مشاهدة النسخة كاملة : دوحة عقد الجلاد


basta
02-07-2006, 14:43
كما اوعدتك هاهى دوحة عقد الجلاد تفتح ذراعيها لاحتضانكم
الدعوة لكل معجبى ومحبى الدرر الغوالى مجموعة عقد الجلاد
طلتكم تسعدنا ومساهماتكم تفعل المنتدى ودمتم

basta
02-07-2006, 14:45
نبدا ليكم بالمسدار مسدار ابو السرة لليانكى
http://www.shahss.com/mus/glad-mosdar.rm

basta
02-07-2006, 14:48
ودى كلمات المسدار
أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني



خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضايا الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَا المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

واللاّ صَحِي الورم عَضّامِي



سفريتك مِي في النيّة

ماها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِلِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرْفيرات الحُزْنِ

وشِنْ القَعدة

يا أبو السُّرة

شِنْ القَعدة في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة ..

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

وما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

نادينا القعوي والبُلْطي

قرقور السّمَك ودّانا لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

وفُتْنَا عليها

كانت نايمة

عَجّال البحر حارساها

كانت نايمة بين حجرين وضُل ساسوية

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ



مَسَكْنَا دَرِبْنَا

وعُمّال الطّمِي الصّحوها

خابرين الدّروبْ

مَرَقوبنا في مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

وصوتها مكتِّمو القَرَبين سيوف وسَوانْكِي



قولَنْ لي الأَخْلو ديارو

دمّكْ فَرْهَدْ في نارو

غَوّرْ في الأرض

طارو صَقْرين

أولاد الأرض ما طارو

لحمي غَطّى بِنْ عَمِّي

شو صار حالو يا إمِّي

منديل العِرْضْ في بيت الدِّينْ

دمِّي ما يخلِّي دمِّي

إنّا من دير ياسينْ

صِرْنا في جِزْر التّين

عَمْ نسقى بعضْ

حُبّ الزّيتونْ بدّو يرجع للطينْ



صابرا تحت الدورية

صابرا فوق الدورية

صابرا فوق الدورية

يا حال الضِّدْ

لحم الطِّفلين نابت غُصنْ الحريّة

جِذْري مو في شاتيلا

ما قال حالي يا ويلا

حِنّا في الأرضْ

أرضِ فلسطين

يا إمِّي هيلا هيلا

يا إمِّي هيلا هيلا

يا أُمِّى هيلا هيلا

هيلا

هيلا

هيلا



هيلا وهيلا يا ابو السُّرة كُجْ العين

تخبر الشّينة من الزّينْ

تَفُرْز الطّاري من السّاري

يا ابو السُّرة كُجْ العينْ

ومدُّو صباعك السّبابي

قول لي الغَافي يا زول هويْ

وهوي يا غافي يا زول هويْ

أرخي الغُردة للعَنّافي

شِدْ القمري بالحوبابي

في مسدارنا

شِلْنا نهارنا

في إيدنا من ساسو البحر عقدينْ

مَسَكْنا دَرِبْنا

وعُمّال الطّمي الصّحونا

خابرين الدِّروب مرقوبنا في مُشْرع مَسَارب الضّيْ

لقينا الدُّنيا تترجّانا

قوقا القِمري

خَوّى صقيْر

وعَوّى حِدَيْ

وكُنّا جماعة

دابّات الأرض والسّايمة

عَوّامة البحر والطّيرْ

وحتى الغيمة قصّاصة الأَتَرْ

فوق راسنا شايفة الدّربْ

ضِنيب اليَانْكي

قال القمري لي الضُّليلة :

خَلِّكْ صاحية زوغ اليانكي لا يودِّرنا

قال الدّابي :

إن يغباها ما بيغباني

ولمّا الشّمْ مودِّعة غاربة

وَصّتْ جملة الصّقّار عيونهنْ كَارْبة :

أبقو أَلِفْ

بَفوت لي المِتْلَكُنْ ناهضينْ



وفوق ديناب عريباً غادي

قال السِّحْلي لا تغشوهو

ديل عُربانْ توابع اليانكي

وخَلُّوها العريب الغايبة

السّراقْ طبيقو معاهو

تيجاناً عروشها الخروعْ ..

الهَشْ ..

