مشاهدة النسخة كاملة : كلمات اغاني ام كلثوم
بوسي كات 19-02-2007, 01:12 سيرة = "
طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاى حبيتك ما أعرفش إزاى ياحياتى
من همسة حب لقيتنى بحب وأدوب فى الحب وصبح وليل على بابه
****
فات من عمرى سنين وسنين شفت كتير و قليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى بحب وأدوب فى الحب وصبح وليل على بابه
****
ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدنى الحب لقيتنى بحب وأدوب فى الحب وصبح وليل على بابه
****
يا اللى مليت بالحب حياتى أهدى حياتى إليك
روحى..قلبى..عقلى..حبى كلّى ملك ايديك
صوتك..نظراتك..همساتك شىء مش معقول
شىء خلا الدنيا زهور على طول وشموع على طول
الله ياحبيبى على حبك وهنايا معاك الله يا حبيبى يا حبيبى الله الله
ولا دمعة عين جرحت قلبى ولا قولة آه من يوم ماعرفتك
ما بقولش فى حبك غير الله الله يا حبيبى على حبك الله الله
من كتر الحب لقيتنى بحب لقيتني بحب وأدوب فى الحب ااااه وادوب في الحب وصبح وليل على بابه
بوسي كات 19-02-2007, 01:18 أمل حياتي
أمل حياتى ياحب غالى ما ينتهيش
يا أحلى غنوه سمعها قلبي ولا تتنسيش
خد عمرى كله بس النهارده خلينى أعيش
خلينى جنبك خليني فى حضن قلبك
وسيبنى أحلم سيبني ياريت زمانى ما يصحينيش
[line]
أملي حياتى … عينيا يا أغلى مني عليا
يا حبيب امبارح وحبيب دلوقتي
ياحبيبى لبكره ولآخر وقتى
أحكى لى قول لى
إيه من الأمانى ناقصنى تانى وأنا بين ايديك
عمرى ما دقت حنان فى حياتى زى حنانك
ولاحبيت ياحبيبى حياتى إلا علشانك
وقابلت آمالى وقابلت الدنيا وقابلت الحب
أول ماقابلتك واديتك قلبى يا حياة القلب
أكتر من الفرح ده ما احلمش أكتــر من اللى أنا فيه ما أطلبش
بعد هنايا معاك يا حبيبى لو راح عمرى أنا مااندمش
وكفايه أصحى على ابتسامتك بتقول لى اعيش
أسمعها غنوه تقول لحبى ما ينتهيش
خلينى جنبك خليني فى حضن قلبك
وسيبنى أحلم سيبني ياريت زمانى مايصحينيش
[line]
ياللى حبك خلى كل الدنيا حب
ياللى قربك صحى عمر وصحى قلب
وانت معايا يصعب عليا رمشة عينيه ولا حتى ثانيه
يصعب عليا لايغيب جمالك ويغيب دلالك ولو شويه
قد كده مشتاق إليك قد كده ملهوف عليك
نفسى أنده لك بكلمة ماتقالتش لحد تانى
كلمة قد هواك ده كله قد أشواقى وحنانى
كلمة زيك واللى زيك فين؟
د! أنت زيك ما اتخلقش أتنين
وكفاية أصحى على ابتسامتك بتقول لى اعيش
أسمعها غنوه تقول لحبى ماينتهيش
خلينى جنبك خليني فى حضن قلبك
وسيبنى أحلم سيبني ياريت زمانى ما يصحينيش
[line]
ياحبيبى مهما طال عمرى معاك برضو أيامه قليله
دى السعادة والحنان اللى فى هواك ما يقضيهاش أجيال طويلة
حبك يا حبيبى ملا قلبى وفكرى
بينوّر ليلى ويطوّل عمرى
بيزيد بيزيد فى غلوته دايمأ بيزيد
وتملي جديد فى حلاوته وتملى جديد
إنت خليتنى أعيش الحب وياك ألف حب
كل نظره إليك احبك من جديد وأفضل أحب
أنأ حبيت فى عينيك الدنيا كل الدنيا حتى عوازلى أو حسادى
كل الناس حلوين فى عينيا حلوين
طول ما عينيا شايفه الدنيا وأنت قصادى
وأنام وأصحى على شفايفك بتقول لى اعيش
أسمعها غنوه تقول لحبى مايذتهيش
خلينى جنبك خليني فى حضن قلبك
وسيبنى احلم سيبني ياريت زمانى ما يصحينيش
يااااااااااااريت ياااااااااااااااااريت مايصحنيش
