسهم كيف sss1
هههههههههههههههههههههه
ههههههههههههههههههههههههههه

تعرف كنت عايزه اعمل مقلب في ود فداسي قلته للأغبش ما حأتصل عليهو بس وصف لي المحل بتاعو وين بمشي أدورو ........
ما شاءت الظروف ... قال لي إنتي قايلاني عوير ... الناس البتجي من بره ديل ما ظاهرييييييييين ما كنت بنقشك طوالي ... sss1

قرقور
12-01-2009, 08:55
هههههههههههههههههههههه
ههههههههههههههههههههههههههه

تعرف كنت عايزه اعمل مقلب في ود فداسي قلته للأغبش ما حأتصل عليهو بس وصف لي المحل بتاعو وين بمشي أدورو ........
ما شاءت الظروف ... قال لي إنتي قايلاني عوير ... الناس البتجي من بره ديل ما ظاهرييييييييين ما كنت بنقشك طوالي ... sss1

هههههههههههههههههه طبعا بتكوني نزلتي نار منقد ;)

همس الشوق
12-01-2009, 09:02
هههههههههههههههههه طبعا بتكوني نزلتي نار منقد ;)

أكييييييييييييييييد :D

قرقور
12-01-2009, 09:18
أكييييييييييييييييد :D

شدة وغسيل عدة :D

طارق صديق
12-01-2009, 09:25
قرقور يا مبدع sss1

انا زاتي حصل لي موقف .. واقفه في الحله عايزه اقطع الشارع جاء واحد يشاغل فيني .. لمحته ود حلتنا جاي من بعيد ويضحك ... قال لي مالوا دا .. قلته ليهو بشاغل فيني قال .. هو دا منو ... قال لي جديد في الحلة ... إنتي ما حاضراهو ... :trrr1:

يا حليل امدر وحليل ناسها ... الواحد كان في اي حته يحس بالأمان .. وكل الناس اخوانك ..

هههههههه

صباح المشاغلات لغير الساكنين في ام درمان ... !!

كلامو صح .. يشاغل طواااالي ... !!

همس الشوق
12-01-2009, 09:28
شدة وغسيل عدة :D

لا والله انا مشيت السودان فجأة من غير تخطيط ...
وبعدين مشيت مليان شوق لكل حته في إمدرمان
وناس امدرمان

امدرمان جميلة ياخ

طارق صديق
12-01-2009, 09:28
هههههههههههههههههه طبعا بتكوني نزلتي نار منقد ;)

قرقور ... أعرض عن هذا ... !!!

زقاق ..

ناس مدني الجنب أم درمان ديلاك .. برض بشاغلوا .. !!

قرقور
12-01-2009, 09:28
هههههههه

صباح المشاغلات لغير الساكنين في ام درمان ... !!

كلامو صح .. يشاغل طواااالي ... !!

موش كده يا طارق تصدق انا حاسد الزول ده الزول الشاغل ده :d

همس الشوق
12-01-2009, 09:34
هههههههه

صباح المشاغلات لغير الساكنين في ام درمان ... !!

كلامو صح .. يشاغل طواااالي ... !!

اهلين بالناس الساكنة مساماتنا

طارق صديق الرجل الجميل في كل الأوقات

همس الشوق
12-01-2009, 09:38
وب علي

يا اخواني وين اخوان فاطمة

ما غيرة ابناء العمومة
بدل ما تزعلوا تقول اي يشاغل والتاني يقول حاسدو
غايتو جنس غايتو sss1

قرقور
12-01-2009, 09:42
وب علي

يا اخواني وين اخوان فاطمة

ما غيرة ابناء العمومة
بدل ما تزعلوا تقول اي يشاغل والتاني يقول حاسدو
غايتو جنس غايتو sss1