العَويشْ

الناّر تَعَلِّبْ فوق عُقَال العَرْشْ

ولا خَسّانا بي هادي العروش الهـُرْبة

يا ابو السُّرة .. لا عَقّالْ

مسكنا دربنا

وعمال الطمي الصحوها

خابرين الدروب مرقوبنا من وادي الضلمة

الكان

وعقب لمينا في باقي الجمع

قاصين دريب اليانكي

سنور الغيب في الكونغو

وصبراً من جنوب أمريكا

ومن كلهاري ديباً ضاري

والتمساح وليد أمازون

ونمراً في النمور كمبودي

وام رَخَمْ الله مكسيكية



ولمّ لميمنا

لمّ لميمنا والشّمش البتوقد فوقنا

شدّ شديدنا لا التِّمثال مَشيّلْ روقنا

عَالَم حُرْ يدوعِلْ فوقنا

لي يوم سوقنا

نبصُق فيهو .. في عينيهو جَرْ واسوقنا



يا شمسي طِلِّي .. طِلِّي

شاوري عَ بيتي دِليِّ

كَيّال الكيل .. ختياري ماتْ

ظِلِّي عَمْ يحرس ظِلِّي

عَادِلْ عَ خَييّ ميلي

خَييّ ما يحمل شَيلي

ما خَفّ الشّيلْ

تاني المرّات ناطِرْ رصّاصِي سيلي

عيني في الفيل ما ظِلّه

كِلْنا ندريه ما نضِلّه

يا ويل الويلْ

نرمي الجمرات عَدِّ المستشْهِدْ كِلّه

نرمي الجمرات عَدِّ المستشْهِدْ كِلّه

basta
02-07-2006, 14:50
نحن اهل الفرحة جينا
لا المدامع وقفتنا ولا الحكايات الحزينة
http://www.shahss.com/mus/glad-tanmbara.wma

basta
02-07-2006, 15:06
الاهلية
http://www.shahss.com/mus/glad-alahlia.rm

basta
30-07-2006, 11:14
عطبرة

عطبرة (http://www.shahss.com/song/glad-3tbra.wma)

basta
30-07-2006, 11:17
http://www.shahss.com/song/glad-altuor.wma

basta
30-07-2006, 11:26
فاجانى النهااااار

http://www.shahss.com/song/glad-alnhar.wma

شنــداوي
30-07-2006, 17:48
http://www.sudanesesound.net/peace/damazine/imag/1.jpg

محمد عثمان الحاج
30-07-2006, 23:15
دايماً االاختيار الموفق ياباسطة بيدي نتايج حلوة .. وبالله انت هبشت فينا محل الوجع بعقد الجلاد ... فرجااااااااااااااااااااااااااااااااااااااااااءً قدر ماتلقي براحات شجّرا... وقدر ماتتلقي جلاد عطرنا بي خرزو ... وياريت لو قدرتة تدينا قصايد مكتوبة كمان عشان نعمل ملف .. من اختيارك ... وموفق ياباسطة ان شا الله ... وتشكراااااااااااااااااااااات ليك ...

fatom
31-07-2006, 06:56
دي هديتي لي ناس المنتدي الحلوين ديل

http://www.nilelove.org/userfiles/almaseer.wma

يالله كد تعجبكم
فطومه

قطرة الندى
31-07-2006, 08:03
طبعا بما اني مجنونة فرقة عقد الجلاد فالموضوع دا خلاص لزقنا فيه :c030: .. بس يا ريت لو تحاول تضع الاغاني بصيغة Mp3 لانو جودتها افضل واحسنsss1

بالنسبة للكلمات للعايز قول لي اسم الاغنية لانو عندي ملف كامل بس فيه كلمات اغانيهم...:)

basta
31-07-2006, 12:19
الله ع الكلام الحلو دة انشاء الله مع بعض كدة نجعل دوحة العقد ملاذ لكل محبى عقد الجلاد
انا ما بقصر بس ايكم معاى
والله انا بحبهم حب مباااااااااااااااااااااااااااااااااالغة
ولى معاهم حكايات طوييييييييييييييييييييلة بحكى ليكم منها فى المرات الجاية
ودمتم

قطرة الندى
02-08-2006, 00:27
مررررحب..

