|
|
|
|
|
|
 .:: إعلانات الموقع ::. |
||||
|
|
|
|
|
|
|
||||
| قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18 | ||||
الإهداءات |
|
 |
 |
|
|||||||
 |
 |
 |
| الشعر والخواطر والأدب :: |
 |
|
|
أدوات الموضوع | طرق مشاهدة الموضوع |
|
|
|
|
|
أدوات الموضوع | إبحث في الموضوع | طرق مشاهدة الموضوع |
20-05-2008, 11:54
|
#1 |
 
 |
مكتبه الشعر السوداني
يا غريب عن ديارك مصيرك تعود بعد غربة سنين مصيرك تعود تشكي لي يمة شوق شال منامك زمان تحكي ليك الحنين يابا عاتب عليك ليه رسايلك قلال ياخي ما بصح ليك شوقنا ليك عمرو طال .. .......النور ..... الصبية أم عيون شوقا ليك يوم تعود راجية منك وعود تزرع الريد في دربك بأجمل ورود ريدا فايت الحدود و برضو عاتبين عليك ليه رسايلك قلال ياخ ما بصح ليك شوقنا ليك عمرو طال .... النور..... يا ليل الغريب قصر علي سمارك و ارجع يا غريب فرحك هناك في دارك يغشاك الغمام تصبح نسايم نارك .....النور..... التوقيع/النور ابوكدوك  |
|
|
|
|
|
|
| روابط دعائية |
|
|
|
|
20-05-2008, 11:58
|
#2 |
|
|
در درني واتغربت واتبهدلت وريني الخلاص ساقني القدر منك بعيد لآذيا كاس جرعني كاس ***** يا يمه يا فيض الحنان الما كمل يا يمه يا بدري البشع دايماً يهل يا يمه يا نور الصباح وكتين يطل وآشيري يا زينوبة ولدك في بحور الشوق كتل محروم من الحب والمحنة وراك همل يا يمة يا بحر المودة وكتين يفيض يا يمة يا شعلة أمل زادت وميض ***** يا يمة يا عنقود كلام منظوم قصيد يا يمه يا نغماً حنين بالشوق يرن وأفكاري فيهو بيرتعن … دمعاتي شانو بينزلن بتذكر يا يمه في الدغش النسايمو يهبهبن ****** قايمي الصباح متكفلتي شايلي الحليلي علي المراح والساعة ديك يا دوب ديكنا بدأ الصياح والطير صغاروا يغردن جبتي اللبن بي انشراح ***** واتذكر يا يمه في وكت الهجير صالياك نار الدوكي عستيلنا الفطير رشيتي قلتي أكلوهو خير بتذكر يا يمه يا بسمة الطفل الغرير ***** وكت الخلوق ترقد تنوم وأسهر براي أرعي النجوم والشوق يرف جنحيهو بي فوق لي يحوم وأهتف باسمك في الخيال طيفك كمان بي فوقي جال وأتمني لو لحظات يدوم لكني فجأة ألقاهو زال ***** واتذكر يا يمه ساعة الناس يجونا من البلد ناعم ترابه علي جسيماتن رقد ريحة التمر فوق الهدوم ولون الخضار خانس لبد والشوق أوارو بيشتعل كان ظني فيهو يكون خمد بتذكرك يا يمة والناس قالوا راجعين البلد رصوا الهديمات عدلوا ركبوا اللواري وقبلوا خلونى وحيدى بلا انيس كيف إنفرادى إتحملوا شالوا السلام من عندى ليك وإن شاءالله عندك يوصلو يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوكي ينجينى من جور الزمان التوقيع/النور ابوكدوك |
|
|
|
|
|
|
|
| روابط دعائية |
|
|
|
|
20-05-2008, 11:59
|
#3 |
|
|
مشتاق لشوفتك لي زمن ما انتي عارفة شبابي كلو وهبتو لي حبك تمن القاك متين وحياة سنيني واتهنى بقربك زمن لمن تهيم البسمة تتفجر بسيماتك درر تلقينا في غربة وشجن تايهات قلوبنا بلا سفر اتملا بي جمرك لهيب وصبرنا من بعدك ودر من بعدك انتي بعيش منو ومين تاني مين اتمنى العمر ما اصلو ريدها اصبح حياتي من يوم فؤادي لهواها انهدى وانا عايش اقاوم في الظروف راجيها تعطف وتحن للندا ما كان محال اهديها الغرام او ابقى راهب ليها واعبدها التوقيع/النور ابوكدوك |
