عذرا فيلادلفيا [الأرشيف] - منتديات حب النيل

ود المدني

04-01-2007, 10:22

شعرت بالبرد يسري في عظامي كالنار في الهشيم بعد أن أكلمت إجراءات دخولي ولاية فيلادلفيا .. ارتدي ملابس عادية مع جاكيت لا يسمن ولا يغني من برد .. وها أنا ذا أحط رحالي في فيلادلفيا قادما من الدوينيب ريفي الحصاحيصا .. اللوتري وما أدراكم اللوتري .. كنت امني نفسي ان تكون اول محطة لي في أمريكا مدينة فيرجينيا بواشنطون فقد سمعت أن بها الكثير من السودانيين .. أخذت استجمع بعض الشجاعة وانأ أمعن النظر شمالا ويمينا فشوف العين غير السمع .. قفز بالعمود من ريفي الحصاحيصا الي فلادلفيا تري ماذا تخبي لي الأيام في هذه المدينة .. كان معي بضع من مئات الدولارات التي جمعتها بعد جهد جهيد اشترك في جمعها كل أهل الدوينيب وبعض من تجار الحصاحيصا 600 دولار لاغير هي ما بحوذتي من مال لا املك قبلها وما بعده العلم عند الله .
سحبت الهاند باك ولا ادري الي اين اتجه .. فكنت اخشي ركوب التاكسي خوفا علي دولاراتي القليلة .. 600 جنيه ما بتعمل ليك حاجه .. اتجهت الي الباصات واخترت الباص الذى سيتجه الي داون تاون (وسط المدينة ) بمفهوم امشي السوق وهناك بتلقي طلبك كان لكوندة كردفان ولا فندق الحرمين بالسوق العربي .. فلا اعرف غيرها فهي الفنادق التي نزلت بها في الخرطوم عند زيارتى الاولي للخرطوم بصحبة والدى للتقديم للجامعة ..
اول مشكلة واجهتني هي شراء تذكرة الباص .. فقد لاحظت عدم وجود كمساري بالباص .. لقيت لي شباك الناس وقفين فيهو بالصف لشراء التذاكر ووقفت .. وسحبت المائة دولار الاولي .. وكانت التذكرة رخيصة جدا .. الراجل قلب لي 50 دولار واربعة عشرات والباقي دولارات فئة 1 دولاروشوية فكة .. كان سعر التذكرة ارخص من باصات الحيصاحيصا الدوينيب .. ومررت التذكرة علي البوابة الالكترونية كما فعل الآخرون .. فنفتح الباب وصعدت اللي الباص بسلام .. جلست في المقعد المجاور فتاة زنجية سمرا وقالت هاي .. رددت التحية وكان أكثر شي استند عليه هي لغتي الانجليزية .. الله يديك الصحة والعافية يا خالي استاذ عبد المنعم استاذ اللغة الانجليزية .. شربني ليها شراب .. كان زمان اعتمدنا علي المنهج بتاع الوزارة كنا مرقنا كيت ..
تحرك الباص وبدأت السمرا حوارا .. فشكلي يوحي بالكثير من الاستفهامات .. ولكنتي الانجليزية تبين أنني جديد لنج علي هذه البلاد .. كنت ارد عليها بكل لطف ولم ارفع عيني عن الأرض (قض البصر واجب ) اين ما تقع عيني في الشارع أجد قض لبصر واجب .. اها حتعمل شنو يا ابو الشباب .. سألتني الشابة السمراء عن وجهتي فقلت داون تاون .. فأبدت الدهشة والاستغراب من ردي .. فوسط المدينة او الداون تاون كما يقولون .. ليس بتعريف دقيق فسألتني عن عنواني .. وطبعا ماكان عندي عنوان .. شعرت بأنفاسها حارة وهي تطبع قبلة علي خدي عند الوداع وغادرت الباص بعد ان وصلت الي وجهتها وأعطتني ورقة كتبت عليها رقم تلفونها ..
كنت ما ازال مجندلا ومزهولا من هول القبلة التي طبعتها علي خدي .. فقد سرت في جسمي القشعريرة ووقفت شعرات جسمي .. وجسمي بقا شوك شوك .. واصبحت عندي مناعة ضد البرد بهذه القبلة ..
.. اول مرة في حياتي زول يبوسني .. لا اذكر ان والدى او والدتي باسوني قبل كده ..
فرفعت يدي بالوداع بعد نزولها وندمت غاية الندم لعدم النزول معها في نفس المحطة .. وقلت يا ود التقلة صنعة
يتبع ..

قنديل

04-01-2007, 12:09

والله لكن ياود المدني

تحيه ليك ولي ناس الجزيره وتحيه حاره لي فيلادلفيا والزنجيه

وياريت تطمنا عليك والحصل شنو ؟؟؟؟؟؟؟؟؟؟؟؟؟؟؟؟؟؟

انشاء الله موفق دايما

تحاياي هداياي

الجنتل

04-01-2007, 12:32

شايقية نجيضة

04-01-2007, 20:31

يتبع ..
شوقتنا... واصل القصة لو سمحت.:)

ود المدني

06-01-2007, 11:05

والله لكن ياود المدني

تحيه ليك ولي ناس الجزيره وتحيه حاره لي فيلادلفيا والزنجيه

وياريت تطمنا عليك والحصل شنو ؟؟؟؟؟؟؟؟؟؟؟؟؟؟؟؟؟؟

انشاء الله موفق دايما

تحاياي هداياي

عزيزى قنديل .. يسلمو علي المرور والتعقيب .. عاطر التحايا ..

ود المدني

06-01-2007, 11:10

كنت ما ازال مجندلا ومزهولا من هول القبلة التي طبعتها علي خدي .. فقد سرت في جسمي القشعريرة ووقفت شعرات جسمي .. وجسمي بقا شوك شوك .. واصبحت عندي مناعة ضد البرد بهذه القبلة ..

عندنا برد يا ود المدني هذه الأيام
عاوزين من الفوق دي 10

متابعين بحميمية ولصاقة شديدة dd13

الحبيب الجنتل .. يسلمو علي التعقيب .. عشرة يا مفتري .. انت داير ليك بطانية عديل .. تظليل شامل .. لك ودي واحترامي .. يا حميم وبرضه ممكن تكون يا حمام ..

ود المدني

06-01-2007, 11:13

شوقتنا... واصل القصة لو سمحت.:)

الاخت شايقية نجيضة .. شكرا لمرورك وابداعاتك علي المنتدي .. سنواصل تكملة القصة قريبا بإذن الله ..

كل النجوم

06-01-2007, 11:21

ود المدني انت راكب بص
ونحن مستنين في المحطة البرد نفخنا
انزل سريع وكمل لينا

هندويه

06-01-2007, 11:54

ههههههه ود المدني سرد لزيز للغايه ...... اتمني ليك حياة هنيه في فلادلفيا لكن لازم تتقل ياود الحصحيصا ........ ماااااااااااااااتتوصي

في انتظار البقيه

mohamed merghani

06-01-2007, 13:35

قطرة الندى

06-01-2007, 13:42

سرد رائع بروعة المشاركين :trrr6:

ننتظر بشوق لاكمال البقية 56g58

الكونت

06-01-2007, 15:20

دائماً تكون البدايات صعبة .. الله يسهل عليك .. ويوفقك في البلد الصعبة ديك .. حقيقة تسلسلك القصصي رائع .. تحياتي