كما وعدت جايبة ليكم مخزوني من عقد الجلاد.. اتمنى تستمتعوا :trrr1:

طبعا وصلا الاغاني كلها ختيها ليكم بصيغة rm رغم انو ما بشتغل عندي.. لكن كلمون اذا الوصلة شغالة ولا لأ :c030:

:: احتاج دوزنة ::

http://www.shahss.com/song/glad-doozna.rm

ودي الكلمات

أحتاجُ دوزنة وتراً جديداً
لا ُيضيف إلى النشيدِ سوا النشـــــاز
لغةً تُفتشُ عن أراضٍ خِصبةٍ
شمساً تُغير طعم فاكهةِ الشتاء

أحتاجُ مِفرزةً من الشعراءِ و الجوعى
لنُعلن سُخطنا أو ننتهي منا باغنيةٍ تذاع

بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتـــــتفنا ما سمعتم
ثم هاجرنا انصرفتم

يا بحراً تجاوز في سكونِهِ كل حد
يا بحر قم..حرِك تحرك
أو فعُد نحو ابتلائك فالنهايات القديمة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهمـــــــــــــوا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال

يا بحر قم..حرِك تحرك
أو فعُد نحو ابتلائك فالنهايات القديمة لاتــحــــــــــــــــــــــــــــــــــــــــــــ ــــــد

قطرة الندى
02-08-2006, 00:29
:: صوت الاستحالة ::

http://www.shahss.com/song/glad-soot.rm

ودي الكلمات


المناظر هي زاتا
الصور ونفس المشاهد
الشوارع والبيوت
الأماكن والمقاعد

والزمان ثابت مكانو
والرقم اللسة واحد
لالالالالالالالالالالالالالالالالا
وحشة الليل البهيم
ولمة الناس الحزانى
قصة الشوق القديم
بدموعا وبحنانا
وقصة الولد اليتيم
ونفس صوت الاسطوانة
لالالالالالالالالالالالالالالالالا
بكرة مقتول مقتول
جاي مشلول بالدواخل
فجر كداب كداب
طل من عقب المراحل
وبرضو
تبدو للفرح مقابل
لالالالالالالالالالالالالالالالالا
دنيا تتغير ودنيا
ادمنت عشق الثوابت
صوت ينادي الاستحالة
والحقيقة صوتا خافت
جرح ينزف وقلب دامي
ولسة صابر ولسة ساكت

قطرة الندى
02-08-2006, 00:31
:: مناجاة ::

http://www.shahss.com/song/glad-monaja.rm

يا شبـــــــيهَ البدرِ
حُسناً و ضِـــياءاً ومِثالا

يا شبيـــــــهَ الغُصنِ
ليناً وقواماً واعـتِدالا

أنتَ مثلُ الوردِ لوناً
و نسيماً ودلالا

زارنا حتى إذا ما سرنا بالكُربِ زالا
طيفُك يا حبيبنا
زارنا حتى إذا ما سرّنا بالكُربِ زالا

قطرة الندى
02-08-2006, 00:33
:: الضحكة ::

http://www.shahss.com/song/glad-liween.rm


لي وين وكيف لمتين
يا ضحكة ضاعت وين
يا حزن يا مرتاح
بين الدموع و العين

تعبت معاك الروح
والليل حشد سهروا
شباك حلم مقفول
حرس المسافة يطول
للفاتو ما رجعوا

يا سكة لبيـتنا
يا عتمة يا مشوار
يا شارع الحِـلة
ماضاعت الذكرى
للغابو و الحضرو
يا قمري يا قمرا
يا سنسنة و حمرا
بسأل عن الأفراح
و الخاطر المرتاح
عن دنيا فيها السماح
عن الصباح الراح
لا ضو و لا أثرو

علِمنا يا مسكين
ورينا عايش كيف
دي الريح وقول الزيف
بيشتتوا المطرة
والفكرة قولة الحق
مكتوفة مُكتسرة
الخطوة نحوِك كيف
والسكة دي خطرة
أطفالنا و الأُمات
آمالنا و أحلامنا
الهسة والجايات
طوالي في وكرة
لكن دا كلو يهون
مهما الصباح مرهون
والفرحة محتكرة
البذرة مهما يكون
حتبقى يوم شجرة

قطرة الندى
02-08-2006, 00:38
:: مشاوير المحبة ::

http://www.shahss.com/song/glad-mshweer.rm

يا مشاوير المحبة
الكلمة تقلت
والخطيــــــــوات الندية
الغيمة الشالت...دمعة مرة
غــــــــرَ قت أناتا أرواحنا الوفية
الصدق أصبح في عيون الناس مظنة
الصدف أصبح فينا كلمات هامشية
والحقيقة بقت مخافة وانزوت في عمق أعماقنا الخفية

