http://www.alnilin.com/sudaniat/images/wasal_copy.jpg





اجمل ما كتب
الشاعر الراحل ابوآمنه حامد
ولحنه وغناه الموسيقار محمد وردي
(بنحب من بلدنا)..

يغنيها مجموعة من الفنانين الشباب
بتوزيع جديد للدكتور الفاتح حسين
من خلال هذا الفيديو استمعو له وشاهدوه
بعد قرأتكم للكلمات..




بنحب من بلدنا..

كلمات الشاعر الراحل/ أبو آمنة حامد
الحان/ محمد وردي..


بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..

عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو..




اضغط هنا لمشاهدة الفيديو.. (http://www.4shared.com/file/17555813/790563d7/bin7ibminbaladna--Group----Shandawe.html)






كليك على Download للحفظ على الجهاز..





والشكر للاخ البشبيشي
الذى قام بتسجيل الماده..

مين فى الدنيا دى اجمل من بناتنا اليهم قلوبنا والعايشلت فى زاتنا
شنداوى والبشبيشيى الف شكر

مشكوووووووووووووووور شنداوي مافي اجمل من كده تماااااااااااااااااااام
دمت بخير
تحيااااااتي

يديك العافية اخوى شنداوى ويرحم شاعرنا الكبير ابو امنة حامد