ود المدني

07-01-2007, 10:15

عند وصول الباص لوسط المدينة غادر الراكب وكنت آخر المغادرين .. وهنا كانت الصدمة الحضارية .. من هول العمارات الشاهقة المنتشرة في كل مكان .. وجاني وجع فقر من كثر الصنقعة .. بنايات وضعت بعناية يخيل إليك أنها لوحة فنية .. اقل عمارة طولها لا يقل عن ال 25 دور .. انتابني شعور بالضعف والانهزام أمام هذه الحضارة .. فسحبت شنطتي الوحيدة خلفي ابحث عن اقرب مقهي .. فبرغم طول الرحلة التي استغرقت حوالي 9 ساعات من لندن مازلت اشعر بالنشاط والحيوية .. ظللت افكر كيف لسكان هذه العمارات الشاهقة ان يحسوا بالأمان .. كيف لزول ان ينام قرير العين في الطابق ال 30 .. وهو معلق بين السماء والأرض .. وهو الذي تعود علي نوم الحيشان الحدادي مدادي .. تراكم البنايات والعمارات وطولها الشاهق يولد لديك شعور بالضيق لمن تعود ان يعانق نظره الأفاق ..
بعد جهد وكمية من الكداري من فندق الي اخر .. استقر رأي علي فندق القست هــــاوس Guest House فهو ارخص كثيرا من غيره لحدي ربك ما يفرجها .. وعند مدخل الفندق لا حظت وجود الكثير من الاخوه العرب بالزى الخليجي فاستبشرت خيرا .. واعتراني فرح وحبور لوجود عرب بهذا المكان ..
نشأت لدي صداقات معهم فالكل يناديك يا زول .. فعرفت بعدها ان الفندق يكون منزلا لمن يقصدون الاستشفاء في أمريكا لقربه من احدي المستشفيات المشهورة ..
أسبوع كامل وانأ أقوم بالإجراءات بين سلطات الجوازات والأمن وال اف بي اي ,, بولاية فيلادلفيا .. وما عليك الا الانتظار بعدها .. فكل المعاملات يتم استلامها عن طريق البريد علي عنوانك .. كنت قد صرفت خلال هذا الأسبوع ال 300 دولار وتبقي معي 300 يعني الضنب رقه فلابد من مخرج .. الإخوة الخليجيين أصبحت العلاقة معهم ممتازة فهم يسألون عنى دوما .. كان من اكبر همومي التي تزللت هي البحث عن المسجد .. وعرفت طريق المسجد بواسطة الاخوة العرب الخليجيين .. فالمسجد قريب من المكان .. وكانت علي صلوات يومين قمت بقضائها ..اكثر شىء يضايق الواحد لبس البنطلون 24 ساعة لمن تعود علي العراريق والسراويل الهبابي ..
استقر الحال في انتظار الأوراق .. وكنت اقضي معظم الوقت في اللوبي بالفندق او استصحاب بعض الاوخوة الخليجين في مقابلاتهم للأطباء .. تعلمت الكثير من المصطلحات الطبية .. وخلال فترة وجيزة أصبحت المترجم المفضل لديهم .. وعاد لي ذلك بدخل جديد ما كنت أفكر فيه مطلقا .. مما جعلني افكر ان انزل السوق واعمل شوبنق وأروق المسائل .. بشوية بناطلين وقمصان امريكية .. يعني حتضبضب يولد ..
وجدت القصاصة .. ورقم البنت السمرا التي صادفتها في الباص .. عند وصولي .. كنت قد أصبحت أكثر جرأة من ذى قبل بعد أن استقر بي الحال وعملي الجديد في الترجمة الشفهية .. خدمة قمت بأدائها بكل طيب ونقاء نفس وجابت قروش .. وذى ما بقولوا في امريكا مافي شي مجاني لله ..
كانت البنت السمراء قد ذكرت لي اسمها .. وتبخر الاسم فقررت أن اسميها فيلادلفيا .. أخذت أتأمل الرقم فقد تعلمت في أمريكا استعمال الخرائط لتحديد المكان قبل الذهاب إليه فعليك ان تعتمد علي نفسك في كل شي .. وليس هناك من احد يجيبك اذا سألت .. إن أرقام الهواتف الأرضية تحدد المناطق .. وبتحديد المنطقة والحي يمكن ان تحدد مستوي الحي فهناك أحياء ذات سمعه سيئة .. وأحياء غنية .. وأخري فقيرة وهكذا ..

ونتابع الجزء الاخير

شنــداوي

07-01-2007, 10:37

ود المدني
فقت حد الجمال
وفى إنتظار البقية بشغف..:trrr6:

ود المدني

07-01-2007, 10:47

ود المدني انت راكب بص
ونحن مستنين في المحطة البرد نفخنا
انزل سريع وكمل لينا

الاخت كل النجوم .. .. مري علي الجزء الثاني تحت و البسي الجاكيت من البرد الحكاية لسه فيها جزء ثالث .. لكي التحايا وخالص الود ..

ود المدني

07-01-2007, 10:52

ههههههه ود المدني سرد لزيز للغايه ...... اتمني ليك حياة هنيه في فلادلفيا لكن لازم تتقل ياود الحصحيصا ........ ماااااااااااااااتتوصي

في انتظار البقيه

الاخت هندوية .. شكرا علي تعقيبك ومداخلتك .. ما تخافي علي بطلنا ود الحصاحيصا .. زول اول ما نزل كايس المسجد ما بتجيهو عوجه ..

ود المدني

07-01-2007, 10:59

يا سلاااااام .....
قلت لي لوترابي من فيلي ...
أخيرأ الواحد لقي ليهو رفقة ...
welcome to the club
لكن قول لي ... ما دام ما كان عندك زول في فيلي دي .... الوداك ليها شنو ?
ما سمعت بي greensboro .... north carolina ?

الحبيب merghani khalifa يا حياك علي التعقيب والمداخلة .. اسمك ده كده شكلوا من اوهايو ولا بروكلن .. ماعندي زول في فيلي .. نزلت ذى ود الكلي كلي .. وقسمتنا وقعتنا في فيلي .. والقسمة ما باليد يا ناس نورث كرورلينا .. عاطر الود والتحايا ..

ود المدني

07-01-2007, 11:02

سرد رائع بروعة المشاركين :trrr6:

ننتظر بشوق لاكمال البقية 56g58

الاخت قطرة الندي .. ميرسي علي الحضور والمشاركة .. وتابعي معنا الجزء الثاني والثالثه واقعة الله يسترنا هههههههههه .

ود المدني

07-01-2007, 11:07

دائماً تكون البدايات صعبة .. الله يسهل عليك .. ويوفقك في البلد الصعبة ديك .. حقيقة تسلسلك القصصي رائع .. تحياتي

عزيزى الكونت .. ميرسي كتير علي المشاركة .. واشادتكم بحرفي المتواضع .. الله يسهل علي البطل ود الحصاحيصا يتخارج منها بسلام .. والله يوفقنا نختم القصة كما يجب دون اطالة ..

mohamed merghani

07-01-2007, 11:14

[/b]
والله ما شاء الله يا ود المدني .... بقيت تترجم من أول يوم ?
بعرف لي ناس ليهم 10 سنين قاعدين هنا وقاعدين يترجموا ليهم ....
بالله التقول ميكسيكان ...

محمد أبوعاقلة

07-01-2007, 11:30

اول حاجه ... دا انت مع دكتور كوباني ... والا واحد تاني
(مرات عندي شلاقة)
وبعدين نقرمش باقي الحاجات
http://www.geocities.com/boldman14/madani.jpg

ود المدني

07-01-2007, 12:01

اول حاجه ... دا انت مع دكتور كوباني ... والا واحد تاني
(مرات عندي شلاقة)
وبعدين نقرمش باقي الحاجات
http://www.geocities.com/boldman14/madani.jpg

كتاحة لكن شلاقتك عينة ..وانا مستغرب جبتها من وين .. لانه المنبع ذاتو الايام دي ما شغال الا تكون لاطشتها وداسيها عندك .. ياهو ذاتوا الجنب كوباني .. اكشف ورق سريع يا مان .. ولا بتلحق علاء الدين وتلعب في الربيع ..

وقرمش وادينا النقرمش معاك ..

غايتو كان ما اخاف الكذب .. واحد من ثلاثة .. اما محمد اب..... ولا ابو صل.... ولا جت... .....س . الله يجازي محنك ..

محمد أبوعاقلة

07-01-2007, 12:16

كتاحة لكن شلاقتك عينة ..وانا مستغرب جبتها من وين .. لانه المنبع ذاتو الايام دي ما شغال الا تكون لاطشتها وداسيها عندك .. ياهو ذاتوا الجنب كوباني .. اكشف ورق سريع يا مان .. ولا بتلحق علاء الدين وتلعب في الربيع ..

وقرمش وادينا النقرمش معاك ..

غايتو كان ما اخاف الكذب .. واحد من ثلاثة .. اما محمد اب..... ولا ابو صل.... ولا جت... .....س . الله يجازي محنك ..

بس ... ولو ما المصدر مقفول ما كنا مشينا فيلادلفيا ....

ود المدني

07-01-2007, 12:37

بس ... ولو ما المصدر مقفول ما كنا مشينا فيلادلفيا ....

لا يا الغالي .. هنا حب والنيل .. وجوجو الاصيل .. وابو... لة النبيل .. وجميل ..
بتلقي ديجانقو .. وغيره كثير جاييك .. واستمتع بحفلة القاعة ندي العنبر ..
ونرجع نقرمش في الموضوع .. عشان ما نخرج للمنوع .. :trrr6:

محمد أبوعاقلة

07-01-2007, 12:47

طيب ... اولا شوق مطر
تانيا ... انا في خطر
تالتا ... لسه في قطر

ونرجع لمحور حديثنا ...

الجنتل

07-01-2007, 12:54

هندويه

07-01-2007, 12:57

في الانتظار ........45655 45655 45655

محمد أبوعاقلة

07-01-2007, 13:02

في الانتظار ........45655 45655 45655

انت يا بت واقفه في صف التذاكر ...