|
|
|
|
|
|
|
| روابط دعائية |
|
|
|
|
20-05-2008, 12:01
|
#4 |
|
|
مسامحك يا حبيبي مهما قسيت علي قلبك عارفو ابيض وكلك حسن نية وما خطرت لقلبي سلوى تحيدو عنك ما ممكن اعاتبك وياخد خاطري منك انا عارف خصامك وغضبك في كلامك ما من جوة قلبك كله على لسانك مسامحك يا حبيبي.. واسال عني طيفك وزكراك هم شهود وياما اشتقت ليك ورجيتك لو تعود وحشتني الابتسامة عيونك بي كلامها تداري في اشياقها وتفضح لغرامها مسامحك يا حبيبي.. سيان عندي عدلك وجورك عليا تكابر او تداري حبك باقي لي بترجع لي تاني وتسالي عن مكاني تجدني زي ما كنت زايد في حناني مسامحك يا حبيبي.. ظلموني القالو عني و غيرني البعاد وحيات نور جمالك زاد البي زاد واصبح شوقي اكتر حبك عندي اكبر املي في هواك نامي ولسه اخضر مسامحك يا حبيبي.. |
|
|
|
|
|
|
|
| روابط دعائية |
|
|
|
|
20-05-2008, 12:02
|
#5 |
|
|
غابت نجمـة الضيفـان واكتسـت الأرض ظلمـات حـكـايـتــا كــــــان ويــامــاكــان حـكــايــه تــشــيــب الـــولـــدان حــيـــرت الأنــــــس والـــجـــان وبـرهـنــت انــــو مــافــي امــــان رجـــــع وأد الـطـفـولــه زمـــــان زمــــن عــبــدت هــبــل ومــنــاة بـعــد لـبـسـت جـديــد فـــي جـديــد مـــرام مــرقــت تــبــارك الـعـيــد وقـــفـــت سـمـعـتـنــا نــشــيــد حــــلاة مـوبـايــلا الــفــي الـلـيــد مـــــع الـتـسـريـحـه والــبــانــدات اتـاريــهــو الــقـــدر مــنــصــوب مـسـطـر ومـافــي مــنــو هــــروب بــرغـــم رضــانـــا بـالـمـكـتــوب ده غـــــدرا مــاوراهـــو ســكـــات بـــدون إنــــذار بــــدون اســبــاب مـــرام غـدروهــا جــمــب الــبــاب مـــرام هـجـمــت عـلـيـهـا ذئــــاب طـبـاعـم مــــن شـريـعــة الــغــاب مــلاكـــا حــولــوهــو رفــــــات قــلـــوب لا رحــمـــه لا إحــســـان مـدبـجـه بــــي صــفــات شـيـطــان وظــهـــرت قـــــدرة الــرحــمــن مــحــل اسـنـانــه هــــو الإثــبــات دريــبــه عــلـــي الأرض مـنــقــوش سـريــره مـــن الـعـصــر مــفــروش معـالـمـه بـاقـيـه وســــط الــحــوش مــلابـــس الــروضـــه والـلـعـبــات بـعــد شـمــس الـعـصــاري تـغـيــب مــــرام كــانــت تــــودي تـجـيــب عـنــدهــا بـسـكـويــت وحــلــيــب فــــــي تــلاجــتــن راقــــــدات وحــيـــدة اخــوانـــا والــوالــديــن عـلـيــهــا يــخــافــوا مـتـمـنـيــن تـتــعــلــم تـــتــــم الـــديــــن ولـيــهــا يــوزعـــوا الــشــربــات يـاصـاحـبـاتـه ويـــنـــه مــــــرام ســمــاح يــادوبــو فــرهــد قــــام عـمـيــر مــاتــم خــمــس اعــــوام مـلازمــاهــا الــبـــراءه ســـمـــات عــيـــال الــروضـــه يـاسـمـحـيــن لـــمـــن جــيــتــو مـتـمـاسـكـيـن مـاشـفـتـوهـا راحــــــت ويــــــن