الاخوة الكرام
السلام عليكم ورحمة الله وبركاته
الموضوع في غاية الاهمية من حيث انه يتطرق الي كل المسميات لاشياء ومكونات البيت السوداني القديم رغم عن اندثار بعض منها الان لكن يبقي بعضهم باصالة وطني
مثل المفراكة والدوكة ويبقي الاخر قد تواري بدخول اشياء جديدة حلت محله كالقفة التي حل محلها كيس النايلون والمشلعيب الذي حله محله الدواليب والثلاجات ان صح التعبير.
عموما هي مساحة لمحاولة جمع جميع المفردات التي تخص البيت السوداني
فارجو من كل من الاعضاء الكرام ان يدلي بدلوه في معرفته باشياء كانت ولا زالت تمثل تراثنا المنزلي في السودان
ودمتم بكل العافية

فكرة جميلة يا مـمزوج ( نفسي أعرف مـمزوج دي شنو ؟ )
سيستفيد منها الجميع إن شاء الله .

انا غايتو بعرف التـكــل بضم التاء والكاف
وده طبعا جزء مهم في البيت حيث يصنع الطعام http://www.nilelove.org/vb/images/smilies/biggrin.gif

فكرة جميلة يا مـمزوج ( نفسي أعرف مـمزوج دي شنو ؟ )
سيستفيد منها الجميع إن شاء الله .

انا غايتو بعرف التـكــل بضم التاء والكاف
وده طبعا جزء مهم في البيت حيث يصنع الطعام http://www.nilelove.org/vb/images/smilies/biggrin.gif
طبية المسالمة
ممزوج ده سؤال جاوبت عليهو كتير
وممكن ترجعي لمنتدي الخواطر وتتطلعي علي كارثة العمر
اما بخصوص الموروث السوداني للمنزل فهو قد تواري الا القليل منه ونحن
هنا بصدد عمل دراسة تراثية شاملة لما كان عليه المنزل السوداني.
وشكرا علي الاضافة للتكل وهو المطبخ لكن دعيني ادعوك
للبحث عن ما هو داخل التكل ومعرفة اسمائه هل ممكن ؟

تسجيل حضور ومتابعة :)

السحارة هي عبارة عن دولاب صغير كان يصنع من الخشب اوالصفيح
وتوضع فيه الاشياء التي تتعلق بالمنزل .
والمقرون هي عبارة عن صفحيتين معمول لهما قفل من اعلي
وملتصقتنان مع بعضهما البعض بأمر الحداد ويوضع فيه الاشياء المتعلقة بالمطبخ
وفي بعض المناطق يسمي بالمجز بضم الميم.
ونواصل ان شاء الله

المفراكة او الكنش بضم الكاف والنون:
مفردة شائعة في المطبخ السوداني وهي الوحيدة التي حافظت علي اصالتها الي الان من بين الاشياء القديمة. وهي عبارة عن الة مصنوعة من فروع الاشجار للمساعة في الطبخ واظنها معرفة للجميع.
المشلعيب :-
وهو عبارة عن شئ يصنع من سعف النخيل ويعلق في اعلي التكل برفع التاء والكاف وهو (المطبخ) وتوضع به الاشياء التي يخشي عليها من النمل والقطط والكلاب مثل اللبن او الروب.

يالممزوج المجز وينا واوها المضمومه.....ركز

يالممزوج المجز وينا واوها المضمومه.....ركز
شكرا سنابل عي التنبيه والمرور ايضا
وهو اني كنت اقصد بضم الميم وليست الواو
شكرا مكرر

ممزوج زمان كان في شي اسمو النفاج

باب صغير بيربط بين الجيران يعنى بدل تمشى للجيران من الشارع

تدخل من خلال النفاج

النفاج كان فاتح شراع الريد والمحبة بين الجيران

هسي النفاج انتثر وشال معاو كل شي حلو

من مكونات المنزل السوداني القديم ايضا
( تمبل باي)او (حلة الفلاتة)او(البرمة)بضم
الباء وهي عبارة عن حلة تستخدم في المطبخ
السوداني الي الان مصنوعة من الالمونيوم وبشكل
تقليدي جميل وتأخذ الشكل الدائري في تصميمها.

اشكرك على جهدك الجبار

معلومات جد حلوه
انا مشيت بلدنا قبل 10 سنوات تقريبا وسمعته حاجات كتيره منها الملاحات ودي البرندات البتكون في الحوش والخلف خلاف دي المبنيه بالطوب وبتكون اوضه وبرندتها وبالعكس الجيه التانيه والقاطوع ده حوش كبير كده بيكون فيهو الزرايب والمواشي ومفصول عن باقي البيت بي باب صغير



اجتهادات مني وتسجيل حضور وتسلمو على الموضوع

القاطوع ياختى الفاضله مش حوش القاطوع عباره عن مخزن داخل الغرفه

المحراكه
اله تتحن بها البقوليات مثل اللوبيا والفاصوليا ......
وتتكون من حجرين حجر بكون طوليى وثابت على الارض والثانى متوسط