بوسي كات 19-02-2007, 01:24 يامسهرني
ماخطرتش على بالك يوم تسأل عنى وعينيا مجافيها النوم يا مسهرنى
دانا قلبى بيسألنى إيه غير أحواله ويقول لى بقى يعنى ما خطرتش على باله
أمال غلاوة حبك فين وفين حنان قلبه على
وفين حلاوة قربك فين فين الوداد والحنيه
يا ناسينى وإنت على بالى وخيالك ما يفارق عينى
ريحنى واعطف على حالى وارحمنى من كتر ظنونى
لا عينيا بيهواها النوم ولا بخطر على بالك يوم
إسأل عنى يامسهرنى
***
إسأل عن اللى يقضى الليل بين الأمل وبين الذكرى
ويصبر القلب المشغول ويقول له نتقابل بكره
وبكره يفوت وبعده يفوت ولا كلمه ولا مرسال
وهو العمر فيه كام يوم وأنا بعدك على طال
ياناسينى وإنت على بالى وخيالك ما يفارق عيني
ريحنى واعطف على حالى وارحمنى من كتر ظنونى
لا عينيا بيهواها النوم ولا بخطر على بالك يوم
إسأل عنى يامسهرنى
***
يامسهر النوم فى عنييا سهرت أفكارى وياك
الصبر ده مش باديه والشوق واخدنى لبحر هواك
أقول لروحى وأنا ذنبى إيه يقول لى قلبى حلمك عليه
مسيره بكره يعطف علينا ونبقى نعرف هجرنا ليه
ياناسينى وإنت على بالى وخيالك ما يفارق عيني
ريحني واعطف على حالي ارحمني من كتر ظنوني
لاعينيا بيهواها النوم ولا بخطر على بالك يوم
إسأل عنى يامسهرنى
***
تعالى خلى نسيم الليل على جناح الشوق يسرى
الهجر طال والصبر قليل والعمر ايامه بتجرى
تعالى لى قوام طالت الايام
دانا عندى كلام بدى اقوله لك
دانا عندى كلام
وفى قلبى غرام
وفى قلبى غرام أوصفهولك
ونعيش أيام ولا فى الاحلام
ياناسينى وإنت على بالى وخيالك ما يفارق عيني
ريحنى واعطف على حالى وارحمنى من كتر ظنونى
لا عينيا بيهواها النوم ولا بخطر على بالك يوم
إسأل عنى يامسهرنى
بوسي كات 19-02-2007, 01:30 أراك عصي الدمع
أراك عصى الدمع شيمتك الصبر أما للهوى نهى عليك ولا أمر
*
نعم أنا مشتاق وعندى لوعة ولكن مثلى لا يذاع له سر
*
إذا الليل أضوانى بسطت يد الهوى وأذللت دمعا من خلائقه الكبر
*
تكاد تضىء النار بين جوانحى إذا هى أذكتها الصبابة والفكر
*
معللتى بالوصل والموت دونه إذا مت ظمآنا فلا نزل القطر
*
وفيتُ وفى بعض الوفاء مذلة لفاتنة فى الحى شيمتها الغدر
*
تسائلنى من أنت وهى عليمة وهل لشيخ مثلى على حاله نكر
*
فقلت كما شاءت وشاء لها الهوى قتيلك قالت أيهم فهم كُثرُ
*
وقلّبتُ أمرى لاأرى لى راحة إذا البين أنسانى ألح بى الهجر
*
وقالت لقد أذرى بك الدهر بعدنا فقلت معاذ الله بل أنت لا الدهر
*
أراك عصى الدمع شيمتك الصبر أما للهوى نهى عليك ولا أمر
ظبية المسالمة 19-02-2007, 08:10 يا سلام عليك يا بوسى كات
تسلمي ومشكورة جدا على هذه الروعة
أرجو أن تواصلي
كلام جميل
لسيدة الغناء العربي
بوسي كات 19-02-2007, 17:19 يا سلام عليك يا بوسى كات
تسلمي ومشكورة جدا على هذه الروعة
أرجو أن تواصلي
الله يخليك ان شاء الله اواصل والف شكر للمتابعة تحياتي واحترامي
بوسي كات 19-02-2007, 18:29 أنا في أنتظارك
أنا فى انتظارك خليت نارى فى ضلوعى وحطيت
ايدى على خدى وعديت بالثانية غيابك ولا جيت
يا ر يتنى عمري ما حبيت
***
عايز اعرف لا تكون غضبان أو شاغل قلبك إنسان
خليتني من يأسي أقول ياريت الغيبة دى تطول على طول
وافكر إيه اللي جنيت من ذنب يسيئلك ما لقيت
يا ريتنى عمري ما حبيت
***
أتقلب على جمر النار أشرد ويا الأفكار
