ونسات عشوشة ست الشاي [الأرشيف]

مشاهدة النسخة كاملة : ونسات عشوشة ست الشاي

ود المدني

19-01-2007, 20:22

جلست امام التلفزيون اشهاد فيلم يتحدث عن المستقبل .. اعاد بي الذاكرة الي الوراء لمسلسل امريكى بعنوان BACK TO THE FUTURE مسلسل عجيب مازال في الذاكرة بطولة ميشيل فوكس .. في لقطة فيها البطل بيشرب بلاك كوفي .. طبعا الجبنة الامريكية غير الجبنة حقتنا .. جاني مزاج ما عادي لقهوة عشوشة لي زمن طويل ما مشيت عليهم فقررت بكرة اديها غشوة قبل ما ارجع ونشوف اخبار الدنيا والفريق .. لانه انت جالس في القهوة تجد الاخبار كلها عندك .. اخبار الفريق واخبار البلد وحتي العرسوها وطلقهوها ..
اها عشة عندها عنقريبين واحد من سدر والتاني حراز للاحجام العائلية وعندها بنابر نوعين بنابر عاديات وبنابر ممهلات لناس البريستيج والناس النقاوة .. وعندها صناديق شاي للناس الصغار والعامة ..
عشوشة ست شاي تصب الشاي من اجل لقمة العيش .. في الثلاثينيات طيبة المعشر .. تعرف كل اهل الحي وحتي الزوار الغرباء .. ست الشاى تجعل علاقتها مع الضباط جيدة وخاصة اصحاب الاحذية الخشنة .. خوفا من مداهمات والكشات .. فاكثيرا ما يكون الخبر لديها مسبقا من احد الضباط بموعد الكشة ومكانها . فالكشة اذا حدثت لا تترك الاخضر واليابس .. حتي صناديق الشاي بشيلوها او يكسروها .. وستكون فاجعة علي اطفالها اللذين ينتظرون قدومها عند المغيب هذه المهنة تجعل عشوشة مستودع اسرار الناس .. وتحزن للاحزان وتفرح لفرحهم .. تمارس امومتها وصداقتها علي زبائنها .. تقوم عشوشة بالاضافة للشاي والقهوة والفرنساوي والكركديه والجنزبيل .. بعمل الافطار الصباحي تقلية باللقمة او تقلية بنعيمية ..
هناك ود خاص بين الجالسين وهمس الكبابي الحميم ..
نجي نسمع بعض الونسات :
عشوشة : وين يا زول ليك زمن ما جيتنا بجاي .. لقيتو شنو في الطائف .. قالوا زول بيعرف جاره حي ولا ميت مافي ..
عبد الباقي : يا عشوشة انتي عامله لينا عمل نجي من هناك عشان نشرب قهوتك السمحة دي ..
كبي الشاي باللبن المقنن .. وبعدين نشوف القهوه ..
اسمع عليك الله يا عبد الباقي جنس القعدة والهنبريب ده والكلام السمح .. هناك بتلقاها وين اها بقوليك سمعت اخر نكتة ؟؟
واحد حلفاوي دخل مطعم طلب واحد فول .. ختاهو في الطرابيز البره ومشي يجيب الملح .. لقي الغنماية اكلتو ومشت شربت من زير السبيل .. الحلفاوي اتحمق وزعل من الغنماية .. مشي مسكها من اضنيها وجراها وجابها عند ست الشاي .. وقال : علي الطلاق بالتلاتة تديها واحد شاي بالنعاع وسكر زيادة ...
ههههههههه الله يجازي محنك يا عشوشة والله لي زمن ما ضحكت من جوه الجوه ..
عشوشة : طيب اديك تانية نسوانية عشان عارفاك بتريد النسوان ..
واحدة شفقانه كايسه العرس مشت لوداعية .. شافت ليها الودع .. وقالت الودعاية : بعرسوك قريب وبتسافري بره .. البت بقت تبكي .. سألتها الوداعية : يا بت مالك بتبكي خايفة من العرس؟ قالت : ابدا يا حاجة بس انا ما بقدر علي نفاس الغربة .. نفاس .. بضم النون وفتح الفاء ..
هههههه ..
عبد الباقي : اخونا امير كيف حالك : والله كويس .. طبعا اخونا امير ده وشه زى كورة التنس ومنفخ جضموا زى لقيمات الصدقة ..
انت يا امير قبل لما كنت صغير زمان كان عندك طبلية ؟؟ ايوه كان عندي طبلية وكانت مصرفاني في امانة الله وبعد ما تطورت الامور بقيت امشي ابيع العدة جنب الاسبتالية هههههههه .
يا اخي دي بالغت فيها : يعني كنت بتاع عدة لما جابت ليك الهوا وبقيت تعرس دي وتطلق دي ..
وقاعد جنبه عزيز حلبي رقبتوا مسلولة بيذكرني الكورس بتاع ميرغني المأمون واحمد حسن جمعة .. في الحقيبة ..
عشوشة : ازيدك شاي شاي مقنن يا عبد الباقي .. لا لا انتي عارفه انا الشاي الايام دي طاير لي بقيت كباية واحدة ما بزيدها .. اديني كركدية كان عندك ..
اجي ما عندي كيفن .. انت ما سمعت بغنية الكابلي " انت فينا كبير وريدنا ليك كتير" انت عارف عشوشة دي اظنها مكسره فيني دايراني اعرسها بعد راجلها ما مات ..

انتي يا عشوشة الحلاقين ابو شنطة القاعدين قدام السينما .. الكشة بتجيهم ؟
اجي كيفن ما بتجهم : الحلاق بيدى المراية للزبون ويبدأ يحلق وكانت جات الكشة بقول ليهم لاقوني في دار الرياضة امدرمان جنب الدايات ..ويتم ليهم حلاقتهم هناك .. اريتها حلاقة التاباني ..
يا عزيز وينك يا اخي ما تتونس مالك ساكت ..
ابدا والله متكيف من الشاي داير ليهو سفه : انت عارف ولدي في السعودية اغترب ليهو ستة شهور اول مرسال جاني منه عراقي وسروال مع واحد صاحبوا امبارح ضرب لي تلفون يسأل هل وصلوا .. قلت ليهو والله يا ولدي وصيتك وصلت لكن قدر ما طبقتهن ابن يدخلن في الجزلان .. اريتوه يكون فهما ..
ههههههههه لكن دي فلسه عينه يا عزيز ..
عبد الباقي : انتي عارفة يا عشة كنت كايس لي راجل بتاع قرآن يفتح لي الكتاب عندي وجع عجيب في رقبتي .. وصفوا لي واحد ومشيت عليهو وبدأ يقرأ في الايات وشوية شوية يضغط علي رقبتي لما روحي داير تمرق ويقول لي : انت مين انطق ؟
وانا اقول ليهو انا عبد الباقي ..
ويضغط مرة اخري ويكرر السؤال انت مين اخرج .. اخرج يا كلب .. وانا خلاص تعبت جدا .. فمسكت ايدوا بكل قوتي وبعدتهم من حلقي .. وقلت ليهو : انت فكي بتاع شنو يا اخي عاوز تكتلني ..
قال لي : قوم امش خلاص ما عندك مس ..
وحلفت من الفكوه من اليوم داك ..

اتذكرت حاجة مهمة ..

انتي عارفة انا بخاف من الجراد موت .. وبعد ما رحلنا منكم قلت يا عشوشة ارتحنا خلاص من الجراد .. في يوم بعد ما خلاص تأهبت للنوم .. اذا بجرادة من النوع الاصفر الكبير داك .. انحشرت لي تحت العراقي .. وبعد شوية نزلت تحت ..وتعالي شوفي الجرسة .. اقول للمرة يا مره ما تمرقي الجرادة دي .. وهي تراها ذاتها خايفة منها .. تقول لي ماشايفاها .. يالله ويامين حتي مرقتها وقعد انكرش زى الجربان كل حته في جسمي توج وج وج وج تقول عندي حساسية .. غايتو يا عشوشة الله لا وراك الجراد الاصفر ..
هههههههه والله ضحكتني كويس ما جننتك ويبقي نقول عليك عنده جرادة ..

وضاحة

19-01-2007, 20:25

:trrr1: :) :trrr1: :) :trrr1:
sss1 sss1 :trrr6: :trrr6:

قطرة الندى

19-01-2007, 20:33

ههههههههههههههههههههههه

والله لما دموعي جرت....

بالجد.. عندك اسلوب روائي لا يعلى عليه وحكاويك زكرتني بحكاوي حبوبتي الله يرحمها :trrr6:

تسلم على القصة والله على الجرعات الخفيفة البتدينا ليها كل فترة.. بقت لينا زي الادمان :c030:

ومستنيين الفيلم الجاي على احر من الجمر :)

مماس

19-01-2007, 23:15

ههههههههههههههههه

ود المدني يارائع ... مبالغه ههههههههههsss1

http://www.adabwafan.com/content/products/3/452.jpg

ود المدني

20-01-2007, 10:48

:trrr1: :) :trrr1: :) :trrr1:
sss1 sss1 :trrr6: :trrr6:

واضحة ميرسي :trrr6:

ود المدني

20-01-2007, 10:56

ود المدني

21-01-2007, 07:55

ههههههههههههههههه

ود المدني يارائع ... مبالغه ههههههههههsss1

http://www.adabwafan.com/content/products/3/452.jpg

مماس بالله انت ساكي الشاي ده من زمن ميرفت امين .. !!