مــــرام ســرقــت مــنــام الـعـيــن مـــرام حــرقــت حــشــا الأمــــات ولـيــه بـنـقــول مــــرام مــاجــات مرام كلما وجيهـا يلـوح تبـق جوانـا إحساسـات مرام بقت القلب والـروح سحابـه تخـدر البلـدات مرام غصـة حلـق مجـروح تقوقيهـا القميريـات مرام صفحة كتاب مفتوح يقروا الطلبـه والطالبـات مرام عصفور يئن مزبـوح مـا شفعلهـا الدمعـات مرام جزء من محمد ونوح تبارك وعـم والنازعـات مرام شربة محايه ولوح وفي ساعة المغيب بخـرات مرام دعاء للجميع مسموح بعـد ماتكمـل الصلـوات مرام حتظل سؤال مطروح جوه بيوتنـا والطرقـات مرام حتظل سؤال مطروح وسط اولادنا في الجامعات مرام حتظل سؤال مطروح موجـه للشبـاب بالـذات ليه بدت السماحـه تـروح إرث اجدادنـا والعـادات أخيـرا دايـر اجيـز الـقـول مـنـو المـسـؤول ماالكاتـل قـصـاد مكـتـول دي مـاهـا حـلـول إذا الوالـد صبـح مشـغـول مـنـو المـسـؤول ومابنقدر نلـوم زول بـس بنقـول منـو المسـؤول نقول دي ثقافة البترول وسيـف العولمـه المسلـول الديجتال مع المحمـول افـلام فاضحـه والمسكـول عموما بيوتنا في فك غول مخيف اسمـو الفضائيـات التوقيع/النور ابوكدوك |
|
|
|
|
|
|
|
| روابط دعائية |
|
|
|
|
20-05-2008, 12:02
|
#6 |
|
|
رزّاق يا كريم صلى على عجل همهم همهمة حصّن للعباد .. وهوزز سبحتو دنقر للتراب .. هم فوق هم هما صنقع لى السما وكان فى الجو فى غيم وكم نجمات بُعاد وكان الدنيى صيف لا قالتلوا كيف .. كيف أصبحت .. كيف لا لمسة وداد لا لمسة حنان لا رمشة طِريف من قلباً وفى زى أيام زمان .. أيام الدِفِى كانت ماها فِى .. كانت فى المراح شدَّتلو الحمار .. تحلب فى الغنم لى شاى الصباح والطير ما نضم .. ما رسـّل نغم عم عبدالرحيم إتوكـّل نزل .. فى المُشرَع لِقَى زُملان الشقا الجا من الجريف .. الجا من الجبل علْ الناس بخير صبّح هاظرُمْ .. نقْنقْ ناقَرُمْ غاظوهو .. ونعَل وعم عبدالرحيم ما بخَبِر زعل كل الناس هنا ما بتخبِر زعل تزعل فى شِنو .. وتزعل من منو.. كل الناس هِنا .. كل الناس صِحَابْ .. كل الناس أهَل والماهُم قُرَاب .. قرّبـُمْ العمل الطاق اليَطُقْ .. عشتْ .. آ .. أبوالزَمَل بى الحال العليك .. بى الفال .. بى الأمل عم عبدالرحيم .. كُتْ فلاح فى يوم فى إيدك تنوم .. على كيفك تقوم لا دفتر حضور .. لا حصة فطور تزرع بالقمر .. تقرع بى النجوم لكن الزمن .. دوّار .. آ .. بِدُوم عم عبدالرحيم .. ماشى على الشغل فى البال القديم .. من عار التُكل تنشايح جِراح .. كيف الغُسُل الدِنيِى أم صلاح تبدا من التُكُل من حِجـّة صباح .. فى حق المُلاح فى الغُبُن الجديد .. فى القسط القديم وبيناتِن عشم .. فى الفرج القريب أمونة الصباح .. قالتْلُو النـِّعال والطِرقى .. إنَهَرَنْ ما قالتْلُو جِيب .. شيلِن يا الحبيب غشّهِن النُقُلْتـِى والترزى القريب بس يا ام الحسن .. طقّهِن .. آ .. بِفيد .. طقّهِن .. آ .. بزيد إنطقّن زمن وإن طقّ الزمن .. لازمِك توب جديد بى أيـّاً تمَن غصباً لى الظروف .. والحال الحَرَنْ شان يا أم الرحوم .. ما تنكسفى يوم لو جاراتن جَنْ .. مارقات لى صُفاح أو بيريك نجاح ده الواجب .. إذن وأيه الدِنيِى غير .. لمّة ناس فى خير أو ساعة حُزُن عبد الرحيم يا حُر ماكا حُر يا ريت التمر .. ياريت لو يشيل كلِّ تَلاتْ .. أشـُرْ ولاّ أيام زمان كانت ما تمُر كان ماجاك هوان .. ما لاقاكى ضـُر كان لا ضِيق يضيق لا أنغرغَرْ صبر ولا شابيت غريق .. ولا طلوَحْ فقُر كان ماكان .. وكان أكسيكى دُر حيكومات تجى وحيكومات تغور بتحكم بى الحِجِى .. بى الدجل الكِجُور مرّة العسكرى .. كسـّار الجِبُور ويوم بإسم النبى .. تحكمك القبور تعرف يا صبى مرّة تلف .. تدور وللاّ تقول بَرِى .. أو تحرق بخور هِم يا الفنجرى .. يا الجرف الصبور كل السقتو ما باقى على التِمور وأرضك راقدِى بور لا تيراب وصل .. لا بابور يدور والماهية أُفْ عيشة هاك .. وكُف فى هذا الزمن .. تـُف يادنيا .. تـُف يا العَبِد الشقى ما أتعوّدْ شكى لكن الكفاف فوقك .. منتكى حالك ما بتسـُر إِلِّى كمان فى ناس فايتاك بى الصبُر ساكنين بى الإيجار .. لا طين .. لا تمُر وواحدين بى الإيجار .. ما لاقين جُحُر سِلعـتُمْ الضُراع .. والعرق اليخُر عمال المدن كلاّت الموانى الغُبُش التعانى بحّارة السُفُن حشّاشة القصوب لقاطّة القطن الجالبة الحبال الفِطن الفُرُن الشغلانتو نار والجو كيف سُخُن عيشُنْ كمّهو .. وديشُن هان قَدُر وناساً حالا زين مصنع .. مصنعين طين فى طين .. ووين ما مرابا مُر.. بارد همها لا يعرق جبين .. ولا وشاً يصُر عين والله .. عين كلها كمها .. وهمها هان قدُر فى الجنة أم نعيم .. فى الجنة أم قُصُر يا عبد الرحيم إلِّىِ ورا القبُر ويلكد فى النعال فتاح يا عليم وإن كان الفقر يا عبدالرحيم أشبه بى الكُفُر ونقرط لى الحمار نقريط الحمار .. لاتنسى النِعال الطِرقِى الخدار اللِّبِس الجديد تسريح السفر .. لى الماشى الصّعيد ماشى الدّيش .. نَفَر والبال إشتغَل بى الأبى ما يعِيد .. الحول ما أشتغل الغُبُن الشديد .. السابا ورحَل الضيق .. المحَل والفرج القريب الجا .. وما وصَل زى الحال ده يوم .. لا كان .. لا حصَل والبال إشتعَل السكة الحديد .. يا عمو القَطَر يا عبدالرحيم قِدّامك قطر ........... وسال الدم .. مطر وطارت دمعتين .. وإنشايح وتر يا طاحن الخبر ما بين القضا .. ومَرْحاكة القدر الشِّهدوا الدموم .. والدمع الهَدَر إيدُمْ فى التُراب .. والعين فى القطر عارفين الحصل عارفين فى حذر الخبر اليقين .. بوّخ .. وإنتشر أطفال القرى .. وعمال الحضَر أدوهو الطيور .. ودنّوا البحر إنصاعت سحاب وإنْدافَقْ مطر عم عبد الرحيم .. فى الشارع عَصر لى تالا اليسار متفادى الكَجر .. دورية الكجر جفّلت الحُمار .. وطلوَح زى حجر وعم عبد الرحيم .. إتلافا القطر فتاح يا عليم .. سال الدم مطر جرتق لى التُراب منشور بى كتاب روشتّة .. وجواب مفتاح أب قُراب .. أورنيقين سَهَر جنب لِبدة حُمار مقطوعين ضَهر ... عم عبد الرحيم ..يا كمِّين بشر صحِّى الموت سلام ما يغشاك شر .. |
|
|
|
|
|
|
|
| روابط دعائية |
|
| روابط دعائية |
| أدوات الموضوع | |
| طرق مشاهدة الموضوع | |
|
|
 |
 |
 |
العرض العادي