فاطمة منو؟؟؟

همس الشوق
12-01-2009, 09:46
فاطمة منو؟؟؟

تعرف يا قرقور مره عندي عمتي رحمة الله عليها .. كانت في مشوار ... اها وعايزه تركب البص ....... الكلام دا بدري شوية ... جو ليك الرجال دافرين والزحمة ... بقت تكورك ..هيا اخوان فاطمة ... وينم أخوان فاطمة يا حليلم ... نط واحد كباي قال ليها .. هي يا حاجة فاطمة زااااااااااااااتها وينها ... نعلها البتصارع في الرجال ديل ؟؟؟؟ sss1

قرقور
11-08-2009, 07:12
صباح امدرماني جميل الملامح

هاجر ابراهيم
11-08-2009, 08:32
احيي ناس الفتيحاب وشوارع الفتيحاب

هاجر ابراهيم
11-08-2009, 08:32
الفتيحاب ناسا عزااااااااااااااااب

قرقور
11-08-2009, 08:49
الفتيحاب ناسا عزااااااااااااااااب

اخخخخخخخخ الفتيحاب السراج

نجوان 2000
11-08-2009, 09:09
ما شفنا مدح لي مدني وينكم يا ود مدني وفداسي الحقوا

همس الشوق
11-08-2009, 09:11
أحب ام در

وأحب ناااااااااسا

صباح الباسطة ... قرقور

قرقور
11-08-2009, 09:17
هموووسة صباح كل الجمال صباح بطعم جمال امدر

اها الليلة وين في امدر

همس الشوق
11-08-2009, 09:36
هموووسة صباح كل الجمال صباح بطعم جمال امدر

اها الليلة وين في امدر

يا دوب قلته فتاح يا عليم

وبشرب في الشاي

اها نقوم نمشي وين

ياخ طولنا من سمك الموردة

رأيك شنو؟

قرقور
11-08-2009, 09:56
يا دوب قلته فتاح يا عليم

وبشرب في الشاي

اها نقوم نمشي وين

ياخ طولنا من سمك الموردة

رأيك شنو؟

خلاص ارح شعيب نضرب داك يالسمك المدنكل

وديك يالشطة الما خمج

والبصل الابيض العايم في الليمون

طبقة الأزون
11-08-2009, 10:02
خلاص ارح شعيب نضرب داك يالسمك المدنكل

وديك يالشطة الما خمج

والبصل الابيض العايم في الليمون


والليمون المركز فى كشك ... كرار
صباح المسالمه والمورده والثوره بالنص

همس الشوق
11-08-2009, 10:03
خلاص ارح شعيب نضرب داك يالسمك المدنكل

وديك يالشطة الما خمج

والبصل الابيض العايم في الليمون

أرح

والله مشتاقة لي لي سمك حااااااااااااااار كدا
ومعاهو بصل ابيض
وشطه

عيش من الفرن :trrr1:

ضلنا
11-08-2009, 10:04
قرقور صباح الخير

أصاله أمدرمان فى ناسا الحنان
وفى الحوارى والازقة وياريت بعد السمك
دا تعرج على سوق الموردة وجاء ماشى بى جنبك
أحمد شاويش أو عصام عباس 0 تسلم يأأخ 0

همس الشوق
11-08-2009, 10:04
والليمون المركز فى كشك ... كرار
صباح المسالمه والمورده والثوره بالنص

طبقة صباح الشطة

حصلنا بسرعة

قرقور
11-08-2009, 10:10
ضلنا يا جميل صباح امدرمان جميل عليك

سلام بروعة واصالة سوق الموردة

همس الشوق
11-08-2009, 10:13
ضلنا يا رائع

والله يومنا ملان الليلة

بعد السمك حنعرج على الرفيرا ناكل إيسكريم

ولا رأيك شنو؟؟؟

قرقور
11-08-2009, 10:25
انا غايتو عازمكم اقاشي بخطف رجلي العباسية من عمكم ادم بجيم باقاشي حاااارة من نارهها