كان نفسي اشوفك مع ناس قرقور .. عشان تاني نعمم عليك من المطار ..

كل النجوم

21-01-2007, 09:14

ود المدني أضحك الله سنك
بالجد سرد جميل

مماس شافاك تخصص
ستات شاي الحاصل شنو :trrr1:

ود المدني

21-01-2007, 10:10

ود المدني أضحك الله سنك
بالجد سرد جميل

مماس شافاك تخصص
ستات شاي الحاصل شنو :trrr1:

ست الناس .. ست النجوم .. ست الركوبة .. حيرتينا يا مشرقة .. ميرسي علي المشاركة ..

ظلال وارفة

21-01-2007, 10:19

العزيز ود المدني

تضحك الدنيا وتزغرد عندما تقرأ حروفك

فما بالك نحن ؟؟

بقدر ما تسعد ربنا يسعدك ويفرحك ويهنيك

مماس

21-01-2007, 10:25

مماس

كان نفسي اشوفك مع ناس قرقور .. عشان تاني نعمم عليك من المطار ..

نهي نهي محبتي قرباني نهي :D ... لكن ما تقول لي مارينا مول مبالغغغغغغغغغغه:D

مماس

21-01-2007, 10:27

مماس شافاك تخصص
ستات شاي الحاصل شنو :trrr1:

ستات الشاي ديل فئه ظريييفه:D

st alnas

21-01-2007, 10:32

sss1 sss1 sss1 sss1

ود المدني

21-01-2007, 10:33

العزيز ود المدني

تضحك الدنيا وتزغرد عندما تقرأ حروفك

فما بالك نحن ؟؟

بقدر ما تسعد ربنا يسعدك ويفرحك ويهنيك

ظلال وارفة .. بجد انا متعقد منك عديل .. ما عارف اللي في الصورة دي منو .. انتو يمين ولا يسار .. في الصورة طبعا ما يروح عقلك لبعيد ..
ميرسي اوي يا ذوق نسعد دوما بلقائكم عبر كل جديد .. عاطر التحايا .. وجميل الود ..

ود المدني

21-01-2007, 10:37

نهي نهي محبتي قرباني نهي :D ... لكن ما تقول لي مارينا مول مبالغغغغغغغغغغه:D

وده مشيت ليهو بالبيك آب .. الوديتوا تريب تكيت .. ؟؟لو ما شربت ليك فنجان قهوة فيهو من استار باكس تكون بالغتا ..

ود المدني

21-01-2007, 10:38

sss1 sss1 sss1 sss1
ست الناس .. بذاتها وصفاتها .. ميرسي للمشاركة ..
:trrr6: :trrr6: :trrr6: :trrr6: sss1

اسمر قيافة

21-01-2007, 10:45

ود مدني يا ملك
انا احيك على اسلوبك الرائع الجذاب ودقة اختيارك للمفردات
السودانيه البحت البتذكرنا بلدنا الحنون
وتحياتي ليك

ظلال وارفة

21-01-2007, 10:47

ظلال وارفة .. بجد انا متعقد منك عديل .. ما عارف اللي في الصورة دي منو .. انتو يمين ولا يسار .. في الصورة طبعا ما يروح عقلك لبعيد ..
ميرسي اوي يا ذوق نسعد دوما بلقائكم عبر كل جديد .. عاطر التحايا .. وجميل الود ..

مالك متعقد من يا ود المدني ؟

نحنا الناس الحلوة وبس :trrr6:

ود المدني

21-01-2007, 10:58

ود مدني يا ملك
انا احيك على اسلوبك الرائع الجذاب ودقة اختيارك للمفردات
السودانيه البحت البتذكرنا بلدنا الحنون
وتحياتي ليك

اسمر قيافة .. قالوا بريد سلافة .. ذوق ولطافة ..
مما يجعل منه شمس ساطعة .. ميرسي يا عسل علي الحضور والمشاركة خالص مودتي وجميل دعائي ..

ود المدني

21-01-2007, 11:09

مالك متعقد من يا ود المدني ؟

نحنا الناس الحلوة وبس :trrr6:

ظلال وارفة ..

