مشاهدة النسخة كاملة : قــسم المشـوكشين ..!


جوبتر دمانيوس
01-03-2007, 17:51
يا جماعة هوي انا لا اتشوكشت لا يحزنون ( عشان عارف ناس الشمارات كتار ) .. المساحة دي من باب الإحتياط واجب :c030:

اها الفكرة انو نحاول نجمع اكبر عدد من قصائد المشوكشين والمغلوبين على امرهم .. وايدكم معانا .. dd13

بعدين بالطريقة دي زاتو المشوكشين وعايزين ليهم كلام ما يتعبو يلقوهو جااااااااهز sss1 ..

اها بدينا بي اهلي الشوايقة .. اصلو باقي كلهم مكسرين ومشوكشين :D

-------------------

قصيدة ( أعذريني )
( لما اتذكر اسم الشاعر بجي اكتبو )

اعذريني ..
تاني مـا بقدر ارجّع زي زمان عمري وسنيني

لـو سؤالك عني قصدك إنو عـــاوزة تحـسسيني
اني لسـع في خيالك.. انتي برضك جوه عيني

ولسه في وجداني عايشه وباقيه فيهو تآنسيني
ليكي كل الـود مصفى وليـكي اشواقي وحنيني

وبرضو في ذاكـرتي لحظة انت جيتي تودعيني
وكنت بترجاك واقوليـك مرة واحده اسمعيني

أبقي في دنيايـا فرحـه وابقي للايـام مـعيني
وابقي انت الدنيا ذاتها وجيبي ريدك واصرعيني

ويلا نحيا نحـب بعضنا ونبقى نسرح في الاماني
وتـبقى كـل الدنيا فرحـه ونغـزل الامــال أغـاني

وكت بدفق في مشاعـري وسايل انهار ليك حناني
ونظـرتك كانت غـريبة وفيها كان اغـرب معاني

ولسه في يوم داك افكر وبرضي في الحسرات اعاني
وكلما حـاولت أهجـع الـقى طيفك قـام وجـاني

أعذريني ..
كنتي بالجد انت غايه ..
وكنتي في عيني آيه ..
وكنتي لى قلبي المكان الفيهو بتناسى الرزايا
وكنتي شاطئ للاماني وكنتي احلامي ومنايا

وفجـأة مـا لقيتك مـعايا ..
وبى وراك ضاعت خطايا ..
وتهت اعصر في مواجعي وفوق خشوم الناس حكايه

أعذريني ..
خـلي صورتـك تـبقى فـي عـيني مـكانا
وخلي قلبي يعيش عفافو اصلو بعدك تاه وعانى

وبى الفضل لى من كرامه تاني ما بحمل اهانه
ويبقى باقي العمر ماشي ويحكي للعشاق هـوانا
قصة من اجمل حـكاوي الريده كانت في زمانا

fulla
01-03-2007, 17:55
عايز تنفي شنو يا حبه
بعد ميته وخراب ديار .. خلاص ما تاذن نحن عارفين ومتاكدين من الشاكوش
الحاصل حتى عندنا ثبوتات تاكد الوقائع دي .. dd13





دقيقة وااااااااااااحدة
وبجيب قصيدتي .. :D

جوبتر دمانيوس
01-03-2007, 18:01
نواصل .. غايتو الكتب القصيدة دي اخد شاكوش خلاهو يغتس في سابع ارض :D

رد رسالة
مختار دفع الله

تاني كاتب لي خبارك؟
انت فاكر انو لسه قلبي تايه في مدارك؟
دي الديار خليتا ذاتا لما ضاقت بيّ ديارك

والبعاد الشايفو قاسي ما زمااااان كان بي اختيارك
لما رحت تجور عليّا ورحت ابعد من مسارك

كنت فاكر بنسي جرحك جيت تنمق في اعتذارك؟...

دة الجواب الجاني منك عندي صار ما ليهو قيمة
والهوي الكان بيني بينك عدّي بالشوق والهزيمة
وهسي لما طريت هوايا وقصة الذكري الاليمة
جاي تاني عشان تعاود للحكايات القديمة؟...

إلا هسة إنت انسى .. وحاول انسى
وحقو تنسى .. انو كان بيناتنا قصة
وأصلو ما يفكر قليبك اني بهواك انت لسه
دة الزمن استاذ بِقرّي واهو قدم لينا حصة
السهاد والغدر اساسا وما عليك ابداً بدسا

والكلام القلتو ليا كان بيمشي علي زمان
قبل ما تغدر عيونك وقبل ما يخوني الزمان
كم جرعت معاك مذلة واكتويت منك هوان
ودي الكرامة العندي أغلى من عيونك والحنان...

