مشاهدة النسخة كاملة : مجموعة اغاني للفنان عبد الرحيم ارقي


شنــداوي
06-12-2006, 13:37
الفنان الجميل
عبد الرحيم ارقي..



حبي انا ليك كان ذادي.. (http://3aza.com/uploader/uploads/Argy--7obykanzady--Shandawe.mp3)


حبيتك بقولا.. (http://3aza.com/uploader/uploads/Argy--bhbkbqula--Shandawe.mp3)


البادي اظلـــم.. (http://3aza.com/uploader/uploads/Argy--labedkla--Shandawe.mp3)


عافي منك وراضي عنك.. (http://3aza.com/uploader/uploads/Argy--3afemnk--Shandawe.mp3)


جــار وغـــدار .. (http://3aza.com/uploader/uploads/Argy--garwgdar--Shandawe.mp3)








كليك يمين للحفظ..

كل النجوم
06-12-2006, 13:44
http://www.majdah.com/vb/uploaded/7217_1132653956gif

شنــداوي
13-12-2006, 13:54
شكرا لمرورك
كل النجوم..

سحر
20-12-2006, 16:05
انا سعيده جداجداااااااااااااااا

سحر
20-12-2006, 16:07
انا بكون مبسوطه وانا بسمع الاغاني الشايقيه

شنــداوي
07-01-2007, 11:15
انا بكون مبسوطه وانا بسمع الاغاني الشايقيه

الاخت
(سحر)..

وسنعدك بالمذيد
إن شاءالله..

شنــداوي
18-01-2007, 08:35
لو سمحتوا
أغنية حبي أنا ليك كان زادي وكان جوة الحنايا دفين
لحناً وكلمات
والرد القالوا ليها
مع محبتي لكم :trrr6:


كان ذادي..

كلمات الشاعر / علاء الدين أبو سير
غناء الفنان / عبد الرحيم أرقى ..

حبى أنا ليك كان زادى وكان جـوة الحنايـا دفيـن
كتّ بضارى من الناس وخايفة عليهو مـن العيـن
عليهو أنا كت بصوم وأفطر عليهو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن
نونس فى براءة أطفال وفى الحب نروى ننهل زين
وكلما يوم يزيد البينـا لمـل بقينـا قـاب قوسيـن
اتارى أنا كت فيك مخدوعة وكم من زيى مخدوعين
ما قايلاك بتلعب بى تعيش اللحظـة بـس والحيـن
وما قايلاك حبيـب آلاف وقلبـك قبلـة للضاليـن
وما قايلاك بتنسى حبيب صبر راجيك ستـة سنيـن
وساهر كم ليالـى طـوال يتقلـب شمـال ويميـن
كيفن هان عليك تنساهو زولاً كـان عليـك حنيـن
وتشغـل بالـك الأشـواك لمّـن تزبـل الياسميـن
كت دايراك بسمة عريضة فى وش الزمان الشيـن
وكت دايراك ساعة الحاجة تبقى لىّ دخرى خزين
كت دايراك مقنع حوبة وكتيـن المضـارى يبيـن
وكت دايراك فارس أحلام تشاركنـى ونتـم الديـن
وكت دايراك أمل بسّام يزيل ألـم البعـاد والبيـن
كت دايراك شريك الروح واخدمك حافية القدميـن
وكت بحلم بك إنت معاى مجرتق بالعديـل والزيـن
جنبك فى شمالك قاعدة نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبة الموجة أكيد مرسايا بين موجتين
وداعاً يـا زمـن ظالـم وبالافـرح علـىّ ضنيـن
وداعـاً يـا قلـب قاسـى لا بيحـن ولا بيلـيـن
وداعاً يا سراب خداع محال مابيـروى عطشانيـن
وداعا يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن
تبشر بى خريف جايينا ياما النّاس رجوهـو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك ياقلبى المسالم وديمة طبعو حنيـن
يتاورو الشوق ويلعب بيهو تنحر فى حشا السكيـن
تعاودو الذكرى تنتر جوا حالـو يحنـن المسكيـن
أخيراً منى ليك سلام وقبل ماتجف دمـوع العيـن
وقبال منّـى ماتعـدى وقبـال الفـراق مـا يحيـن
بخيت وسعيد عليك ان شا الله يبقالك عمّـار وبنيـن
وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
إن شاءالله ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانة وديـن ..