بي كم التذكرة يا ود المدني ... بسنتات قليلة
برضو ارخص من مشوار الركشة يا هندوية

محمد أبوعاقلة

07-01-2007, 13:06

ود المدنى
طلعت معرفة مع الواد كتاااااااااحة
غايتو سلاح ذو حدين
بناحية بتستمتع بادبو وفنونو
وبناحية بتعبك بشلاقتو - بعضمة لسانك يا كتاحة - وجنونو

يا ما اسعد الرفقة 00 تحياتى ليكم يا
اجمل الحلوين يا:trrr6:

وين عهودك وين

معقول يا جنتلوف ...
لكن ودالمدني طلع زي قلم رصاصك ...
البين قوسين ...
بامانه السرد جميل ...
وانا لسه ما (دشيت) معاه في الموضوع

هندويه

07-01-2007, 13:07

انت يا بت واقفه في صف التذاكر ...

بي كم التذكرة يا ود المدني ... بسنتات قليلة
برضو ارخص من مشوار الركشة يا هندوية

لالالا مابركب بصات بخاف يركب جنبي زنجي ........

محمد أبوعاقلة

07-01-2007, 13:13

لالالا مابركب بصات بخاف يركب جنبي زنجي ........

اقسم بالله كنت ح اكتبا وغيرت رايي في آخر لحظة
لكن هو ما خاف لم ركب جنب زنجية
ممكن يكون متعود علي ستات الشاي عندنا
اكيد

هندويه

07-01-2007, 13:16

اقسم بالله كنت ح اكتبا وغيرت رايي في آخر لحظة
لكن هو ما خاف لم ركب جنب زنجية
ممكن يكون متعود علي ستات الشاي عندنا
اكيد
ههههههههههههههههههه هههههههههههههههههههههه
ههههههههههههه

يجازي محنك

هندويه

07-01-2007, 13:18

اقسم بالله كنت ح اكتبا وغيرت رايي في آخر لحظة
لكن هو ما خاف لم ركب جنب زنجية
ممكن يكون متعود علي ستات الشاي عندنا
اكيد

يااااااااااااااااااااااه علي ستات الشاي والرصيف وناس ود المدني

محمد أبوعاقلة

07-01-2007, 13:25

يااااااااااااااااااااااه علي ستات الشاي والرصيف وناس ود المدني

غايتو انا عندي ست شاي واحدة (فقط) بشرب معاها شاي الصباح كل يوم
بالجد واحدة شرط ... وبمشي بدري اشرب كبايتي بمزاج قبل الضهب ما يجو
وديك القعدة ... ومضرره من كسير البنابر والكبابي ... قدر البتشتغلو بتصلح بيهو الاتكسر

ملحوظة . يا بت وديتينا المنطقة الصناعية ...
من فيلادلفيا لست الشاي ... فرق شاسع ...

هندويه

07-01-2007, 13:30

عليك الله شفتا البرطمانات دي مرصوصه كيف .... زي رصتا بتترصو قداما ..... هههههه والله عالم عسل

الجنتل

07-01-2007, 13:36

اقسم بالله كنت ح اكتبا وغيرت رايي في آخر لحظة
لكن هو ما خاف لم ركب جنب زنجية
ممكن يكون متعود علي ستات الشاي عندنا
اكيد

ياخ بالغت

ستاااااااااات شاى مرة واحدة

ياخ انت ما شايف الوجاهة والبدلة

دا حال زول يتكسر جمب ست شاي ويكسر البنابر 00 وهاك يا قهوة ودوا قهوة وقرقراب

قول متعود على بتاعات وكالات السفر والسياحة 00 او البيرغر كنغ الفاتحة ناصية فى شارع القصرsss1

النفاج

07-01-2007, 13:37

ود المدنى
احييك على السرد الرائع للقصة نتمنى النهاية نهاية سعيدة للقصة
وما تكون نهاية ...........

واخيراَ لما لا تكون لى اكثر من حبيبة ؟

محمد أبوعاقلة

07-01-2007, 13:46

ياخ بالغت

ستاااااااااات شاى مرة واحدة
ياخ انت ما شايف الوجاهة والبدلة
دا حال زول يتكسر جمب ست شاي ويكسر البنابر 00 وهاك يا قهوة ودوا قهوة وقرقراب
قول متعود على بتاعات وكالات السفر والسياحة 00 او البيرغر كنغ الفاتحة ناصية فى شارع القصرsss1

طيب خليهو يتصور بالعراقي ...
ما ح تعرفو
او يكون راكب في كارو دبل قبينه ...
اتحداه لو ما قعد مع ست شاي في اكشاك الحصاحيصا
و الحصاحيصا كلها عشرين دكان وسبعماية ست شاي ...

كل النجوم

07-01-2007, 13:49

طيب خليهو يتصور بالعراقي ...
ما ح تعرفو
او يكون راكب في كارو دبل قبينه ...
اتحداه لو ما قعد مع ست شاي في اكشاك الحصاحيصا
و الحصاحيصا كلها عشرين دكان وسبعماية ست شاي ...

وستات الشاي في الحصاحيصا عندهن شاي عينة
بالذات الجنب البحر على موقف الخرطوم
وبانطون رفاعة

قنديل

07-01-2007, 13:57

لالالا مابركب بصات بخاف يركب جنبي زنجي ........

لووووووووووووووووووووووووووووووووووووووووووووووووو وووووووووول

محمد أبوعاقلة

07-01-2007, 13:59

وستات الشاي في الحصاحيصا عندهن شاي عينة
بالذات الجنب البحر على موقف الخرطوم
وبانطون رفاعة

انت برضو بتكسري البنابر زي الجماعة ...
عارفا المنطقة دي معقل الشاي في السودان ...

لكن بصراحة شاييهم ما زي شاي البيت ...

كل النجوم

07-01-2007, 14:03

انت برضو بتكسري البنابر زي الجماعة ...
عارفا المنطقة دي معقل الشاي في السودان ...

لكن بصراحة شاييهم ما زي شاي البيت ...

انا ما بكسر بنابر
بس الصدفة بتجيبني في حالة مسافرة الجزيرة
لازم اشرب شاي هناك

محمد أبوعاقلة

07-01-2007, 14:10

انا ما بكسر بنابر
بس الصدفة بتجيبني في حالة مسافرة الجزيرة
لازم اشرب شاي هناك

مفروض يحصل العكس ... تقعدي مع سيد شاي
بالرغم من اننا عارفين ما بتكون في اهداف مبيته زي جماعتنا ديل ...

كل النجوم

07-01-2007, 14:25

مفروض يحصل العكس ... تقعدي مع سيد شاي
بالرغم من اننا عارفين ما بتكون في اهداف مبيته زي جماعتنا ديل ...

سيد الشاي
كنا بنقعد معاهو زمن الجامعة

محمد أبوعاقلة

07-01-2007, 14:38

سيد الشاي
كنا بنقعد معاهو زمن الجامعة

زمن الشله والحنك بالجملة

محمد أبوعاقلة

07-01-2007, 14:46

سألتني الشابة السمراء عن وجهتي فقلت داون تاون .. فأبدت الدهشة والاستغراب من ردي .. فوسط المدينة او الداون تاون كما يقولون .. ليس بتعريف دقيق فسألتني عن عنواني .. وطبعا ماكان عندي عنوان .. شعرت بأنفاسها حارة وهي تطبع قبلة علي خدي عند الوداع وغادرت الباص بعد ان وصلت الي وجهتها وأعطتني ورقة كتبت عليها رقم تلفونها ..

رجعنا لمحور حديثنا ...
قالو ليك الداون تاون ومسكت فيها قوي .... بالجد استاذك كان تمام
وطبعا ماكان عندي عنوان ... ذكرتني ب (الإطيقش)
الحمد لله الما باريت الجداد ....

شايقية نجيضة

07-01-2007, 16:10

allara

07-01-2007, 19:29

واااااااااااااااااااااااااصل... اكاد اموت شمارا !sss1

الشمار حار :D

ود المدني

07-01-2007, 19:29

طيب ... اولا شوق مطر
تانيا ... انا في خطر
تالتا ... لسه في قطر

ونرجع لمحور حديثنا ...

كتاحة .. الله يجازى محنك .. الزول ما يعرف يختفي في البلد دي .. كشفت ورقنا .. الله يكشف ورقك ..
والشوق بحر ..
عارفك لسه كاسر في قطر ..
انت في خطر ونحن في اول سطر ..
لسه بتشوت ضفاري !! وبتلعب في البراري ..

ود المدني

07-01-2007, 19:35

ود المدنى
طلعت معرفة مع الواد كتاااااااااحة
غايتو سلاح ذو حدين
بناحية بتستمتع بادبو وفنونو
وبناحية بتعبك بشلاقتو - بعضمة لسانك يا كتاحة - وجنونو

يا ما اسعد الرفقة 00 تحياتى ليكم يا
اجمل الحلوين يا:trrr6:

حبيبو الجنتل .. الود كتاحة حبيبنا ..ومعرفة .. بس شلاقتوا جايب ليهو اسم ما بشبهو .. عليك الله يا الجنتل اسع ده شبه كتاحه .. صورتوا الحقيقية اشيك من صورة البروفايل بتاعك اللى انت لاطشوا من وين ماعرفناهو..
وتحياتنا ليك يا جنتلة واوعك من الرمتله ..