يا مشاوير ضيعيني
جدِدي الذاد للمشاوير الشقية
توهي النور بدِديهو
خلي إظلامك يغيب
كل لحظة فرحة فيا
بكي إحساسي الحنـيِــــــــن
فتِريـني و دردِريـــني
وأصلي ليك أنا ماني هيِــــــن
كل نهاية تكون بداية
كل وجعة تفرهد الإحساس جوايا
وابقى عايش للعُوينات الوفية
وابدا عايش عمري للصادقيـــن هدية

قطرة الندى
02-08-2006, 00:42
:: كل الخير ::

http://www.shahss.com/song/glad-koolalkher.rm

لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمة تتحول

وشان تفضل ملامحك فيّ زى ماكنتي في الاول

قطرة الندى
02-08-2006, 00:43
بس عشان انا تعبت ... بكمل ليكم بكرة :c030:

شنــداوي
02-08-2006, 11:33
بس عشان انا تعبت ... بكمل ليكم بكرة :c030:

ما قصرتِ يا قطرة الندي
واجمل شئ كلمات الاغانى بجانب الصوت..
فى إنتظارك وإنتظار باسطة والجميع للمواصلة..

قطرة الندى
02-08-2006, 12:17
ونكمل :)

اول حاجة دي كلمات الاغاني الي اتوضعت بس من غير كلمات طبعا بعد اذن كاتب الموضوع :)

فاجانى النهار

وأنا ماشى بيناتا

أتساقط باقي حنييييين

لسه عيونك ياها عيونك

تكسر باب الدم السري

وتجرى تنع~س عشب القلب

وتبكّييي سماهو فراش

يا ناعس بين الخلوه وريحة الصندل

فلت الطين

النيل قصاها ضفيرتو

شرّاها رماد

وفجا حنين

يسرى الحلم الموجوع

لابطلع وقت اللقياء

لا بهجرنى و جواي ضلوع

يا مولود مظلوم في رئتك

ميز ريحة المطره او اتخيل بيناتنا رزاز

انا حلفت بنات الشجر الماطر

ماتنزل صفقه

تعرى صفير الرييييح

يلقى غناهو

الليل الليل الماكر

آآآآآآآآآآه

همست شجره لتانى شعاع رباني

شاقي الحله

يدخل فرحة شافع

ويطلع ايقاع نوبه

لالالالالالالالا
لالالالالالالالا

نحنا حفايه في بلدك

اتلفتت فوق كتفينا

ود العين ندى وطار

ندى وطار عصفور

نبت فينى الريش

صفقت جريت فرحان

ما تغطيني إنا انا عرقان

من وهجي الفينى

لالالالالالالالالا



عطبرة

من قمت من بيتنا ومشيت

بطاقتي صورة مصغرة

شايل معاي شنطة صفيح

حزمة هموم

ولدا متين بقي للسفر والاغتراب والدردرة

كان الزمان لسة عادي

والناس ظروفها مقدرة

وانا في القطار اصغر صبي

امال تفيض متفجرة

لما القطار صفر وقف

بهرتني صورة عطبرة

دي محطة الوطن الكبير كانت تضج متحضرة

ونزلت ماشي على الرصيف

اغبش هدومي مغبرة

الهجرة من زمناً قديم زي ساقية فينا مدورة..