كان أملى..
كلمات الشاعر/ عثمان عوض عثمان..


حبى أنا ليها كان أملى وأمانى حياتى فى الدارين
الا ظنونا والعزال محو الحلــم الرعيتو سنين
شلت هواها فى الأعماق وفى قلبى العليها أمين
وفى أحلام ليالى ا لغربة وفى أنات غريب وحزين
وفى فجر الصباح الباكى فى آهات يتيـم مسكين
وفى أنفاس عميرى الباقى فى قيـــم الضمير والدين
واسترجع معاها الذكرى وأشكيلا الفــــــراق والبين
وأحدثا عن مآسى الغربة وأشواق الفـــــؤاد والعين
واصناف العذاب الشايفو والنار البقـــــــــــت نارين
وما كان حبى ليها خداع ولى غيرا الحنــــان واللين
وأبداً ما عشقت خلافا وما قلبى البشـــــــــــيل إتنين
ولا سويت مشاعرى شواطى للتايه مـــــــن الوزين
ولا شيدت للريد قِبْلة بيها ألمــــلم الضالين
وحات البينا كان عامر وحات الجوة لســـــة دفين
ما حبيت معاها إنسان ولا جــــربت نوم شقين
ومديت صبرى فى الأيام بدل واحد بقـــــن صبرين
دة كلو عشان أتم مشوارى وارجع للعـــديل والزين
وزى ما كان تعد أياما تسأل عــن رجوعى متين
وتحلم بالعديل والحنة والعش البفــــوح ياسمين
وتبسم لى خيال أحلاما بى قلباً ملايكى حــــنين
وترقص بالفرح تتنى تتمـــــايل شمال ويمين
عليها أنا كان يطير قلبى زى عصفــــور بلا جنحين
وينزل فى ديارا يغنى يتمنى ويقــــــــول آمين
ويمسح من عيونا الدمعة من جوفــــــــا وقليبا أنين
وحتى الروح تسافر ليها والإحساس رفـــيق ومعين
شن فضَّل معاى فى الغربة غير جسدى وسهــد عينين
يساهرو مع الحبيبة النايمة والعهـــــد الوثاقو متين
ويحلموا بالطبول والزفة والعقـــــد اليباركو الدين
ويعملو لى تلاقى أرواحنا والفــــــرح البزيل حزنين
ولما وصلت قبل سلامى كان النَّاس بتســـأل وين
واتلمَّ الشتات فى دارنا من كـل القبايل هين
وابتدت الخلوق تتبارى زى العــــادة فى التخمين
أريتم عرفو حالى البى واريتـــم كانو بس عارفين
إنو هواها روح لى روحى وإنو قلوبنـــــا متعاهدين
وإنى أنا ما بسيب إنسانة شالت ريدى ستة سنين
وما بنسى البسيمة الحلوة والسمــح الكلامو رصين
والذكرى الصداها بحسو فى أعماقى ليهــــو رنين
الا العـــــادة مابتتخلى للناس الدوام فارغين
لفوا الحلى بى أركانا جاطـــــوها وملوها طنين
قالو تِحِتْ تِحِتْ أخترت حلوة من أجمـــــــل الحلوين
ليه صدقتى يا مسكينة ناساً كان متــــــين صادقين
واستعجلتى ما اتأكدتى مرّقْتى الكـــلام الشين
وقلتى العود خلاص إنشقَّ والطــق سمعتو الأضنين
وإنى أنا ما بساوى ترابك السارت علـــــى الكرعين
وإنى من رموز الكانو دايماً للعهـــــود خاينين
وخميتى الرماد وبكيتى سيلتى الدمــــوع نهرين
بدل ما تمد أياديك زهرة شربـــــــت من نزيف قلبين
وكبرت فى رعاية الريدة طالت وطلَّعــــــــت فرعين
بدل ما تقولى لىَّ ســـــلامة لو ما قلتى مشتاقين
أرهفتى السمع صدقتى للناس البجــــوك واشين
وصاحبتى البجوك يتســــــلو ما فكرتى ليه جايين
ورسلتى العزول برسالة حادة وأحـــــــــدَّ من سكين
وقلتى خلا ص نهيتى البينا قلتــى وقلتى لىْ آسفين
سفاينك ما بتلم فى ساحلى والشاطــى الهجرتو سنين
وفى لحظة غضب إخترتى فى لحــظة عذاب وأنين
والدرب الصبرت عشانو فى آخــرو اتفرق دربين
ما إنتى البراك أبحرتى عز الهيجـــة بين موجتين
وحاتك لى قلب مجروح ومحروم من مُنى العاشقين
جمال الدنيا يا مغرورة إلفـــة وريدة بين إتنين
تعالى نعيد سنينا الضايعة نرجــع للعديل والزين
وأحسن ننسى كل الفات قبل ما يفوت عمــرنا حزين
ومهما يقسى قلبك إنتى ويفضــــل فى عنادو سجين
بكرة مصيرو لىَّ يعود ويرجــع تانى لىَّ يلين
لأنو الريدة جمرة نار يعيش فى الجوف رمادا سنين..