اصلو كان خادعني لونك والبريق الفي عيونك
والبسيمة الضاوية شمعة وباقة من اطراف سنونك
كلو كان تغليف مشاعر عكس ما بتحمل ظنونك..

انت لو فاكرني بحزن عشان فراقك او جفاك
تبقي موهوم في عواطفك اصلو قلبي زمااان نساك
ابتديت انساهو ليلك والسنين الراحو ديلك
وانسي جور كل الاماسي الفيها كم قاسيتو ويلك...

ويبقي ردي علي جوابك ..
يا جميل الرجعة لا لا
كوني ارجع ليك تاني الف مليون استحالة
ما البعاد انت البديتو يوم حرمت الروح وصالا
وانت عارف البادي اظلم ايه لزوم يعني الرسالة ؟

وانت لو فاكرني بحزن
عشان فراقك !!..يا حليلك يا حيليك .. ياااااااااا حليلك !

fulla
01-03-2007, 18:07
هناك على قارعة قصيدة ما
جلس النبض وحيدا
مرت امامه كل لحظات العمر
ضحك تارة
وتارة مسح دمعة عشق سالت بحنان
اتراها تقسو بعد كما قست الايام
ام سترتاح تلك الجفون من سهرها
ويأتي يوم تغلق على احلامها اهدابها
وتنام ؟؟؟؟



لو كنت قلبي استطيع
لحرقت في جسدي اوردة
اوصلت دمك الي
لاغرقت في البحر سفنا
حملت دموعك لعينيّ
لو كنت حبيبي استطيع
لانتشلت ذاتي من اعماق ذاتك
وكتبت بالدم على باب قلبي
محرم دخولك علي

جوبتر دمانيوس
01-03-2007, 18:25
ست الجمال
محمد عثمان أب شعب

والله يا ست الجمال انا ماني باكي علي ضياع امل فيك
ولا حتي نادب حظي ساعه جابني ليك
وخلاص قنع قلبي القبيل ميال عليك
يقنتو يا ست الجمال علمتو ما يشتاق يشيل الشوق يجيك

ومع اني يا ست الجمال عارف جمالك في الجمال طاغي ورهيب
وعارف مشاويرك طوال لو ما ني عاشق كان مشيها علي صعيب

وما شفتي قلبي وحالو كيف من وقده الشوق اللهيب
وصبرا يطول يبقي ذل والنوح كمان من متلي عيب

وانا قلبي يا ست الجمال طيراً سماهو افق رحيب
رحال وما اتعود شمس تشرق عليهو محل تغيب

وين قولك القلتيهو لي انو الزواج قسمة ونصيب
دايره الرجوع وما بيامنك قلبي الجروحو بدت تطيب

انسيهو يا ست الجمال الماضي فات والجاي غيب

لوميني اه لوميني اه لو ميني اه
لوميني ما انتي الغدرتي وقلبك اختار زول سواي
وخطواتك اختارن درب عكس المشنو قبيل معاي
ولو مرة اضناني المسير بركز عليك صبري وغناي

وبعد الحصل والله يا ست الجمال
من شوقي ليك حاضن الصبر ونيران هواك ايام طوال

دربك مشيتو بلا امل ولقيت وصول اخرك محال
وحملتة الام فرقتك الفوق حدود الاحتمال
صديت لسان الحال يقول ياغافل الاحلام ضلال

واحترته كيف كنا يا ست الجمال
ماشين وقلبك شاغلو غير
لو جيتك القاكي السراب وتجيني تلقيني الغدير

غلطان انا انا غلطان انا
غلطان انا السكنتك اعماقي البعيدة ووهبتك الحب الكبير
غداره يا ست الجمال مغرورة يا ست الجمال
غدارة عزت نفسي اكبر من جمالك بي كتير

fulla
01-03-2007, 18:46
زفرة ذابلة
******
الليل قد سكب النعاس على شوارع
في المدينة

وأنا بلا هدف أسير
ظلي ورائي يستثير زوابع الألم
الدفينه

ظلي ورائي يستثير قلبي
الذي ألقت بهِ الأيام
من حضن
السكينه

مازلت في هذه الدنيا
الحزينه

أرنو إلي آفاقها
روحاً تجدف في سأم
أمنيةً من أمنيات الروح تعصرها
الضغينه

تلقى بها تحت القدم
والليل قد سكب النعاس
على الشوارع في
المدينة

ماذا يقول الأصدقاء لو أنهم عرفوا
نهاية قصتي.. من نظرتي

عند اللقاء..!!؟؟
لن تلمس الأفراح آفاق النغم
من بعد ما ذبل
الهوى

واخضرت الآهات في حقل الندم
وهو الذي بدمي
ارتوى

الليل
مازالت بقاياه الكثيفة في
السماء

وأنا الذي
عرف التلهف والحنين
سأظل أحيا في
الشتاء

هنا على ذاكرة الأماني
العابره

أحيا بها .. أحيا حزين

ماذا إذاً
لو حطمت مرآتي
التي عكست طيوفاً من
هنائي

ونفضت وهم الروح في صخب الشوارع
وهربت من دوامة الأفكار
من بعد التنائي

وأزحت عن قلبي الزوابع
كي لا تعود إلي
سمائي
بعد انطوائي
:
:
ماذا إذاً؟؟
ماذا إذاُ؟؟

شايقية نجيضة
01-03-2007, 19:05
مهداه للمشوكشين

أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى

****

رغم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك

***

اوعك تظن فى يوم أنا قلبى برض الـذل
او يستكين هيمان ويرجـاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل

***

أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقول القـول القالـوا (بوفـراس)

***

فى شعروا قالوا كلام مدهش جميل يسبى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى

***

والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار

***

يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك





لقيتها حايمة في النت...ما عارفة الكتبها منو

شايقية نجيضة
01-03-2007, 19:08
مادام هى ما راعت شعورك ولا ضميرا هى استحى
أنساها والبكا مابيفيد قشقش دموعك وأمسحا
كلمنى شن وداك قبيل تظهر مشاعرك تفضحا
خليت حى السوق رياض يانعة وزهورا مفتحة
طولت إيدك لى قطوف زهرة وغميسة مسارحا
زى ما هى عاشقة الإغتراب برضو أنت عاشق ملمحا
ما كنت يا مظلوم دوام دايماً تشكرا تمدحا
وما ترضى لو كان بالغلط بى كلمة انسان يجرحا
ما كت فوق كل البنات تسرد محاسنا تشرحا
كانت عواطف إنسان ضعيف ساكت جناحى مجنحا
انشاء الله منها تتعظ تكون عظات تتوشحا
كانت حساباتك غلط فى القسمة والضرب اتمحا
اتأنى فى جبر الكسور براحة أجمعا وأطرحا
وآخر شى كان تعلرف براك حتى الغرام بقى مصلحة
بت حوة يا مظلوم بقت بالمال عقولا ملقحة
يا ريت قلوبنا الناس بعد ما تحب تخش المشرحة
يبدو المكامن فى القلوب كيف الشرايين تنضحا
يتراجع الأخدو اللسان صح والله زى ضل الضحى
مغرورة ما دارت سكون بلدن شقاوة ودردحة
لا تمشى تنزل بى تحت لا حتى أرضك تنقحا
لا بوغة لا موية شراب لا واطة ماها مصلحة
لا شلت للمحرات فطور لا شتلة ماها مصفحة
كانت قبيل طمعانة فيك فارسن جيوبو متمسحة
دايراكا يوم جيت للعرس نار الله فى الناس تقدحا
الشيلة بالشنط الكبار مقفولة راقدة مبطحة
فى الحلى والناس دار تشوف راجين متين تجى تفتحا
وكان بالا فى شهر العسل طول الزمن ما يبرحا
ترحل معاك لى بيت كبير موكيت وحيطو مسلحة
عربيتك الملك الحلال ..جلد النمر والملفحة
بوتوجاز مولع وديب فريزر وأب رموت والمروحة
تسرق مناها قبل يتم وكل المشاعر تضبحا
ويا جعفر الحياه مدرسة ودايما مقررا فى الصحى
ممكن نعينك فى الدروس لو إنت غلبك تشرحا
وأعرف بأنو أول درس الزول بياكل المقدحا




سيم سيم...ما عارفة الكتبها منو.

fulla
03-03-2007, 23:10
وانتهى عهد المودة بيننا

وانتهى عطر الورود

وانتهى حب وليدٌ بيننا

وانتهينا للجمود

ما بقت غير الدموع بمقلتينا

ترتجي فينا الوعود

كل النجوم
04-03-2007, 09:03
مهداه للمشوكشين

أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى

****

رغم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك

***

اوعك تظن فى يوم أنا قلبى برض الـذل
او يستكين هيمان ويرجـاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل

***

أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقول القـول القالـوا (بوفـراس)

***

فى شعروا قالوا كلام مدهش جميل يسبى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى

***

والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار

***

يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك





لقيتها حايمة في النت...ما عارفة الكتبها منو

شايقية دي قصيدة سافر
للشاعر الفاتح إبراهيم بشير
غناء المبدع جعر السقيد
سافر عليك الله وشيل الأماني معاك

كل النجوم
04-03-2007, 09:07
مهداه للمشوكشين

أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى

****

رغم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك

***

اوعك تظن فى يوم أنا قلبى برض الـذل
او يستكين هيمان ويرجـاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل

***

أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقول القـول القالـوا (بوفـراس)

***

فى شعروا قالوا كلام مدهش جميل يسبى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى

***

والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار

***

يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك





لقيتها حايمة في النت...ما عارفة الكتبها منو

شايقية دي قصيدة سافر
للشاعر الفاتح إبراهيم بشير
غناء المبدع جعر السقيد

سافر عليك الله وشيل الأماني معاك
شوف البيبكي عليك أو حتى يستناك

قرشي التوم
04-03-2007, 13:15
والله جينا هنا لنتفرج اكيد نحن فى الهوى سوا بس بعد نشوف اخر شاكوش ونرجع لبقية الشواكيش

ود مدني
04-03-2007, 14:46
في الحقيقة أنا مشوكش أكتر من جغُ جغُ مائة مرة وبرضو ما بتوب أسوي شنو اتعودت علي حياة الضرب كان في المدرسة ولا الكورة ولا البيت والا أولاد الفريق ولا الموصلات قايتوا جنس بهدلة لكن مافي شئ سخن معاي ذي الشواكيش لكن في غلاط دائماً في الشواكيش ناس تقول من الولد وناس تقول من البت وبعدين يقوموا يقول ليك ( قسمة ) وقسمة لو أبوها عارفة بتمرق كدي كان ما جابها عملت ليه فضايح محل ما يمشي يسمع قصة قسمة لمن انتحر وخلها تخبت في الناس بالشواكيش ... والنس وقت عارفين في قسمة زاتو حابين ليه ما ينتظرو ( القسمة ) .... والله موضوع حرقني شديد لكن أسوي شنو بجي راجع ليه تاني أن ربنا مده في العمر وبقول ليك زي ما قالوا أهلنا الشوايقة :-

(لضرب على الميت )
أعــدت الجـــراح يا غاليــة مـــا عـــاد البشوفوا جديد
ومـــا بشعــــر بقيت بالطعنة مهما كــــان مداهــا بعيد
واحـــد عنــــدي كــــــان آلامـــي تنقص وتـــاني تزيد
ولا أصبــــح مـــــلاقي مـــأسي ولا يطــــــل على العيد
ماهـــو عليهـــا أقـــداري تقصد قلبــــــــي بالتحـــــديد
مــا هو غريب عليها الدنيــــا أبقي عدوها انا الوحيد
ياني صريعها من شبيت فوق مهـد الطفـــــولة وليــــد
لما كبرت وأترعــــرت في دنيـــا الغــــرام والريــــــــد
من نار العــــذاب الضــــوقتو لو مـــا كنت زول صنديد
كان في قبري بــــدري رقدت في جوف واللحــد شهيد
إلا هـــــــــواك ملاني عزيمة آه يـــــا بلبلي الغريـــــــد
بلقـــاك والمحــــن حابكـــاني دائماً مـــــاده لي الأيــــد
إلا الليلـــة عـــــاد في الغربة ينزف قلبي دموا صديــد
والمــــوت قبـــل أجيك ياهــــو مصيري تــــاني أكيـــد
الشقي فيها أمسي قريني والقيــــــد في خطاي حديـــد
والشــــوق بي لهيبــــوا نــاروا يلعب بي حشاي عربيد
في ركــــن السجون أتباكي أرزح فــي الظلام والقيـــد
خـايف فيهــــا تبقي أقــداري حــاكمـــة على بالتأبيـــد
لو يجـــدي الشعر أدمنتــو كـــم سطرت فيــــه قصيــــد
وترجمــت العلي أغـــاني لــو قـــــول الشعــــر بيفيــــد
يا غاليـــــــــــــة مـــــــا عـــــــــــــاد البشوفوا جديـــــد