عائلة ابوي عبد الرحيم من حلفا جات متهجرة

اديلة او والله رن فجلي

بلد نفاي اموقا كجلي

نورين موقو كن جواب كفاي

دقيتني نفص كورين لوجي

نفس القطارات والسكك

يوم مقبلة ويوم مدبرة

كان عمري 12 سنة

شايل التقيلة مبكرة

رحال بدون زاد لا متاع

كان لي كتاب ومفكرة

لميت شتات بعض الحروف

وقرايتي تبدو مكسرة

من قمت من بيتنا ومشيت

بطاقتي صورة مصغرة

شايل معاي شنطة صفيح حزمة هموم

ولدا متين بقي للسفر والاغتراب والدردرة




والاهلية حاليا ما عندي.. لكن ان شاء الله ادور ليكم الكلمات واجيبها ليكم sss1

قطرة الندى
02-08-2006, 12:42
لقييتها :c030: sss1

الاهلية
بسم الله ابتديت ..مِـتل البرق لاحت
في الشين والفسَـل ..بقينا نتباحت..!
طال الكان قصيّر ..والعالى إتّاحَـت
والصولات حليلِـن ..ملكتِـن راحت ..!
,,,,
مالك يازمان شبّعتنا هولة ..
لبّست الناس تياباً ..حاشا مِــي هـُولا..!
ياتمِـن كان يجي دمّاعو مبهولة
والـ لله راحت ..بقت البواجهولا..!
,,,,,
مالك يا زمان شبعّتنا وِحْ ..و وحيح..!
صِـح الدون ..كضِـب
وكضب العوالي ..صحيح ..!
ياتمن كان أنا جعلتو ليا صليح ..
عقرب حِزة ليّا ..
ويا نفسي زين ومليح ..
,,,,,
في احوال الزمن صار الفكر ..حاير !
والياباك خلّو ..عندو شـِنْ داير؟
فوق أهل الفكر كاس الوحيح داير..
نفـد سوق النفاق..وسوق السمح باير..!
,,,,,
تُـب الشباب ..إن بقى كوّاس ..!
وتُـب الصبي ..إن قطع المروًّة ..خلاص !
تُـب الشايب ..إن بقى وسواس..
تُب الأقربين ..ألـ إتفاتتو الأمغاص ..!
,,,,,
الأهلية كِملت ..ياحبيب راحت..
يا حليل شمس المحنّة الغرّبت.. طاحت !

قطرة الندى
02-08-2006, 12:51
:: الطمبارة ::

http://www.shahss.com/song/glad-tanmbara.wma

نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

قطرة الندى
02-08-2006, 12:52
:: المدينة ::

http://www.shahss.com/song/glad-almadina.rm

دي المدينة وديل ايديا
داير اكتب انا في النوافز اه في المنافز
اسمي تاريخي وحكاوي الرحلة في الزمن المعاصر
داير اقول كل الكلام
الما اتفهم لي جاري
لي صاحبي واخويا
ولا اتشرح جوه الدفاتر
داير اقول همسي الصريح
وقصه الحزن المحكر جوه فيني
في دروب الدنيا متغرب مسافر
دي المدينة وديل ايديا

اه اه يايمه لسه بخوض في بحر الزيف
رمل الصحرا غمر بستاني طال الصيف
ومازارني خريف طال يايمه
لسه بخوض في بحر الزيف

مشيت في الشوك لي ضريحك ابكي
مره اكابد ومره اعاني
مره اقيف اتنفس لحظه
واعود من تاني اخوض في الزيف
اه اه يايمه لسه بخوض في بحر الزيف

قطرة الندى
02-08-2006, 12:54
:: امونة ::

http://www.shahss.com/song/glad-amona.rm

ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى

وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف

بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى

يا ديارى الوين ....نى
تور عفينة الشينة ..... نى
ما اضينة وزينة.....ني
تور عفينة الشينة....ني

سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم .......... السمسم ما كفاهم
جلبنالهم سعية

قطرة الندى
02-08-2006, 12:55
:: اولاد المدارس ::

http://www.shahss.com/song/glad-mdars.rm

يــلا يـا اولاد المــدارس
فـي ربى السودان وسهله
يلا شخبطو في الكراريس
اكتبوا الواجب وحلوا
دينق زايد محمد احمد
فاس وطورية وزراعة
فاطمة زايد ميري ببقوا
غنوه نيلية بشراعه
وردتين على يامبيو
ووردة تالتة على رفاعة
يي بلدنا وكلنا اخوان
سوداني بلدنا يي
حرب زايد بندقية
يختفوا اللقمة الهنية
من أصابع طفل جائع
أمو حزنانة وشقية
حرب بتضيع ولادنا
يلا يا اولاد المدارس
هاتو من القلب غنية
للخضار والازدهار
للسلام والتنمية
للعصافير المهاجرة
تبني عشها مرة تانية

قطرة الندى
02-08-2006, 13:05
:: ايدينا للبلد ::

http://www.shahss.com/song/glad-aydina.rm

ايدينا ياولد ايدينا للبلد
الغربه ان شاء الله تعقري ياتعدمي المال الفقري يا تعدمي
الشيك الخضري والله شلتي العيال من بدري والله شلتي