ود المدني

07-01-2007, 19:44

ود المدنى
احييك على السرد الرائع للقصة نتمنى النهاية نهاية سعيدة للقصة
وما تكون نهاية ...........

واخيراَ لما لا تكون لى اكثر من حبيبة ؟

عزيزى النفاج .. ميرسي علي الحضور والمشاركة في الموضوع .. ونتمني ان تكون النهاية سعيدة كما تحب بعد ان استجمع قواي المشتته بعد اعصار كتاحة .. الذى جعلني احسب عشره عشرة .. ما يكون عنده صور زياده .. ولا يكون عنده صورة فيلادلفيا ذاتها ..ويجيبونا متلبسين ..

محمد أبوعاقلة

07-01-2007, 19:45

كتاحة .. الله يجازى محنك .. الزول ما يعرف يختفي في البلد دي .. كشفت ورقنا .. الله يكشف ورقك ..

اريتو ورق الجنتل بعد الحال ... وكان علي انا ورقي في الصقيعة ... مفضوح وما داسي حاجه ... لمتين نقعد نتلبد بالحيط ... فك آخرك وريح الورق
تحياتي يا وجيه
QUOTE=ود المدني]
لسه بتشوت ضفاري !! وبتلعب في البراري ..
وبقوم سداري ... حتي لو راكب لواري
ما اصلو لم تجيك مدردقة ... الضفاري واجب
لكن ابوي كان بلعب في البراري الزمن داك كان اسمو (قلب الأسد)
وانا طلعت بتاع حواري .... بحوم بالليل وبالنهار تمساح عشاري
ههههههههههههههه

ود المدني

07-01-2007, 19:49

غايتو انا عندي ست شاي واحدة (فقط) بشرب معاها شاي الصباح كل يوم
بالجد واحدة شرط ... وبمشي بدري اشرب كبايتي بمزاج قبل الضهب ما يجو
وديك القعدة ... ومضرره من كسير البنابر والكبابي ... قدر البتشتغلو بتصلح بيهو الاتكسر

ملحوظة . يا بت وديتينا المنطقة الصناعية ...
من فيلادلفيا لست الشاي ... فرق شاسع ...

كتاحة عملت فورمات للجهاز قبل يومين وكان عندك صورة بالالوان الطبيعية وبالابعاد الثلاثة تتخيل راحت .. ولا كنت رشيتها ليك هنا عشان الناس تتأكد الاسم ده ما علي مسمي ..

محمد أبوعاقلة

07-01-2007, 20:01

اول مرة في حياتي زول يبوسني

لا بالله ... قسمت
كلامك دا قولو لي واحد ما شق المقابر ...

محمد أبوعاقلة

07-01-2007, 20:04

لو عاوزني اشيل الصورة ممكن اشيلا ... اذا حبيت
بما انو الموضوع ما فيهو حاجه

النفاج

07-01-2007, 22:51

شايقية نجيضة

07-01-2007, 23:17

تعالوا معي جميعاً يا سادتي الكرامْ…
إلى "ذاكرة الجسد" و "فوضى الحواس"…
" نحنُ لا نشفى من ذاكرتنا… ولهذا نحنُ نكتب.. ولهذا نحنُ نرسم… ولهذا يموتُ بعضنا أيضاً…

احلام مستغانمي مرة واحدة... داخل على تقييييييييييييييييييييييل... و مرحب بيك في المنتدى:)

قطرة الندى

08-01-2007, 08:08

ود مدني ياخوي الشمار قتلنا والكتاحة بقت كتيييرة :c030:

راجينك تجي تكمل لينا :trrr1:

الجنتل

08-01-2007, 08:55

حبيبو الجنتل .. الود كتاحة حبيبنا ..ومعرفة .. بس شلاقتوا جايب ليهو اسم ما بشبهو .. عليك الله يا الجنتل اسع ده شبه كتاحه .. صورتوا الحقيقية اشيك من صورة البروفايل بتاعك اللى انت لاطشوا من وين ماعرفناهو..
وتحياتنا ليك يا جنتلة واوعك من الرمتله ..

ههههههههههههههه
ود المدني
انت تحسب كتاحة ياهو الزمان بتاع فيلادلفيا ( الاسم دا لاقاني فى نوع من الاجبان ) sss1
كتاحة 00 هسع اسم على مسمى
يا زول 00ولا نكتر كلام
امش شوف تجمع شباب قطر فى رمضان الفائت فى بيت طبقة واحكم بنفسك !!
http://nilelove.org/vb/showthread.php?t=4375
اما صورتي الفى البروفايل فدي مش حلوة زي شخصنا الضعيف 00 يعنى محسوبك خايف من العين بس عشان كدا 00ابدا ما بننزل صورتنا dd13

ود المدني 00 متابعين بلصاقة وحميمية ورمتلة ما اعتيادية :c030:

محمد أبوعاقلة

08-01-2007, 09:03

تعالوا معي جميعاً يا سادتي الكرامْ…
إلى "ذاكرة الجسد" و "فوضى الحواس"…
" نحنُ لا نشفى من ذاكرتنا… ولهذا نحنُ نكتب.. ولهذا نحنُ نرسم… ولهذا يموتُ بعضنا أيضاً…
يبدو ان اعصار كتاحة .. الذى جعلك تحسب عشره عشرة ..لن يجعلك تكمل لنا القصة .
اخو شنو ماتخلى المان يتم القصة وبعدين نحكم .يا كتاحة كتحتنا معاك
إلى "ذاكرة الجسد" و "فوضى الحواس ... يا سلاااااام عليك يا نفاج
رجعتني لإنعام مستغانمي ... شفت كيف
حاضر يا لذيذ ... نخلي ودالمدني يواصل ...

محمد أبوعاقلة

08-01-2007, 09:06

allara

08-01-2007, 12:33

الشلاقة أكتر من كدا كيف ....!!!!!!!!!!!!