samia
19-01-2007, 04:07
شكراً لك اخي الكريم
You make us feel at home with those fantastics songs
God bless you

شنــداوي
29-01-2007, 11:57
شكراً لك اخي الكريم
You make us feel at home with those fantastics songs
God bless you

اختى samia

اسأل الله ان تغمركم السعاده
والشعور بالفرحه دائما
إن شاءالله.. :trrr6:

الكونت
31-01-2007, 01:13
شنداوي .. كمان مع الشايقية وابداعاتهم .. والله انت رائع ومبدع ... لك التحية

شنــداوي
21-02-2007, 11:25
عزيزى
الكونت..

اهلنا الشايقة
هم اهل الابداع
ولكلماتهم جمال خفي
تظهره روعة الاداء واللحن
اشكر مرورك..

الجميل الساده
07-03-2007, 22:58
:trrr6: شندواى احيك على اهتمامك بالغناء الشايقى والله انا بذوب فى اغانى الشايقيه الرغم من انى من عندكم جعلى اصلى من شندى وتحياتى لاهلى الجعلين اينما كانوا:trrr6:

كمال انور
24-04-2007, 12:59
شكر خاص لجميع ادارة منتدى حب النيل على المجهود الرائع

شنــداوي
10-05-2007, 11:11
الجميل الساده
كمال انور..

بزيارتكم اكتمل اللحن
اشكركم..

shevchenko
21-06-2007, 14:21
مشكوووور على الاغاني وارقي اجمل اغاني عندو دي وياريت لو جبت الحزن الدفين

sardena
12-09-2007, 12:14
تسلم0000تسلم 000 شنداوي000
00علي الاغاني الجميلة للفنان المبدع الرائع صاحب الصوت الجميل عبدالرحيم ارقي0000 وبطلب منك اغنية (حبيتك بقولا )000

شنــداوي
08-11-2007, 09:27
الاعزاء

shevchenko
..sardena


اشكر مروركم
وإن شاءالله ناتيكم بالمذيد
بس يا sardena
اغنية حبيتك بقولا
موجوده فى البوست راجعيها..

ekhlas
13-02-2008, 00:32
ودى ذات الشامة هدية منى لكل محبى ود ارقى

للحفظ (http://www.alnsri.com/upload/uploads/zatalshama000.wma)

كل الود
بت القرير

هترشة
13-02-2008, 08:23
شنداوي تسلم على الحاجات الحلوة دي

عميق شكرى لك

شنــداوي
12-03-2008, 11:21
شنداوي تسلم على الحاجات الحلوة دي

عميق شكرى لك


الاعزاء..

اخلاص
هترشة..

اشكر مروركم
ونشكر الاضافة اخلاص
ودائما منورين :trrr6: ..