ايدينا ياولد ايدينا للبلد
كان اخويا اللبره جانا والله يصلح الحال معانا والله يصلح الحال معانا شلنا الغربه المأخرانا شلنا الغربه

ايدينا ياولد ايدينا للبلد
ننتج بي ايدينا والله نخلص العلينا شان تشيل ام ريكا دينا نبني دارناوتبقه لينا نبني دارنا
اخلاصنافي العمل ا خلاصنا في العمل يسوقنا للامل
حكومه كان تنصلحي كات تعرفي عيشي وملحي كان تشوفي
اللبي تزحي ماتباري القول تلحي كان تعرفي
كان الحكوم صلح سودانا صار مليح
ايدينا ياولد ايدينا للبلد

قطرة الندى
02-08-2006, 13:07
:: حاجة آمنة ::

http://www.shahss.com/song/glad-hagaamna.rm

حاجة آمنة أصبرى
حاجة آمنة أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى

سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى

مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه

وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى

بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى .

basta
02-08-2006, 13:08
قطرة الندى ماعارف اقول شنو لكن الروعة جد مجسمة فيك
انا وانت والجميع نروى دوحة العقد قطرة قطرة تحياتى يا رايع واللا يا رايعة ماعارف

قطرة الندى
02-08-2006, 13:09
:: حصار ::

http://www.shahss.com/song/glad-hesar.rm

اقول باختصار
لانك كانك هموم الحصار
اهوبعدت عنك فايه يعني صار
احبك تصور بكل الحواس
لانك كانك براك انت ناس
مشاعلك بضون بما لا يقاس
ويختن اتجاهي ويصيبني النعاس

احبك حمايم لاجل السلام
وفوق الغمايم تحلق دوام
وما القى منك برغم الهيام
سوى طيف وعودك كلام في كلام
كلااااااااااااااااام

احبك تصور برغم الحواجز
برغم الاماني الوساع العواجز
اريدك تصور وافتح نوافذ
للفجر باين منور مناجز

قطرة الندى
02-08-2006, 13:11
:: شين ودشن ::

http://www.shahss.com/song/glad-sheeen.rm

شين ودشن

حر سيافى شين

شين ودشن

كلمة مافى شين

وهظاروا خشن

بسموم وسوافى

تسال شن الحبة الفيهو

الحب في زاتو مبرر كافي



ماشين ودشن

حار سيافى شين

عشان بقعة خراب

مافيها شجر

راويها سراب واطاطا حجر

حصحاصا يولع في الرمضاء

الحب سلطان مسلط نافى

لغيروا مرض لكن شافي



الشعب الحر الفعلو بسر

آب لحما مر

في الزنقة أم لوم قدام ميلين

البسمع فيهم يا أبو مروة

بي فرارة ينط من جوة

يبادر ليك من غير تأخير



دا اخو الواقفة يتعشى الضيف

الحافظ ديمة حقوق الغير

سيد الماعون السالي السيف

الهدمو مترب وقلبو نظيف

لا تسالنى عن حب وطني الفقران وغنى

قطرة الندى
02-08-2006, 13:13
:: عذرا حبيبي ::

http://www.shahss.com/song/glad-3ozra.rm

فى كل عام كنت أحمل زهرة
مشتاقة تهفو إليـــــــــــــــــــك
فى كل عام كنت أقطف بعض ايامى
وانثرها عبيراً فى يديـــــــــــــــــــــك
فى كل عام كانت الأحلام بستاناً
يزين مقلتى ومقلتيـــــــــــــــــــــك
فى كل عام كنت ترحل يا حبيبى فى دمى
وتدور ثم تدور
ثم تعود فى قلبى لتسكن شاطئيك
لكن أزهار الشتاء بخيله
بخلت على قلبى كما بخلت عليك
عــــــــــــــــــــــــــــــــــــذراً حبيبى
إن اتيت بدون أزهارى
إليـــــــــــــــــــــــــــــــــك
عــــــــــــــــــــــــــــــــــــذراً حبيبي
سألقي بعض احزانى
لديـــــــــــــــــــــــــــــــك .

