عارفة انو الشاكوش مش من التراث الشعبي وقد يكون مكان الموضوع غلط ولكن اعتقد انو من مهام منتدى التراث والموروثات الشعبية مش بـس التكلم عن القديم بل التكلم عن كل ما يخص المجتمع السوداني من عادات وتقاليـد ومصطلحات في الكلام وطبعا موروثات...
وشاكوش هو احد المصطلحات اللي انتشر استخدامها كثيرا

شاكوش:rolleyes: يعني واحد من الطرفين يخلي التاني .. لغير الناطقين باللهجة السودانية ..

لمن يزهج الولد من البت ويفكها عكس الكتاحة بمختلف

التخصصات ولغات التخصصات


كلية طب الأسنان
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

ــــsss1
كلية علوم التغذية
منال انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي

ـــــــــــــــــــــــــــــــــــ
كلية هندسة الجينات
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته

ـــــ sss1
كلية علوم الطيران
منال...يؤسفني اقول ليكي اني دقيت ليكي خروج نهائي من حياتي...اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة

ــــــــــــــــــــــــــــــــــ
كلية الموسيقى و المسرح و الدراما
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟

ــــــsss1
كلية هندسة الاتصالات
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة

ـــــــــــــــــــــــــ
كلية الهندسة الزراعية
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا

ـــــــــ sss1
كلية علم البصريات
منال انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
I

H
A
T
E

U
أها غمضي العين الشمال...وافتحي اليمين...قريتيها؟ ...... كلك نظر يا منال
ـــــــــــــــــــــــــــــــــ
كلية علم الكيمياء
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي

ـــــــــــــــــــــــــــــــــــ
كلية علم الاقتصاد
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟

ــــــــــــــــــــــــــــــــ
كلية الآداب قسم علم الآثار
منال اسمحي لي انك تحفة مزيفة...الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي

ــــــــــــــــــــــــــــــ
كلية الفيزياء قسم العلوم الفلكية
اسمعي يا منال انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر

ـــــــــــــــــــــــــ
كلية علوم البحار
اسمعي هنا ده... مركب فيهو قبطانين بغرق أديـــــــــــــــــــــــــــــــــــــــــــــــ ـل كدة...وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا منال؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك



منقوووول:rolleyes:

ههههههههههههه... شواكيش عسسل لكن يا عزوية.. زيك كدا بالظبط http://www.nilelove.org/vb/images/smilies/biggrin.gif

موضوع طريف وجميل تسلمي لينا عليه عزيزتي

عاطر التحايا :trrr6:































قطراية.... :c030:

احامد sss1

الله يستر علينا من الشواكيش
تعريف كويس يا عزوز الواحد يستفيد بيه لما يجى ......
لكن منال المسكيينة دى ذنبها شنو ناس الكليات كلهم مشوكشينها كدا ما كان فى غيرها فى الجامعة ولا شنو :c030:

هههههههههههه دي الا تمشي الاحفاد وتشوف لييييييييييه واحد عندو كم حفيد وتشبك معاااااه وبرضو نقول ربك يستر من شاكوش مع الرأفه 00

سرد رائع ولذيذ لكن عندي شك فيــــ000000000000000000

هههههههههههههههه .. :D
الله يكفينا شر الشواكيش .. dd13
تسلمي يا عسل على الموضوع العسل ده .. :trrr6:

السناريور رهيب ... نحب انك تواصلي فيه
بما انو التعريف للشاكوش
كان احد الطرفين يترك الاخر
مثلا الولد يفك البت عكس الهواء ( شاف ليه شوفه تانيه)
اه ياعسل خليك حريفه ورينا لمن منال تفك الشاب المشاره اليه عكس الهواء
يعني تشوكشو السناريو بيكون عامل كيف

انا الان عمري الخمسين سنة لكن يا ابنائي عشت فترة شواكيش ما في حد فيكم وصل عدد الشواكيش لي انا اخذتها ولحين ما تزوجت وصل العدد الى 13 شاكوش فعلي وبالمناسبة انا ماتزوجت عن حب امسك لي واقطع لك ومانجح الزواج الاول وتزوجت تاني وتالت ولسع الساقية مدوره عشان كده انصح ابنائي بالزواج عن حب وما اقشوكم اقولو ليكم الحب بجي بعد الزواج كلام فارغ بعد الزواج نكد ومشاكل لاوقت للحب فاهمين ؟

وكليتنا ماعنها شواكيش ( مختبرات الطبيه )
الحمدلله انا زاتي قلتا كده نحنا ناس عسل زيك

عروسة النيل انتي وراى ورايا ايه رايك انتي تكوني الشاكوش رقم 14 لاني محتاج لحرمه تالته

تسلمي ياالية علي الحجات الحلوة دي

هههههههههههههههههههههههههههههههههههههه
ابداااااااااااااااااااااااااااااااااااااااااااااع
وروعة تسلم يدك

هذه هي المواضيع التي فعلا تظهر الابداع يا بنوته يا حساسه

Your subjeg always wonderful
may God save ana bless you
you are dangerous

والله انا اونى شاكوش كبيييييييييييييييييييييييييييير خلاص وقت عجبنى زول كان بلعب بى وبصحبتى:d

تسلمى على الموضوع والسرد والتعبير الجميل

وين شاكوش مدرسه الحياه