يحلي ايامك الحلوة .. كان كدي امشي اشتري اكبر بوكية ورد عشانكم .. تفضلي :
http://nilelove.org/upload/upload/wh_14837322.gif (http://nilelove.org/upload)

همس الشوق

21-01-2007, 11:22

ود المدني انت بحق رائعة روعة سردك المنمق ...... لك الود والتحايا
بالجنبه كده*+..366673 :
انت السر شنو في لذاذة شاي ستات الشاي ديل
اكيد عارف

الدهبايه

21-01-2007, 11:27

ود المدني

21-01-2007, 11:32

ود المدني انت بحق رائعة روعة سردك المنمق ...... لك الود والتحايا
بالجنبه كده*+..366673 :
انت السر شنو في لذاذة شاي ستات الشاي ديل
اكيد عارف

همس الشوق .. يسعدني الحضور والمشاركة ..
همس الشوق .. اسم يحمل نغمة عذبة .. عزف وتفاعل علي اوأتار صفحاتنا الهادئة ,, ميرسي اوي ..

ست الشاي .. السر اسئلوا منه مماس .. ده تخصص من ايام كلتوم الحرانة ..

يسلموا يا عسل ..

ود المدني

21-01-2007, 11:50

ود المدنى ..

رقصت حروفك بين جوانحنا وادخلت البهجه على نفوسنا

فضحكنا ملئ شفاهنا .. ولا اخفيك انى راودتنى رغبه شديده

فى ان اكون (ست شاى) لاعيش تلك البهجه واقعا ولو للحظات

تقبل منى عاطر التحايا

الدهباية .. لقلمي الفخر ان يخط كلماته في الدهباية .. فهي التي حملت العديد من الخصال الحميدة .. وابداع متجدد وروعة الحروف .. ميرسي علي الحضور والتعقيب ..

هي لكن ما بتشبهك يا الدهباية .. تسلمي يا ذوق ..

ظلال وارفة

21-01-2007, 11:53

ظلال وارفة ..

يحلي ايامك الحلوة .. كان كدي امشي اشتري اكبر بوكية ورد عشانكم .. تفضلي :
http://nilelove.org/upload/upload/wh_14837322.gif (http://nilelove.org/upload)

شكرا يا ود المدني وردتين حلوتين

تغلفهما يا هلا ويا مرحبا :trrr6:

وأنا كمان بهديك سلة الورد دي

بين وريقاتها تفوح نسائم كل الغلا

http://nilelove.org/upload/upload/wh_53222616.jpg

ود المدني

21-01-2007, 11:58

شكرا يا ود المدني وردتين حلوتين

تغلفهما يا هلا ويا مرحبا :trrr6:

وأنا كمان بهديك سلة الورد دي

http://nilelove.org/upload/upload/wh_53222616.jpg

ميرسي ظلال وارفة ربنا يديم الاخاء والمحبة .. سيفتها في الجهاز :trrr6:

الدهبايه

21-01-2007, 12:22

هي لكن ما بتشبهك يا الدهباية

عارف نفسى اجرب اكون ست شاى ليه؟

عشان اعرف السر البخلى الرجال يرتاحو ويفضفضو ليهم

المحيرنى حتى شباب الجامعه تحلو لهم صحبة ستات الشاى

هل هو حسن الاستماع .. لاننا اتعودنا ما نسمع بعضنا

والواحد ما يصدق يلقى آذان صاغيه .. واللا شنو يا ابو عماد؟؟

allara

21-01-2007, 12:40

دائماً رائع يا ود المدنى
وذى ما قلته ليك زمان انته مبدع بحق وحقيقى
;)

قرقور

21-01-2007, 12:42

ود المدني

ده تسجيل حضور وتسجيل اعجاب بالمواضيع البتطرق ليها

اها ده حجز بنبر جنب عشوشة

ود المدني

21-01-2007, 12:55

عارف نفسى اجرب اكون ست شاى ليه؟

عشان اعرف السر البخلى الرجال يرتاحو ويفضفضو ليهم

المحيرنى حتى شباب الجامعه تحلو لهم صحبة ستات الشاى

هل هو حسن الاستماع .. لاننا اتعودنا ما نسمع بعضنا

والواحد ما يصدق يلقى آذان صاغيه .. واللا شنو يا ابو عماد؟؟

الاخت العزيزة الدهباية ..
انا بقوليك السر شنو ..
ست الشاي :
ادنقر فوق كبابيكي .. واقول يا حاجة مليها ..
وببساطة الحساب بكره يا حاجة .. ولو ما عندك حق المواصلات ممكن تديك كمان .. يعني ستات الشاي بالاضافة لتقديم الشاي فيهن واحدات بدينن .. في معظم الجامعات يكون هناك ود خاص بين ستات الشاي والطلبة والطالبات .. فهي مستودع الاسرار .. واحيانا سكرتيرة العلاقات العاطفية والجكس .. تعرف تفاصيل معظم العلاقات .. وتجد عندها الاخبار والوصايا .. تمارس نوع من الامومة علي بناتها الطالبات .. بالتوجيه السليم والتحذير احيانا .. ويظل الطلاب والطالبات مدينون لهن بقروش تكثر او تقل حتي بعد التخرج تسامح فيه بكل طيب نفس .. وقد تشترك بالزغاريد للمتخرجين .. والكثير عن ستات الشاي وفضلهن علينا ..