شكرا لكل الخوة المتداخلين
الذين اثروا النقاش قي هذا الغياب الاخير
والي ان اعود باذن الله لكم مني كل حب وتقدير

شكرا لكل الخوة المتداخلين
الذين اثروا النقاش قي هذا الغياب الاخير
والي ان اعود باذن الله لكم مني كل حب وتقدير
مشيت وين ياممزوج دا انت نسيت أهم حاجة في الموضوع دا كلو
رمز الكرم السوداني الأصيل
القدحوهو عبارة عن إناء الطعام مصنوع من خشب السنط المتين وهو يعادل الصحن حالياً وتتفاوت أحجامه وقديماً كان الناس بيتنافسوا في كبر القدح فكلما كبر قدحك كلما كان ذلك كناية علي كرمك ومنه جاءت كلمة غتي قدحو أي تزوج بنت عمه أو خاله لصونها.

الحنقوق

هو المقشة ومصنوع من سعف الدوم والجلدة بيهو حااااااااااااارة


المٌنضرة
بضم الميم وهي المرآة أهم أدوات الزينة وأغلاها وزمان كانت تعادل التواليت حالياً

التقروبا المصلاية ( السجادة)
الكنش نسيته العارفه يوريني ليه
شكرا على الموضوع
تحياتي

يتخيل لي الكنش هو ملعقة الملاح الكبيرة والله أعلم
لكين بتعرفي المتش يامنال ؟؟؟

باب الكُشر
بضم الكاف .. هو من الأبواب القديمة والمصنوعة من خشب السنط الثقيل وسمي بالكشر لأن له مفتاحاً مصنوع من نفس الخشب والكشر هو المفتاح بلغة أهلنا الدناقلة فكانت التسمية.
السعن : مصنوع من جلد الضأن والماعز ويستخدم لغرض الشرب حيث يعلق ويملأ بالماء ويستخدم أيضاً لخش اللبن أي فصل السمن عن اللبن وهي عملية كانت تقوم بها الحبوبات قديماً فيستخلص به اللبن الرائب والسمن.
المرق :هو أهم عناصر السقف قديما ويكون في منتصف سقف الغرفة ويحمل بقية السقف ويصنع من ساق شجرة متينة وأحيانا يدعم بما يسمي الركيزة وهي عمود قائم يرتكز عليه المرق ويسمي الشخص صاحب المكانة بأنه ركيزة .

قبل ما يكبو الأكل في القدح الكبير .. بكون شدوه في حلة ( تمبل بي ) ...مختوتة في لدايات ..

اللدايات : ثلاثه حجار يوقدو بناتن النار ويختو فوقن الكنتوش
الكنتوش:ماعون بنجضوا فيه وهومصنوع من الطين يعني فخار
القربه:بكسر القاف (كولر زمان) مصنوعه من الجلد لحفظ الماء وتبريده (اخت السعن)

والله موضوع جميل جدا خاصة انه الواحد
ما يعرف شئ من التراث (الجيل الجديد طبعا):)
لكن لي ملاحظة
حتى تتم الفائدة ياريت لو ترفقهم بصور
علشان الواحد يكون عارف شكل الشئ

مرحبا شباب مشكووووور ياممزوج على الموضوع بصراحة عجبني كتيييييييييير
الدوكة او الصاج : هي التي احتفظت باصالتها حتى الان وهي التي تصنع فيه الكسرة يعني بعوسو فيها
والكسرة طبعاً كلنا عارفنها غنية عن التعريف
والمعراكة : بضم الميم والعين ودي البمسحو بيها الدوكة عشان الكسرة تطلع بسهولة منها

مرحبا شباب مشكووووور ياممزوج على الموضوع بصراحة عجبني كتيييييييييير
الدوكة او الصاج : هي التي احتفظت باصالتها حتى الان وهي التي تصنع فيه الكسرة يعني بعوسو فيها
والكسرة طبعاً كلنا عارفنها غنية عن التعريف
والمعراكة : بضم الميم والعين ودي البمسحو بيها الدوكة عشان الكسرة تطلع بسهولة منها
نسيتي يا السمرا القرقريبة البعوسو بيها الكسرة والطايوق البمسحو بيهو الصاج عشان يسهل العواسة وشكراً اخي موضوعك رائع لك التحية

شكرا لكل الذين تواصلوا معنا هنا
ولي عودة ان شاء الله

جميل جدا ان نهتم بمثل هذه الاشياء ...

و لي عودة للمشاركة إن شاء الله

باب الكُشر
بضم الكاف .. هو من الأبواب القديمة والمصنوعة من خشب السنط الثقيل وسمي بالكشر لأن له مفتاحاً مصنوع من نفس الخشب والكشر هو المفتاح بلغة أهلنا الدناقلة فكانت التسمية.
السعن : مصنوع من جلد الضأن والماعز ويستخدم لغرض الشرب حيث يعلق ويملأ بالماء ويستخدم أيضاً لخش اللبن أي فصل السمن عن اللبن وهي عملية كانت تقوم بها الحبوبات قديماً فيستخلص به اللبن الرائب والسمن.
المرق :هو أهم عناصر السقف قديما ويكون في منتصف سقف الغرفة ويحمل بقية السقف ويصنع من ساق شجرة متينة وأحيانا يدعم بما يسمي الركيزة وهي عمود قائم يرتكز عليه المرق ويسمي الشخص صاحب المكانة بأنه ركيزة .