النسمة احسبها خطاك والهمسة أحسبها لغاك
على كده أصبحت و أمسيت وشافونى وقالوا إتجنيت
يا ريتنى عمري ما حبيت
***
توعدنى بسنين وأيام وتجينى بحجج وكلام
وتسلم و تمر قوام أو تخلف وتقول لي نسيت
يا ريتنى عمرى ما حبيت
بوسي كات 19-02-2007, 18:32 أنت عمري
رجعونى عينيك لأيامى اللي راحوا علموني أندم على الماضي و جراحه
اللي شفته قبل ماتشوفك عينيا عمر ضايع يحسبوه إزاى عليا
انت عمرى اللي ابتدى بنورك صباحه
***
قد إيه من عمرى قبلك راح و عدى ياحبيبى قد إيه من عمرى راح
ولا شاف القلب قبلك فرحة واحدة ولا داق فى الدنيا غير طعم الجراح
إبتديت دلوقتي بس أحب عمري إبتديت دلوقت اخاف لا العمر يجرى
كل فرحة اشتاقها من قبلك خيالي التقاها في فى نور عينيك قلبي وفكري
يا حياة قلبي يا أغلى من حياتي ليه ما قابلنيش هواك ياحبيبي بدرى
اللي شفته قبل ماتشوفك عينيا عمر ضايع يحسبوه إزاى عليا
انت عمرى اللى ابتدى بنورك صباحه
****
الليالي الحلوة والشوق والمحبة من زمان والقلب شايلهم عشانك
دوق معايا الحب دوق حبه بحبه من حنان قلبي اللي طال شوقه لحنانك
هات عينيك تسرح قي دنيتهم عينيا هات ايديك ترتاح للمستهم ايديا
يا حبيبي تعالى وكفاية اللي فاتنا هو فاتنا يا حبيب الروح شويه
اللي شفته قبل ماتشوفك عينيا عمر ضايع يحسبوه إزاى عليا
انت عمرى اللي ابتدى بنورك صباحه
****
يا أغلى من أيامي يا أحلى من أحلامي
خدني لحنانك خدني عن الوجود وابعدنى
بعيد بعيد أنا وانت بعيد بعيد وحدينا
ع الحب تصحى أيامنا ع الشوق تنام ليالينا
صالحت بيك أيامى سامحت بيك الزمن
نسيتنى بيك آلامى ونسيت معاك الشجن
واللي شوفته ااااااااه قبل ماتشوفك عينيا عمــر ضايع
يحسبوه ازاي عليا انت عمري انت عمــــــــــــــــري
بوسي كات 19-02-2007, 18:33 ودارت الأيام
ومرت الأيام
ما بين بعاد وخصام
وقابلته نسيت إني خاصمته ونسيت الليل إللى سهرته
وسامحت عذاب قلبي وحيرته ما أعرفش إزاى أنا كلمته
ما اقدرش على بعد حبيبي أنا ليا مين إلا حبيبي
***
قابلني والأشواق في عينيه سلم وخد إيدى في إيديه
وهمس لي قال لى الحق عليه نسيت ساعتها بعدنا ليه
فين دموع عينى اللى ما نامت ليالى
بابتسامه من عيونه نساها لى
أمر عذاب وأحلى عذاب عذاب الحب للأحباب
ماقدرتش أصبر يوم على بعده ده الصبر عايز صبر لوحده
ما أقدرش على بعد حبيبى أنا ليا مين آلا حبيبى
***
وصفوا لى الصبر لقيته خيال وكلام في الحب يادوب يتقال
أهرب من قلبى أروح على فين ليالينا الحلوة في كل مكان
مليناها حب إحنا الاثنين وملينا الدنيا أمل وحنان
عيني عيني ع العاشقين حيارى مظلومين ع الصبر مش قادرين
ماقدرتش اصبر يوم على بعده ده الصبر عايز صبر لوحده
ما أقدرش على بعد حبيبى أنا ليا مين إلا حبيبي
***
ودارت الأيام
ومرت الأيام
وهل الفجر بعد الهجر بلونه الوردى بيصبّح
ونور الصبح صحى الفرح وقال للحب قوم نفرح
من فرحتى تهت مع الفرحه من فرحتى لا بنام ولا باصحى
ولقيتنى معاه بأعيش فى ربيع ما فيش كده
بين شوق ما ينتهيش وشوق تانى إبتدى
مقدرتش أصبر يوم على بعده ده الصبر عايز صبر لوحده
ما أقدرش على بعد حبيبى أنا ليا مين إلا حبيبى
بوسي كات 19-02-2007, 18:37 لسّه فاكر
لسّه فاكر قلبى يدى لك أمان ولا فاكر كلمة ح تعيد اللى كان
ولا نظره توصل الشوق بالحنان لسّه فاكر كان زمان كان زمان
***
كانت الأيام فى قلبى دموع بتجرى وإنت تحلى لك دموعى وهى عمرى
ياما هانت لك وكانت كل مره تمحى كلمه من آمالى فيك وصبرى
كلمه كلمه لما راح الهوى ويا الجراح
واللى قاسيته فى ليلى إتنسى ويا الصباح
النهار ده الحب والشوق والحنان لما تسألنى أقول لك كان زمان
لسّه فاكر كان زمان
***
ياما حليت لك آهات قلبى وهىّ من قساوتك انت والأيام عليا
كنت تسمعها نغم وأسمع صداها نار تدوّب حبنا شويه شويه
النغم رجعت حلاوته لقلبى وفضل لك قساوته والهوى اللى بان عليا ابتديت تعرف غلاوته
النهار ده الحب سيرة وكان وكان لما تسألنى أقول لك كان زمان
لسّه فاكر كان زمان
***
الليالى كنت بتسمى الليالى لعبة الخالى وهى عمر غالى و
كنت أبات أسأل عليك ظنى ودموعى وانت متهنى بحيرتى وإنشغالى
قول لى إيه هى الحكايه بعد ما عرفنا النهاية
انت جيت مشتاق لحبى ولا لدموعى وقسايا
النهار ده بعد ما فات الأوان مهما تحلف لى أقول لك كان زمان
لسّه فاكر كان زمان
بوسي كات 19-02-2007, 18:39 أنقروا الدفوف
أوقدوا الشموس ... انقروا الدفوف
موكب العروس ... فى السما يطوف
والمنى قطوف
انقروا الدفوف
***
الرضا والنور والصبايا الحور
والهوى يدور
آن للغريب أن يرى حماه
يومه القريب شاطىء الحياه
والمنى قطوف
فى السما تطوف
انقروا الدفوف
***
طاف بالسلام طائف السلام
يوقظ النيام
عهده الوثيق واحة النجاه
أول الطريق هو منتهاه
والمنى قطوف
فى السما تطوف
انقروا الدفوف
بوسي كات 19-02-2007, 18:40 قصة الأمس
أنا لن أعود إليك مهما استرحمت دقات قلبى
أنت الذى بدأ الملالة والصدود وخان حبى
فإذا دعوت اليوم قلبى للتصافى لا لن يلبى
****
كنت لى أيام كان الحب لى
أمل الدنيا ودنيا أملى
حين غنيتك لحن الغزل
بين أفراح الغرام الأول
****
وكنت عينى وعلى نورها
لاحت أزاهير الصبا والفتون
وكنت روحى هام فى سرها
قلبى ولم تدرك مداه والظنون
****
أنا لن أعود إليك مهما استرحمت دقات قلبى
أنت الذى بدأ الملالة والصدود وخان حبى
فإذا دعوت اليوم قلبى للتصافى لا لن يلبى
****
وعدتنى الا يكون الهوى
ما بيننا إلا الرضا والصفاء
وقلت لى إن عذاب النوى
بشرى توافينا بقرب اللقاء
****
ثم أخلفت وعودا
طاب فيها خاطرى
هل توسمت جديدا
فى غرام ناضر
****
فغرامى راح ياطول غرامى اليه
وانشغالى فى ليالى السهد والوجد عليه
****
كان عندى وليس بعدك عندى
نعمة من تصوراتى ووجدى
ياترى ما تقول روحك بعدى
فى ابتعادى وكبريائى وزهدى
****
عش كما تهوى قريبا أوبعيدا
حسب أيامى جراحا
ونواحا ووعودا
ولياليا ضياعا
وجحودا
ولقاء ورجاء
يترك القلب وحيدا
****
يسهر المصباح والاقداح والذكرى معى
وعيون الليل يخبو نورها فى أدمعى
يالذكراك التى عاشت بها روحى على الوهم سنين
ذهبت من خاطرى إلا صدى يعتادنى حينا فحينا
****
قصة الأمس أناجيها وأحلام غدى
وأمانى حسان رقصت فى معبدى
وجراح مشعلات نارها فى مرقدى
وسحابات خيال دائم كالأبد
****
أنا لن أعود إليك مهما استرحمت دقات قلبى
أنت الذى بدأ الملالة والصدود وخان حبى
فإذا دعوت اليوم قلبى للتصافى لا لن يلبى
الجميل الساده 28-02-2007, 23:40 :trrr6: حياك الله يا بوسى اختيارك جد جميل وموفق لختيارك لاغانى الست ام كلثوم وانا على فكرة بنوم كل يوم على صوتها .مشكوره جدا:trrr6:
|