أووووعك من( العتيره )sss1

sss1
sss1

allara

08-01-2007, 12:34

فاهمنى ولا لا

allara

08-01-2007, 12:37

انته يابشكه نرجى باقى القصة فى رمضان الجاى ولا شنو

ود المدني

08-01-2007, 13:13

كانت تحدوني رغبة جامحة في استكشاف هذا العالم الأمريكي .. وقمت بإجراء أول اتصال علي السماري (فيلادلفيا ) .. بعد ان وصلت الي تصور معين عن مكان سكنها فهي تسكن في حي شعبي اذا صدقت أرقام الهواتف والخرائط .. وكل ما أتذكر ألبوسه شعرت جلدي تكلب .. وقررت أن أتعرف عليها عن قرب .. وبعد الاتصال .. كانت ما تزال تذكر هذا الشخص الجديد فتذكرت سريعا دون كثير عناء واتفقنا علي ان يكون اللقاء علي الغداء في الخامسة مساءا عند محطة المترو القريبة من القست هاوس ..
لبست الملابس الأمريكية الجديدة وتضبضط بالجنز وتشيكت وكان منظري يبدو غريبا وانا نازل علي اللوبي بالفندق .. مما جعلني مثار لسخرية الإخوة الخليجين .. فهم لايملون الجلوس في اللوبي وقليلا ما يصعدون الي الغرف.. وقالوا وين وين رايح ومتكشخ .. اكيد عندك شيء .. خرجت سريعا مبديا انشغالي بمكالمة هاتفية ..
حضرت فيلي في الخامسة تماما بعد انتهاء عملها وهي ترتدي بنطلون جينز استريتش ازرق .. يظهر مفاتنها مع بلوز .. كان تبدو أكثر بدانة وفتنة من المرة الأولي في الباص .. كنت احاول كسر حاجز التوتر بالظهور مع أنثي في الأماكن العامة .. وقلت يا ود بلدا ما بلدك امشي فيهو عريان ..
وعادت ريمة لعادتها القديمة وطبعت قبلة أخري علي خدي بدأت هذه المرة اكثر حميمية من القبلة الاولي التي كانت علي عجل .. مع بعض الغنج للمزيد من الحرارة .. وهنا عادت لي حالة التكليب وشعرات الجلدى التي وقفت شوك شوك فانسحبت سريعا الي المقعد ..
أبدت سعادتها بالاتصال وأصرت أن تكون العزيمة علي حسابها .. مع أنني وكعادة الرجال الشرقيين كنت علي استعداد علي الصرف علي الغداء بالكامل عدا المشروبات الكحولية بعد الثروة التي هبطت علي من أعمال الترجمة الشفهية..
كان عليك أن تحضر غدائك بنفسك من البوفيه المفتوح بعد ان تدفع اولا .. وتأخذ من الطعام مثل ما تحب وتشتهي من الأكل فإن العبوات محددة .. واذا اردت المزيد من الأكل أكثر من ما تسمح به العبوات عليك بطلب جديد .. لم يكلف الغداء للشخص الواحد 5 دولار ..
كانت ونسة لذيذة مع فيلي .. تعمل نادلة في مطعم .. إنسانة بسيطة في تعاملها مع الآخرين .. وتبحث عن صديق ..
لم ادقق كثيرا علي بحثها عن صديق .. بالمعني الامريكي .. فانا ابحث عن صديق او صديقة بالمعني الشرقي .. يعني خم رماد ما معانا ..
صارحتها بأنني نسيت اسمها الحقيقي .. وادلعها باسم فيلي .. فضحكت وكانت سعيدة باسم فيلي .. أثناء الغداء أخذت تحتسي الوآين الاحمر .. فقد أحصيت لها 3 كاسات وآين .. وكانت مندهشة من عدم تناولي للخمور .. فلم أتناول الا البيبسي .. وأوضحت لها أنني لم اشرب الخمر في حياتي وديننا ينهانا عن شرب الخمر ..
بعد الغداء قمنا بجولة كداري في المدينة .. كانت كثيرا ما تقوم بشبك يدها بيدي .. احاول التخلص من هذا الوضع بكل عصبية وتوتر .. ولدي شعور بأن كل الشارع يراقبني ..
حدثتني عن وجود تصفية عامة في فرع محل ملابس مشهور كيلر مول .. ونصحتني بأن اشتري ما يحلو لي بأسعار لا يمكن أن تحلم بها فهي اقل من أسعار التكلفة .. فتجهنا صوب الكيلر مول ..
بدأت فيلي في شراء الكثير من الملابس والأحذية ولاحظت رخص الأسعار .. تخرج من غرفة الملابس عند كل قياس لتأخذ وجهة نظري .. يا جماعة البنت دي خفيفة ولا كلهم كده ..
أصبحت محملا بكمية من الأكياس .. كان آخر يوم للتنزيلات بعد يومين فقررت عندها أن انتهز الفرصة واشتري برخص التراب ..
أبديت رغبتي لفيلي بتجاهي للقسم الرجالي علي ان تلحق بي .. وقمت باختيار 3 تي شيرت واختيار 3 بنطلون تتناسب مع التي شيرت .. واتجهت الي غرفة القياس للتأكد من القياسات.. لاتوجد اماكن مخصصة للرجال واخري للنساء فالكل مختلط .. لاحظت ان القياس الأمريكي يختلف من الاستاندر الاوربي للقياسات .. فاذا كنت تلبس قميص 16 اروبي قد تجد ما يناسبك امريكيا كم وعشرين يعني لخبطة عجيبة ..ولا بد من قياس القمصان والبنطلونات علي السواء .
وانا بداخل غرفة القياس سحبت الستارة علي وبدأت في عملية القياس .. فجأة دخلت علي فيلادلفيا في غرفة القياسات وكنت في وضع لايسمح بوجود أنثي ..حسب المفايهم الشرقية والدينية في الخلوة بالنساء..
خجلت ان تكون معي وانا في هذا الوضع .. وحاولت أن انهي آمر القياسات سريعا .. دون جدوى .. فالأمر يزداد سوءا بين لحظة وأخري .. وحتي لا يحدث ما لايحمد عقباه .. خاطبتها بحزم .. عذرا فيلادلفيا ارجو ان اكون لوحدي .. يمكن ان تنتظري في الخارج ..
فبدأت عليها الدهشة والاستغراب وهي تغادر غرفة القياسات .. وحملت أكياسها ورحلت .. وجدتها خارج الكيلر مول في انتظاري بدون نفس .. فأخذت اشرح لها الامر وانه لايجوز لدى الشرقيين الاختلاء بالمرأة في غرفة واحدة .. كنت ارجو ان تتفهم الامر ..
فقاطعتني بحزم you are in America now crazy people . انت في امريكا الان .. وكلام كتير شي منه نبز .. فحنبكت حنبكة شرقية .. وافترقنا في اول شكله .. وانا اقول بالله شوف فيلادلفيا داير تخم الرماد من قولة تيت ..
انتهت القصة ...
زول تاني يسعلني مافي يا كتاحة ويناس الشمارات .. فتكم بعافية .. والعذر علي التأخير ..

ود المدني

08-01-2007, 13:23

ود المدني
فقت حد الجمال
وفى إنتظار البقية بشغف..:trrr6:
الشنداوى .. ميرسي يا اخي علي المشاركة والتشجيع لاكمال القصة .. والحمد لله قمت بادراج الجزء الاخير بعد ما عملت فينا الكتاحة عمايل .. وفي انتظار تعقيباتكم ومداخلتكم القيمة .. لكم خالص ودي واحتراماتي ..

محمد أبوعاقلة

08-01-2007, 13:34

رائع رائع رائع يا مدني فيلي
ونقوم نفلي الكلام ...

ود المدني

08-01-2007, 14:55

لا بالله ... قسمت
كلامك دا قولو لي واحد ما شق المقابر ...

كتاحة يعني انت اللي كان ببوسك منو .. يعلم الله ابونا وامنا الله يديهم الصحة والعافية ما باسونا ليومك هذا ..

ود المدني

08-01-2007, 14:58

انته يابشكه نرجى باقى القصة فى رمضان الجاى ولا شنو

allara لك التحايا وانت تتابع معنا فيلادلفيا .. واخيرا نزلنا باقي القصة .. شوف وادينا الشمارات ..

محمد أبوعاقلة

08-01-2007, 15:04

كتاحة يعني انت اللي كان ببوسك منو .. يعلم الله ابونا وامنا الله يديهم الصحة والعافية ما باسونا ليومك هذا ..

طبعا لم كنت صغير ... كنت بقشها سريييييييييييع ... خاصة في بيت العرس
برجع البيت بلقي وشي احمر ... طبعا ما كانو بستعملو روج أصلي ... عشان كدا بهد فينا ... ونحن نقشقش ...
ولمن كبرت ... نفتش ليها يابسه وبرضو يااااااااااااااااااااااا

ود المدني

08-01-2007, 15:04

رائع رائع رائع يا مدني فيلي
ونقوم نفلي الكلام ...

حبيبو كتاحة .. لا اخفيك سرا حسبت عشره عشره قبل ما انزل الجزء الاخير .. خوفا من الصور الشلاقية .. وبالنسبة لسحب الصور .. انا بقوليك زى عادل امام .. انت سيب وانا اسيب .. وخليك براحتك مافي داعي لسحب الشيكات .. الموضوع عادي .. والجنتل ما قصر نزلينا شوية صور بنختها لليوم الابيض يا ابيض ..
وعجبتني منك اسم الدلع فيلي .. فدخلناه في السياق الاخير والبت عجبها عجب شديد ..
فلي وتعال مع خالص الود يا عسل ..

ود المدني

08-01-2007, 15:10

واااااااااااااااااااااااااصل... اكاد اموت شمارا !sss1

شايقة نجيضة .. الشمار الاخير جاكم .. ما عاوزين نعمل ليكم وجع في الاستكوزا بالانتظار .. تسلمي علي المتابعة والحضور الدائم ..وانشاء الله خوه دائمة ..

ود المدني

08-01-2007, 15:15

تعالوا معي جميعاً يا سادتي الكرامْ…
إلى "ذاكرة الجسد" و "فوضى الحواس"…
" نحنُ لا نشفى من ذاكرتنا… ولهذا نحنُ نكتب.. ولهذا نحنُ نرسم… ولهذا يموتُ بعضنا أيضاً…
يبدو ان اعصار كتاحة .. الذى جعلك تحسب عشره عشرة ..
لن يجعلك تكمل لنا القصة .
اخو شنو ماتخلى المان يتم القصة وبعدين نحكم .
يا كتاحة كتحتنا معاك

عزيزى النفاج .. تسلم علي المتابعة .. وعشان السطرين اللي في العظم ديل استعجلنا الجزء الاخير .. شوف واحكم ..

ود المدني

08-01-2007, 15:19

ود مدني ياخوي الشمار قتلنا والكتاحة بقت كتيييرة :c030:

راجينك تجي تكمل لينا :trrr1:

حاضرين اختنا قطرة الندي وكملنا الحكاية .. واللى عندو شمار اللي يقولوا .. تسلمي

ود المدني

08-01-2007, 15:31

ههههههههههههههه
ود المدني
انت تحسب كتاحة ياهو الزمان بتاع فيلادلفيا ( الاسم دا لاقاني فى نوع من الاجبان ) sss1
كتاحة 00 هسع اسم على مسمى
يا زول 00ولا نكتر كلام
امش شوف تجمع شباب قطر فى رمضان الفائت فى بيت طبقة واحكم بنفسك !!
http://nilelove.org/vb/showthread.php?t=4375
اما صورتي الفى البروفايل فدي مش حلوة زي شخصنا الضعيف 00 يعنى محسوبك خايف من العين بس عشان كدا 00ابدا ما بننزل صورتنا dd13

ود المدني 00 متابعين بلصاقة وحميمية ورمتلة ما اعتيادية :c030:

حبيبو الجنتل .. والله بشكرك كتير علي الربط المهم لكتاحة وباقي القطريه .. في ذول اسموه مماس دوخنا السبعة دوخات ياربي معاهم .. اسم مماس ده في البوابة الكبيرة هنا عندكم اسمو شنو ما عرفناه .. اما الاسم اللي لاقاك في الاجبان .. هي اجبان نصاح هي شي جبل .. بس اخوك جبان ..
صورتك الخايف عليها .. وانت ما خايف علينا .. صورتك عندنا في الحفظ والصون لما طلعتوا من عيترون وماشين تقطعوا جسر ميسلون ومعاكم ابوصلعة واقف نون ..
نحن نزلنا الصوره بظروفها وعدت .. ما عارفين في ناس لابته تحت القش ..
شوف الختام وتعال لينا بالكلام ..