ضلنا
11-08-2009, 11:22
ضلنا يا رائع

والله يومنا ملان الليلة

بعد السمك حنعرج على الرفيرا ناكل إيسكريم

ولا رأيك شنو؟؟؟

يالله على الرفيرا ياهمس بس قبل الرفيرا
كدى أدخلى على حديقة الموردة وشوفى
عملوها كييف 0 ولازم وحتما كمان تشوفى بيت الخليفة
والله التاريخ بعينو 0

عثمان إدريس
11-08-2009, 16:22
البوست دا مالو ريحتو سمك سمك كدا :D


قرقور .. والله مشتاقين ياخ :trrr6:


رمضان قررررب ألحق ليك خم رماد :D

قرقور
12-08-2009, 06:30
البوست دا مالو ريحتو سمك سمك كدا :D


قرقور .. والله مشتاقين ياخ :trrr6:


رمضان قررررب ألحق ليك خم رماد :D

ود ادريس صباحك باسطة

والله الشوق فايت الحد بقادي

وين خم الرماد مع البوتجازات المدورة دي sss1

طبقة الأزون
12-08-2009, 10:15
طبقة صباح الشطة

حصلنا بسرعة


هووووووووووووووووووى انا زول باسطه
الدكان الفى المحطه الوسطى امدرمان ...
الناس واقفه فيهو صف عشان تشترى الباسطه
ناس الطيب ...

تودينا ياهمس لسوق الملجه ... عشان الشطه والليمون ؟؟؟؟

غايتو ناس امدرمان ديل جنهم فسيخ المسالمه وتوب السورتى اصل بلادو

طبقة الأزون
12-08-2009, 10:17
قرقور ..

حديقة المهديه فى الحاره الاولى كسروها وختوها واطه

استلمتها شركه وحاتعملها مدينة العاب ... ذى المقرن

تانى كدى شوف البعدى الكبرى دا منو من ناس امدرمان

همس الشوق
12-08-2009, 11:36
يالله على الرفيرا ياهمس بس قبل الرفيرا
كدى أدخلى على حديقة الموردة وشوفى
عملوها كييف 0 ولازم وحتما كمان تشوفى بيت الخليفة
والله التاريخ بعينو 0

والله طبعاً يا ضلنا حديقة الموردة دي ما شفتها قريب
وبيت الخليفة يعني شنو بنو مسلح sss1

تعرف انا قريت في حي الشاطي يعني كل ما نكون زهجانين بدخلو حافظاهو حته حته

دي سخانة أيس كريم بس

قرقور
12-08-2009, 12:34
هووووووووووووووووووى انا زول باسطه
الدكان الفى المحطه الوسطى امدرمان ...
الناس واقفه فيهو صف عشان تشترى الباسطه
ناس الطيب ...

تودينا ياهمس لسوق الملجه ... عشان الشطه والليمون ؟؟؟؟

غايتو ناس امدرمان ديل جنهم فسيخ المسالمه وتوب السورتى اصل بلادو


والله يا طبقة اصلا الباسطة دي ما عندها طعم لو ما كان قبلها طبق محدقات يعني اكله كااربة بالشطوط والتحلية باسطة الباسطة مع الجوع كعبة يا طبقة :D

قرقور
12-08-2009, 12:37
والله طبعاً يا ضلنا حديقة الموردة دي ما شفتها قريب
وبيت الخليفة يعني شنو بنو مسلح sss1

تعرف انا قريت في حي الشاطي يعني كل ما نكون زهجانين بدخلو حافظاهو حته حته

دي سخانة أيس كريم بس

انتي يا همس شكل من زمن بنات العام البلبسو الطوبي

اخ من شارع المدراس وذكريات شارع المداس

بنات الشاطئ والتمرين يملو العين

بيت الامانة والمليك براهم بيكوركو ليك

ضلنا
12-08-2009, 12:56
انتي يا همس شكل من زمن بنات العام البلبسو الطوبي

اخ من شارع المدراس وذكريات شارع المداس

بنات الشاطئ والتمرين يملو العين

بيت الامانة والمليك براهم بيكوركو ليك


قرقور

والله زمن ما بيرجع ناس حُنان وعاطفة
بريئة :trrr6: