قلت لسائق التاكسي: والله بختكم اهو الحكومة صلحت ليكم الشوارع..
فاجأني باجابته: دي اسوأ حاجة..
تساءلت ليه؟
رد ببرود: لانو انا ما داير اقول اي حاجة كويسة عملتها الحكومة،، وطوالي بلقي لي حاجات اغير بها الحقائق وفق هواي.. اها لو قام واحد زيك وجاب لي سيره الشوارع اقول شنو؟

اظن ان حال هذا السائق ينطبق على كثيرين جدا.. لو حصل حادث حركة في احسن شارع ينط واحد يقول ليك غلطانة الحكومة صلحت الشارع خلتهم يجرو فيه على كيفهم.. يعني الغلط ما غلط الزول البجري.. وعلى هذا قس..


ما اسوأ ان تكون حكومة في بلد مثل هذا!!:eek:

السلام عليكم ورحمة الله وبركاته
ود الغالى
انت جبت المفيد نعيب زماننا والعيب فينا

وازيدك من اشعر بيت
فى ناس بنطقوها بالتاء ( غلتانه ) وبرضهم عاملين عندهم راى سياسى ودايرين يحلوا مشاكل البلد

والمشكل السوداني ابسط كنايه عنه

انو الغفير والوزير الاتنين بينظرو

اخى العزيز ود الغالى المشكله ما مشكلة طرق وكبارى المشكله فى العقده اللى عملتها الحكومات للمواطن اى كان انتماءاتها الحزبيه صحيح هناك انجازات لكن السرقه والمحسوبيه التى فى دهاليز الحكومه تشيب لها الولدان واكيد سمعت من ايام قليله عن الاحصائيه التى ظهرت فى المانيا بان السودان ضمن الخمس دول الاولى فى الفساد وبعدين ياخى لو الطرق بتشفع للحكومات اسال فى مصر حسنى مبارك اسمو حسنى كبارى وبرضو الشعب المصرى مش عاجبو الحال تقول لى طرق للتا كسى ولك منى كل التحيه