شايقية نجيضة

08-01-2007, 15:47

قطرة الندى

08-01-2007, 15:52

الجنتل

08-01-2007, 15:53

طبعا لم كنت صغير ... كنت بقشها سريييييييييييع ... خاصة في بيت العرس
برجع البيت بلقي وشي احمر ... طبعا ما كانو بستعملو روج أصلي ... عشان كدا بهد فينا ... ونحن نقشقش ...
ولمن كبرت ... نفتش ليها يابسه وبرضو يااااااااااااااااااااااا

برضو اهلكم ما هينين
عندهم روج وان لم يكن اصلي
نحنا ناس ( دق الشلوفة )
يعني لو باسوك لي بكرة ما بيهد 00الا كان تقشقش حاجات تانية sss1
لكن
هههههههههههههههه
ضحكتني بي لما كبرت تكوس ليها يابسة
اصلها يابسة مافي 00 دايما طرية 00 عشان كدا ما ح تلاقي sss1
ولو ما لقيت 00بوس الواوا :trrr3:
غايتو انت وحبيبو 00ود المدني 00حا تعلمونا الشلاقة :c030:

ود المدني

08-01-2007, 19:35

ههههههههه قصة لطيفة شديد... يا ريت تواصل مشاركاتك ... و زي ما قلت ان شاء الله خوة دايمة... والله يعوضك في فلادلفيا:D

شايقية نجيضة .. الحمد لله القصة عجبتكم .. قلت هسع الناس دي تقوم علي تمرقنا من البلد .. استعدوا جايكم من الافلام دي كتير .. لكم خالص والود ..

ود المدني

08-01-2007, 19:38

ههههههههههه

تعرف.. كنت قايلة النهاية انك لما تطلع حتلاقي البت شالت المحفظة والقروش وكفت البنطلون وقالت واحد وستين sss1

عاد لكن ما بقول الا الله يعوضك ياخوي عن فلي:c030:

ابقى تابع لينا باقي القصص والسرد الجميل :trrr6:

الاخت قطرة الندي .. وهذه هي متعة الاجزاء كل زول يتخيل النهاية بتكون شنو .. بس مالك علي يا اختي ما بنقدر علي ال 61 .. والله منتداكم ظريف ولطيف بيناسوا وانشاء الله نكون معاكم دائما وابدا .. وشكرا ..

allara

08-01-2007, 23:21

اريتو ورق الجنتل بعد الحال ... وكان علي انا ورقي في الصقيعة ... مفضوح وما داسي حاجه ... لمتين نقعد نتلبد بالحيط ... فك آخرك وريح الورق
تحياتي يا وجيه
QUOTE=ود المدني]
لسه بتشوت ضفاري !! وبتلعب في البراري ..
وبقوم سداري ... حتي لو راكب لواري
ما اصلو لم تجيك مدردقة ... الضفاري واجب
لكن ابوي كان بلعب في البراري الزمن داك كان اسمو (قلب الأسد)
وانا طلعت بتاع حواري .... بحوم بالليل وبالنهار تمساح عشاري
ههههههههههههههه
حتيتوا قرض نفك اخر الجماعة
ونكشف الاوراق ولا مافى داعى
ولا خايفنها تعرج:D

allara

08-01-2007, 23:29

يازول انته نزلته الدون تاون ولا المورده

allara

08-01-2007, 23:31

ما تكمل القصة دى خلينا الننوم
ساهرته بيتا
(تساهر يايمة فى حفلة حبش)

ود المدني

08-01-2007, 23:49

ما تكمل القصة دى خلينا الننوم
ساهرته بيتا
(تساهر يايمة فى حفلة حبش)

allara يا اخوي القصة انتهت .. انت داير تلم الكراسي .. ومبروك عليكم عيد الحبش الايام دي من دنانيش لي كنجو عارفك ما بتقصر .. ما تقوم تطلع لينا عقرب من طوبتك دي زى عقرب كتاحة وتطلع معرفة .. بس شكلك كده قطري كتاحي

ود المدني

08-01-2007, 23:52

حتيتوا قرض نفك اخر الجماعة
ونكشف الاوراق ولا مافى داعى
ولا خايفنها تعرج:D

فك الانفاس ودايرين الفاس تقع في الراس
ومنتظرين منك الخمسين .. واكشف الاوراق sss1

ود المدني

09-01-2007, 09:48

ههههههه ود المدني سرد لزيز للغايه ...... اتمني ليك حياة هنيه في فلادلفيا لكن لازم تتقل ياود الحصحيصا ........ ماااااااااااااااتتوصي

في انتظار البقيه

هندوية .. وينك ما شفناك في الجزء الاخير .. كده شوفي ود الحصاحيصا تقل ولا اتلفح بالخفة ..

قرقور

09-01-2007, 10:05

شنــداوي

09-01-2007, 10:18

ود المدني

09-01-2007, 10:19

القبلة

القبلة التحام جميــــل ..

القبلة سحر متلذذ

القبلة دفء لا يقاوم

القبلة رسول ســـلام

القبلة جلاء أحــزان

القبلة بحر طويـــــل

القبلة إعلان الحــب

ود المدني في انتظار الجزء الثاني

قرقور يسلمو علي المرور .. انتو يا ناس حب النيل حكايتكم شنو مع القبلات .. sss1 .. مولعين مرة (مرة دي بالخليجي ) سحر لا يقاوم .. وجلاء الاحزان .. وبحر طويل ..
القصة دي انتهت يا حبيبو قرقور .. نشوف لينا قصة جديدة ونبعد من القبلات والمقبلات والشمارات ..
ودي واحترامي ..

طبقة الأزون

09-01-2007, 10:21

قرقور

09-01-2007, 10:22

قرقور يسلمو علي المرور .. انتو يا ناس حب النيل حكايتكم شنو مع القبلات .. sss1 .. مولعين مرة (مرة دي بالخليجي ) سحر لا يقاوم .. وجلاء الاحزان .. وبحر طويل ..
القصة دي انتهت يا حبيبو قرقور .. نشوف لينا قصة جديدة ونبعد من القبلات والمقبلات والشمارات ..
ودي واحترامي ..

ود المدني جد اول مرة اندم اني دخلت بوست في حب النيل

وتاكد دي اخر مرة اخش البوست ده

احتراماتي

ود المدني

09-01-2007, 10:38

ود المدني جد اول مرة اندم اني دخلت بوست في حب النيل

وتاكد دي اخر مرة اخش البوست ده

احتراماتي

عزيزي قرقور .. شكلك كده زعلت من هظاري التقيل .. يا اخي حرام عليك انا بحاول اتواصل معاك بكل اريحية وبعيد عن اي رسميات .. لو متابع معانا يا عزيزى قرقور الموضوع كان 3 حلقات مع كمية من المداخلات .. التي اخذت طابع الحميمية .. والجزء الاخير كان في الصفحة الرابعة .. وكتبنا في النهاية انتهت القصة ..
ارجو ان اري توقيعكم دوما منور صفحات حب النيل ومنور مواضيعي .. والعذر منك لو فهمت اي تصور بطريقة مختلفة من اللي رمينا اليه ..
ودي واحترامي الكبير .. يا امير ..

ود المدني

09-01-2007, 10:45

ود المدنى .....

مرحب بشباب فيلادلفيا .. طبقه يحييكم على البعد ...
وبنفس التشوق .. وبعيدا" عن غبار صديقى العزيز كتاحه ...
أبعث لفيلادلفيا ... قبلاتنا الحاره ......
والله يحفظ الجميع من العين ...........

طبقة الازون .. قبلة يرقص بها الكون فرحا وغبطة .. تأبي طبقة الازون دوما الا ان تكون حاضرة برقته المعهودة وذاكرته المتقدة بالحب للجميع يسلموا علي المرور والتواصل ..

ود المدني

09-01-2007, 10:54

ود المدني..

يحلك الحلا بلــــــــه :p ..

الجزء الثالث والاخير
كان اكثر تالقا فى السرد والتشويق
وعرفنا كيف ان اختلاف الثقافات
يؤثر فى التواصل بين الشعوب من الوهلة الاولى
مع اختلاف العادات والتفاليد من بلد لاخر..

فى إنتظار جديدك دوما
على امل ان تغوص المرة القادمة
فى بيئة سوداننا الحبيب..

عاطر التحايا..

عزيزى الشنداوى

ميرسي علي التواصل والحضور الدائم ..
كغيمة بيضاء صافية
تضع بقلمك فاصلة .. لتختم جملتك بهمسة
حتي نصل الي محطة سودانية جديدة
ودي واحتراماتي ..

قرقور

09-01-2007, 12:33

الاخ ود المدني
دخولي مرة ثانية اكبر دليل على ان الامور عادت كاكانت

واسف انا برضو على الفهم الخاطئ لمداخلتك

ودوما حبل التواصل والمحبة متتد

allara

09-01-2007, 13:12

قرقور يسلمو علي المرور .. انتو يا ناس حب النيل حكايتكم شنو مع القبلات .. sss1 .. مولعين مرة (مرة دي بالخليجي ) سحر لا يقاوم .. وجلاء الاحزان .. وبحر طويل ..
القصة دي انتهت يا حبيبو قرقور .. نشوف لينا قصة جديدة ونبعد من القبلات والمقبلات والشمارات ..
ودي واحترامي ..

يا ودالمدنى
..... خليت الناس موهومه ومولعة
والظاهر علينا تقلنا شويه :c030:

ود المدني

09-01-2007, 13:15

الاخ ود المدني
دخولي مرة ثانية اكبر دليل على ان الامور عادت كاكانت

واسف انا برضو على الفهم الخاطئ لمداخلتك

ودوما حبل التواصل والمحبة متتد

الاخ قرقور .. نورت البوست من جديد .. يا ذهبي .. الذهب عمره قالوا ما ببقا فضه .. وها انت تبين معدنك الذهبي الصافي الاصيل .. فائق تقديري واحترامي وتواصلي الدائم معكم ومع كل الاحبة بحب النيل ..

allara

09-01-2007, 13:17

ادى الليل لون شعرك
وغطى القمر بى بسمك
.....

وريهم بها حسنك
وورينا احبك كيف

allara

09-01-2007, 13:20

فك الانفاس ودايرين الفاس تقع في الراس
ومنتظرين منك الخمسين .. واكشف الاوراق sss1

قريييب والله خلى الدور يجينا جاى
هاهاهاهاهاهاهاهاهاهاهاهاهاهاهااه
:trrr6: :trrr1: :trrr1: :trrr6:

fulla

09-01-2007, 13:22

قصة لطيفه .. ياما حتشوف كتير
وربنا يسهله ليكم ويغطي عليكم
ويرجعكم من غربتكم .. سالمين غانمين ..

والله لمن شكيت في روحي اني حبوبه .. :D

allara

09-01-2007, 13:25

allara يا اخوي القصة انتهت .. انت داير تلم الكراسي .. ومبروك عليكم عيد الحبش الايام دي من دنانيش لي كنجو عارفك ما بتقصر .. ما تقوم تطلع لينا عقرب من طوبتك دي زى عقرب كتاحة وتطلع معرفة .. بس شكلك كده قطري كتاحي

لووووووووووووووووووووووووووول
الخوف ما ن العقارب لانها ما بتفرز .....
الخوف الناس الاقارب البتفرز.............
ومبروووك علينا وعليكم وينعاد علينا باليمن والبركات.....
بس اللعب عند هنا هاهاهاهاهاها sss1 sss1 sss1
ولا ماكده ياود المدنى
:c030: :c030: :c030:

ود المدني

09-01-2007, 13:29

يا ودالمدنى
... خليت الناس موهومه ومولعة
والظاهر علينا تقلنا شويه :c030:

حبيبو allara ههههههه انا براي .. انتو معاي وخاصة كتاحة و allara والجنتل .. ولعتوا المسائل وتقولتوا في العيار ..

allara

09-01-2007, 13:35

هندويه

09-01-2007, 14:25

الجنتل

09-01-2007, 15:11

بي كسر القاف ولا ضمها

انشالله زول كدا مايقرا مشاركتي

فى زول ما بيقرا الا مشاركتك 00 لحام ستلين :trrr3:

لو بكسرها احسن
بضمها 00 فيها قولان
ناس تقول مفيدة وتجعل الادريالين يفرز فى الدم
وناس يقولو بتقصر العمر00 5 ثوان sss1

ود المدني

09-01-2007, 22:25

ادى الليل لون شعرك
وغطى القمر بى بسمك
.....

وريهم بها حسنك
وورينا احبك كيف

انساب الحرف من بين يديك
يجري بمداده الفضي
عبر اسطر متلألأه بالروعة
خالص الود

ود المدني

09-01-2007, 22:33

قصة لطيفه .. ياما حتشوف كتير
وربنا يسهله ليكم ويغطي عليكم
ويرجعكم من غربتكم .. سالمين غانمين ..

والله لمن شكيت في روحي اني حبوبه .. :D

الاخت فلا الدهباية .. ميرسي علي الحضور والمشاركة يا صاحبة الاسلوب الماسي والحروف الذهبية .. والحمد لله القصة عجبتك .. نحن شوفنا كتير من بلاوي الله يستر علي الجميع ..
ودى وتقديري ..

ود المدني

09-01-2007, 22:39

بي كسر القاف ولا ضمها

انشالله زول كدا مايقرا مشاركتي

بكسر الغاف ربنا يوعدنا السنة الجاية
وبضمها بيكون صعب لمها

ود المدني

09-01-2007, 22:41

ود المدنى انته كده اكلتنا حنك ساااااااااااااااااااااااى
دى لا نهاية القصة لا شى
كان ماداير تكمل انا بكلم باقى الشماااااااااااااااارات يكملوا ليك
لووووووووووووووووووووووووووووووووووووووووول:c030:

حبيبو allara انت ما سمعت بتعذرت الرؤيا .. بعد ده الا تتمها براك
لوووووووووووووووووول

ود المدني

09-01-2007, 22:46

فى زول ما بيقرا الا مشاركتك 00 لحام ستلين :trrr3:

لو بكسرها احسن
بضمها 00 فيها قولان
ناس تقول مفيدة وتجعل الادريالين يفرز فى الدم
وناس يقولو بتقصر العمر00 5 ثوان sss1

الجنتل .. الشلاقة عندك .. ميت ضحك علي الادريالين بقيتوا دكاتره .. في ناس بيقولوا بتزيد ضربات القلب ..
ستلين اليوم ما ظهر يكون بتشتش وين !!

قرقور

10-01-2007, 06:21

بي كسر القاف ولا ضمها

انشالله زول كدا مايقرا مشاركتي

هندوية

هي اصلا مضمومة لانو حلاوتها لما تكون مضمومة ومعها كسير :c030:

الجنتل

10-01-2007, 08:31

الجنتل .. الشلاقة عندك .. ميت ضحك علي الادريالين بقيتوا دكاتره .. في ناس بيقولوا بتزيد ضربات القلب ..
ستلين اليوم ما ظهر يكون بتشتش وين !!

ستالين بيكون مع لينين sss1

كل النجوم

10-01-2007, 09:04

ود المدني
شكلو امريكا دي خطة معاك ما سمحة:d
بدت بي فيلي
وظهر فوقا دجانقو
بركة التخارجت منها بي السلامة

طبقة الأزون

10-01-2007, 10:44

بي كسر القاف ولا ضمها

انشالله زول كدا مايقرا مشاركتي

حلاوة المنتدى ...

سلامات .. إنشاء الله تكون قبلة خير للجميع وقبله حب للمكسرين خاصة ( ناس التلج ) بهناك ....

ود المدني

10-01-2007, 10:58

ود المدني
شكلو امريكا دي خطة معاك ما سمحة:d
بدت بي فيلي
وظهر فوقا دجانقو
بركة التخارجت منها بي السلامة

الاخت كل النجوم .. نحمد الله وفضله اتخارجنا منها بالسلامة ..لا عرسنا لا جكسنا ..
في مداخلة سألتك فيها عن (النور والعيون ) الشال المفاتيح وخلي الناس قاعدين في الصقيعة انشاء الله تكوني قرأتيها ..

كل النجوم

10-01-2007, 11:46

الاخت كل النجوم .. نحمد الله وفضله اتخارجنا منها بالسلامة ..لا عرسنا لا جكسنا ..
في مداخلة سألتك فيها عن (النور والعيون ) الشال المفاتيح وخلي الناس قاعدين في الصقيعة انشاء الله تكوني قرأتيها ..

ايوة ورديت ليك بي غادي
لكن تاني نرد
كالعادة مشكلة السيرفر الابت تنحل

ود المدني

10-01-2007, 13:07

ايوة ورديت ليك بي غادي
لكن تاني نرد
كالعادة مشكلة السيرفر الابت تنحل

ميرسي كل النجوم .. ده يظهر عليهو كاجور ابوصلعة منذ الايقاف تاني الناس ماضاقوا عافية ..

كل النجوم

10-01-2007, 13:09

ميرسي كل النجوم .. ده يظهر عليهو كاجور ابوصلعة منذ الايقاف تاني الناس ماضاقوا عافية ..