ود المدني

21-01-2007, 13:16

دائماً رائع يا ود المدنى
وذى ما قلته ليك زمان انته مبدع بحق وحقيقى
;)

allara والله من الظلم ان تحرمينا من شوفتك عبر متصفحنا .. حين تغترب روعة الحرف لايمكن ان نجدها سوي في كلمات allara ولكن حين تغترب هي اين يمكننا ان نتذوق عزوبة التواصل .. يسلمو علي الحضور وربنا يديم الاخاء والمحبة ..

ود المدني

21-01-2007, 13:20

ود المدني

ده تسجيل حضور وتسجيل اعجاب بالمواضيع البتطرق ليها

اها ده حجز بنبر جنب عشوشة

حبيبو قرقور .. يسلموا علي الحضور .. وتوهيط البمبر سمح .. لحين العودة .. راجينك في الرمله الدقاقة .. بس اقطع البحر وتعال .. وكان جبت معاك كتاحة يكون عجب .. قول ليهو تعال ضوق بتاع منقو .. الجنبك ما تديهو ..

ود المدني

21-01-2007, 15:48

ود المدني

ده تسجيل حضور وتسجيل اعجاب بالمواضيع البتطرق ليها

اها ده حجز بنبر جنب عشوشة

لا تتأخر ---------الشاي ما يبرد ..

allara

22-01-2007, 18:51

allara والله من الظلم ان تحرمينا من شوفتك عبر متصفحنا .. حين تغترب روعة الحرف لايمكن ان نجدها سوي في كلمات allara ولكن حين تغترب هي اين يمكننا ان نتذوق عزوبة التواصل .. يسلمو علي الحضور وربنا يديم الاخاء والمحبة ..

.................................................. .................................................. ..

والله لو ما خفتك تزعل كنته دايره اناقرك فى عشوشة دى لكن خليها للقصة الجاية
وتدوم بينا الاخا المحبة

allara

22-01-2007, 18:56

.................................................. .................................................. ..

والله لو ما خفتك تزعل كنته دايره اناقرك فى عشوشة دى لكن خليها للقصة الجاية
وتدوم بينا الاخا المحبة

http://www.kshcool.com./stock_photos/s_kshcool_2498.jpg ('http://www.kshcool.com')

ودى حته جديد مجان لعشوشة والمعاها

allara

22-01-2007, 19:05

ملحوظة :
عشوشة اول ست شاى تمتلك موبايل
ومن هنا جات تسمى الرقم بست الشاى

ولا ما كدى ياود المدنى

:) :) :)

allara

22-01-2007, 19:07

[QUOTE=allara]ملحوظة :
عشوشة اول ست شاى تمتلك موبايل
ومن هنا جات تسمى الرقم بست الشاى

ولا ما كدى ياود المدنى

http://www.kshcool.com/Agif/Smiles/image/36_13_1[1].gif (http://www.kshcool.com)

ود المدني

22-01-2007, 19:50

.................................................. .................................................. ..

والله لو ما خفتك تزعل كنته دايره اناقرك فى عشوشة دى لكن خليها للقصة الجاية
وتدوم بينا الاخا المحبة

ازعل منك هو ده معقول allara .. هاذاك الموضوع حالة فريدة.. وسلامة النية مش اكيدة .. بس انتي غير اكيد ومهما تقول برضه عسل ومقبول ..
يعني استعجل الجاية عشان نستعزب التواصل .. خلاص حاضرين ..

ود المدني

22-01-2007, 19:52

ملحوظة :
عشوشة اول ست شاى تمتلك موبايل
ومن هنا جات تسمى الرقم بست الشاى

ولا ما كدى ياود المدنى

:) :) :)

allara ولو عرفتي الجابو منو بتموتي من الضحك والشمارات ..

مماس

22-01-2007, 19:56

allara ولو عرفتي الجابو منو بتموتي من الضحك والشمارات ..

الشمار ياابو عماد منو:D ؟

http://t2.imagechef.com/ic/imgout/sampcb8365d9120c7c68.jpg

ود المدني

22-01-2007, 20:11

الشمار ياابو عماد منو:D ؟

http://t2.imagechef.com/ic/imgout/sampcb8365d9120c7c68.jpg

مديدة دخن حاره عملتها ماريا كيرىوجنبها نانسي عجرم قام الراجل طلع الموبايل وختاه في القفة بتاعت عشوشة فقالت ناننسى سجمي ده N73 .

ميدو

22-01-2007, 22:34

ود المدني

22-01-2007, 23:27

ودالمدني:

لو قلتا عليك رائع ما حاكون جبتا شي جديد..

لكن إنتا الروعه زااااااااااااااااااااااتا...

تسلم على القصه والسرد الرائع...
لكن لازم يكون هنالك بقيه وتمامه للقصه...

بالجمبه كدا:
:c030:

في الجامعه كان عندنا ست شاي اسمها عشه تكون دي ياها؟؟؟؟

عزيزى ميدو .. ميرسي كتير للحضور والمشاركة والاشادة .. يسلمو .. طبعا هي ما قصة بالمعني .. ونسات تقبل الزيادة .. ممكن انت تضيف لينا من ونسات عشوشة ست الشاي في الجامعة .. ممكن تفتح القريحة للمزيد .. بس اوعي تكون انت الجبت الموبايل ؟؟.

شايقية نجيضة

23-01-2007, 00:28

دردرة

23-01-2007, 09:38

بالجمبه كدا:
:c030:

في الجامعه كان عندنا ست شاي اسمها عشه تكون دي ياها؟؟؟؟[/CENTER][/QUOTE]

عشه ولا جمعية انت بقيت تلخبط

allara

23-01-2007, 09:44

ازعل منك هو ده معقول allara .. هاذاك الموضوع حالة فريدة.. وسلامة النية مش اكيدة .. بس انتي غير اكيد ومهما تقول برضه عسل ومقبول ..
يعني استعجل الجاية عشان نستعزب التواصل .. خلاص حاضرين ..

.................................................. .................................................

اه يلا جيبه وتعال
وتلقانا نحنا يانا نحنا :trrr1:

allara

23-01-2007, 09:56

allara ولو عرفتي الجابو منو بتموتي من الضحك والشمارات ..

.................................................. .................................................. ...

قول انا اسجلك عندنا فى حزب الشمارات رئيس الدفاع

ود المدني

23-01-2007, 10:12

يديك العافية...جد روعة..)(44*45&6 )(44*45&6 )(44*45&6

شايقية نجيضة .. يبقي دوما حضورك هو الاروع .. خالص الود ..

قرقور

23-01-2007, 10:16

على البنبر جلسنا

نستقي احلى كباية شاي عثمان حسين

ما بين كفتيرة على المنقد وبخور تيمان هابي هب

وريحة الجبنة طاقة طق وريحة القرنفل والهبان فايتة الحد
هكذا كانت الجلسة

ود المدني

23-01-2007, 10:32

بالجمبه كدا:
:c030:

في الجامعه كان عندنا ست شاي اسمها عشه تكون دي ياها؟؟؟؟[/CENTER]

عشه ولا جمعية انت بقيت تلخبط[/QUOTE]

دردرة .. يسلمو علي الحضور والتعقيب .. ممكن تكون وممكن نو .. بس انتي قريتي وين ؟ بالجنبة : كلما اعاين للبروفايل بتاعك اقول .. والله الدردرة ما بتشبهك ..

ود المدني

23-01-2007, 10:34

.................................................. .................................................

اه يلا جيبه وتعال
وتلقانا نحنا يانا نحنا :trrr1:

ونحن بعد حاضرين .. قريبا قريبا قريبا ..

ود المدني

23-01-2007, 10:38

.................................................. .................................................. ...

قول انا اسجلك عندنا فى حزب الشمارات رئيس الدفاع

يعني خلاص قبلتوا عضويتنا ؟؟ المتهم هو منو ؟؟ اوعي يكون مماسح وجاتو كتاحو .. وبقي يقول قر قر قر لما قالوا قرقورى علي وزن ..جنتولي ..

طبقة الأزون

23-01-2007, 10:43

ود المدني

23-01-2007, 10:46

على البنبر جلسنا

نستقي احلى كباية شاي عثمان حسين

ما بين كفتيرة على المنقد وبخور تيمان هابي هب

وريحة الجبنة طاقة طق وريحة القرنفل والهبان فايتة الحد
هكذا كانت الجلسة

حبيبو قرقور .. يبقا انت اللى جبت الموبايل .. لعشوشة .. تكون عاوز تشحدها بن .. وجنزبيل .. قوليها الجنزبيل .. تنش .. براس المعلقة .. كده القهوة بتكون .. كنجو ..
ولو قطعت الشارع من الموردة علي الريفيرا .. ولا الجندول يا حليل الجندول لما كان مش معقول .. ويجيك النسيم هابي من توتي اطراف الوتر .. كان جاك كتاحة ما بتديهو .. فنجان !!