قطرة الندى
02-08-2006, 13:17
باقي كمان عندي كلمات لكن المكلة ما عارفة اسم الغنية بحد زاتها عشان اجيب ليكم الرابط

خلصنا :c030:

basta
02-08-2006, 13:18
الملف مضغوط
ربوع سودانا (http://www.geocities.com/rayaaad/omdur.zip)

basta
02-08-2006, 13:36
يا شبيه البدر
http://www.alrakoba.net/vb/uploaded/yashabeh.rm

basta
02-08-2006, 13:38
اوه مامى
http://www.alrakoba.net/vb/uploaded/mama.rm

قطرة الندى
02-08-2006, 13:40
ما قصرتِ يا قطرة الندي
واجمل شئ كلمات الاغانى بجانب الصوت..
فى إنتظارك وإنتظار باسطة والجميع للمواصلة..

تسلم يا شنداوي بس دايرين همتك معانا في انها تكون Mp3 عشان زي الناس الحالاتي اللي real player ما بيشتغل عندهم :c030:

قطرة الندى
02-08-2006, 13:43
قطرة الندى ماعارف اقول شنو لكن الروعة جد مجسمة فيك
انا وانت والجميع نروى دوحة العقد قطرة قطرة تحياتى يا رايع واللا يا رايعة ماعارف

العفو ما سوينا حاجة.. اصلي مجنونة بيهم :c030:

وانا بنت يعني وخد راحتك بت ولد مابتفرق كلن كان مصر انا بت sss1

نهي العسل
03-10-2006, 13:15
والله تسلمو واله اتحفتونا:trrr6:

الجنتل
09-10-2006, 13:11
بيظهر عندى خطأ فى الاتى
http://www.shahss.com/song/glad-soot.rm
مش عارف من realplayer تبعى ولا من ايه بالظبط ؟؟
عموما يديك العافية قطرطر !!
والشكر بالتاكيد للرائع باسطة 00 الله يبسطك !!

ود بله
14-10-2006, 14:36
والله العظيم ابدااااااااااااااااااااااااااااااااااااااااااااااا ااااع يا عقد الجلاد وربنا يحفظكم

ود بله
14-10-2006, 14:37
يا جماعة داير اغنية اقابلك للرائع الاستاز محمد وردي

ود بله
17-10-2006, 16:47
احيكم علي كل المشاركات وارجو منكم دعم هذه الفرقة العظيمة والتي تعطر سماء السودان والعالم اجمع باجمل الالحان والكلمات ارجو منكم الوقوف خلف هذه الفرقة
:trrr6: :trrr6: :trrr6: :trrr6: :trrr6:

ود بله
17-10-2006, 16:51
انا عندي صفحة في النت ارجو الاطلاع عليها وهي
www.viproyal.com/sudan.htm

ود بله
18-10-2006, 09:29
الاخوة الكرام السلام عليكم ورحمة الله وبركاته في زول اطلع علي الصفحة بتاعتي وياريت يديني تعليقو علي رقم الهاتف 00249912420728 او علي الايميل
wbbella99999@hotmail.com او
wdbella1980@yahoo.com او
wdbella@mktoob.com ياريت سريع
اخوكم علاء الدين ( ود بله )

ود بله
16-11-2006, 08:51
مافى كلام نحييكم على المجهود العظيم

النفاج
14-12-2006, 19:49
بسم الله الرحمن الرحيم
السلام عليكم ورحمة الله وبركاته
شكراً لكم اخوتي الكرام على هذه المجموعة من الاغانى
الحقيقة فرقة عقد الجلاد اثرت الساحة الفنية بكل ماهو رائع وجميل وهى تسرى فى عروقنا مسرى الدم نتمنى لها مزيد من التقدم وهم اهل الفرحة والبسمة ويصنعون الحب .

وهذا هو موقعهم الرسمى وبه منتديات يمكنكم المشاركة بها ودمتم لنا بلسم الكلمة الطيبة
http://www.igdelgalad.net/

:trrr6: :trrr6: :trrr6:

يسعدنى اكون مطرك
ماشرط طينك يستجيب

basta
25-01-2007, 14:29
عاز احكى ليكم عن حفلة عقد الجلاد الاخيرة فى قاعة الصداقة بالخرطوم والمناسبة كانت معرض التقنية المصرفية قيامة بس لا حولة بس اتمنيت لو كنتو معايا ححكى ليكم

basta
12-05-2007, 12:57
يا قطرة الندى لا اسكت الله صوتك