ما قلنا ليهم اب صلعة دا النوارة
قالو لينا بتكسرو تلج :trrr1:

ود المدني

10-01-2007, 19:36

ما قلنا ليهم اب صلعة دا النوارة
قالو لينا بتكسرو تلج :trrr1:
الله يرجعهم سالمين ..

محمد أبوعاقلة

10-01-2007, 20:45

الجنتل .. الشلاقة عندك ..

ما جبت حاجه جديدة

ستلين اليوم ما ظهر يكون بتشتش وين !!

بتشتش في ................
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههه
بأعقاب السجاير ...

وما كنت قائل طفايتك كبيرة .
هههههههههههههههههههههههههههههههههههههههههههه

محمد أبوعاقلة

10-01-2007, 20:48

ستالين بيكون مع لينين sss1

ما بقعد مع الناس الميتين ...
اذا فرضنا انو لينين ياهو لينين

يا زول انا مع البيروستريكا ...

محمد أبوعاقلة

10-01-2007, 21:01

القبلة رسول ســـلام

ههههههههههههههههههههههههههههههههه
ياخي افهم ...
زول واقف قدامك
وشو في وشك
عينيهو في عينيك
وشفايفو في شفتيك
والآه في اضنيك

وكمان عاوز ترسلو ...
وسلام كمان

ملحوظة:
مستجد النعمة أشتر

محمد أبوعاقلة

10-01-2007, 21:06

بي كسر القاف ولا ضمها

لو لمينا في ضمها بس كفاية

ومفروض الواحد لم يكتب حاجه ما يخاف ...
الخوف دا زاااااتو البخليها منصوبة وما فضلو لينا اي حاجة

محمد الصادق

10-01-2007, 21:28

لو لمينا في ضمها بس كفاية

حلوة وملعوبه منك 000 بس اعمل حسابك بعد الضمه ما تنكسر

طبقة الأزون

10-01-2007, 21:31

حلوة وملعوبه منك 000 بس اعمل حسابك بعد الضمه ما تنكسر

كان إنكسر تبقى الشده من رب العباد .....

محمد أبوعاقلة

10-01-2007, 21:36

حلوة وملعوبه منك 000 بس اعمل حسابك بعد الضمه ما تنكسر
ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه

كضاب البقول ما اتكسر
وخاصة الكرونا...

محمد الصادق

10-01-2007, 21:36

كان إنكسر تبقى الشده من رب العباد .....

طبقه العسل 000لو انكسر يبقي اسمه منه بدل كتاحه 0000نسمه sss1

محمد أبوعاقلة

10-01-2007, 21:39

كان إنكسر تبقى الشده من رب العباد .....

شدة شنو ...
كان ما غطس حجرك ... في حالة تكون علي الطائر
او دبل كيك مرتب

طبقة الأزون

10-01-2007, 21:47

طبقه العسل 000لو انكسر يبقي اسمه منه بدل كتاحه 0000نسمه sss1

يبقى إسمه كاترينا دينوف

محمد الصادق

10-01-2007, 21:49

يبقى إسمه كاترينا دينوف

حلوة وملعوبه وهدف في التمنيات 000000000قووووووووووووووووووووون

محمد أبوعاقلة

10-01-2007, 21:53

انت قاعد في المدرجات يا ودالصادق

محمد أبوعاقلة

10-01-2007, 21:55

البسمعكم .....

محمد الصادق

10-01-2007, 22:08

انت قاعد في المدرجات يا ودالصادق

طبقه العسل بهدف تمام 0000دي كل القصه 0000بس الايام دي بقي عنده دريبات 00000ياريت يا كتاحه لو بحته وراءه

محمد أبوعاقلة

10-01-2007, 22:14

طبقه العسل بهدف تمام 0000دي كل القصه 0000بس الايام دي بقي عنده دريبات 00000ياريت يا كتاحه لو بحته وراءه

والله يا ودالصادق لو إتلم المتعوس .. علي خائب الرجاء ... حتبوظ

هندويه

11-01-2007, 11:41

ماقلتا ليكم

ود المدني

11-01-2007, 12:33

ماقلتا ليكم

صاح كلامك يا هندوية .. هو لاعب خطير بس الايام دي مهدي اللعب ..

قرشي التوم

11-01-2007, 12:56

عذرا مدينة مـــــــــــ الحصاحيصا ـــــــدنى
اذا نزل بك الصقيع وعمت ديار الفرنجة لغة العجم واصبح ود المدنى يترجم مقابل اجر زهيد فى ديار قطعت راس العروبة فى يوم الوقوف بعرفة انها لاتعرف المقدسات ولاتعرف اين تسير خطوات العابرين نحو الشروق المرتب وبعض الماهية العربية
ود المدنى غدر لك ان تنقلنا من مدنى والحصاحيصا حيث الدخان الكثيف وحوداث المرور بفلادفيا السودان هذا القطر المترامئ الاطراف كم كانت الزيارة رحلة ممتعة وترحال ومقابلة خواجيه عيونها خضر تمنحك التعرئ والسفور حتى عندما تغض البصر عنها اما فندق المرضى اقترح ان ينزل به الحكام العرب لانهم يحكمون بلدانهم من تحت ظل هذا الفندق وكلبهم الكبير بوش ينبح ويهنق بصوت كلابى انيق ونعيق حمارى جيد كم هى رائعة الرحلة ويطول السفر بين قسمات المكان ليضيف بعدا جديد
الى ان نلتقى عذرا فلاديفديا وهى مولد الدستور الامريكى ومع ذلك لها ممثل وحيد فى الكونغرس الامريكى لقلة السكان
فاما مدنى والجزيرة والحصاحيصا وبعض غبار بلدنا ولاذهب ودولارات الحصين الحمر لاقصدى الامريكان الحمر بقايا متخلفى العصر الراهن
ودمت القرشى

ود المدني

14-01-2007, 00:27

ود المدني

21-01-2007, 15:21

محمد أبوعاقلة

22-01-2007, 19:38

كتاحة الوجيه .. قلت لي كت بتقشها سريع ..
آآآآآآآى ....
لم كرهوني ...
عندك اعتراض علي الكلام دا !!!
ارجع لكلمة زمان ... مهمة
ياخ انت وين ... شوق كميات

ود المدني

22-01-2007, 23:52

آآآآآآآى ....
لم كرهوني ...
عندك اعتراض علي الكلام دا !!!
ارجع لكلمة زمان ... مهمة
ياخ انت وين ... شوق كميات

ابدا ما عندي اي اعتراض .. وبالهنا .. وانشاء الله تقشها بعرق العافية .. زمان طبعا .. وهسع اكيد مع الاسيان .. شوق بحر يا امر ..

الننو دا

23-01-2007, 17:06

ود المدني

23-01-2007, 20:38

سندباااااااااااااااد :trrr6:
دي منو القبلتك دي يا سندبااااااااااااد

تكووووون ياسمينة :D :D

مساحة للجدية:c030:

برجوعك رجع الصباح
ورجع القمر
وبي غيابك
كان ليلنا طووووووويل
وانتاااا فيهو قمر
يا قمر منتدياتنا هنا وهناااااااااااك :trrr1:
مشتاقون اخي وحبيبي ود المدني
وياليت الزمان يعود يوما ،،،،،
وتعود مراكب ريدنا ،،
ويعود مع اللقياء فرح الآماسي الحالمات
اللواتي أودعن فيهن أجمل الزكريات
وانطوي في سجلها تاريخ يخلد بضوء ساطع ،،
يعكس للوري معني إخاء ومودة صادقة ،، هي علم
تهدي كل سار ضليل ..
فياعزيزي هكذا كنا ،، وهكذا سنبقي ،،
ما بقيت لنا الحياة ..
ودمت كما عهدناك ،، بهجة للقلب ،، ومسرة للعين .. :trrr6:
وبي بالنسبة للبوست
اخ لو كان قبل الحج
كان لينا كلام تااااااااااني sss1 sss1 مع الظراااااافة السويتااااا دي :D

العزيز الغالي حاج الننو ده .. يا اخي والله الشوق مطر عديل .. اولا مبروك الحجة .. وثانيا حين تعجز الكلمات عن الكتابة فاعلم انك تكتب عن صديق عزيز .. احببته في الله .. وجمع بيننا اخاء ونقاء ومودة عبر الاثير .. يسعدنا العودة للتواصل معكم عبر هذا الصرح الشامخ باهله ..
الحمد لله البوست كان بعد الحج .. ما نحن برضه بنراعي الاشهر الحرم في النشر .. هههههه .. طبعا انت زول حاج ولسه كرعيك لينات .. حنقوم نزوغ من ياسمينه السمينة ..والبت فيلادلفيا ..
والله لو كنا جنبك حول الحمي كان نتكيليك اب اربعة بعد الحجة ..حجا مبرورا وسعيا مشكورا وانشاء الله الجماعة يكونوا ضربوا ليك الباب جير ابيض .. sss1 وكتبوا عليهو يا داخل هذا الدار صلي علي النبي المختار ..