ود المدني

23-01-2007, 10:57

ود المدنى ....

عوفيت .. وعافاك الله بالصحه والعافيه ... بس ياربى .. ست الشاى دى وقت بتعرف N73 ياربى بتكون تأكل أولادها شنو .. طبعا" نحنا ناس قدام ( بضم القاف ) .. ياربى باسطة سلا .. ولا سمك أمواج ...

لك التجله على هذا الحضور الرائع .. ينقصنا .. ميرغنى خليفه لتحلو قعدة ست الشاى ...

طبقة الازون .. واسم الدلع .. اوزي .. غايتو زول فنان اللي دلعك باوزي ..
ست الشاي بتعرف الزول من نوع موبايلوا .. وبعرفن ناس 3310 من ناس قرقور ب N73 .. ونحن راكبين معاكم في سرج واحد .. سرج بفتح السين وكسر الراء .. انت من زمن باسطة سلا .. يا ما ظهرت باسطات .. وعمارة سلا اللي شارع الحرية الخرطوم ذاتها كسروها وبنو محلها برج .. لكن سمك امواج .. قابض الجو ومافي ازعاج ..
يا حياك وميرغني خليفة وكمال ميرغني .. وعوض اخوه ..في فنجان قهوة كنجو .. كنجو دي لو ما وقعت ليك اسأل كتاحة ولا قرقور ..

طبقة الأزون

23-01-2007, 14:41

.. كنجو دي لو ما وقعت ليك اسأل كتاحة ولا قرقور ..

ياأولاد .. أصلو عمكم دقه قديمه .. ياربى تكون تحت الكبرى .. والنسيم عليل .. وأنا وأنته والنيل والقمر ....

ود المدني

23-01-2007, 15:25

ياأولاد .. أصلو عمكم دقه قديمه .. ياربى تكون تحت الكبرى .. والنسيم عليل .. وأنا وأنته والنيل والقمر ....

يا اوزى .. قديمة لحدى وين يعني .. ايام سبعة شفوت ..ولا بيوت .. دي كانت وراء الضو حجوج ..المعاني يا صاحب المعاني عليك بالشاب قرقور فيشهد له بحر الكنجو والسرور .. والود كتاحة الامور ..

fulla

23-01-2007, 15:45

ابدعت يا ود مدني .. بس ماله ما رامية لقيمات .. dd13
اسلوب رائع جدا .. اشكرك عليه ..:o

مع تحيات ..
حزب النسائم .. :c030:

allara

23-01-2007, 16:09

الشمار ياابو عماد منو:D ؟

http://t2.imagechef.com/ic/imgout/sampcb8365d9120c7c68.jpg

ورينا ياختى انتى نسائم ولا (شمارات)

allara

23-01-2007, 16:17

الشمار ياابو عماد منو:D ؟

http://t2.imagechef.com/ic/imgout/sampcb8365d9120c7c68.jpg

ورينا ياختى انتى نسائم ولا (شمارات)

allara

23-01-2007, 16:18

[QUOTE=مماس]الشمار ياابو عماد منو:D ؟

:confused: :confused: :confused:

ورينا ياختى انتى نسائم ولا (شمارات)

ميدو

23-01-2007, 20:32

:c030:

عشه ولا جمعية انت بقيت تلخبط

لا لا .........

عشه..

:c030:

allara

24-01-2007, 09:26

يعني خلاص قبلتوا عضويتنا ؟؟ المتهم هو منو ؟؟ اوعي يكون مماسح وجاتو كتاحو .. وبقي يقول قر قر قر لما قالوا قرقورى علي وزن ..جنتولي ..

ما قلته ليك الشمار جارى فى دمك

مع تحيات حزب الشمارات
الشمار حااااااااااااار

ود المدني

24-01-2007, 09:33

ما قلته ليك الشمار جارى فى دمك

مع تحيات حزب الشمارات
الشمار حااااااااااااار

الارا .. راجنك تجي تدينا اسم في الموضوع التاني (العاقبة عندكم في المسرات ) انا بتفائل بيك ..رملتكم دي براها ايحاء جميل .. انا غلبان ..

allara

25-01-2007, 09:16

الارا .. راجنك تجي تدينا اسم في الموضوع التاني (العاقبة عندكم في المسرات ) انا بتفائل بيك ..رملتكم دي براها ايحاء جميل .. انا غلبان ..