المرق == الانديق = نفس المعنى == بالدنقلاوي

باب الكُشر
بضم الكاف .. هو من الأبواب القديمة والمصنوعة من خشب السنط الثقيل وسمي بالكشر لأن له مفتاحاً مصنوع من نفس الخشب والكشر هو المفتاح بلغة أهلنا الدناقلة فكانت التسمية.
السعن : مصنوع من جلد الضأن والماعز ويستخدم لغرض الشرب حيث يعلق ويملأ بالماء ويستخدم أيضاً لخش اللبن أي فصل السمن عن اللبن وهي عملية كانت تقوم بها الحبوبات قديماً فيستخلص به اللبن الرائب والسمن.
المرق :هو أهم عناصر السقف قديما ويكون في منتصف سقف الغرفة ويحمل بقية السقف ويصنع من ساق شجرة متينة وأحيانا يدعم بما يسمي الركيزة وهي عمود قائم يرتكز عليه المرق ويسمي الشخص صاحب المكانة بأنه ركيزة .


المرق = الانديق = نفس المعنى == بالدنقلاوي

بس انشالله يكون النطق ساهل عليكم

الكانون: مصنوع من الحديد ونشد فيهو حله الملاح

أظنكم نسيتوا عنقريب القد بكسر القاف وهو مصنوع من الخشب كما هو معروف ولكن الفرق انه موسر بجلد البقر بدلا من الحبال

مشكور علي الموضوع الشيق مع العلم بان هذه الاشياء لم تندثر كما ذكر البعض
(الدرنقل) هو عباره عن سرير يصنع من القنا ويربط ( بالقد ) وهو عباره عن شرائح من جلد البقر ويكون حجم الدرنقل كبير يسع كل افراد الاسره مهما كبر حجمها
( الجبراكا) وهي عباره عن مساحه زراعيه تكون بالقرب من المنزل ويزرع بها التبش والذره الشاميه
( السيبه ) وهي عباره عن مبني مستطيل الشكل تبني من القش او الطين وتستخدم لتخزين قوت السنه من الذره0
( الشقاق) بضم الشين هو عباره عن بيت متحرك يصنع من القنا ويحمل علي ظهر الجمال 0
( الكلول ) اناء يصنع من الطين يستخدم لتسخين اللبن 0
(الوقايه) بكسر الواو تصنع من السعف وتزين بالسكسك وتوضع عليها جبنة الطين 0
( البلال) بفتح الجميع هو عباره جوال خيش يتم فتحه ويوضع داخلهالسعف ويرش بالماء لتلين السعف لصناعة البروش0

من مكونات المنزل السوداني القديم ايضا
( تمبل باي)او (حلة الفلاتة)او(البرمة)بضم
الباء وهي عبارة عن حلة تستخدم في المطبخ
السوداني الي الان مصنوعة من الالمونيوم وبشكل
تقليدي جميل وتأخذ الشكل الدائري في تصميمها.

سلام اخونا همزة
( تمبل باي)او (حلة الفلاتة)
وسميت بهذا الاسم لانها كانو بصنعوها الفلاتة الوافدين للسودان من تشاد
وفي ذلك الزمن كان تمبل باي رئيسا لتشاد

اما البرمة فهي من الفخار وكانت غالبا ما تستعمل لتخمير الدقيق للعواسة ويحفظ الباقي لليوم
التالي حتي يتخمر ولذلك سميت (الخمارة) بفتح الخاء والدقيق المخمر (الخمارة ) بضم الخاء
وبعض الاحيان تستعمل لتخمير الروب وهي اصغر حجما وتعلق في المشلعيب

نسيتي يا السمرا القرقريبة البعوسو بيها الكسرة والطايوق البمسحو بيهو الصاج عشان يسهل العواسة وشكراً اخي موضوعك رائع لك التحية

سلااااااااااااااام

وبرضو نسيتو التملة وتسمي في بعض المناطق المعراكة

الشرقرق والوقاية والليفة للجبنة

البابور اب قيطان
الرتينة
الككوية او اللمبة ام ملين (مليم)
اللمبة ام قيطان
في زول بعرف القبرة
ويا حليلي نا حليلي نا يا بلدنا

البرش
السباتة
والتبروقا
شايف زول كتب التربوقا قبيل
الشايقي الحر ما تقول لينا النطع شنو

سلام ياشباب الكنش عباره عن عود طويل فى المقدمه مثلث الشكل يستخدم فى تحريك حلت الملاح (التنبلبي)
وايضا فى فرك الخضراء وعواست العصيداء ( رمضان كريم )