ابشررررررررررررررررررررررر
جاياكم اسى

الاديب الشمشار يطلب ونحن نجيييييب
:trrr1: :trrr1: :trrr1:
مع تحيات
حزب الشمارات
الشمار حااااااااااااااااااااار

الكونت

25-01-2007, 20:00

ود المدني .. روعة إنت وروعة كتاباتك ... تسلم شديد

بس

أبعد من الهوا

بتعبك ..

ونحنه محتاجين ليك والله ..

تحياتي

ود المدني

26-01-2007, 00:29

[QUOTE=مماس]الشمار ياابو عماد منو:D ؟

:confused: :confused: :confused:

ورينا ياختى انتى نسائم ولا (شمارات)

انا براشم شماعات .. حزب ما بين النهرين .. مياه عزبه ..

ود المدني

26-01-2007, 00:31

ابشررررررررررررررررررررررر
جاياكم اسى

الاديب الشمشار يطلب ونحن نجيييييب
:trrr1: :trrr1: :trrr1:
مع تحيات
حزب الشمارات
الشمار حااااااااااااااااااااار
مشكورة ما قصرتي في البوست الثاني واضافتك مقدرة ..

ود المدني

26-01-2007, 00:35

ود المدني .. روعة إنت وروعة كتاباتك ... تسلم شديد

بس

أبعد من الهوا

بتعبك ..

ونحنه محتاجين ليك والله ..

تحياتي

الكونت .. تسلم يا اخي علي الاشادة .. وانا بديك زيادة .. الهوي انا باعد منه خالص .. بس الجماعة كابسوني في محلي ..
وانا محتاج لتواصلكم وابداعاتكم يا شباب حب النيل .. ارق التحايا واسمي التقدير ..

الكونت

26-01-2007, 13:30

الكونت .. تسلم يا اخي علي الاشادة .. وانا بديك زيادة .. الهوي انا باعد منه خالص .. بس الجماعة كابسوني في محلي ..
وانا محتاج لتواصلكم وابداعاتكم يا شباب حب النيل .. ارق التحايا واسمي التقدير ..

تسلم يا ود المدني .. عارفك ما بتكون مشيت عليهم :D .. بس شايفهم اليومين ديل مدورين تفتيش في كل المخابئ عن أعضاء منسمين sss1 ... باقي لي مافي زول مشي عليهم بقوا يمشو هم .. :trrr3:

بخصوص الشركة .. أسفين علي عدم الرد ... بس ما زال البحث جاري عن أسماء لذيذة زيك كده .. :trrr6:

تحيات كميات لحدي ما أجيك تاني ;)

ود المدني

06-02-2007, 00:35

تسلم يا ود المدني .. عارفك ما بتكون مشيت عليهم :D .. بس شايفهم اليومين ديل مدورين تفتيش في كل المخابئ عن أعضاء منسمين sss1 ... باقي لي مافي زول مشي عليهم بقوا يمشو هم .. :trrr3:

بخصوص الشركة .. أسفين علي عدم الرد ... بس ما زال البحث جاري عن أسماء لذيذة زيك كده .. :trrr6:

تحيات كميات لحدي ما أجيك تاني ;)

ميرسي يا ملك ..

ezzo

06-02-2007, 09:43

ست الشاى تجعل علاقتها مع الضباط جيدة وخاصة اصحاب الاحذية الخشنة .. خوفا من مداهمات والكشات ..

هناك ود خاص بين الجالسين وهمس الكبابي الحميم ..
ملكة قصصية رائعة...و سرد سلس و مشوِّق.......ود المدنى يديك العافية يا رائع:)

ود المدني

06-02-2007, 23:47

ملكة قصصية رائعة...و سرد سلس و مشوِّق.......ود المدنى يديك العافية يا رائع:)

عزيزى ezzo عاطر تحياتي لك ومودتي علي حضورك المتميز وكلماتك الندية .. مودتي

محسيه 2

07-02-2007, 13:07

ود المدني

07-02-2007, 13:37

كل عبارات الاعجاب لاتكفي 000000
اديك العافيه نضحكتني ومليش نفس للضحكsss1

ميساء وكل عبارات الشكر لا تكفي لحضورك الجميل .. اضحكي يا اختي الدنيا تراها اخرتها كوم تراب ما ماخذين منها حاجه ..يسلمو علي الحضور الى بعجب ده ..

قرشي التوم

06-03-2007, 07:41

ود المدنى عشوشة ذهبت مع الريح وعلها تعود ونعود للنشيد